ربیع الثانی کا چاند

ایس اے ساگر 

14 دسمبر کی رات شہابوں کی بارش Geminid Meteor Shower اپنے عروج پر تھی. دنیا بھر سے فوٹو گرافروں نے اس کی تصاویر لیں. زیر نظر تصویر منگولیا سے ایک ماہر فوٹوگرافر کی عمدہ تصویر ہے جو اس سال کی شہابوں کی بارش کی سب سے زیادہ مشہور ہونے والی تصویر ہے. تصویر کاپی رائٹ: Yin Hao
ماخوذ:  APOD
https://apod.nasa.gov/apod/ap171215.html ہیں.

شہابوں کی بارش کیا ہے؟

'رویت ہلال' کے ماہرین کے مطابق پیر 29 ربیع الاول 18 دسمبر کو ہند،پاک میں ربیع الثانی کا چاند نظر آنے کا امکان نہیں ہے. ربیع الثانی کے چاند کی پیدائش عالمی معیاری وقت کے مطابق بروز پیر 18 دسمبر 2017 کو 6:30 GMT/UT پر اور ہندوستان میں 12 بجے جبکہ پاکستانی معیاری وقت کے مطابق پیر کی صبح 11:30 پر ہوگی۔ ربیع الثانی کے چاند کی مکمل تفصیلی رپورٹ اس لنک پر میسر ہے:
http://www.dailyislam.pk/epaper/daily/2017/december/17-12-2017/frontpage/07.html
سورج اور چاند کے ایک سیدھ میں آجانے کا وقت ولادت قمر (چاند کی پیدائش) "New Moon "یا اجتماع شمس و قمر Conjunction کہلاتا ہے اور اس حالت کو ’حالت محاق‘ کہا جاتا ہے۔ ولادت قمر کے بعد گزرنے والا وقت ’چاند کی عمر‘ کہلاتا ہے. عین ولادت کے وقت چاند کی عمر صفر ہوتی ہے۔ ولادت قمر کے وقت چاند کا جو نصف تاریک حصہ ہماری طرف ہوتا ہے، ہمیشہ وہی حصہ زمین کی طرف رہتا ہے، اس کا روشن نصف حصہ ہمارے بالمقابل دوسری جانب ہوتا ہے اسی وجہ سے چاند ہمیں نظر نہیں آتا. یہ اجتماع ہر قمری ماہ کے آخری ایک دو دن میں ہوتا ہے. چاند یکم کے بعد آہستہ آہستہ آفتاب سے بطرف مشرق دور ہوتا جاتا ہے تو ہمیں اس کا چمکتا ہوا کنارہ نظر آتا ہے، وہی کنارہ ’ہلال‘ کہلاتا ہے۔ پھر اس کے روشن حصے کی مقدار بڑھتی جاتی ہے یہاں تک کہ وہ چودھویں کا چاند بن جاتا ہے، پھر گھٹنے لگتا ہے، یہی صورت حال ہر مہینے رہتی ہے۔
ضروری وضاحت:
نئے چاند کے نظر آنے کے لئے دو بنیادی شرائط ہیں:
۱۔ چاند کی ولادت ہوچکی ہو۔
۲۔ چاند افق پر موجود ہو۔
اگر چاند کی ولادت ہی نہیں ہوئی یا چاند غروب ہوگیا ہو تو ایسی صورت میں اسے دیکھنے کا دعوٰی باطل ہے۔
ولادت قمر کے بعد اگر چاند افق پر موجود ہو تو وہ برہنہ آنکھ Naked Eye سے نظر آنے کے قابل کب ہوگا؟؟ اس بارے میں ماہرین فلکیات کی آرا مختلف ہیں۔
تمام ماہرین فلکایت کے الگ الگ معیارات Standards ہیں جن کو پیش نظر رکھ کر چاند نظر آنے کی پیش گوئی کی جاتی ہے اسی طرح پوسٹ کے نقشے میں دیا گیا یہ مشاہداتی قوس Visibility Curve بھی مشہور ماہر فلکیات اور Moonsighting.com کے بانی جناب خالد شوکت صاحب کے معیار اور تحقیق کے مطابق بنایا گیا ہے اسی طرح دیگر ماہرین فلکیات کے بھی اس طرح کے نقشے مل جاتے ہیں جن میں الگ الگ علاقوں میں چاند کے احوال کی پیش گوئی کی جاتی ہے۔

چاند کے برہنہ آنکھ سے نظر آنے کے ماہرین کے ڈیڑھ درجن سے زائد معیارات جامعہ الرشید کے شعبہ فلکیات کے رئیس مولانا سلطان عالم صاحب نے اپنی کتاب ’تسہیل رویت ہلال‘ میں صفحہ نمبر 55 میں ذکر کئے ہیں۔
ربیع الثانی کی فضیلت:

بعض کے مطابق اس مہینے کی فضیلت کے متعلق حدیث کی کسی کتاب میں کوئی  ذِکر نہیں ملتا۔ شیخ عبد الحق دہلوی رحمۃ اللہ تعالٰی علیہ نے اپنی کتاب ''ما ثبت بالسنہ'' میں لکھا ہے کہ:

''اس ماہ میں شیخ عبد القادر جیلانی رحمۃ اللہ تعالٰی علیہ کی وفات ہوئی تھی، اور ان کا عرس ۹ تاریخ کو ہوتا ہے اور مشہور گیارہویں تاریخ ہے.'' 

یہ لکھنے کے بعد انھوں نے عرس کے استحسان کا ذِکر کیا ہے۔ لیکن مسلمان عالم یا صوفی کے کسی مہینہ میں فوت ہونے سے اس مہینے کی فضیلت ثابت نہیں ہوسکتی۔ اگر یہ بات ہوتی تو جن مہینوں میں نبی کریم صلی اللہ علیہ و سلم، آپ صلی اللہ علیہ و سلم کے خلفائے راشدین اور آپ کے صحابہ کرام رضی اللہ تعالیٰ عنہم کی وفات ہوئی۔ جن مہینوں میں ائمہ اہل بیت اور دوسرے صالحین اور اولیا اللہ رحمہم اللہ فوت ہوئے، ان سب مہینوں کو افضل ہونا چاہئے حالانکہ اس امر کے متعلق کسی آیت، حدیث یا کسی امام مجتہد کے قول سے معمولی سا بھی ثبوت نہیں ملتا. اگر مشائخ میں سے کسی کی طرف ایسا قول منسوب کیا جاتا ہے تو وہ حجت نہیں ہو سکتا دیگر غیر شرعی رسوم کی طرح عرس بھی ایک رسم ہے اور یہ رسم ایک ایسی بدعت ہے، جس کی قیامت کے روز باز پرس ہو گی، شاہ ولی اللہ محدثؒ دہلوی اپنے وصیت نامہ میں تحریر فرماتے ہیں:
''نسبت صوفیہ غنیمت کبری است در سوم ایشاں ہیچ نمے ارزو'' 
ایسی رسوم کی کوئی اہمیت نہیں۔
اہم واقعات:
٭ واقعہ یرموک۔۔۔۔۔۔١٥ھ ٭ تعمیر بصرہ۔۔۔۔۔۔١٦ھ ٭ واقعہ نہاوند۔۔۔۔۔۔٢١ھ ٭ فتح طرابلس ۔۔۔۔۔۔ ٢٢ھ ٭ وفات ابو درداء رضی اللہ تعالی عنہ ۔۔۔۔۔۔٣٢ھ ٭ وفات اشعث کندی رضی اللہ تعالی عنہ ۔۔۔۔۔۔٤٠ھ ٭ تکمیل فتح سوڈان ۔۔۔۔۔۔ ٤٣ھ ٭ وفات کعب بن مالک ۔۔۔۔۔۔٥٠ھ ٭ سمر قند کا محاصرہ۔۔۔۔۔۔٥٦ھ ٭ وفات عبید اللہ بن زیاد۔۔۔۔۔۔٦٧ھ ٭ وفات عبداللہ بن العباص رضی اللہ تعالی عنہ ۔۔۔۔۔۔٦٨ھ ٭ وفات عاصم بن عمر فاروق رضی اللہ تعالی عنہ ۔۔۔۔۔۔ ٧٠ھ ٭ وفات الاحنف۔۔۔۔۔۔٧٢ھ ٭ وفات سلمہ بن الاکوع۔۔۔۔۔۔٧٤ھ ٭ وفات عبداللہ بن جعفر طیار رضی اللہ تعالی عنہ۔۔۔۔۔۔٨٠ھ ٭ عراق میں بغاوت۔۔۔۔۔۔٨٣ھ ٭ فتح ارمینیا۔۔۔۔۔۔٨٥ھ ٭ فتح صاغان ۔۔۔۔۔۔ ٨٦ھ ٭ فتح صغد۔۔۔۔۔۔٨٨ھ ٭ وفات خارجہ بن زید رضی اللہ تعالی عنہ ۔۔۔۔۔۔١٠٠ھ ٭ وفات یزید بن ابی مسلم ثقفی ۔۔۔۔۔۔ ١٠٢ھ ٭ جنگ بہرزان۔۔۔۔۔۔١٠٤ھ ٭ وفات فاطمہ بنتِ حسن رضی اللہ تعالی عنہ ۔۔۔۔۔۔١٠٥ھ ٭ وفت طاؤس بن کیسان۔۔۔۔۔۔١٠٦ھ ٭ وفات عدی بن ثابت المضر۔۔۔۔۔۔١١٦ھ ٭ وفات حماد الکوفی علیہ الرحمۃ ۔۔۔۔۔۔ ١٢٠ھ ٭ مروان کی فتح اور تومان شاہ کی شکست۔۔۔۔۔۔١٢١ھ ٭ وفات خلیفہ ہشام ، خلافت ولید ثانی ۔۔۔۔۔۔ ١٢٥ھ ٭ السفاح کے ہاتھ پر بیعت خلافت عباسیہ کی ابتداء ۔۔۔۔۔۔١٣٢ھ ٭ وفات عبداللہ بن طاؤس ۔۔۔۔۔۔ ١٣٣ھ ٭ موسیٰ بن کعب سندھ آیا۔۔۔۔۔۔١٣٤ھ ٭ وفات عطاء خراسانی۔۔۔۔۔۔١٣٥ھ ٭ وفات خالد بن یزید المصری۔۔۔۔۔۔١٣٩ھ ٭ ادریس بانی دولت ادریسی مرکش آیا ۔۔۔۔۔۔١٤٦ھ ٭ وفات ابن جریح الرومی۔۔۔۔۔۔١٥٠ھ ٭ وفات عباد الناجی۔۔۔۔۔۔١٥٢ھ ٭ افریقہ میں اباضیوں کا استصال۔۔۔۔۔۔١٥٤ھ ٭ وفات امیر یزید بن ابی صفرہ۔۔۔۔۔۔١٧١ھ ٭ وفات امام مالک علیہ الرحمۃ۔۔۔۔۔۔١٧٩ھ ٭ وفات قاضی ابو یوسف ۔۔۔۔۔۔١٨٢ھ ٭ قتل ہرشمہ۔۔۔۔۔۔٢٠٠ھ ٭ ظہور بابک خرمی۔۔۔۔۔۔٢٠١ھ ٭ وفات حسن بن زیادہ اللوٹوی ، تلمیذ امام اعظم ابو حنیفہ۔۔۔۔۔۔٢٠٤ھ ٭ وفات روح بن عبادہ۔۔۔۔۔۔٢٠٥ھ ٭ مکہ مکرمہ میں سیلاب آیا۔۔۔۔۔۔٢٠٨ھ ٭ وفات سعید بن زید اللغوی۔۔۔۔۔۔٢١٥ھ ٭ وفات بشر المریسی۔۔۔۔۔۔٢١٨ھ ٭ وفات فضل بن وکین۔۔۔۔۔۔٢١٩ھ ٭ وفات ابو عبدالرحمں القعبنی۔۔۔۔۔۔٢٢١ھ ٭ وفات صدقہ المروزی۔۔۔۔۔۔٢٢٣ھ ٭ وفات ابو بکر بن ابی شنبہ۔۔۔۔۔۔٢٣٥ھ ٭ وفات عبدالرحمن الثانی و حکومت محمد الاول الاموی۔۔۔۔۔۔٢٣٨ھ ٭ طپریہ میں شدید زلزلہ۔۔۔۔۔۔٢٣٩ھ ٭ وفات ابو عثمان المازنی۔۔۔۔۔۔٢٤٧ھ ٭ وفات المنتصر و خلافت المستعین۔۔۔۔۔۔٢٤٨ھ ٭ وفات حافظ اسحق بن بہلول التنوخی۔۔۔۔۔۔٢٥٢ھ ٭ وفات حافظ ابو بکر احمد الرمادی۔۔۔۔۔۔٢٦٥ھ ٭ زنگیوں کا واسطہ پر قبضہ۔۔۔۔۔۔٢٦٧ھ ٭ المعتمد اور الموفق میں شدید اختلاف۔۔۔۔۔۔٢٢٩ھ ٭ وفات العباس العذری البیرونی۔۔۔۔۔۔٢٧٠ھ ٭ وفات ابو العنیا ء الیصری۔۔۔۔۔۔٢٨٢ھ ٭ وفات الولید البحتری امیر الشعرائ۔۔۔۔۔۔٢٨٤ھ ٭ وفات المعتضد و خلافت المکتفی۔۔۔۔۔۔٢٨٩ھ ٭ وفات ثعلب النحوی۔۔۔۔۔۔٢٩١ھ ٭ صرف ایک دن کیلئے عبداللہ المترضیٰ خلیفہ ہوا۔۔۔۔۔۔٢٩٦ھ ٭ ابتداء دولت فاطمیہ (عبیدیہ)۔۔۔۔۔۔٢٩٧ھ ٭ وفات عبداللہ الاموی امیر اندلس ۔۔۔۔۔۔٣٠٠ھ ٭ وفات مفضل جنبی۔۔۔۔۔۔٣٠٨ھ ٭ رومیوں نے ملطیہ پر قبضہ کیا ۔۔۔۔۔۔٣١٤ھ ٭ وفات حافظ ابو نعیم الفقی ہ ۔۔۔۔۔۔ ٣٢٣ھ ٭ وفات ابن زیاد الینا پوری۔۔۔۔۔۔٣٢٤ھ ٭ سیف الدلہ بن حمدان بادشاہ ہوا۔۔۔۔۔۔٣٣٥ھ ٭ وفات ابو العباس الاثرم۔۔۔۔۔۔٣٣٦ھ ٭ وفات عماد الدولہ الدیلمی۔۔۔۔۔۔٣٣٨ھ و٭ وفات قاسم بن الاضبع القربی۔۔۔۔۔۔٣٤٠ھ ٭ رومیوں کی شکست ۔۔۔۔۔۔٣٤٣ھ ٭ وفات ابو الحسن بن علان الخرانی۔۔۔۔۔۔٣٥٥ھ ٭ وفات ابو علی القالی صاحب الامالی۔۔۔۔۔۔٣٥٦ھ ٭ وفات ابو الحسنبن القطلان ۔۔۔۔۔۔٣٥٩ھ ٭ وفات ابن العمید الوزیر۔۔۔۔۔۔٣٦٠ھ ٭ وفات المغر الفاطمی العیدی۔۔۔۔۔۔٣٦٥ھ ٭ وفات رفاء الشاعر۔۔۔۔۔۔٣٧٠ھ ٭ شرف الدولہ بر سر اقتدار آیا۔۔۔۔۔۔٣٧٦ھ ٭ وفات جوہر العقلی ۔۔۔۔۔۔٣٨١ھ ٭ وفات زاہد الوالفتح القواس۔۔۔۔۔۔٣٨٥ھ ٭ وفات میر ابو الدواد العقیلی ۔۔۔۔۔۔ ٣٨٧ھ ٭ وفات صاحب الصحاح الجوہری۔۔۔۔۔۔ ٣٩٣ھ ٭ وفات ابو الحسن بن القصار۔۔۔۔۔۔٣٩٧ھ ٭ وفات ابن ابی زمینن الالبیری۔۔۔۔۔۔٣٩٩ھ ٭ وفات الحجہ عمرو بن المکوی الاندلسی۔۔۔۔۔۔٤٠١ھ ٭ وفات ابن الیخار النحوی۔۔۔۔۔۔٤٠٢ھ ٭ وفات بہاؤ الدولہ الدیلمی۔۔۔۔۔۔٤٠٣ھ ٭ وفات ابو عبدالرحمن السلمی صاحب طبقات الصوفیہ۔۔۔۔۔۔٤١٢ھ ٭ وفات ابو الحسن التہامی الشاعری۔۔۔۔۔۔٤١٦ھ ٭ وفات ابو حازم المسعودی ۔۔۔۔۔۔ ٤١٧ھ ٭ وفات عبدالرحیم بن العجوز المغربی۔۔۔۔۔۔٤٢٠ھ ٭ وفات سلطان محمود غزنوی۔۔۔۔۔۔٤٢١ھ ٭ وفات ابو الحسن النعیمی۔۔۔۔۔۔٤٢٣ھ ٭ وفات ابو ابکر المنینی۔۔۔۔۔۔٤٢٦ھ ٭ وفات ابو علی الہاشمی ۔۔۔۔۔۔ ٤٢٨ھ ٭ وفات المعتمد الاشبیلی۔۔۔۔۔۔٤٣٣ھ ٭ وفات ابو محمد القیس۔۔۔۔۔۔٤٣٧ھ ٭ وفات معتمد الدولہ امیر موصل۔۔۔۔۔۔٤٤١ھ ٭ وفات حافظ ابن زنجویہ۔۔۔۔۔۔٤٤٧ھ ٭ وفات ابن الترجمان الصوفی۔۔۔۔۔۔٤٤٨ھ ٭ دجلہ میں سیلاب ، شہر غرق ہوگیا۔۔۔۔۔۔٤٥٤ھ ٭ وفات ابو یعلی الصابولی۔۔۔۔۔۔٤٥٥ھ ٭ وفات ابن سیدہ اللغوی۔۔۔۔۔۔٤٥٨ھ ٭ وفات ابن عبدالبر القرطبی۔۔۔۔۔۔٤٦٣ھ ٭ وفات ابن حیوس الغنوی۔۔۔۔۔۔٤٦٦ھ ٭ وفات ابو بکر الخیاط۔۔۔۔۔۔٤٦٧ھ ٭ وفات عبدالقاہر الجرحانی النحوی۔۔۔۔۔۔٤٧١ھ ٭ وفات ذدالوزارین المہدی۔۔۔۔۔۔٤٧٧ھ ٭ وفات ابو اسحق المجبال۔۔۔۔۔۔٤٨٢ھ ٭ انطاکیہ اور حمص پر صلیبی قبضہ ۔۔۔۔۔۔٤٩١ھ ٭ وفات عمید الدولہ ابو منصور الوزیر۔۔۔۔۔۔٤٩٣ھ ٭ وفات محمد بن عبدالسلام الہزار۔۔۔۔۔۔٤٩٨ھ ٭ قتل سیف الدولہ صدقہ بانی شہر حلہ۔۔۔۔۔۔٥٠١ھ ٭ وفات ابو القاسم الریفی۔۔۔۔۔۔٥٠٢ھ ٭ طرابلس پر فرنگیوں کا قبضہ۔۔۔۔۔۔٥٠٣ھ ٭ وفات خلیفہ المستظہر باللہ العباسی و خلافت المسترشد۔۔۔۔۔۔٥٢١ھ ٭ وفات علامہ ابو الوفاء الطفری صاحبِ کتاب الفنون۔۔۔۔۔۔٥١٣ھ ٭ شہادت ابو علی بن فیرہ الاندلسی۔۔۔۔۔۔٥١٤ھ ٭ وفات ابو نعیم الحداد۔۔۔۔۔۔٥١٧ھ ٭ وفات ابو احسن بن القراء الموصلی ۔۔۔۔۔۔٥١٩ھ ٭ فرنگیوں سے جنگ۔۔۔۔۔۔٥٢٣ھ ٭ وفات ابو محمد بن الاکفانی۔۔۔۔۔۔٥٢٤ھ ٭ وفات تاج الملوک دمشقی۔۔۔۔۔۔٥٢٦ھ ٭ وفات ابو بکر بن الصایغ الفلیسوف۔۔۔۔۔۔٥٣٣ھ ٭ وفات اسمٰعیل البوشیخی۔۔۔۔۔۔٥٣٦ھ ٭ وفات عمر نسفی۔۔۔۔۔۔٥٣٧ھ ٭ وفات ابو بکر بن العربی المحدث۔۔۔۔۔۔٥٤٦ھ ٭ وفات ابو العباس التجیبی صاحب کتاب النجم۔۔۔۔۔۔٥٥٠ھ ٭ وفات ابو بکر ابن الزاغونی۔۔۔۔۔۔٥٥٢ھ ٭ عبدالمؤمن کی فرنگیوں پر فتح۔۔۔۔۔۔٥٥٤ھ ٭ وفات علاؤ الدین الغوری۔۔۔۔۔۔٥٥٦ھ ٭ وفات سید الحافظ سراج الدین۔۔۔۔۔۔٥٥٧ھ ٭ وفات شیخ عبدالقادر جیلانی۔۔۔۔۔۔٥٦١ھ ٭ وفات المتنجد و خلافت المستفی۔۔۔۔۔۔٥٦٦ھ ٭ وفات حافظ ابن عساکر الدمشقی٭ ٥٧١ھ ٭ وفات الرفاء الشاعر الاندلسی۔۔۔۔۔۔٥٧٢ھ ٭ وفات صدقہ المتکلم المورخ۔۔۔۔۔۔٥٧٣ھ ٭ وفات ابو طاہر السلفی۔۔۔۔۔۔٥٧٦ھ ٭ وفات عبدالحق ابن الخراط۔۔۔۔۔۔٥٨١ھ ٭ وفت عبداللہ بن بری المقدسی۔۔۔۔۔۔٥٨٢ھ ٭ الملک العادل اور فرنگیوں کی صلح۔۔۔۔۔۔٦٠١ھ ٭ شہادت نجم الدین کبریٰ۔۔۔۔۔۔٦١٨ھ ٭ وفات ان عربی الصوفی۔۔۔۔۔۔٦٣٨ھ ٭ وفات ابن حاجب صاحب الکافیہ۔۔۔۔۔۔٦٤٦ھ ٭ وفات ہلاکو خان۔۔۔۔۔۔٦٦٣ھ ٭ وفات حمید الدین ناگوری ۔۔۔۔۔۔ ٦٧٧ھ ٭ وفات حافظ الدین النسفی۔۔۔۔۔۔٧١٠ھ ٭ حسن گنگوبہمنی بانی دولت بہمینیہ والی ہو ا ۔۔۔۔۔۔ ٧٤٧ھ ٭ وفات محب الدین القونوی۔۔۔۔۔۔٧٥٨ھ ٭ خلافت المتوکل الاول۔۔۔۔۔۔٧٦٣ھ ٭ وفات عماد فقیہ کرمانی۔۔۔۔۔۔٧٧٣ھ ٭ خلافت المتوکل الاول (دوبارہ)۔۔۔۔۔۔٧٧٩ھ ٭ ابتدائے حکومت مظفر شاہ گجراتی۔۔۔۔۔۔٧٩٣ھ ٭ تیمورلنگ نے دہلی میں داخل ہو کر تباہی پھیلائی۔۔۔۔۔۔٨٠١ھ ٭ وفات الشیخ اصلم الحنفی۔۔۔۔۔۔٨٠٢ھ ٭ وفات غیاث الدین سلطان بغداد و مظفر شاہ گجراتی۔۔۔۔۔۔٨١٣ھ ٭ وفت قاضی ابن الحسبانی و جمال الدین ابن الیونانیہ۔۔۔۔۔۔٨١٥ھ ٭ وفات سید الشریف الجرجانی۔۔۔۔۔۔٨١٦ھ ٭ وفات عزالدین ابن حجاعہ و احمد بن نشوان الحورانی۔۔۔۔۔۔٨١٩ھ ٭ وفات سلیمان بن المنجا۔۔۔۔۔۔٨٢٢ھ ٭ حکومت مبارک شاہ ثانی (دہلی)۔۔۔۔۔۔٨٢٤ھ ٭ وفت نعمت اللہ ولی۔۔۔۔۔۔٨٢٧ھ ٭ وفات شہاب الدین بن محمرہ۔۔۔۔۔۔٨٤٠ھ ٭ وفات زین الدین القادری الصوفی۔۔۔۔۔۔٨٥٦ھ ٭ وفات سید علی العجمی الحنفی۔۔۔۔۔۔٨٦٠ھ ٭ وفات قطب محمود لنگاہ۔۔۔۔۔۔٨٧٤ھ ٭ وفات علاؤالدین مصنفک۔۔۔۔۔۔٨٧٥ھ ٭ وفات قاضی یوسف الباغونی۔۔۔۔۔۔٨٨٠ھ ٭ وفات عبید اللہ احرار۔۔۔۔۔۔٨٩٦ھ ٭ وفات صدر الدین عبدالمنعم بن مفلح۔۔۔۔۔۔٨٩٧ھ ٭ وفات زین الدین زکریا الشافعی۔۔۔۔۔۔٩٢٦ھ ٭ وفات صفی الدین التربیدی۔۔۔۔۔۔٩٣٠ھ ٭ وفات قاضی نجم الدین الشافعی۔۔۔۔۔۔٩٣٥ھ ٭ وفات شمس الدین الدلجی۔۔۔۔۔۔٩٤٧ھ ٭ وفات ہمایوں ، و حکومت جلال الدین اکبر۔۔۔۔۔۔٩٦٣ھ ٭ وفات غرس الدین چلپی۔۔۔۔۔۔٩٧١ھ ٭ وفات عبدالعزیز زمزمی۔۔۔۔۔۔٩٧٦ھ ٭ وفات شمس الدین قاضی زادہ الرومی ۔۔۔۔۔۔ ٩٨٨ھ ٭ وفات اعتماد الدولہ خواجہ غیاث۔۔۔۔۔۔١٠٣٠ھ ٭ شہادت اسلام خان رومی۔۔۔۔۔۔١٠٨٧ھ ٭ خلافت مصطفی ثانی۔۔۔۔۔۔١١٠٦ھ ٭ حکومت شاہجہاں سوم(مغل)۔۔۔۔۔۔١١٧٣ھ ٭ وفات شاہ عبدالحکیم الہمدی (مردم دیدہ)۔۔۔۔۔۔١١٧٥ھ ٭ وفات میر محمد حیات حسرت عظیم آبادی۔۔۔۔۔۔١٢١٥ھ ٭ وفات امیر خاں بانی ریاست ٹونک۔۔۔۔۔۔١٢٥٠ھ ٭ خلافت عبدالمجید الاول معمار حرم۔۔۔۔۔۔١٢٥٥ھ ٭ قتل شجاع الملک امیر کابل۔۔۔۔۔۔١٢٥٨ھ ٭ وفات شیفتہؔ حسرتی ۔۔۔۔۔۔١٢٨٦ھ ٭ وفات کرامت علی جونپوری۔۔۔۔۔۔١٢٩٠ھ ٭ وفات آغا خاں اول۔۔۔۔۔۔١٢٩٨ھ ٭ وفات فخر الہ آبادی۔۔۔۔۔۔١٣٠٣ھ ٭ ہلاکت مرزا غلام احمد قادیانی۔۔۔۔۔۔١٣٢٦ھ ٭ معزولی عبدالحمید ثانی و خلافت محمد الخامس العثمانی۔۔۔۔۔۔١٣٢٧ھ ٭ وفات عماء الملک بلگرامی۔۔۔۔۔۔١٣٤٣ھ ٭ ایران میں قاچاری حکومت کا خاتمہ ہوا ۔۔۔۔۔۔١٣ ربیع الثانی ١٣٤٤ھ/٣١ اکتوبر ١٩٢٥ء ٭ وفات حکیم حبیب الرحمن ڈھاکہ۔۔۔۔۔۔١٣٦٦ھ ٭ آزادی انڈونیشیا ۔۔۔۔۔۔١٣٦٩ھ ٭ وفات سیماب اکبر آبادی۔۔۔۔۔۔١٣٧٠ھ ٭ آزادی لیبیا۔۔۔۔۔۔١٣٧١ھ ٭ وفات مفتی کفایت اللہ دہلوی۔۔۔۔۔۔١٣٧٢ھ ٭ آزادی گینی۔۔۔۔۔۔١٣٧٨ھ ٭