ﺍﺭﺩﻭ ﮐﮯ ﺗﯿﻦ ﻣﺸﮩﻮﺭ ومعروف ﺷﻌﺮﺍﺀ، ﻣﺮﺯﺍ ﻏﺎﻟﺐ، ﻧﻮﺍﺏ
ﺩﺍﻍ ﺩﮨﻠﻮﯼ ﺍﻭﺭ ﻣُﻨﺸﯽ ﺍﻣﯿﺮ ﻣﯿﻨﺎﺋﯽ ﮐﯽ ﻏﺰﻟﯿﺎﺕ ﭘﯿﺶ ہیں ﺟﻮ ﺍﯾﮏ ﮨﯽ ﺯﻣﯿﻦ ﻣﯿﮟ ﮨﯿﮟ۔ ﻏﺎﻟﺐ ﮐﯽ ﻏﺰﻝ ﺗﻮ ﺍﻧﺘﮩﺎﺋﯽ ﻣﺸﮩﻮﺭ ہے جبکہ ﺩﯾﮕﺮ ﺩﻭﻧﻮﮞ ﻏﺰﻟﯿﮟ بھی ﺧﻮﺏ ﮨﯿﮟ۔
ﻏﺰﻝِ ﻏﺎﻟﺐ
ﯾﮧ ﻧﮧ ﺗﮭﯽ ﮨﻤﺎﺭﯼ ﻗﺴﻤﺖ
ﮐﮧ ﻭﺻﺎﻝِ ﯾﺎﺭ ﮨﻮﺗﺎ
ﺍﮔﺮ ﺍﻭﺭ ﺟﯿﺘﮯ ﺭﮨﺘﮯ، ﯾﮩﯽ
ﺍﻧﺘﻈﺎﺭ ﮨﻮﺗﺎ
ﺗﺮﮮ ﻭﻋﺪﮮ ﭘﮧ ﺟﺌﮯ ﮨﻢ ﺗﻮ
ﯾﮧ ﺟﺎﻥ ﺟﮭﻮﭦ ﺟﺎﻧﺎ
ﮐﮧ ﺧﻮﺷﯽ ﺳﮯ ﻣﺮ ﻧﮧ ﺟﺎﺗﮯ
ﺍﮔﺮ ﺍﻋﺘﺒﺎﺭ ﮨﻮﺗﺎ
ﺗﺮﯼ ﻧﺎﺯﮐﯽ ﺳﮯ ﺟﺎﻧﺎ ﮐﮧ
ﺑﻨﺪﮬﺎ ﺗﮭﺎ ﻋﮩﺪ ﺑﻮﺩﺍ
ﮐﺒﮭﯽ ﺗُﻮ ﻧﮧ ﺗﻮﮌ ﺳﮑﺘﺎ ﺍﮔﺮ
ﺍﺳﺘﻮﺍﺭ ﮨﻮﺗﺎ
ﮐﻮﺋﯽ ﻣﯿﺮﮮ ﺩﻝ ﺳﮯ
ﭘﻮﭼﮭﮯ ﺗﺮﮮ ﺗﯿﺮِ ﻧﯿﻢ ﮐﺶ ﮐﻮ
ﯾﮧ ﺧﻠﺶ ﮐﮩﺎﮞ ﺳﮯ ﮨﻮﺗﯽ ﺟﻮ ﺟﮕﺮ ﮐﮯ ﭘﺎﺭ ﮨﻮﺗﺎ
ﯾﮧ ﮐﮩﺎﮞ ﮐﯽ ﺩﻭﺳﺘﯽ ﮨﮯ ﮐﮧ ﺑﻨﮯ ﮨﯿﮟ ﺩﻭﺳﺖ ﻧﺎﺻﺢ
ﮐﻮﺋﯽ ﭼﺎﺭﮦ ﺳﺎﺯ ﮨﻮﺗﺎ،
ﮐﻮﺋﯽ ﻏﻤﮕﺴﺎﺭ ﮨﻮﺗﺎ
ﺭﮒِ ﺳﻨﮓ ﺳﮯ ﭨﭙﮑﺘﺎ ﻭﮦ ﻟﮩﻮ ﮐﮧ ﭘﮭﺮ ﻧﮧ ﺗﮭﻤﺘﺎ
ﺟﺴﮯ ﻏﻢ ﺳﻤﺠﮫ ﺭﮨﮯ ﮨﻮ ﯾﮧ ﺍﮔﺮ ﺷﺮﺍﺭ ﮨﻮﺗﺎ
ﻏﻢ ﺍﮔﺮﭼﮧ ﺟﺎﮞ ﮔﺴِﻞ ﮨﮯ، ﭘﮧ ﮐﮩﺎﮞ ﺑﭽﯿﮟ ﮐﮧ ﺩﻝ ﮨﮯ
ﻏﻢِ ﻋﺸﻖ ﮔﺮ ﻧﮧ ﮨﻮﺗﺎ، ﻏﻢِ ﺭﻭﺯﮔﺎﺭ ﮨﻮﺗﺎ
ﮐﮩﻮﮞ ﮐﺲ ﺳﮯ ﻣﯿﮟ ﮐﮧ
ﮐﯿﺎ ﮨﮯ، ﺷﺐ ﻏﻢ ﺑﺮﯼ ﺑﻼ ﮨﮯ
ﻣﺠﮭﮯ ﮐﯿﺎ ﺑُﺮﺍ ﺗﮭﺎ ﻣﺮﻧﺎ ﺍﮔﺮ
ﺍﯾﮏ ﺑﺎﺭ ﮨﻮﺗﺎ
ﮨﻮﺋﮯ ﻣﺮ ﮐﮯ ﮨﻢ ﺟﻮ ﺭُﺳﻮﺍ،
ﮨﻮﺋﮯ ﮐﯿﻮﮞ ﻧﮧ ﻏﺮﻕِ ﺩﺭﯾﺎ
ﻧﮧ ﮐﺒﮭﯽ ﺟﻨﺎﺯﮦ ﺍُﭨﮭﺘﺎ، ﻧﮧ
ﮐﮩﯿﮟ ﻣﺰﺍﺭ ﮨﻮﺗﺎ
ﺍُﺳﮯ ﮐﻮﻥ ﺩﯾﮑﮫ ﺳﮑﺘﺎ ﮐﮧ
ﯾﮕﺎﻧﮧ ﮨﮯ ﻭﮦ ﯾﮑﺘﺎ
ﺟﻮ ﺩﻭﺋﯽ ﮐﯽ ﺑﻮ ﺑﮭﯽ
ﮨﻮﺗﯽ ﺗﻮ ﮐﮩﯿﮟ ﺩﻭﭼﺎﺭ ﮨﻮﺗﺎ
ﯾﮧ ﻣﺴﺎﺋﻞِ ﺗﺼﻮّﻑ، ﯾﮧ ﺗﺮﺍ
ﺑﯿﺎﻥ ﻏﺎﻟﺐ
ﺗﺠﮭﮯ ﮨﻢ ﻭﻟﯽ ﺳﻤﺠﮭﺘﮯ ﺟﻮ
ﻧﮧ ﺑﺎﺩﮦ ﺧﻮﺍﺭ ﮨﻮﺗﺎ
------------------
ﻏﺰﻝِ ﺩﺍﻍ
ﻋﺠﺐ ﺍﭘﻨﺎ ﺣﺎﻝ ﮨﻮﺗﺎ ﺟﻮ
ﻭﺻﺎﻝ ﯾﺎﺭ ﮨﻮﺗﺎ
ﮐﺒﮭﯽ ﺟﺎﻥ ﺻﺪﻗﮯ ﮨﻮﺗﯽ،
ﮐﺒﮭﯽ ﺩﻝ ﻧﺜﺎﺭ ﮨﻮﺗﺎ
ﮐﻮﺋﯽ ﻓﺘﻨﮧ ﺗﺎﻗﯿﺎﻣﺖ ﻧﮧ
ﭘﮭﺮ ﺁﺷﮑﺎﺭ ﮨﻮﺗﺎ
ﺗﺮﮮ ﺩﻝ ﭘﮧ ﮐﺎﺵ ﻇﺎﻟﻢ
ﻣﺠﮭﮯ ﺍﺧﺘﯿﺎﺭ ﮨﻮﺗﺎ
ﺟﻮ ﺗﻤﮩﺎﺭﯼ ﻃﺮﺡ ﺗﻢ ﺳﮯ
ﮐﻮﺋﯽ ﺟﮭﻮﭨﮯ ﻭﻋﺪﮮ ﮐﺮﺗﺎ
ﺗﻤﮩﯿﮟ ﻣﻨﺼﻔﯽ ﺳﮯ ﮐﮩﮧ
ﺩﻭ، ﺗﻤﮩﯿﮟ ﺍﻋﺘﺒﺎﺭ ﮨﻮﺗﺎ؟
ﻏﻢِ ﻋﺸﻖ ﻣﯿﮟ ﻣﺰﮦ ﺗﮭﺎ ﺟﻮ
ﺍﺳﮯ ﺳﻤﺠﮫ ﮐﮯ ﮐﮭﺎﺗﮯ
ﯾﮧ ﻭﮦ ﺯﮨﺮ ﮨﮯ ﮐﮧ ﺁﺧﺮ،
ﻣﺌﮯ ﺧﻮﺷﮕﻮﺍﺭ ﮨﻮﺗﺎ
ﻧﮧ ﻣﺰﮦ ﮨﮯ ﺩﺷﻤﻨﯽ ﻣﯿﮟ، ﻧﮧ
ﮨﮯ ﻟﻄﻒ ﺩﻭﺳﺘﯽ ﻣﯿﮟ
ﮐﻮﺋﯽ ﻏﯿﺮ ﻏﯿﺮ ﮨﻮﺗﺎ،
ﮐﻮﺋﯽ ﯾﺎﺭ ﯾﺎﺭ ﮨﻮﺗﺎ
ﯾﮧ ﻣﺰﮦ ﺗﮭﺎ ﺩﻝ ﻟﮕﯽ ﮐﺎ ﮐﮧ
ﺑﺮﺍﺑﺮ ﺁﮒ ﻟﮕﺘﯽ
ﻧﮧ ﺗﺠﮭﮯ ﻗﺮﺍﺭ ﮨﻮﺗﺎ، ﻧﮧ
ﻣﺠﮭﮯ ﻗﺮﺍﺭ ﮨﻮﺗﺎ
ﺗﺮﮮ ﻭﻋﺪﮮ ﭘﺮ ﺳﺘﻤﮕﺮ،
ﺍﺑﮭﯽ ﺍﻭﺭ ﺻﺒﺮ ﮐﺮﺗﮯ
ﺍﮔﺮ ﺍﭘﻨﯽ ﺯﻧﺪﮔﯽ ﮐﺎ ﮨﻤﯿﮟ
ﺍﻋﺘﺒﺎﺭ ﮨﻮﺗﺎ
ﯾﮧ ﻭﮦ ﺩﺭﺩِ ﺩﻝ ﻧﮩﯿﮟ ﮨﮯ ﮐﮧ
ﮨﻮ ﭼﺎﺭﮦ ﺳﺎﺯ ﮐﻮﺋﯽ
ﺍﮔﺮ ﺍﯾﮏ ﺑﺎﺭ ﻣﻠﺘﺎ، ﺗﻮ ﮨﺰﺍﺭ
ﺑﺎﺭ ﮨﻮﺗﺎ
ﮔﺌﮯ ﮨﻮﺵ ﺗﯿﺮﮮ ﺯﺍﮨﺪ ﺟﻮ
ﻭﮦ ﭼﺸﻢِ ﻣﺴﺖ ﺩﯾﮑﮭﯽ
ﻣﺠﮭﮯ ﮐﯿﺎ ﺍﻟﭧ ﻧﮧ ﺩﯾﺘﯽ، ﺟﻮ
ﻧﮧ ﺑﺎﺩﮦ ﺧﻮﺍﺭ ﮨﻮﺗﺎ
ﻣﺠﮭﮯ ﻣﺎﻧﺘﮯ ﺳﺐ ﺍﯾﺴﺎ ﮐﮧ
ﻋﺪﻭ ﺑﮭﯽ ﺳﺠﺪﮮ ﮐﺮﺗﮯ
ﺩﺭِ ﯾﺎﺭ ﮐﻌﺒﮧ ﺑﻨﺘﺎ ﺟﻮ ﻣﺮﺍ
ﻣﺰﺍﺭ ﮨﻮﺗﺎ
ﺗﻤﮩﯿﮟ ﻧﺎﺯ ﮨﻮ ﻧﮧ ﮐﯿﻮﻧﮑﺮ،
ﮐﮧ ﻟﯿﺎ ﮨﮯ ﺩﺍﻍ ﮐﺎ ﺩﻝ
ﯾﮧ ﺭﻗﻢ ﻧﮧ ﮨﺎﺗﮫ ﻟﮕﺘﯽ، ﻧﮧ
ﯾﮧ ﺍﻓﺘﺨﺎﺭ ﮨﻮﺗﺎ
---------------------
ﻏﺰﻝِ ﺍﻣﯿﺮ ﻣﯿﻨﺎﺋﯽ
ﻣﺮﮮ ﺑﺲ ﻣﯿﮟ ﯾﺎ ﺗﻮ ﯾﺎ ﺭﺏ،
ﻭﮦ ﺳﺘﻢ ﺷﻌﺎﺭ ﮨﻮﺗﺎ
ﯾﮧ ﻧﮧ ﺗﮭﺎ ﺗﻮ ﮐﺎﺵ ﺩﻝ ﭘﺮ
ﻣﺠﮭﮯ ﺍﺧﺘﯿﺎﺭ ﮨﻮﺗﺎ
ﭘﺲِ ﻣﺮﮒ ﮐﺎﺵ ﯾﻮﮞ ﮨﯽ،
ﻣﺠﮭﮯ ﻭﺻﻞِ ﯾﺎﺭ ﮨﻮﺗﺎ
ﻭﮦ ﺳﺮِ ﻣﺰﺍﺭ ﮨﻮﺗﺎ، ﻣﯿﮟ ﺗﮧِ
ﻣﺰﺍﺭ ﮨﻮﺗﺎ
ﺗﺮﺍ ﻣﯿﮑﺪﮦ ﺳﻼﻣﺖ، ﺗﺮﮮ ﺧﻢ
ﮐﯽ ﺧﯿﺮ ﺳﺎﻗﯽ
ﻣﺮﺍ ﻧﺸﮧ ﮐﯿﻮﮞ ﺍُﺗﺮﺗﺎ،
ﻣﺠﮭﮯ ﮐﯿﻮﮞ ﺧﻤﺎﺭ ﮨﻮﺗﺎ
ﻣﺮﮮ ﺍﺗّﻘﺎ ﮐﺎ ﺑﺎﻋﺚ، ﺗﻮ ﮨﮯ
ﻣﯿﺮﯼ ﻧﺎﺗﻮﺍﻧﯽ
ﺟﻮ ﻣﯿﮟ ﺗﻮﺑﮧ ﺗﻮﮌ ﺳﮑﺘﺎ،
ﺗﻮ ﺷﺮﺍﺏ ﺧﻮﺍﺭ ﮨﻮﺗﺎ
ﻣﯿﮟ ﮨﻮﮞ ﻧﺎﻣﺮﺍﺩ ﺍﯾﺴﺎ ﮐﮧ
ﺑﻠﮏ ﮐﮯ ﯾﺎﺱ ﺭﻭﺗﯽ
ﮐﮩﯿﮟ ﭘﺎ ﮐﮯ ﺁﺳﺮﺍ ﮐﭽﮫ ﺟﻮ
ﺍﻣﯿﺪﻭﺍﺭ ﮨﻮﺗﺎ
ﻧﮩﯿﮟ ﭘﻮﭼﮭﺘﺎ ﮨﮯ ﻣﺠﮫ ﮐﻮ،
ﮐﻮﺋﯽ ﭘﮭﻮﻝ ﺍﺱ ﭼﻤﻦ
ﻣﯿﮟ
ﺩﻝِ ﺩﺍﻏﺪﺍﺭ ﮨﻮﺗﺎ ﺗﻮ ﮔﻠﮯ ﮐﺎ
ﮨﺎﺭ ﮨﻮﺗﺎ
ﻭﮦ ﻣﺰﺍ ﺩﯾﺎ ﺗﮍﭖ ﻧﮯ ﮐﮧ ﯾﮧ
ﺁﺭﺯﻭ ﮨﮯ ﯾﺎ ﺭﺏ
ﻣﺮﮮ ﺩﻭﻧﻮﮞ ﭘﮩﻠﻮﺅﮞ ﻣﯿﮟ،
ﺩﻝِ ﺑﮯ ﻗﺮﺍﺭ ﮨﻮﺗﺎ
ﺩﻡِ ﻧﺰﻉ ﺑﮭﯽ ﺟﻮ ﻭﮦ ﺑُﺖ،
ﻣﺠﮭﮯ ﺁ ﮐﮯ ﻣُﻨﮧ ﺩﮐﮭﺎﺗﺎ
ﺗﻮ ﺧﺪﺍ ﮐﮯ ﻣﻨﮧ ﺳﮯ ﺍﺗﻨﺎ ﻧﮧ
ﻣﯿﮟ ﺷﺮﻡ ﺳﺎﺭ ﮨﻮﺗﺎ
ﻧﮧ ﻣَﻠَﮏ ﺳﻮﺍﻝ ﮐﺮﺗﮯ، ﻧﮧ
ﻟَﺤَﺪ ﻓﺸﺎﺭ ﺩﯾﺘﯽ
ﺳﺮِ ﺭﺍﮦِ ﮐﻮﺋﮯ ﻗﺎﺗﻞ، ﺟﻮ
ﻣﺮﺍ ﻣﺰﺍﺭ ﮨﻮﺗﺎ
ﺟﻮ ﻧﮕﺎﮦ ﮐﯽ ﺗﮭﯽ ﻇﺎﻟﻢ، ﺗﻮ
ﭘﮭﺮ ﺁﻧﮑﮫ ﮐﯿﻮﮞ ﭼُﺮﺍﺋﯽ
ﻭﮨﯽ ﺗﯿﺮ ﮐﯿﻮﮞ ﻧﮧ ﻣﺎﺭﺍ،
ﺟﻮ ﺟﮕﺮ ﮐﮯ ﭘﺎﺭ ﮨﻮﺗﺎ
ﻣﯿﮟ ﺯﺑﺎﮞ ﺳﮯ ﺗﻢ ﮐﻮ ﺳﭽّﺎ،
ﮐﮩﻮ ﻻﮐﮫ ﺑﺎﺭ ﮐﮩﮧ ﺩُﻭﮞ
ﺍﺳﮯ ﮐﯿﺎ ﮐﺮﻭﮞ ﮐﮧ ﺩﻝ ﮐﻮ
ﻧﮩﯿﮟ ﺍﻋﺘﺒﺎﺭ ﮨﻮﺗﺎ
ﻣﺮﯼ ﺧﺎﮎ ﺑﮭﯽ ﻟَﺤَﺪ ﻣﯿﮟ، ﻧﮧ
ﺭﮨﯽ ﺍﻣﯿﺮ ﺑﺎﻗﯽ
ﺍﻧﮩﯿﮟ ﻣﺮﻧﮯ ﮨﯽ ﮐﺎ ﺍﺏ ﺗﮏ،
ﻧﮩﯿﮟ ﺍﻋﺘﺒﺎﺭ ﮨﻮﺗﺎ
No comments:
Post a Comment