ایک امتی بھی قادیانی ہوگیا تو؟ سلسلہ نمبر 1794

ایک امتی بھی قادیانی ہوگیا تو؟

سلسلہ نمبر 1794 

........

مفتی صاحب
"حضور خاتم النبيين صلی اللہ علیہ و سلم کا ایک امتی بھی قادیانی ہوگیا تو ہم سے پوچھا جائے گا کہ قادیانیوں نے اس کے ایمان پر ڈاکہ ڈالاتھا........ تم نے اس کا ایمان بچانے کی فکر کیوں نہ کی تھی؟
(شیخ الحدیث حضرت مولانا زکریا کاندھلوی مہاجر مدنی نوّراللہ مرقدہ)"
اسی طرح موصول ہوا ہے
برائے تائید پیش خدمت ہے.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
الجواب وباللہ التوفیق:

 

حضرت مولانا محمد زکریا سہارنپوریؒ

شیخ الحدیث حضرت مولانا محمد زکریا سہارنپوریؒ کی علمی و دینی خدمات سے کون ناواقف ہے۔ ایک دفعہ انھوں نے پیپلز کالونی فیصل آباد میں عالمی مجلس تحفظ ختم نبوت کے ناظم اعلیٰ حضرت مولانا محمد علی جالندھریؒ سے گفتگو کرتے ہوئے فرمایا:
’’مرزا قادیانی کے دماغ و زبان کی مہار شیطان نے تھام رکھی تھی اور وہ مرزا قادیانی کو منہ زور گھوڑے کی طرح جھوٹ کی وادیوں میں دوڑاتا تھا۔ ہر قدم پر جھوٹ تیار کرنا اور پھر سب سے پہلے اس کا خود بے دریغ استعمال کرنا، اس کا وتیرہ تھا۔ ہمارے اکابر نے اپنی ایمانی و وجدانی کیفیات سے سرشار ہو کر اس کا تعاقب کیا۔ حضرت گنگوہیؒ سے لے کر حضرت مولانا سید انور شاہ کشمیریؒ تک اور پھر حضرت سید عطاء اللہ شاہ بخاریؒ سے لے کر آپ (مولانا محمد علی صاحب جالندھری کو مخاطب کرکے) تک سبھی حضرات نے امت کی اس فتنہ کے خلاف راہنمائی نہ فرمائی ہوتی تو اس فتنہ کے بڑھنے کے بہت اسباب تھے۔ آپ نے ان کے سامنے دیوارِ چین کھڑی کردی ہے لیکن مولانا (محمد علی جالندھری) دیکھیں یہ بڑی ذمہ داری کا کام ہے۔ حضور علیہ السلام کا ایک امتی بھی قادیانی ہو گیا تو ہم سے پوچھا جائے گا کہ قادیانیوں نے اس کے ایمان پر ڈاکا ڈالا تھا، تم نے اس کا ایمان بچانے کی فکر کیوں نہ کی تھی؟‘‘

http://www.khatm-e-nubuwwat.org/LeafLet/text/6Kadyaniyat-hamari-nazar-mayn/06-04.htm
اسی طرح یہ روایت ملتی ہے
بظاہر صحیح ہی ہے
واللہ اعلم
ختم نبوت پیج پاکستان پہ یہ موجود ہے

شکیل منصور القاسمی 
16 شعبان 1439 ہجری