علمائے کرام کے القابات بن گئے نام کا حصہ

ایس اے ساگر
مبلغ اسلام  بڑے حضرت جی محمد الیاس کاندھلوی رحمہ اللہ علیہ  کی قائم کردہ تحریک ایمانی 1926 کے دوران ایسی محنت وجود میں آئی کہ ہر مکتبۂ فکر کے لوگ جڑتے چلے گئے.
علمائے کرام کی توقیر  :
اسے میوات کے باشندگان کا طرز تخاطب سمجھ لیجیئے کہ احترام میں نہ صرف  'جی' کا رواج عام ہوتا چلا گیا بلکہ دیگر علمائےکرام کی قدر ومنزلت میں بھی اضافہ ہوا .اس طرح دعوت و تبلیغ کے نام سے معروف کام کی برکتیں کسی سے مخفی نہیں  رہیں. بڑے حضرت جی مولانا الیاس صاحب کاندھلوی رحمہ اللہ نے فرمایا کہ لوگ میری تبلیغ کی برکت دیکهکر یہ سمجھتے ہیں کہ کام ہو رہا ہے حالانکہ کام اور چیز ہے اور برکت اور چیز ہے دیکھو رسول اکرم صلی اللہ علیہ وسلم کی ولادت شریفہ ہی سے برکت کا تو ظہور ہونے لگا تها مگر کام بہت بعد میں شروع ہوا اسی طرح یہاں سمجھو میں سچ کہتا ہوں کہ ابھی تک اصلی کام شروع نہیں ہوا جس دن کام شروع ہو جائے گا تو مسلمان سات 700 سو برس پہلے کی حالت کی طرف لوٹ جائیں گے اور اگر کام شروع نہ ہوا بلکہ اسی حالت پر رہا جس پر اب تک ہے اور لوگوں نے اس کو منجملہ تحریکات کے ایک تحریک سمجھ لیا اور کام کرنے والے اس راہ میں بچل گئے تو جو فتنے صدیوں میں آتے وہ مہینوں میں آجائیں گے اس لئے اس کو سمجھنے کی ضرورت ہے.
نام کا بن گیا جز :
آج یہ برصغیر ہند،پاک کے علاوہ دیگر کئی ممالک میں بھی سرگرم ہے۔اس کے ساتھ ہی ہندوستان کے مشاہیر علمائےکرام کے القابات میں حضرت جی کا اضافہ ہوگیا.بنگلہ والی مسجد، مرکز نظام الدین میں مولانا محمد یوسف رحمہ اللہ علیہ، مولانا انعام الحسن رحمہ اللہ علیہ کے بعد آج مولانا محمد سعد کاندھلوی مدظلہ العالی بھی اسی لقب سے پکارے جاتے ہیں‌. گویا حضرت جی انکے نام جزء بن گیا ہے.
اسی طرح دیگر اکابرین کے القابات بھی زبان زد عام ہوچکے ہیں.
دیگر مشاہیر علمائےکرام :
مسندالہند۔۔۔۔۔۔۔حضرت مولانا شاہ ولی اللہ محدث دہلوی رحمہ اللہ علیہ

حجۃالاسلام۔۔۔۔۔۔۔ حضرت مولانا محمد قاسم نانوتوی رحمتہ اللہ علیہ، بانی دارالعلوم دیوبند
قطب القطاب ۔۔۔۔۔حضرت مولانا رشید احمد گنگوہی رحمہ علیہ
شیخ الہند۔۔۔۔۔۔ حضرت مولانامحموحسن دیوبندی رحمہ اللہ علیہ
شیخ الاسلام۔۔۔۔۔۔ حضرت مولانا سیدحسین احمد مدنی رحمہ اللہ علیہ
اسیرمالٹا۔۔۔۔۔۔۔۔۔حضرت مولانا عبیداللہ سندھی رحمہ اللہ علیہ
فخرالاسلام۔۔۔۔۔۔۔۔حضرت مولانا محمد احمد قاسمی نانوتوی رحمتہ اللہ علیہ
امیر شریعت۔۔۔۔۔۔۔حضرت مولانا سید عطاءاللہ شاہ بخاری رحمۃ اللہ علیہ
رئیس الاحرار۔۔۔۔۔۔۔ حضرت مولانا محمدعلی جوہر رحمہ اللہ علیہ
امام الہند۔۔۔ حضرت مولانا ابوالکلام آزاد رحمہ اللہ علیہ
رئیس المتعزلین۔۔۔۔۔۔۔۔ حضرت مولانا حسرت علی موہانی رحمہ اللہ علیہ
شیر پنجاب۔۔۔۔۔۔۔حضرت مولانا حبیب الرحمان لدھیانوی رحمہ اللہ علیہ
مجاہد ملّت۔۔۔۔۔۔۔۔ حضرت مولانا حفظ الرحمان سیوہاری رحمہ اللہ علیہ
ظفرالملک۔۔۔۔۔۔۔۔۔حضرت مولانا محمد اسحاق علویؒ
ملٌا۔۔۔۔۔۔۔۔۔۔حضرت مولانا نظام الدین محمد فرنگی محلی رحمہ اللہ علیہ
بحرالعلوم۔۔۔۔۔۔۔۔ حضرت مولانا عبدالعلی فرنگی محلی رحمہ اللہ علیہ
مبلغ اسلام۔۔۔۔۔۔۔۔حضرت مولانا محمد الیاس کاندھلوی رحمہ اللہ علیہ
حکیم الامت۔۔۔۔۔۔۔ حضرت مولانا شاہ اشرف علی تھانوی رحمہ اللہ علیہ
علٌامہ۔۔۔۔۔۔۔۔۔حضرت مولانا محمد شبلی صاحب نعمانیؒ
شمس العلماء۔۔۔۔۔۔۔۔ حضرت خواجہ الطاف حسین حالی رحمہ اللہ علیہ
امام اہلسنت۔۔۔۔۔۔ حضرت مولانا محمد عبدالشکور  فاروقی رحمہ اللہ علیہ
حکیم الاسلام۔۔۔۔۔۔۔ حضرت مولانا قاری محمد طیب قاسمی رحمہ اللہ علیہ
مفکراسلام۔۔۔۔۔۔۔ حضرت مولانا سید ابوالحسن علی ندوی رحمہ اللہ علیہ
فقیہ الامت۔۔۔۔۔۔۔حضرت مولانا مفتی محمودالحسن گنگوہی رحمہ اللہ علیہ
شیخ الحدیث۔۔۔۔۔۔۔۔۔۔حضرت مولانا محمد زکریا مہاجر مدنی رحمہ اللہ علیہ
عارف باللہ۔۔۔۔۔۔۔حضرت مولانا قاری سید صدیق احمد باندوی رحمہ اللہ علیہ
محی السنہ۔۔۔۔۔۔۔ حضرت مولانا شاہ ابرارالحق ہردوئی رحمہ اللہ علیہ
فدائے ملت۔۔۔۔۔۔۔۔۔۔حضرت مولانا سید اسعد مدنی رحمہ اللہ علیہ
..