کیا معتدہ دستخط کے لئے بینک جاسکتی ہے ؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوال
۔۔۔۔۔۔۔
کیا فرماتے ھیں علماء دین شرع متین مسئلہ ذیل کے بارے میں
اگر کوئی عورت عدت میں ہو تو کیا وہ بہت اہم کام لئے بینک جاسکتی ھے ؟
شوہر کے نام پیسہ تھا ان کے بیٹے ابھی چھوٹے ہیں، اس لئے بیوی کے اکاونٹ میں بھیجنا ھے تو ان کا بینک جانا ضروری ھے.
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
الجواب وباللہ التوفیق
گزارہ کی کوئی شکل نہ ہو.
بینک سے روپے کسی اور ذریعہ سے نہ آسکتے ہوں. تو زندگی کے گزر اوقات کے لئے معتدہ کو قدر ضرورت دن میں خروج کی اجازت ہے۔
شوقیہ بینک جانے کی گنجائش نہیں۔
یعنی معاشی ضروریات کے لئے جب کہ اسے بینک جائے بغیر کسی اور سے روپے نکالنا ممکن نہ ہو یا وہاں موجود ہوکے دستخط کرنا ضروری ہو تو صرف دن کے اوقات میں بینک جانے کی اجازت ہے۔ آپ کی ذکر کردہ مجبوری کے باعث معتدہ بینک جاسکتی ہے۔ لیکن دن ہی میں لوٹنا ضروری ہے
ومعتدۃ موت تخرج فی الجدیدین و تبیت أکثر اللیل فی منزلہا لأن نفقتہا علیہا فتحتاج للخروج۔ (شامی، کتاب الطلاق، باب العدۃ زکریا ۵/۲۲۴، کراچی ۳/۵۳۶)
والمتوفی عنہا زوجہا تخرج نہارا وبعض اللیل۔ (ہندیہ زکریا قدیم ۱/۵۳۴، جدید ۱/۵۸۶، ہدایہ اشرفی ۲/۴۲۸)
وأما المتوفی عنہا زوجہا فلانہ لا نفقۃ لہا فتحتاج إلی الخروج نہارا لطلب المعاش و قد یمتد إلی أن یہجم اللیل۔ (شامی، کتاب الطلاق، باب العدۃ زکریا دیوبند ۵/۲۲۴، کراچی ۳/۵۳۶)
ومعتدۃ الموت تخرج یوما و بعض اللیل لتکتسب لأجل قیام المعیشۃ۔ (البحر الرائق کوئٹہ ۴/۱۵۳، زکریا ۴/۲۵۸)فقط وﷲ اعلم ۔
شکیل منصور القاسمی
No comments:
Post a Comment