Thursday 18 February 2016

عناصر میں ظہور ترتیب

ایس اے ساگر

الا ماشآ اللہ آج کل لاڈ پیار میں بچوں کو بگاڑا جارہا ہے. عجیب بات تو یہ ہے کہ سرپرستوں کو اس کا احساس بھی نہیں کہ وہ کیا کررہے ہیں بلکہ ایسے لوگ اپنے آپ کو تسلی دیتے ہیں کہ بڑا ہوکر بچہ راہ راست پر آجائے گا. خوش فہمی کے شکار ایسے لوگوں کو کون سمجھائے کہ اگر بنیاد ٹیڑھی ہو جاۓ تو اس پر تعمیر ہونے والی عمارت بھی ٹیڑھی ہی ہوگی ۔۔ اس لۓ شروع ہی سے اخلاق حسنہ سے اپنی اولاد کو مزیّن کرنا چاہئے ورنہ پچھتاوے کے سوا بھلا کیا ہاتھ آئے گا!

1. جب پیدا ہو تو اس کے دائیں کان میں اذان اور بائیں کان میں تکبیر کہنا ۔۔
                             ﴿  ترمذی ج ۱  ص/ ۲۷۸  ﴾

شیخ الحدیث حضرت مولانا زکریا سہارنپوری رحمۃاللہ علیہ لکھتے ہیں کہ
بچے کے کان میں ولادت کے بعد جو اذان ہوتی ہے اور نماز جنازہ بلا اذان ہوتی ہے، علماء نے لکھا ہے کہ وہ اذان اس نماز (جنازہ) کی ہوتی ہے۔ علماء فرماتے ہیں کہ اس سے سمجھ لینا چاہئے کہ مدت عمر اذان سے لے کر نماز تک غنیمت سمجھو اور جو کچھ کرنا ہو اس مدت میں کر لو۔
(تقریر بخاری شریف ج 1 ص 37)

2. کسی بزرگ سے چھوہارا چبوا کر بچے کے منہ میں ڈالنا یا چٹانا اور دعا کرانا ۔۔
                         ﴿  بخاری   ج۲ ص/۸۲۰  ﴾

3. جب بچہ سات روز کا ہوجائے تو اس کا اچھا سا نام رکھنا ۔۔
                              ﴿  ابوداؤد  ج۲ ص/ ۳۶  ﴾

4. اللہ توفیق دے تو ساتویں روز بچہ کا سر مونڈ کر بالوں کے وزن کے برابر چاندی خیرات کرنا ۔۔
                           ﴿  ترمذی  ج ۱  ص/ ۲۷۸  ﴾

5. سر مونڈنے کے بعد بچے کے سر میں زعفران لگانا ۔۔
                             ﴿  ابوداؤد  ج۲ ص/ ۳۷  ﴾

6. ساتویں روز عقیقہ  کرنا،اگر ساتویں روز نہ عقیقہ نہ کرسکو تو چودھویں روز ورنہ اکیسویں روز کردے ۔۔۔
                             ﴿  ابوداؤد  ج ۲  ص/ ۲۶  ﴾

7. لڑکے کے عقیقہ میں دو بکرے یا دو بکری اور لڑکی کے عقیقہ کے لئے ایک بکرا یا ایک بکری ذبح کرنا ۔۔۔
                         ﴿  ترمذی  ج  ۱  ص/ ۲۷۸  ﴾

8. عقیقہ کا گوشت کچا یا پکا کر تقسیم کیا جاسکتا ہے ۔۔
                           ﴿  بہشتی زیور  ح۶ ص/ ۱۲  ﴾

8. امام احمد بن حنبل رحمۃ اللہ علیہ فرماتے ہیں کہ
، ابو عبداللہ نے فرمایا کہ اگر ساتویں دن ختنہ کردیا جاۓ تو اس میں کوئی حرج نہیں ۔۔
                         ﴿  زادالمعاد  ج۲ ص/۳۲۱ ﴾

9. جب بچہ بولنے لگے تو اس کو سب سے پہلے کلمہ توحید  لاالہ الااللہ سکھاۓ ۔۔
                     ﴿  زادالمعاد   ج۲ ص/۳۲۱ ﴾

10. جب بچہ سات برس کا ہوجائے تو اسے نماز اور دین کی باتیں سکھانا ۔۔
                               ﴿  مشکوٰۃ   ج ۱ ص/ ۵۸ ﴾

11. جب بچہ دس برس کا ہوجائے تو سختی سے ڈانٹ کر نماز پڑھوانا ۔۔۔ اور ضرورت پیش آئے تو سزا دینا تاکہ نماز کا عادی ہوجائے ۔۔
                             ﴿  مشکوٰۃ   ج ۱ ص/ ۵۸ ﴾

موت کے بعد تیجہ ، دسواں ، چالیسواں منانے کی شرعا کوئی اصل نہیں ہے یہ محض ایک رسم اور بدعت ہے اور  ایسی دعوت کو قبول نہیں کرنی چاہئے. تفصیل کیلئے بہشتی زیور کا مطالعہ کیا جائے.

معرفۃ العلوم ص/۳۷۷

No comments:

Post a Comment