اگر خسر بہو سے چھیڑ خانی کرے؟۔۔۔۔۔۔۔۔۔۔۔۔۔(1792 )

اگر خسر بہو سے چھیڑ خانی کرے؟
۔۔۔۔۔۔۔۔۔۔۔۔۔
(1792)

سوال
۔۔۔۔۔۔۔۔۔
عورت اپنے خسر کے ساتھ دوا کو گٸ راستے میں خسر نے اسکو مس کیا یا بوسہ لیا عورت کہتی ہے انکی غلطی ہے خسر کہتا ہے اسکی غلطی ہے پھر عورت کو اپنے شوہر سے دو بچے ہوۓ اب سوال یہ ہے کہ کیا یہ عورت اپنے شوہر کیلۓ حلال ہے یا نہیں اور ان بچوں کا کیا حکم ہے؟ عبدالمعبود الہ آبادی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
الجواب وباللہ التوفیق
اگر خسر  بوس وکنار کا انکار کرے۔بہو اس پہ دو گواہ پیش نہ کرسکے یا عورت کا شوہر اپنے والد کی بد طینتی کا انکار کرے تو ان تمام صورتوں میں بہو اپنے شوہر پر حرام نہ ہوگی ۔
مس بالشہوہ پہ اگر بہو گواہ شرعی پیش کردے اور شوہر تصدیق کرے کہ ہاں میرا باپ اس چال چلن کا ہے تو اب بہو اپنے شوہر کے لئے حرام ہوجائے گی۔۔۔۔اس درمیان پیدا ہونے والے بچوں کا نسب شوہر ہی سے ثابت ہوگا ۔
وفي المس لاتحرم ما لم تعلم الشہوۃ۔ (الدر المختار مع الشامي، کتاب النکاح، فصل في المحرمات، کراچي ۳/۳۶، زکریا ۴/۱۱۳)
وما سوی ذالک من الحقوق یقبل فیہا شہادۃ رجلین، أورجل، وإمرأتیں وسواء کان الحق مالا أوغیر مال مثل النکاح، والطلاق، والوکالۃ، والوصیۃ، ونحو ذالک۔ (ہدایۃ، کتاب الشہادۃ، اشرفي دیوبند ۳/۱۵۴-۱۵۵)
رجل قبل امرأۃ ابنہ بشہوۃ، وہي مکرہۃ، وأنکر الزوج، فالقول قول الزوج۔ (ہندیۃ، زکریا۱/۲۷۶، البحرالرائق، کوئٹہ۳/۱۰۰، زکریا۳/۱۷۷، جدید۱/۳۴۲
عن أبي ہریرۃ رضي اللّٰہ عنہ أن النبي صلی اللّٰہ علیہ وسلم قال: الولد للفراش وللعاہر الحجر۔ (سنن النسائي، کتاب الطلاق / باب إلحاق الولد بالفراش ۲؍۱۱۰ رقم: ۳۴۷۹ دار الفکر بیروت)
عن عمرو بن شعیب عن أبیہ عن جدہ أن رسول اللّٰہ صلی اللّٰہ علیہ وسلم قال: الولد للفراش وللعاہر الأثلب، قیل: وما الأثلب؟ قال: الحجرُ۔ (المصنف لابن أبي شیبۃ ۴؍۵۲ رقم: ۱۷۶۸۱ دار الکتب العلمیۃ بیروت)
وفي الہندیۃ: رجل قبّل امرأۃ أبیہ بشہوۃ أو قبّل الأب امرأۃَ ابنہٖ بشہوۃ، وہي مکرہۃ وأنکر الزوج أن یکون بشہوۃ، فالقول قول الزوج، وإن صدقہ الزوج وقعت الفرقۃ، ویجب المہر علی الزوج۔ (الفتاویٰ الہندیۃ / باب المحرمات
واللہ اعلم بالصواب
شکیل منصور القاسمی
14 شعبان 1439 ہجری