ﻋﺎﺭﻑ باللہ ﭘﯿﺮﻃﺮﯾﻘﺖ ﺣﻀﺮﺕ ﺍﻗﺪﺱ ﻣﻮﻻﻧﺎ ﻣﻔﺘﯽ ﻣﺤﻤﺪ ﻋﺒﺪاللہ ﺻﺎﺣﺐ ﭘﮭﻮﻟﭙﻮﺭﯼ

ایس اے ساگر

ﻋﺎﺭﻑ باللہ ﭘﯿﺮﻃﺮﯾﻘﺖ ﺣﻀﺮﺕ ﺍﻗﺪﺱ ﻣﻮﻻﻧﺎ ﻣﻔﺘﯽ ﻣﺤﻤﺪ ﻋﺒﺪﺍللہ ﺻﺎﺣﺐ پھولپوری آج 30 نومبر کو مکہ مکرمہ میں انتقال فرماگئے. آپ رحمة اللہ علیہ ﭘﮭﻮﻟﭙﻮﺭﯼ کا مختصر تعارف؛

ﻧﺎﻡ ﻭﻧﺴﺐ: ﺁﭖ ﮐﺎ ﻧﺎﻡ ﻣﺤﻤﺪ ﻋﺒﺪﺍﻟﻠﻪ ﺑﻦ ﺍﺑﻮﺍﻟﺒﺮﮐﺎﺕ ‏(ﻋﺮﻑ ﭼﮭﻮﭨﮯ ﺑﺎﺑﻮ‏) ﺑﻦ ﺷﺎﮦ ﻋﺒﺪﺍﻟﻐﻨﯽ ﺑﻦ ﺷﯿﺦ ﻋﺒﺪﺍﻟﻮﮨﺎﺏ ﺑﻦ ﺷﯿﺦ ﺍﻣﺎﻧﺖ ﺍﻟﻠﻪ ﮨﮯ، ﺣﻀﺮﺕ ﺷﯿﺦ ﺍﻣﺎﻧﺖ اللہ ﺍﭘﻨﮯ ﻭﻗﺖ ﮐﮯ ﺻﺎﺣﺐ ﻧﺴﺒﺖ ﺑﺰﺭﮒ ﺍﻭﺭ ﻭﻟﯽ ﮐﺎﻣﻞ ﺗﮭﮯ، ﺁﭖ ﮐﺎ ﺍﺻﻼﺣﯽ ﺗﻌﻠﻖ ﺣﻀﺮﺕ ﻣﺮﺯﺍﻣﻈﮩﺮﺟﺎﻥ ﺟﺎﻧﺎﮞ ﻋﻠﯿﮧ ﺍﻟﺮﺣﻤﮧ ﮐﮯ ﺧﺎﻧﻮﺍﺩﮦ ﺗﺼﻮﻑ ﺳﮯ ﺗﮭﺎ۔
ﻭﻻﺩﺕ: ﺣﻀﺮﺕ ﺍﻗﺪﺱ ﮐﯽ ﻭﻻﺩﺕ ﺁﭖ ﮐﮯ ﻧﺎﻧﯿﮩﺎﻝ ﻣﻮﺿﻊ ﺁﻧﻮﮎ ﭘﻮﺳﭧ ﺳﺮﺳﺎﻝ ﺿﻠﻊ ﺍﻋﻈﻢ ﮔﮉﮪ ﻣﯿﮟ ﮨﻮﺋﯽ، ﺩﺍﺩﺍ ﺟﺎﻥ ﺣﻀﺮﺕ ﭘﮭﻮﻟﭙﻮﺭﯼ ﻧﮯ ﺁﭖ ﮐﻮ ﺩﯾﮑﮫ ﮐﺮ ﻓﺮﻣﺎﯾﺎ ﮐﮧ: 

"ﯾﮧ ﺑﭽﮧ ﺑﮍﺍ ﮨﻮﮐﺮ ﺑﮩﺖ ﺑﮍﺍ ﻋﺎﻟﻢ ﺍﻭﺭ ﻣﯿﺮﺍ ﺟﺎﻧﺸﯿﻦ ﮨﻮﮔﺎ." 

ﯾﮧ ﭘﯿﺸﯿﻦ ﮔﻮﺋﯽ ﺣﺮﻑ ﺑﺤﺮﻑ ﺻﺤﯿﺢ ﮨﻮﺋﯽ۔
ﺳﮑﻮﻧﺖ: ﺁﭖ ﮐﮯ ﺩﺍﺩﺍ ﺣﻀﺮﺕ ﻣﻮﻻﻧﺎ ﺷﺎﮦ ﻋﺒﺪﺍﻟﻐﻨﯽ ﭘﮭﻮﻟﭙﻮﺭﯼ ﺍﭘﻨﺎ ﺁﺑﺎﺋﯽ ﻭﻃﻦ ﭼﮭﻮﮌﮐﺮ ﭘﮭﻮﻟﭙﻮﺭ ﮨﺠﺮﺕ ﮐﺮﺁﺋﮯ ﺗﮭﮯ، ﺍﻭﺭ ﯾﮩﯿﮟ ﻣﺴﺘﻘﻞ ﺳﮑﻮﻧﺖ ﺍﺧﺘﯿﺎﺭ ﮐﺮﻟﺌﮯ ﺍﺳﯽ ﻭﺟﮧ ﺳﮯ ﺁﭖ ﮐﺎ ﭘﻮﺭﺍ ﺧﺎﻧﺪﺍﻥ ﭘﮭﻮﻟﭙﻮﺭ ﻣﯿﮟ ﻣﻘﯿﻢ ﮨﻮﮔﯿﺎ، ﺍﺳﯽ ﻣﻨﺎﺳﺒﺖ ﺳﮯ ﺁﭖ ﺑﮭﯽ ”ﭘﮭﻮﻟﭙﻮﺭﯼ“ ﮐﮩﻼﺗﮯ ﮨﯿﮟ۔
ﺁﭖ ﮐﮯ ﺩﺍﺩﺍ ﺻﺎﺣﺐ ﻧﺴﺒﺖ ﺑﺰﺭﮒ ﺗﮭﮯ، ﺁﭖ ۱۸۹۰ﺀ ﻣﯿﮟ ﺿﻠﻊ ﺍﻋﻈﻢ ﮔﮉﮪ ﮐﮯ ﺍﯾﮏ ﮔﺎﻭٴﮞ ”ﭼﮭﺎﻭٴﮞ“ ﻣﯿﮟ ﭘﯿﺪﺍ ﮨﻮﺋﮯ، ﻋﻠﻮﻡ ﻇﺎﮨﺮﯼ ﻣﯿﮟ ﮐﻤﺎﻝ ﭘﯿﺪﺍ ﮐﺮﻧﮯ ﮐﮯ ﺑﻌﺪ ﻋﻠﻮﻡ ﺑﺎﻃﻨﯽ ﯾﻌﻨﯽ ﺗﺼﻮﻑ ﮐﯽ ﻃﺮﻑ ﺗﻮﺟﮧ ﺩﯼ، ﺍﻭﺭ ﺍﭘﻨﮯ ﺯﻣﺎﻧﮧ ﮐﮯ ﺣﮑﯿﻢ ﻭﻣﺠﺪﺩ ﺷﯿﺦ ﺍﻟﮑﻞ ﻋﻠﯽ ﺍﻟﮑﻞ ﺣﻀﺮﺕ ﻣﻮﻻﻧﺎ ﺷﺎﮦ ﺍﺷﺮﻑ ﻋﻠﯽ ﺗﮭﺎﻧﻮﯼ ﻋﻠﯿﮧ ﺍﻟﺮﺣﻤﮧ ﮐﮯ ﺩﺳﺖ ﺣﻖ ﭘﺮﺳﺖ ﭘﺮﺑﯿﻌﺖ ﮐﯽ، ﺍﻭﺭ ﺍﺱ ﺭﺍﮦ ﻣﯿﮟ ﺑﮭﯽ ﮐﻤﺎﻝ ﭘﯿﺪﺍ ﮐﯿﺎ ﺍﻭﺭ ﺍﭘﻨﮯ ﺷﯿﺦ ﮐﮯ ﻋﻠﻮﻡ ﻭﻣﻌﺎﺭﻑ ﮐﮯ ﺍﻣﯿﻦ ﺑﻦ ﮔﺌﮯ۔
ﺣﻀﺮﺕ ﺗﮭﺎﻧﻮﯼ ﻋﻠﯿﮧ ﺍﻟﺮﺣﻤﮧ ﺍﭘﻨﮯ ﺯﻣﺎﻧﮧ ﮐﮯ ﻣﺠﺪﺩ ﺗﮭﮯ ﻣﺠﺪﺩ ﺍﯾﺴﮯ ﻟﻮﮔﻮﮞ ﮐﻮ ﮐﮩﺎ ﺟﺎﺗﺎ ﮨﮯ ﺟﻮ ﺩﯾﻦ ﻣﯿﮟ ﭘﮭﯿﻠﯽ ﮨﻮﺋﯽ ﺑﺪﻋﺎﺕ ﮐﻮ ﺧﺘﻢ ﮐﺮﮐﮯ ﻗﺮﺁﻥ ﻭﺳﻨﺖ ﮐﻮ ﺭﻭﺍﺝ ﺩﯾﺘﮯ ﮨﯿﮟ،ﺣﺪﯾﺚ ﻣﯿﮟ ﮨﮯ ﺣﻀﻮﺭﺍﮐﺮﻡ صلی اللہ علیہ و سلم ﻧﮯ ﺍﺭﺷﺎﺩ ﻓﺮﻣﺎﯾﺎﮐﮧ ﮨﺮ ﺳﻮﺳﺎﻝ ﺑﻌﺪ ﺩﯾﻦ ﮐﮯ ﺍﻧﺪﺭ ﺟﻮ ﺧﺮﺍﺑﯿﺎﮞ ﭘﯿﺪﺍ ﮨﻮﺟﺎﺗﯽ ﮨﯿﮟ ﺍﻥ ﮐﻮ ﻓﺮﺩ ﮐﺮﻧﮯ ﮐﮯ ﻟﺌﮯ ﻣﯿﺮﯼ ﺍﻣﺖ ﻣﯿﮟ ﺳﮯ ﺍﯾﮏ ﺁﺩﻣﯽ ﺑﮭﯿﺠﺎ ﺟﺎﺗﺎ ﮨﮯ ﺟﻮ ﺩﯾﻦ ﮐﯽ ﺗﺠﺪﯾﺪ ﮐﺮﺗﺎ ﮨﮯ۔
ﺣﻀﺮﺕ ﺍﻗﺪﺱ ﺗﮭﺎﻧﻮﯼ ﻋﻠﯿﮧ ﺍﻟﺮﺣﻤﮧ ﺑﮭﯽ ﺍﻥ ﮨﯽ ﺑﺮﮔﺰﯾﺪﮦ ﮨﺴﺘﯿﻮﮞ ﻣﯿﮟ ﺳﮯ ﺗﮭﮯ ﺟﻦ ﺳﮯ ﺍﻟﻠﻪ ﺗﻌﺎﻟﯽٰ ﻧﮯ ﺗﺠﺪﯾﺪ ﺩﯾﻦ ﮐﺎ ﮐﺎﻡ ﻟﯿﺎ ﺗﮭﺎ، ﺍﻭﺭ ﺑﻼﺷﺒﮧ ﻭﮦ ﺍﭘﻨﮯ ﺻﺪﯼ ﮐﮯ ﻣﺠﺪﺩ ﺗﮭﮯ۔
ﻭﻋﻆ ﻭﺗﻘﺮﯾﺮ، ﺗﺼﻨﯿﻒ ﻭﺗﺎﻟﯿﻒ ﮐﮯ ﺫﺭﯾﻌﮧ ﺍﻟﻠﻪ ﺗﻌﺎﻟﯽٰ ﻧﮯ ﺍﻥ ﺳﮯ ﺍﺱ ﻗﺪﺭ ﮐﺎﻡ ﻟﯿﺎ ﮐﮧ ﺁﺝ ﺍﺱ ﮐﺎ ﺗﺼﻮﺭ ﮐﺮﻧﺎ ﻣﺤﺎﻝ ﻧﮩﯿﮟ ﺗﻮ ﻣﺸﮑﻞ ﺿﺮﻭﺭ ﮨﮯ، ﻣﻠﮏ ﮐﮯ ﮔﻮﺷﮯ ﮔﻮﺷﮯ ﻣﯿﮟ ﺁﭖ ﮐﯽ ﺗﻘﺮﯾﺮ ﮐﯽ ﺑﺎﺯﮔﺸﺖ ﺳﻨﺎﺋﯽ ﺩﯾﺘﯽ ﮨﮯ، ﮐﻮﺋﯽ ﻋﺎﻟﻢ ﺍﯾﺴﺎ ﻧﮩﯿﮟ ﺟﻮ ﺁﭖ ﮐﯽ ﺗﺼﻨﯿﻔﺎﺕ ﺳﮯ ﺑﮯ ﻧﯿﺎﺯ ﮨﻮ، ﺁﭖ ﮐﯽ ﺗﺎﻟﯿﻔﺎﺕ ﮐﯽ ﺗﻌﺪﺍﺩ ﭘﻨﺪﺭﮦ ﺳﻮﺗﮏ ﭘﮩﻮﻧﭻ ﺟﺎﺗﯽ ﮨﮯ۔
ﺍنہی ﺑﺮﮔﺰﯾﺪﮦ ﮨﺴﺘﯽ ﮐﯽ ﺻﺤﺒﺖ ﻣﯿﮟ ﺣﻀﺮﺕ ﻣﻮﻻﻧﺎ ﺷﺎﮦ ﻋﺒﺪﺍﻟﻐﻨﯽ ﭘﮭﻮﻟﭙﻮﺭﯼ ﻧﮯ ﺑﮭﯽ ﺗﺮﺑﯿﺖ ﭘﺎﺋﯽ، ﺍﻭﺭ ﺻﺪﻕ ﻭﺻﻔﺎ ﮐﮯ ﺳﺎﺗﮫ ﺍﯾﮏ ﻣﺪﺕ ﺗﮏ ﺍﭘﻨﮯ ﺑﺎﻃﻦ ﮐﯽ ﺍﺻﻼﺡ ﮐﺮﺗﮯ ﺭﮨﮯ ﺍﻭﺭ ﺑﺎﻵﺧﺮ ﺧﻼﻓﺖ ﺳﮯ ﺳﺮﻓﺮﺍﺯ ﮨﻮﺋﮯ ، ﺣﻀﺮﺕ ﺗﮭﺎﻧﻮﯼ ﮐﮯ ﺩﻝ ﻣﯿﮟ ﺍﻥ ﮐﺎ ﺍﺣﺘﺮﺍﻡ ﺍﺱ ﻃﺮﺡ ﺭﺍﺳﺦ ﮨﻮﺍ ﮐﮧ ﺧﻮﺩ ﺷﯿﺦ ﺍﭘﻨﮯ ﻣﺮﯾﺪ ﮐﮯ ﻣﺘﻌﻠﻖ ﯾﮧ ﻓﺮﻣﺎﯾﺎ ﮐﺮﺗﮯ ﮐﮧ ﺣﻀﺮﺕ ﻣﻮﻻﻧﺎ ﭘﮭﻮﻟﭙﻮﺭﯼ ﺍﻥ ﻟﻮﮔﻮﮞ ﻣﯿﮟ ﺳﮯ ﮨﯿﮟ ﺟﻦ ﮐﺎ ﻣﯿﮟ ﺧﻮﺩ ﺍﺣﺘﺮﺍﻡ ﮐﺮﺗﺎ ﮨﻮﮞ، ﺟﺐ ﯾﮧ ﺁﺗﮯ ﮨﯿﮟ ﺗﻮ ﻣﯿﮟ ﺍﭘﻨﮯ ﻗﻠﺐ ﻣﯿﮟ ﺳﮑﻮﻧﺖ ﻣﺤﺴﻮﺱ ﮐﺮﺗﺎ ﮨﻮﮞ ﺍﻭﺭ ﺍﻥ ﮐﮯ ﮐﺜﺮﺕ ﺫﮐﺮ ﮐﯽ ﻭﺟﮧ ﺳﮯ ﻣﯿﺮﮮ ﺩﻝ ﮐﯽ ﮐﯿﻔﯿﺖ ﺑﺪﻝ ﺟﺎﺗﯽ ﮨﮯ۔
ﺣﻀﺮﺕ ﺗﮭﺎﻧﻮﯼ ﮐﯽ ﻭﻓﺎﺕ ﮐﮯ ﺑﻌﺪ ﺗﻤﺎﻡ ﻣﺘﻌﻠﻘﯿﻦ ﻧﮯ ﺁﭖ ﮐﻮ ﺍﭘﻨﺎ ﺑﮍﺍ ﺗﺴﻠﯿﻢ ﮐﺮﻟﯿﺎ ﺑﻠﮑﮧ ﺍﻥ ﻣﯿﮟ ﺳﮯ ﺍﮐﺜﺮ ﻧﮯ ﺍﭘﻨﯽ ﺍﺻﻼﺡ ﺁﭖ ﺳﮯ ﮐﺮوﺍﺋﯽ، ﺍﻭﺭ ﮐﺌﯽ ﺍﯾﮏ ﺁﭖ ﺳﮯ ﺑﺎﺿﺎﺑﻄﮧ ﺑﯿﻌﺖ ﮨﻮﮔﺌﮯ۔
۱۳۴۹ﺀ ﻣﯿﮟ ﺁﭖ ﻧﮯ ﺷﯿﺦ ﻭﻣﺮﺑﯽ ﮐﮯ ﺣﮑﻢ ﺳﮯ ﺍﯾﮏ ﺍﺩﺍﺭﮮ ﮐﯽ ﺑﻨﯿﺎﺩ ﮈﺍﻟﯽ، ﯾﮩﯽ ﺍﺩﺍﺭﮦ ﺁﺝ ﻣﺪﺭﺳﮧ ﺍﺳﻼﻣﯿﮧ ﻋﺮﺑﯿﮧ ﺑﯿﺖ ﺍﻟﻌﻠﻮﻡ ﮐﮯ ﻧﺎﻡ ﺳﮯ ﻣﺸﮩﻮﺭ ﮨﮯ ﺍﻭﺭ ﺗﺮﻗﯽ ﮐﮯ ﺑﺎﻡ ﺍﻭﺝ ﮐﻮ ﭼﮭﻮﺭﮨﺎ ﮨﮯ۔
ﺁﭖ ﻧﮯ ﺧﻮﻥ ﺟﮕﺮ ﺳﮯ ﺍﺱ ﮐﻮ ﺳﯿﻨﭽﺎ، ﭘﺮﻭﺍﻥ ﭼﮍﮬﺎﯾﺎ ﺍﻭﺭ ﯾﮩﯿﮟ ﺳﮯ ﺍﺻﻼﺡ ﺍﻓﺮﺍﺩ ﮐﺎ ﻭﮦ ﻋﻈﯿﻢ ﺍﻟﺸﺎﻥ ﮐﺎﻡ ﺍﻧﺠﺎﻡ ﺩﯾﺎ ﺟﺲ ﮐﯽ ﻭﺟﮧ ﺳﮯ ﭘﻮﺭﺍ ﻋﻼﻗﮧ ﺑﺪﺩﯾﻨﯽ ﮐﯽ ﺭﺍﮦ ﭘﺮ ﺟﺎﺗﮯ ﺟﺎﺗﮯ ﺭﮎ ﮔﯿﺎ ﺍﻭﺭ ﺍﭘﻨﯽ ﭘﻮﺭﯼ ﺯﻧﺪﮔﯽ ﺍﺳﯽ ﮐﺎﺭﺧﯿﺮ ﻣﯿﮟ ﻟﮕﺎﺩﯼ، ﻣﺨﻠﻮﻕ ﺧﺪﺍ ﮐﻮ ﮨﺮﻃﺮﺡ ﺳﮯ ﺳﻤﺠﮭﺎ ﺑﺠﮭﺎﮐﺮ ﺭﺍﮦ ﺭﺍﺳﺖ ﭘﺮ ﻻﻧﮯ ﻣﯿﮟ ﺍﭘﻨﯽ ﭘﻮﺭﯼ ﺗﻮﺍﻧﺎﺋﯽ ﺻﺮﻑ ﻓﺮﻣﺎﺩﯼ۔
ﺁﭖ ﻓﻄﺮﺓً ﻣﺤﺘﺎﻁ ﺗﮭﮯ، ﺗﻘﻮﯼٰ ﺍﻭﺭ ﭘﺮﮨﯿﺰﮔﺎﺭﯼ ﮐﮯ ﺁﺛﺎﺭ ﺁﭖ ﮐﮯ ﺍﻋﻀﺎﺀ ﺳﮯ ﭼﮭﻠﮑﺘﮯ ﻣﺤﺴﻮﺱ ﮨﻮﺗﮯ، ﺍﺳﯽ ﺍﺣﺘﯿﺎﻁ ﺍﻭﺭ ﺗﻘﻮﯼٰ ﮐﺎ ﺍﺛﺮ ﺗﮭﺎ ﮐﮧ ﮐﺒﮭﯽ ﺑﮭﯽ ﻣﺪﺭﺳﮧ ﮐﯽ ﮐﻮﺋﯽ ﭼﯿﺰ ﻧﮩﯿﮟ ﭼﮑﮭﯽ، ﻧﻤﮏ ﺳﮯ ﺑﮭﯽ ﺣﺘﯽ ﺍﻻﻣﮑﺎﻥ ﺍﺣﺘﺮﺍﺯ ﮐﺮﺗﮯ ﺭﮨﮯ، ﺗﻨﺨﻮﺍﮦ ﺗﻮ ﺩﻭﺭﮐﯽ ﺑﺎﺕ ﮨﮯ، ﻋﻼﻗﮧ ﺍﺱ ﺑﺎﺕ ﮐﮯ ﻟﺌﮯ ﺷﺎﮨﺪ ﮨﮯ۔
ﺁﭖ ﻋﻠﻢ ﻭﻓﻀﻞ ﻣﯿﻦ ﺑﮭﯽ ﺍﯾﮏ ﺍﻣﺘﯿﺎﺯﯼ ﺩﺭﺟﮧ ﺭﮐﮭﺘﮯ ﺗﮭﮯ، ﺍﺩﻕ ﺳﮯ ﺍﺩﻕ ﺍﻭﺭ ﻏﺎﻣﺾ ﺳﮯ ﻏﺎﻣﺾ ﻣﻀﻤﻮﻥ ﮐﻮ ﺑﮍﮮ ﺧﻮﺵ ﺍﺳﻠﻮﺑﯽ ﺳﮯ ﺳﻤﺠﮭﺎﺩﯾﺎ ﮐﺮﺗﮯ ﺗﮭﮯ، ﺍﺳﯽ ﻭﺟﮧ ﺳﮯ ﺍﯾﮏ ﻣﺮﺗﺒﮧ ﺩﺍﺭﺍﻟﻌﻠﻮﻡ ﺩﯾﻮﺑﻨﺪ ﻣﯿﮟ ﺗﺪﺭﯾﺴﯽ ﺧﺪﻣﺎﺕ ﺍﻧﺠﺎﻡ ﺩﯾﻨﮯ ﮐﮯ ﻟﺌﮯ ﺣﻀﺮﺕ ﺗﮭﺎﻧﻮﯼ ﻧﮯ ﺁﭖ ﮐﻮ ﻣﻨﺘﺨﺐ ﻓﺮﻣﺎﯾﺎ ﺗﮭﺎ۔
ﻣﯿﺪﺍﻥ ﺗﺼﻮﻑ ﮐﮯ ﺁﭖ ﺷﮩﺴﻮﺍﺭ ﺗﮭﮯ، ﻣﺴﺘﺮﺷﺪﯾﻦ ﮐﯽ ﺍﺻﻼﺡ ﻭﺗﺮﺑﯿﺖ ﺍﭘﻨﮯ ﺷﯿﺦ ﺣﻀﺮﺕ ﺗﮭﺎﻧﻮﯼ ﮐﮯ ﮨﻮﺑﮩﻮ ﻓﺮﻣﺎﺗﮯ ﺗﮭﮯ، ﻣﻠﮏ ﮐﮯ ﺑﮯ ﺷﻤﺎﺭ ﻋﻠﻤﺎﺀ ﺻﻠﺤﺎﺀ ﺍﻭﺭ ﻧﻮﺍﺏ ﺁﭖ ﮐﮯ ﺍﺭﺍﺩﺕ ﻣﻨﺪﻭﮞ ﻣﯿﮟ ﺩﺍﺧﻞ ﺗﮭﮯ، ﺍﻥ ﮐﯽ ﺩﯾﮑﮫ ﺭﯾﮑﮫ ﺁﺭﺍﻡ ﻭﺭﺍﺣﺖ ﮐﺎ ﺑﮍﺍ ﺧﯿﺎﻝ ﻓﺮﻣﺎﺗﮯ۔
ﺁﭖ ﮐﮯ ﺧﻠﻔﺎﺀ ﺑﮭﯽ ﺑﮍﮮ ﭘﺎﺋﮯ ﮐﮯ ﮨﻮﺋﮯ ﺍﻭﺭ ﺑﮯ ﺷﻤﺎﺭ ﻟﻮﮔﻮﮞ ﻧﮯ ﺍﭘﻨﯽ ﻣﮑﻤﻞ ﺍﺻﻼﺡ ﺁﭖ ﺳﮯ ﻓﺮﻣﺎﺋﯽ، ﺍﻥ ﮨﯽ ﺗﺮﺑﯿﺖ ﯾﺎﻓﺘﮧ ﻟﻮﮔﻮﮞ ﻣﯿﮟ ﺳﮯ ﺣﻀﺮﺕ ﺍﻗﺪﺱ ﻣﻮﻻﻧﺎ ﺷﺎﮦ ﺍﺑﺮﺍﺭﺍﻟﺤﻖ ﺻﺎﺣﺐ ﺣﻘﯽ ﻧﻮﺭﺍﻟﻠﻪ ﻣﺮﻗﺪﮦ، ﺑﮭﯽ ﮨﯿﮟ، ﺣﻀﺮﺕ ﻣﻮﻻﻧﺎ ﺍﺑﺮﺍﺭﺍﻟﺤﻖ ﺻﺎﺣﺐ ﺍﻥ ﺧﻮﺵ ﻧﺼﯿﺐ ﻟﻮﮔﻮﮞ ﻣﯿﮟ ﺳﮯ ﮨﯿﮟ ﺟﻦ ﮐﻮ ﺣﻀﺮﺕ ﺗﮭﺎﻧﻮﯼ ﺭﺣﻤﺔ ﺍﻟﻠﻪ ﻋﻠﯿﮧ ﻧﮯ ﺯﻣﺎﻧﮧ ﻃﺎﻟﺐ ﻋﻠﻤﯽ ﮨﯽ ﻣﯿﮟ ﺑﯿﻌﺖ ﻓﺮﻣﺎﻟﯿﺎ ﺗﮭﺎﺍﻭﺭ ﮐﭽﮫ ﮨﯽ ﺩﻧﻮﮞ ﮐﮯ ﺑﻌﺪ ﺧﻼﻓﺖ ﺳﮯ ﺳﺮﻓﺮﺍﺯ ﻓﺮﻣﺎﯾﺎ، ﭘﮭﺮ ﺍﻥ ﮐﯽ ﻭﻓﺎﺕ ﮐﮯ ﺑﻌﺪ ﺣﻀﺮﺕ ﭘﮭﻮﻟﭙﻮﺭﯼ ﻗﺪﺱ ﺳﺮﮦ ﮐﮯ ﺩﺍﻣﻦ ﺗﺮﺑﯿﺖ ﺳﮯ ﻭﺍﺑﺴﺘﮧ ﮨﻮﮔﺌﮯ ﺍﻭﺭ ﺍﻥ ﮨﯽ ﮐﯽ ﺧﺪﻣﺖ ﻣﯿﮟ ﺭﮦ ﮐﺮ ﺍﯾﮏ ﻋﻈﯿﻢ ﻣﺼﻠﺢ ﺑﻦ ﮐﺮﻧﮑﻠﮯ۔
ﺁﭖ ﮐﯽ ﺍﺻﻼﺡ ﮐﺎ ﺩﺍﺋﺮﮦ ﺑﮩﺖ ﻭﺳﯿﻊ ﮨﮯ ،ﮨﺮﺷﻌﺒﮧ ﻣﯿﮟ ﺟﮩﺎﮞ ﺟﮩﺎﮞ ﺳﻨﺖ ﮐﮯ ﺧﻼﻑ ﺍﻣﻮﺭ ﺭﻭﺍﺝ ﭘﺎﮔﺌﮯ ﺗﮭﮯ، ﺁﭖ ﻧﮯ ﺍﺱ ﮐﯽ ﺍﺻﻼﺡ ﻓﺮﻣﺎﺋﯽ ﺍﻭﺭ ﺍﺱ ﮐﻮ ﺳﻨﺖ ﮐﮯ ﻣﻄﺎﺑﻖ ﮈﮬﺎﻟﻨﮯ ﮐﯽ ﮐﻮﺷﺶ ﮐﺮﺗﮯ ﺭﮨﮯ، ﺍﺳﯽ ﻭﺟﮧ ﺳﮯ ﺁﭖ ﻣﺤﯽ ﺍﻟﺴﻨّﮧ ﺳﮯ ﻣﺸﮩﻮﺭ ﮨﻮﺋﮯ۔
ﺍﻟﻠﻪ ﺗﻌﺎﻟﯽٰ ﻧﮯ ﺁﭖ ﺳﮯ ﺑﮭﯽ ﺑﮍﺍ ﮐﺎﻡ ﻟﯿﺎ، ﺍﭘﻨﮯ ﻋﻼﻗﮧ ﮨﺮﺩﻭﺋﯽ ﻣﯿﮟ ﺍﯾﮏ ﺩﯾﻨﯽ ﺍﺩﺍﺭﮦ ﻗﺎﺋﻢ ﮐﯿﺎ ﺟﻮ ﮨﺮ ﭼﮩﺎﺭﺳﻮ ﻣﺸﮩﻮﺭ ﮨﮯ، ﺍﺱ ﮐﮯ ﻋﻼﻭ ﮦ ﺍﻭﺭ ﺑﮭﯽ ﺑﮯ ﺷﻤﺎﺭ ﺩﯾﻨﯽ ﺍﺩﺍﺭﮮ ﺍﻭﺭ ﺭﻓﺎﮨﯽ ﮐﺎﻣﻮﮞ ﮐﮯ ﻧﮕﺮﺍﮞ ﺍﻭﺭ ﺫﻣﮧ ﺩﺍﺭ ﺗﮭﮯ، ﺍﻭﺭ ﺩﻋﻮﺓ ﺍﻟﺤﻖ ﮐﮯ ﺗﺤﺖ ﺑﮯ ﺷﻤﺎﺭ ﻣﮑﺎﺗﯿﺐ ﺍﻭﺭ ﻣﺪﺍﺭﺱ ﮐﺎ ﻗﯿﺎﻡ ﻓﺮﻣﺎﯾﺎ، ﺍﻭﺭ ﺁﺧﺮ ﻣﯿﮟ ﺗﻘﺮﯾﺒﺎً ۱۶ ﺳﺎﻝ ﺗﮏ ﻣﺪﺭﺳﮧ ﺍﺳﻼﻣﯿﮧ ﻋﺮﺑﯿﮧ ﺑﯿﺖ ﺍﻟﻌﻠﻮﻡ ﺳﺮﺍﺋﻤﯿﺮ ﮐﮯ ﻧﺎﻇﻢ ﺍﻋﻠﯽٰ ﺑﮭﯽ ﺭﮨﮯ۔
ﺁﭖ ﮐﮯ ﻣﺮﯾﺪﯾﻦ ﺍﻭﺭ ﺧﻠﻔﺎﺀ ﮐﺎ ﺍﯾﮏ ﻃﻮﯾﻞ ﺳﻠﺴﻠﮧ ﺑﮭﯽ ﻣﻠﮏ ﺍﻭﺭ ﺑﯿﺮﻭﻥ ﻣﻠﮏ ﭘﮭﯿﻼ ﮨﻮﺍ ﮨﮯ ، ﺍﺳﯽ ﻣﻀﺒﻮﻁ ﺍﻭﺭ ﻃﻮﯾﻞ ﺳﻠﺴﻠﮧ ﮐﯽ ﺍﯾﮏ ﺭﻭﺷﻦ ﮐﮍﯼ ﺟﻨﯿﺪ ﻭﻗﺖ، ﺑﻘﯿﺔ ﺍﻟﺴﻠﻒ، ﻣﺤﺪﺙ ﻋﺼﺮ، ﻗﻄﺐ ﺯﻣﺎﻧﮧ ﻋﺎﺭﻑ ﺑﺎﻟﻠﻪ ﺣﻀﺮﺕ ﺍﻗﺪﺱ ﻣﻮﻻﻧﺎ ﺷﺎﮦ ﻣﻔﺘﯽ ﻣﺤﻤﺪ ﻋﺒﺪﺍﻟﻠﻪ ﺻﺎﺣﺐ ﭘﮭﻮﻟﭙﻮﺭﯼ ﻧﺎﻇﻢ ﺍﻋﻠﯽٰ ﻣﺪﺭﺳﮧ ﺍﺳﻼﻣﯿﮧ ﻋﺮﺑﯿﮧ ﺑﯿﺖ ﺍﻟﻌﻠﻮﻡ ﺳﺮﺍﺋﻤﯿﺮ ﮐﯽ ﺫﺍﺕ ﮔﺮﺍﻣﯽ ﮨﮯ، ﺁﭖ ﮐﯽ ﺫﺍﺕ ﺩﺍﺩﺍ ﺟﺎﻥ ﺟﻀﺮﺕ ﻣﻮﻻﻧﺎ ﺷﺎﮦ ﻋﺒﺪﺍﻟﻐﻨﯽ ﺻﺎﺣﺐ ﭘﮭﻮﻟﭙﻮﺭﯼ ﺍﻭﺭ ﺣﻀﺮﺕ ﻣﻮﻻﻧﺎ ﺷﺎﮦ ﺍﺑﺮﺍﺭﺍﻟﺤﻖ ﺻﺎﺣﺐ ﮨﺮﺩﻭﺋﯽ، ﺩﻭﻧﻮﮞ ﺣﻀﺮﺍﺕ ﮐﯽ ﺗﻌﻠﯿﻤﺎﺕ ﺍﻭﺭ ﺩﻋﺎﻭٴﮞ ﮐﺎ ﺳﻨﮕﻢ ﮨﮯ ﺍﻭﺭ ﻣﺮﮐﺰ ﮨﮯ، ﺣﻀﺮﺕ ﭘﮭﻮﻟﭙﻮﺭﯼ ﮐﮯ ﻋﻠﻮﻡ ﻭﻣﻌﺎﺭﻑ ﺑﮭﯽ ﺁﭖ ﮐﻮ ﻭﺩﯾﻌﺖ ﮐﯽ ﮔﺌﯽ ﺍﻭﺭ ﺣﻀﺮﺕ ﮨﺮﺩﻭﺋﯽ ﻗﺪﺱ ﺳﺮﮦ ﮐﺎ ﺟﺬﺑﮧ ﺍﺻﻼﺡ ﺑﮭﯽ ﻭﺍﻓﺮﻣﻘﺪﺍﺭ ﻣﯿﮟ ﻋﻄﺎﮐﯿﺎ ﮔﯿﺎ ﮨﮯ۔
ﺍﻟﻠﻪ ﺗﻌﺎﻟﯽٰ ﻧﮯ ﺁﭖ ﮐﻮ ﺑﮯ ﺷﻤﺎﺭ ﺧﻮﺑﯿﻮﮞ ﺳﮯ ﻧﻮﺍﺯﮦ ﮨﮯ، ﺳﻮﺯﻭﮔﺪﺍﺯ ﺩﻝ ﻋﻄﺎ ﮐﯿﺎ ﮔﯿﺎ ﮨﮯ، ﺍﻭﺭ ﺍﻣﺖ ﮐﯽ ﺗﮍﭖ ﺑﮭﯽ ﺍﻧﺪﺭﻭﻥ ﻗﻠﺐ ﺳﮯ ﻇﺎﮨﺮ ﮨﻮﺗﯽ ﮨﮯ، ﻋﻠﻢ ﺳﮯ ﺑﮭﯽ ﺑﮩﺮﮦ ﻭﺭ ﮨﯿﮟ، ﻋﻤﻞ ﮐﺎ ﺩﺍﻋﯿﮧ ﺑﮭﯽ ﭘﯿﺪﺍ ﮐﯿﺎ ﮔﯿﺎ ﮨﮯ، ﺭﮐﮫ ﺭﮐﮭﺎ ﻣﯿﮟ ﺳﺎﺩﮔﯽ ، ﻣﻌﺎﻣﻼﺕ ﻣﯿﮟ ﺻﻔﺎﺋﯽ، ﮐﺮﺩﺍﺭﻣﯿﮟ ﭘﺨﺘﮕﯽ، ﮔﻔﺘﺎﺭ ﻣﯿﮟ ﺟﺎﺫﺑﯿﺖ، ﻣﻼﻗﺎﺕ ﻣﯿﮟ ﺍﭘﻨﺎﺋﯿﺖ، ﮨﺮﮨﺮ ﺍﺩﺍ ﺳﮯ ﺳﻨﺖ ﮐﯽ ﺧﻮﺷﺒﻮ ﭘﮭﻮﭨﺘﯽ ﮨﻮﺋﯽ ﻣﺤﺴﻮﺱ ﮨﻮﺗﯽ ﮨﮯ، ﺣﺴﻦ ﺳﯿﺮﺕ ﻭﺻﻮﺭﺕ ﮐﮯ ﺳﺎﺗﮫ ﺳﺎﺗﮫ ﺩﻧﯿﺎﻭﯼ ﺟﺎﮦ ﻭﺟﻼﻝ ﺍﻭﺭ ﻣﺎﻝ ﻭﻣﻨﺎﻝ ﺳﮯ ﺑﮭﯽ ﺑﮩﺮﮦ ﻣﻨﺪ ﮨﯿﮟ، ﺁﭖ ﮐﮯ ﭘﺎﺱ ﺟﻮ ﺑﮭﯽ ﺁﺗﺎ ﮨﮯ ﻇﺎﮨﺮﯼ ﮨﻮ ﯾﺎﺑﺎﻃﻨﯽ، ﻣﺎﺩﯼ ﮨﻮ ﯾﺎ ﺭﻭﺣﺎﻧﯽ، ﺟﺴﻤﺎﻧﯽ ﮨﻮ ﯾﺎ ﻗﻠﺒﯽ، ﺩﯾﻨﯽ ﮨﻮ ﯾﺎﺩﻧﯿﺎﻭﯼ، ﺍﭘﻨﮯ ﺍﭘﻨﮯ ﻇﺮﻑ ﺍﻭﺭ ﺍﺳﺘﻌﺪﺍﺩ ﮐﮯ ﻣﻄﺎﺑﻖ ﻭﮦ ﺩﺍﻣﻦ ﻣﺮﺍﺩ ﺑﮭﺮ ﮐﺮﺟﺎﺗﺎ ﮨﮯ، ﻭﮦ ﺧﻮﺩ ﺍﺳﺘﻔﺎﺩﮦ ﮐﺮﺗﺎ ﮨﮯ ﺍﻭﺭ ﺩﻭﺳﺮﻭﮞ ﮐﻮ ﺑﮭﯽ ﺍﺳﯽ ﺩﺭﮐﺎ ﺭﺍﮨﯽ ﺑﻨﺎﺗﺎ ﮨﮯ، ﺑﮍﻭﮞ ﮐﯽ ﺗﻮﻗﯿﺮ، ﭼﮭﻮﭨﻮﮞ ﭘﺮ ﺷﻔﻘﺖ ، ﻃﻠﺒﮧ ﭘﺮ ﻣﮩﺮﺑﺎﻧﯿﺎﮞ ﺍﻭﺭ ﻣﺮﯾﺪﯾﻦ ﭘﺮ ﺁﺳﺎﻧﯿﺎﮞ ﺁﭖ ﮐﯽ ﻓﻄﺮﺕ ﺛﺎﻧﯿﮧ ﮨﮯ، ﮨﺰﺍﺭﻭﮞ ﮐﯽ ﺗﻌﺪﺍﺩ ﻣﯿﮟ ﻣﺴﺘﺮﺷﺪﯾﻦ ﺭﺍﮦِ ﺳﻠﻮﮎ ﻃﮯ ﮐﺮﺭﮨﮯ ﮨﯿﮟ۔
ﺁﭖ ﺗﺤﺼﯿﻞ ﻋﻠﻢ ﮐﮯ ﺑﻌﺪ ﻣﺴﺘﻘﻼً ﺩﺭﺱ ﻭﺗﺪﺭﯾﺲ ﻣﯿﮟ ﻟﮕﮯ ﮨﻮﺋﮯ ﮨﯿﮟ ﺍﻭﺭ ﺑﺰﺭﮔﻮﮞ ﮐﯽ ﻃﺮﻑ ﺳﮯ ﺍﺻﻼﺡ ﺧﻠﻖ ﮐﯽ ﺟﻮﺫﻣﮧ ﺩﺍﺭﯼ ﺁﭖ ﮐﮯ ﺩﻭﺵ ﻣﺒﺎﺭﮎ ﭘﺮ ﮈﺍﻟﯽ ﮔﺌﯽ ﮨﮯ ﺍﺳﮯ ﺑﮭﯽ ﺑﺎﺣﺴﻦ ﻃﺮﯾﻘﮧ ﺍﻧﺠﺎﻡ ﺩﮮ ﺭﮨﮯ ﮨﯿﮟ ، ﻃﺎﻟﺒﺎﻥ ﻋﻠﻮﻡ ﻧﺒﻮﺕ ﮐﻮ ﺑﮭﯽ ﺳﯿﺮﺍﺏ ﻓﺮﻣﺎﺭﮨﮯ ﮨﯿﮟ ﺍﻭﺭ ﻃﺎﻟﺒﺎﻥ ﺍﻧﻮﺍﺭﻧﺒﻮﺕ ﮐﯽ ﺑﮭﯽ ﺧﺒﺮﮔﯿﺮﯼ ﻓﺮﻣﺎﺗﮯ ﮨﯿﮟ، ﺟﮩﺎﮞ ﺁﭖ ﮐﮯ ﺷﺎﮔﺮﺩﻭﮞ ﮐﯽ ﻻﻣﺤﺪﻭﺩ ﺗﻌﺪﺍﺩ ﻣﻠﮏ ﮐﮯ ﮔﻮﺷﮯ ﮔﻮﺷﮯ ﻣﯿﮟ ﭘﮭﯿﻠﯽ ﮨﻮﺋﯽ ﮨﮯ ﻭﮨﯿﮟ ﺁﭖ ﮐﮯ ﻣﺮﯾﺪﯾﻦ ﻭﻣﺴﺘﺮﺷﺪﯾﻦ ﺑﮭﯽ ﺍﮐﻨﺎﻑ ﻋﺎﻟﻢ ﻣﯿﮟ ﺑﮑﮭﺮﮮ ﮨﻮﺋﮯ ﮨﯿﮟ۔
ﺍﻟﻠﻪ ﺗﻌﺎﻟﯽٰ ﻧﮯ ﺁﭖ ﮐﻮ ﺟﮩﺎﮞ ﺑﺎﻧﯽ، ﺣﺴﻦ ﺍﻧﺘﻈﺎﻡ ﮐﺎ ﺑﮍﺍ ﻣﻠﮑﮧ ﻋﻄﺎﻓﺮﻣﺎﯾﺎﮨﮯ ، ﻣﺪﺭﺳﮧ ﮐﯽ ﺑﻼﺍﺧﺘﻼﻑ ﺭﺍﺉ ﺫﻣﮧ ﺩﺍﺭﯼ ﺟﺐ ﺁﭖ ﮐﮯ ﻧﺎﺗﻮﺍﮞ ﮐﻨﺪﮬﮯ ﭘﺮﮈﺍﻟﯽ ﮔﺌﯽ ﺍﻭﺭ ﺍﺱ ﮐﮯ ﻧﺎﻇﻢ ﺑﻨﮯ ﺗﻮ ﻣﺪﺭﺳﮧ ﻣﯿﮟ ﭼﺎﺭ ﭼﺎﻧﺪ ﻟﮓ ﮔﯿﺎ، ﺟﮩﺎﮞ ﺍﺳﮑﮯ ﺩﺭﻭﺩﯾﻮﺍﺭ ﺍﻭﺭ ﺗﻌﻤﯿﺮﺍﺕ ﻣﯿﮟ ﺗﺒﺪﯾﻠﯽ ﮨﻮﺋﯽ ﻭﮨﯿﮟ ﺗﻌﻠﯿﻤﯽ ﺷﻌﺒﮧ ﺟﺎﺕ ﺑﮭﯽ ﺗﺮﻗﯽ ﮐﯽ ﺭﺍﮦ ﭘﺮ ﭼﻞ ﭘﮍﮮ ﮨﯿﮟ، ﮨﺮﺷﻌﺒﮧ ﻧﮩﺎﯾﺖ ﮨﯽ ﻣﺴﺘﻌﺪﯼ ﺍﻭﺭ ﺣﺴﻦ ﻧﻈﻢ ﮐﮯ ﺳﺎﺗﮫ ﺍﭘﻨﮯ ﮐﺎﻡ ﻣﯿﮟ ﺭﻭﺍﮞ ﺩﻭﺍﮞ ﮨﮯ۔
ﺁﭖ ﺟﺲ ﻃﺮﺡ ﺍﭘﻨﮯ ﻣﺘﻌﻠﻘﯿﻦ ﮐﯽ ﺍﺻﻼﺡ ﺍﻭﺭ ﺍﻥ ﮐﯽ ﺗﺮﻗﯽ ﮐﮯ ﻟﺌﮯ ﻓﮑﺮ ﻣﻨﺪ ﺍﻭﺭ ﮐﻮﺷﺎﮞ ﺭﮨﺘﮯ ﮨﯿﮟ، ﺍﺳﯽ ﻃﺮﺡ ﻋﺎﻣﺔ ﺍﻟﻨﺎﺱ ﮐﮯ ﺍﺣﻮﺍﻝ ﺳﮯ ﺑﮭﯽ ﺑﺎﺧﺒﺮ ﮨﯿﮟ، ﻟﻮﮔﻮﮞ ﮐﻮ ﺑﺮﺍﺋﯽ ﺳﮯ ﻧﮑﺎﻝ ﮐﺮ ﺟﺎﺩﮦٴ ﻣﺴﺘﻘﯿﻢ ﭘﺮ ﻻﮐﮭﮍﺍ ﮐﺮﻧﮯ ﮐﮯ ﻟﺌﮯ ﺩﻭﺭﺩﺭﺍﺯ ﮐﺎ ﺳﻔﺮ ﺑﮭﯽ ﮐﺮﺗﮯ ﮨﯿﮟ ﺍﻭﺭﺍﻥ ﮐﯽ ﮐﺴﯽ ﺩﯾﻨﯽ ﺗﻨﻈﯿﻢ ﺍﻭﺭ ﺍﺩﺍﺭﮦ ﻣﯿﮟ ﺷﺮﯾﮏ ﮨﻮﮐﺮ ﺍﻥ ﮐﯽ ﺭﮨﻨﻤﺎﺋﯽ ﺑﮭﯽ ﻓﺮﻣﺎﺗﮯ ﮨﯿﮟ، ﯾﮩﯽ ﻭﺟﮧ ﮨﮯ ﮐﮧ ﻣﻠﮏ ﻣﯿﮟ ﺑﮯ ﺷﻤﺎﺭ ﺭﻓﺎﮨﯽ ﮐﺎﻡ ﮐﺮﻧﮯ ﻭﺍﻟﯽ ﺗﻨﻈﯿﻤﻮﮞ ﮐﮯ ﺁﭖ ﺫﻣﮧ ﺩﺍﺭ ﮨﯿﮟ۔
ﺁﭖ ﮐﮯ ﮐﺎﻡ ﮐﺎ ﺩﺍﺋﺮﮦ ﻭﺳﻌﺖ ﺍﺧﺘﯿﺎﺭ ﮐﺮﺗﺎ ﺟﺎﺭﮨﺎ ﮨﮯ، ﺁﭖ ﻣﺪﺍﺭﺱ ﮐﻮ ﺍﯾﮏ ﻧﺌﮯ ﺍﻧﺪﺍﺯ ﺳﮯ ﭘﯿﺶ ﮐﺮﻧﮯ ﮐﮯ ﺧﻮﺍﮨﺎﮞ ﮨﯿﮟ، ﺍﺳﮑﮯ ﻧﻈﻢ ﻭﺍﻧﺼﺮﺍﻡ ﮐﻮ ﻭﮦ ﺗﺮﻗﯽ ﻋﻄﺎﺀ ﮐﺮﻧﮯ ﮐﯽ ﻓﮑﺮ ﻣﯿﮟ ﮨﯿﮟ ﺟﻮ ﻣﻌﺎﺷﺮﮦ ﻣﯿﮟ ﺍﯾﮏ ﺭﯾﮍﮪ ﮐﯽ ﮨﮉﯼ ﺛﺎﺑﺖ ﮨﻮ، ﺧﺎﻧﻘﺎﮨﯽ ﻧﻈﺎﻡ ﺟﻮ ﺁﺝ ﻣﺨﺪﻭﺵ ﻭﻣﮩﺠﻮﺭ ﮨﻮﭼﮑﺎ ﮨﮯ ﺍﺱ ﮐﻮ ﺍﯾﮏ ﻧﺌﮯ ﺳﺮﮮ ﺳﮯ ﻣﻠﮏ ﮐﮯ ﻃﻮﻝ ﻭﻋﺮﺽ ﻣﯿﮟ ﭘﮭﯿﻼﻧﮯ ﮐﯽ ﺗﮓ ﻭﺩﻭﻓﺮﻣﺎﺭﮨﮯ ﮨﯿﮟ۔

.......

ایک عاشق زار کی وفات کچھ زندہ یادیں
وہ صبح روز کی سی صبح تھی ، جب تک یہ خبر صاعقہ اثر نہیں پہنچی تھی کہ حضرت اقدس مفتی عبدالله صاحب پھولپوری رحلت فرماگئے،
فانا لله وإنا إليه راجعون.
قلب و جگر پر یہ خبر مانو بادل کے پھٹنے یا زمین کے کھسکنے جیسی پڑی، دل و دماغ سن رہ گئے ، نہایت معتمد ذریعہ سے خبر ملنے پر بھی یقین نہ ہوا جب تک دو چار جگہوں سے تصدیق نہ کرلی، آخر ہونی کو کون ٹال سکتا ہے، کئی موقعوں سے بات پہنچنے پر ہی انا لله زبان سے نکل سکا .
حضرت اقدس مفتی صاحب صحیح معنوں میں ملت کا سرمایہ عظیم تھے، 

در کفے سندان شریعت، 

در کفے جام عشق 

کا مصداق تھے، آپ کی ذات والا صفات مردہ قلوب کے لئے سیرابی کا سامان تھی، شیخ المشائخ صدیق دوراں شاہ عبدالغنی صاحب نور الله مرقدہ کے صحیح معنوں میں جانشیں ، محی السنة مولانا ابرارالحق صاحب رحمه الله  کے معتمد و مجاز اور تربیت یافتہ ، شیخ العرب والعجم حکیم محمد اختر صاحب کے چہیتے اور دوسرے اکابر وقت کے منظور نظر تھے، بلکہ آپ موجودہ وقت میں کسی لحاظ سے اکابر کی فہرست علیحدہ نہ تھے، وقت بہت کم جن افراد کی فیاضی کرتا ہے ان میں سے ایک نادر شخصیت تھی حضرت مفتی صاحب کی جنھیں اب نور الله مرقدہ اور رحمة الله علیه کہتے ہوئے کلیجہ منھ کو آتا ہے .
جامع کمالات:
جامعیت آپ کا طرہ امتیاز تھا ، ایک طرف کامیاب مدرس تو ساتھ ہی ناظم مدرسہ بھی ، فتوی پر درک ہے تو بخاری کا درس بھی لاجواب ہے ، علمی قیل و قال دامنگیر تو خانقاہی کیف و حال اوڑھنا بچھونا ، علوم کی خدمت ہے تو عوام کی بھی خدمات ہیں، ملی و سماجی نیز سیاسی خدمات بھی آپ کی حیات کا ایک جیتا جاگتا باب ہیں.
الغرض آپ جامعیت کا ایک باب تھے ، جنھیں دیکھ کر لوگ اکابر کی یاد تازہ کرتے تھے.
تزکیہ و تصوف کا رنگ:
تھانویت تو آپ کو نسلا اپنے دادا مولانا شاہ عبدالغنی صاحب سے ہی خونی رشتہ میں ملی تھی، پھر تربیت کے لئے بھی آپ در محی السنة پر حاضر ہوئے جو خود شاہ صاحب کے باقاعدہ نہ سہی لیکن مستفیدین میں تھے، پھر جو طرز طریق حضرت محی السنة کا عہد موجود میں اصلاح کا کامیاب تر تھا اس کی مثال مشکل ہے ، اس لئے اسی طرز و فکر کے اپنی فطری صلاحیت کے سبب بہت بڑے داعی و مبلغ ہوگئے.
راقم نے ہردوئی کی طالب علمی میں آستانہ محی السنة پر بڑے چھوٹے بہت سے اکابر و اصاغر اہل فضل و کمال کا جھرمٹ دیکھا ، لیکن جن کی یادیں ذہن پر نقش ہوئیں ان میں سے ایک حضرت مفتی پھولپوری رحمه الله تھے.
آپ کے صلاح و تقوی کا پتہ آپ چہرہ بشرہ دیتا تھا، انداز گفتگو محبت الہی کا آبشار  تھا ، کسی کا ترنم تو کسی کا تکلم مست کرتا ہے، آپ کی خموشی اور مسکراہٹ اور ادا ہی معرفت و محبت کا دریا تھی، حدیث: 

من الذين إذا روؤا ذكر الله . 

(جن انھیں دیکھو تو الله یاد آجائے) کا چلتا پھرتا مفہوم تھے، انداز گفتگو نہایت دلنشین ، سہل تراکیب، جملوں سے زیادہ انداز سے پلانے والے.
اعلی اخلاق کا نمونہ:
حضرت سے باقاعدہ ربط و تعلق یا آمد و رفت نہ رہی تاہم چند محبت بھری ملاقاتیں ہوئیں ، پہلی تفصیلی ملاقات مدرسہ بیت العلوم سرائے میں ہوئی ، پہلی آمد ،نو فارغ ،طالب علم نہیں تو طالب نما ضرور تھا ، لیکن عنایات سے پانی پانی ہوا جاتا تھا ، یوں محسوس ہی نہ ہوا کہ کوئی نو عمر جوان حاضر ہوا ہے ، دیکھ کر ہیبت شخصی کا اثر ہوئے لیکن گفتگو اتنا قریب کردے کہ آپ سے زیادہ کوئی قریب نہ ہو.

حضرت محی السنة کی یادگار:
تزکیہ و اصلاح، نہی عن المنکر، عوامی سہل انداز خطاب آپ میں کافی حد تک حضرت ہردوئی کا سا تھا، حتی کہ پسند و ناپسند بھی گویا ایک ہی میں گم ہوگئی تھی ، مدرسہ میں جب حضرت مفتی صاحب کی آرام گاہ میں داخل ہوا تو کچھ پل کو بھول گیا کہ یہ سرائے میر ہے یا آستانہ ابرار ؟ ہر چیز میں سفیدی ، بستر ، در و دیوار ، فرش و عرش، الحاصل کہ ہر ذرہ میں شیخ کا عکس ، چند لمحے تو حضرتِ ابرار کی یادوں میں کھو گیا .
میرے ایک محسن کہتے ہیں کہ میرا تو جی چاہتا ہے کہ مفتی صاحب کو "آئینہ محی السنة" کہا کروں، جو وہاں نظر آتا تھا اب مفتی صاحب کے یہاں بعینہ دکھائی دیتا ہے.
ایک شب پھولپور کی:
حاضری پر رات قیام کی بات تھی تو فرمایا اگر مدرسہ میں قیام چاہیں تو یہاں ٹھہر جائیں اور چاہیں تو پھولپور چلیں ، کم وقت لیکر گیا تھا، دوسرے موقع کا انتظار طویل جھٹ سے پھولپور کی حامی بھردی ، صبح کو خانقاہ دکھائی، حضرت شاہ عبدالغنی صاحب کی کچھ یادگاریں دکھائیں ، خانقاہ میں مقیمین کے بارے ملاقات سے قبل فرمایا یہ یومیہ 24 ہزار کا ذکر کرنے والے حضرات ہیں ، بعد فجر ایک اپنی نوع کی مجلس تھی ، کبھی کچھ فرمادیتے ، کوئی سوال کرلیتا ، کبھی دوسرے موجود حضرات کی بات سن لیتے.
دلیل ولایت:
ہردوئی میں اکابر مدرسہ سے سنا کہ " نبی کو پہچاننا آسان ہے (اس سے معجزہ کا سوال ہوسکتا ہے) لیکن ولی کو پہچاننا مشکل ، تاہم علامتیں ضرور ہیں جن سے اندازہ مشکل نہیں، ذہن میں آرہا ہوگا کہ میں کسی کرامت کا ذکر کروں گا تو بتادوں ایسا ہرگز نہیں ، بلکہ ایک بڑی علامت جو اکابر اولیاء سے منقول ہے اس کا ذکر ضروری سمجھتا ہوں، اور وہ یہ کہ حضرت اقدس مفتی عبد الله صاحب کی ولایت کا ڈنکا جہاں دنیا کے دور گوشوں تک صدا لگا رہا تھا ، وہیں کچھ محروم العقل و القسمت لوگ تھے جو مفتی صاحب کو ناکردہ باتوں پر معتوب کرنے پر آمادہ تھے ، بعض باتوں کو توڑ مروڑ سوال بناکر دارالافتاء بھیجا گیا ، جب کہ اسے پڑھ معلوم ہوجاتا ہے کہ اس میں اعتراض کرنے لائق ایک بھی معقول وجہ و سبب نہیں ، سوائے ایک الله والے سے بغض و کینہ کے ، سوشل میڈیا پر بھی بعض ایسے ہی بد فکرے ان آدھی ادھوری باتوں کو پھیلا کر دل کے مرض کو تقویت دیتے دکھائی دیئے.
جی ہاں! یہ دلیل ولایت ہے، نظام الاولیاء حضرت نظام الدین رحمة الله علیه سے ان کے خادم نے کہا میں تو چلا ، جسے دیکھو آپ کی تعریف ہی کرتا ہے ، کوئی بھی برائی کرنے والا نہیں ، فرمایا اچھا چلے جانا لیکن ذرا پڑوسن تک جاکر یہ کام کردو، وہ گیا اور جاکر حضرت حضرت کرنے لگا ، اس پڑوسن نے جب حضرت کا لفظ سنا تو سنانا شروع کیا اور جو ممکن ہوا سنا ڈالا کہ کہاں ہجرت؟ وہ تو ایسا تیسا ہے .....خادم لوٹا بندھا بستر کھول دیا کہ اب جانے کی حاجت نہیں، دیکھ لیا کہ آپ کے بھی دشمن موجود ہیں.
ان بدعقلوں کو کون سمجھائے کہ عصمت نبوت کا خاصہ ہے، ولایت کا نہیں، گناہ کا استثناء صرف انبیاء سے ہے، دوسرے کسی ولی سے نہیں، حتی کہ انفرادا صحابہ سے بھی نہیں، لیکن اولیاء الله کی ایسی باتوں کو جو ان سے بتقاضہ بشری صادر ہوئیں نیز وہ اس پر مصر بھی نہیں پکڑکر بیٹھ جانا انھیں تو رسوا نہ کرے گا خود کو البتہ مردود بارگاہ الہی ضرور اور بالیقین کرے گا.
وفات العلماء کا سال:
الله جانے کس نے یہ بات کہی ہے ، مجھے استناد میں تثبت نہیں لیکن ہوا کچھ ہی ہے کہ امسال علماء و اکابر کی رحلات کی ایک کڑی سی بن گئی، سب کے اپنے جدا جدا خصوصیات ہیں، مگر مفتی صاحب کا رنگ کچھ اور تھا، کہیں کوئی منارہ علم پر قابض ہے لیکن عمل میں رشک جاہلاں ہیں، اور دوسرا خانقاہ کی گدی پر براجمان ہے تو علم میں بوجہل، علم و عمل کے جامع اور ایسے جامع کہ اکابر سے لے کر عوام تک یکساں محبوبیت کے مالک ہوں کم ملیں گے، غم غلط کرنے کو چند جملے ترتیب دے دیئے ورنہ دل بار بار غم فراق پر نوحہ کناں ہے، کوئی ایک طبقہ کا گھر نہیں، پوری ملت تعزیت کے حقدار ہے.
آخری آرام گاہ:
حضرت مع اہل و عیال عمرہ پر تھے کہ طبیعت میں گرانی ہوئی جو آخری سانسوں کا بہانہ بن گئیں ، لیکن دیکھیئے تو ایک سفر ، پھر غربت وطن ، خدمت علم ، زمانہ فساد میں احیاء سنت کی ترویج کرنا ، مکہ المشرفہ کی موت اتنے جلی اسباب تھے تو آپ کی وفات کو شہادت بنانے کے لئے قدرت نے پیدا کئے، اور یا الله! عاشق کا جنازہ ہے ذرا دھوم سے نکلے، حرم مکہ کی نماز ،پھر عاشقوں کے مدفن میں ام المومنین عاشقۂ رسول ماں خدیجہ رضی الله عنھا کے قرب میں،  "الشفاء" جیسی عشق نبوی میں ڈوبی کتاب کے مولف قاضی عیاض مالکی یحصبی کے پہلو، اور سید الطائفہ اہل دیوبند کا سرخیل حاجی امداد الله مہاجر مکی کا جوار نصیب ہوا، یہ تھی آخری قیام گاہ جو بڑے بڑوں کے بھی صرف خوابوں میں ہے، مگر اس عاشق زار کے لئے تیار تھی .
الله تعالی حضرت کو اپنے شایان شان امت کی طرف سے جزائے خیر عطا فرمائے ، نم دلوں کو صبر جمیل دے، ان کے محاذوں پر نیابت کے لئے اپنے یہاں سے کسی لائق شخصیت کا انتخاب فرمادے.

از قلم: محمد توصیف قاسمی
.....

وفات سے پہلے اور بعد کی کچھ باتیں

30 نومبر 2017بروز جمعرات صبح پانچ بجکر چالیس منٹ پر اعظم گڑھ کی مایہ ناز شخصیت شیخ مکرم استاذ محترم  عارف باللہ حضرت مولانا مفتی عبداللہ صاحب پھولپوری نوراللہ مرقدہ خلیفہ أجل حضرت مولانا شاہ ابرارالحق صاحب ھردوئی و نبیرہ حضرت مولانا شاہ عبدالغنی صاحب نور اللہ مرقدھما وسرپرست مدرسہ عربیہ بیت العلوم سرائمیر اعظم گڑھ نے مکہ مکرمہ کے مستشفی النور میں نہایت ناز و نیاز کیساتھ داعئ اجل کو لبیک کہا..
یہ خبر ملک و بیرون ملک میں جنگل کی آگ کی طرح پھیل گئی..
اور ھر طرف صف ماتم بچھ گئی.
حلقہ ارادت میں کہرام مچ گیا.
اور ھر طرف سے تعزیتی پیغامات کا سلسلہ شروع ھوگیا جو ابھی تک جاری ھے یہ عنداللہ محبوبیت و مقبولیت کی واضح علامت ھے...
مدرسہ بیت العلوم کے استاذ حدیث اور حضرت کے معتمد خاص مولانا ریاض احمد صاحب جنھیں ہم شیخ کہتے ہیں ان خوش نصیب لوگوں میں ھیں جنھیں حضرت کا آخری دیدار نصیب ھوا... اور تجہیزوتدفین میں شامل رھے ان کے ساتھ  حافظ خطیب صاحب کو بھی یہ شرف حاصل ہوا.

وفات سے پہلے اور بعد کی کچھ باتیں حضرت کے میزبان حاجی سیف صاحب ممبئی مقیم جدہ نے مولانا ریاض صاحب کو بتائیں اور مولانا نے آج فون پر راقم کو بتایا.. اور حکم دیا کہ اسے ضبط تحریر میں لاؤں چنانچہ حکم کی تعمیل کرتے ہوئے من و عن نذر قارئین کررھا ھوں...
میزبان نے بتایا کہ حضرت کے پاؤں میں چھالے پڑگئے تھے اسی کے علاج کیلئے مستشفی النور میں گئے تو ڈاکٹر نے ایڈمٹ کرلیا. تاکہ اچھا علاج ھوسکے کیوں کہ حضرت کو شوگر بھی تھی اس لئے ان چھالوں کا سوکھنا ضروری تھا.. دوتین روز کے علاج سے چھالے سوکھ گئے اور حضرت جمعرات کو ڈسچارج ھونے والے تھے. دوران علاج حضرت نے اپنے کنبہ کو مدینہ بھیج دیا تھا وہ لوگ مدینہ میں تھے... بدھ کو میزبان نے کہا کہ:
"حضرت کل جمعرات ہے اور بارہ ربیع الاول بھی ھے کل فلائٹ سے مدینہ چلتے ہیں، روضہ اقدس پر سلام پیش کرکے شام تک واپس آجائیں گے.. میزبان کا بیان ہے کہ اس بات پر حضرت نے رخ پھیر کر مسکراتے ہوئے کہا کہ میں خود ھی ملاقات کرلونگا.."
میزبان کہتے ہیں کہ میں اس وقت حضرت کی بات نہیں سمجھ سکا تھا لیکن صبح میں انتقال کے وقت سمجھ میں آگیا کہ حضرت کیا کہنا چاہ رہے تھے.. یقیناً حضرت کو معلوم ھوگیا تھا کہ صبح میں اس جہاں فانی سے عالم جاودانی کیطرف کوچ کرنا ہے...
دوسری بات..
انتقال کے بعد  قانونی کارروائی کے دوران وھاں کے عملہ نے تدفین کے متعلق پوچھا کہ کہاں دفن ھونگے تو لوگوں نے جنت المعلی میں دفن کرنے کی خواھش ظاھر کی تو ان لوگوں نے کہا کہ جنت المعلی کا خیال دل سے نکال دو وھاں خارجی لوگوں کی تدفین کی اجازت نہیں ملتی ھے... میزبان کا بیان ہے کہ کچھ دیر کے بعد جنت المعلی کا مدیر خود چل کر آیا اور کہا کہ اوپر سے (وزارت)  سے آرڈر ھے کہ انھیں جنت المعلی میں دفن کیا جائے...
اس طرح مسئلہ آسان ھوگیا غالباً حضرت کے کسی خاص معتقد نے وزارت سے تدفین کی اجازت حاصل کرلی تھی لیکن عملہ کو علم نہیں تھا...
تیسری بات.
حضرت کی قبر ام المومنین حضرت خدیجۃ الکبری رضی اللہ تعالٰی عنہا کے بالکل قریب میں ھے.
حضرت خدیجہ کی قبر سے متصل قاضی عیاض کی قبر ھے اس سے متصل سید الطائفہ حاجی امداد اللہ مہاجر مکی رحمۃ اللہ علیہ کی قبر ھے ان کے بازو میں حضرت کی قبر ھے.
اس طرح یہ کہا جاسکتا ہے کہ.
پہونچی وھیں پہ خاک جہاں کا خمیر تھا..
ایں سعادت بزور بازو نیست..
تا نہ بخشد خدائے بخشندہ.
ذالک فضل اللہ یوتیہ من یشاء.

چوتھی بات..
حضرت کو غسل دینے والے وھاں کے عرب ملازمین کا بیان ہے کہ کسی کی موت کے بعد اتنا نورانی اور مسکراتا ھوا چہرہ سولہ سال کی ملازمت کے دوران پہلی بار دیکھا ھے......
پانچویں بات...
حضرت کو جمعرات کو ڈسچارج ھونا تھا دو دسمبر بروز ہفتہ کو صبح میں جدہ سے لکھنؤ کی فلائٹ تھی.. لیکن بدھ کی رات ھی سے گھبراھٹ شروع ھوگئی میزبان حاجی سیف صاحب کے ساتھی عبدالعزیز صاحب جو حضرت کی خدمت پر مامور تھے حضرت نے ان سے سورہ فاتحہ پڑھنے کیلئے کہا شاید انھیں سورہ یسین نہیں یاد رھی ھوگی بہرحال سورہ فاتحہ کی تلاوت جاری رھی اور حضرت بھی پڑھتے رھے اور اسی بے چینی اور گھبراھٹ کی حالت میں جبکہ  کلمہ اور قرآنی آیات  ورد زبان تھیں جمعرات کو صبح پانچ بجکر چالیس منٹ پر حضرت کی روح قفس عنصری سے پرواز کرگئی..
خدا رحمت کند ایں عاشقان پاک طینت را..

حضرت کی فیملی کل جدہ سے صبح چار بجے لکھنؤ کیلئے روانہ ھوجائے گی..
مولانا ریاض صاحب (شیخ)  بھی اپنا وقت پور کرنے سے پہلے ہی ایک ھفتہ کے اندر واپس ھورھے جبکہ ان کا ارادہ تھا کہ ڈائریکٹ رمضان تک رھیں گے رمضان کا کام مکمل کرکے واپس آئیں گے اس سلسلے میں انہوں نے حضرت سے مشورہ لیا تھا لیکن حضرت نے ان سے کہا کہ نہیں ابھی چلے جاؤ رمضان میں پھر آجانا غالبا حضرت نے مولانا ریاض صاحب کو اپنی وفات کے بعد مدرسہ پر موجود رھنے کی جانب اشارہ کیاتھا اس لئے وہ اب آرھے ھیں ان کی طبیعت ٹھیک نہیں ہے تمام احباب سے انھوں نے دعا کی درخواست کی ھے..
فرط غم اور شدت رنج کیوجہ سے اس وقت وہ واٹس ایپ بند کئے ھوئے ھیں... ورنہ وہ خود دعا کی درخواست کرتے...
جو باتیں میں نے سپرد قرطاس کی ہیں میں صرف کاتب اور مرتب ھوں راوی ھمارے شیخ ھیں اور ان سے کے میزبان نے روایت کیا ہے...
واللہ اعلم بالصواب.
محمد خالد اعظمی
یکے از ممبران پاسبان علم و ادب
1/12/2017 بروز جمعہ
یہ اچانک سےبچھڑنا گر چہ دل پر ہے گراں
کیا تعجب ہے کہ ہوں بیساختہ آنسو رواں
تیری جدائی ہے یقیناً باعثِ رنج و الم
ہے مگر حکمِ خدا پر اب سرِ تسلیم خم
ہوگا کہیں فلک پر وہ خورشید جلوہ گر
کہتے ہیں آفتاب کبھی ڈوبتا نہیں.....
زندگی ایسی جیو کہ دشمنوں کو رشک ہو
موت ہو ایسی کہ دنیا دیر تک ماتم کرے
اللہ حضرتِ والا کو جنت الفردوس میں اعلٰی مقام عطا فرمائے
ہمیں اور آپکو کو صبرِ جمیل عطا فرمائے
آمین یا رب العٰلمین!
.......

علم وعمل اور صلاح و صلاحیت کے پیکر
حضرت مولانا مفتی عبداللہ پھول پوری 

ابھی حال ہی میں جن اہم شخصیات کے داغِ مفارقت دینے سے ملتِ اسلامیہ کو واقعی ناقابلِ تلافی صدمات سے دو چار ہونا پڑا ہے اس میں حضرت مولانامفتی عبد اللہ پھول پوری کا سانحہ وفات بھی ہے وہ ابھی 30 نومبر 2017 کو سفرِ عمرہ کے دوران مکہ المکرمہ میں اپنے مالکِ حقیقی سے جاملے،

علم وعمل اور صلاح و صلاحیت کے پیکر

حضرت مولانا مفتی عبداللہ پھول پوری 

ابھی حال ہی میں جن اہم شخصیات کے داغِ مفارقت دینے سے ملتِ اسلامیہ کو واقعی ناقابلِ تلافی صدمات سے دو چار ہونا پڑا ہے اس میں حضرت مولانامفتی عبد اللہ پھول پوری کا سانحہ وفات بھی ہے وہ ابھی 30 نومبر 2017 کو سفرِ عمرہ کے دوران مکہ المکرمہ میں اپنے مالکِ حقیقی سے جاملے،

انا للہ وانا الیہ راجعون

وفات کے وقت آپ کی عمر محض 57 سال تھی قسمت کی بلندی کہ انھوں نے’بلد امین‘ میں قابل رشک موت پائی اور وہاں کے تاریخی قبرستان جنت المعلی میں علمائے دیوبند کے سرخیل حضرت حاجی امداد اللہ مہاجر مکی رحمہ اللہ کے پہلو میں آسودہ خواب ہوئے۔

مفتی عبد اللہ پھول پوری اہلِ علم وتصوف کے اس ممتاز حلقے کے فرد تھے جنھیں مصدرِ فیاض نے صراطِ مستقیم کی وضاحت اوراپنے دین کی سربلندی وترجمانی کے لئے موفق فرمایا وہ زمانہ کے مدوجزراور حالات کی ستم ظریفی کا شکوہ نہ کرکے اپنی زبان وقلم اور مجالسِ اصلاح وارشاد سے پریشان امت کی دینی وفکری آبیاری کا ایسا قابلِ عمل فریضہ سر انجام دیتے ہیں کہ ان کے معاصرین کو بھی ان کی اداو ¿ں پر پیار آنے لگتا ہے اور وہ بزبانِ حال یہی کہنے پر مجبور ہوتے ہیں کہ:

ایں سعادت بزورِ بازو نیست

تانہ بخشد خدائے بخشندہ

مفتی عبد اللہ پھول پوری بھی ان بافیض خدا رسیدہ بندگان میں سے تھے جنھیں خاندانی نسبتوں نے چمک اور روحانی کشش سےبہرہ ور کرنے کے ساتھ اسلاف کی سنتِ متوارثہ کو اپنے اندر جذب کرلینے بلکہ کمالِ فرزانگی کے ساتھ اسے متعدی کرنے کاحوصلہ وسلیقہ وہبی طور پر بخشا تھا، اسی لئے ان کے حلقہ ارادت میں ملک کے نامی گرامی گھرانوں کے جویانِ حق اور طالبین وسالکین نظر آتے ہیں ان کے جدِّ بزرگوارحضرت مولاناشاہ عبد الغنی پھول پوری نے مفتی صاحب کے اندرون پرکیا انقلابی اثرات ڈالے ہوں گے کہ بہت جلد وہ عوام وخواص کے ایک معتدبہ حلقے میں شہرتوں کے آسمان سر کرنے لگے جبکہ روحانیت کا درجہ کمال انھیں محی السنہ حضرت مولانا شاہ محمد ابرار الحق ہردوئی کے دربار سے حاصل ہوگیا تھا جو حکیم الامت مولانا تھانوی قدس سرہ کے براہِ راست خلیفہ و مجاز تھے۔

چنانچہ جیسے ہی میدانِ عمل میں آپ نے قدم رکھا تو سعادت و اقبال مندی ان کے شانہ بشانہ تھی اور شمعِ روحانیت کے پروانے دیوانہ وار ان کے ارد گرد جمع ہونے لگے تھے۔ اللہ نے انھیں بے شمار کمالات سے نوازا تھا وہ عالم باعمل صوفی صافی ولی وعارف اور باصلاح استاذِ حدیث وروشن دماغ مفتی تھے ان کے والد ابو البرکات نے انھیں ابتدائی عربی تا متوسطات کی تعلیم کے بعد جامعہ مظاہر علوم سہارن پور تحصیلِ علم وآدمیت کیلئے بھیجا تھا۔ اس وقت آپ کی عمر محض 21 سال تھی یہ سن 1402 ھجری مطابق 1982 عیسوی کی بات ہے جب آپ نے مختلف کتب کا اہلیتی امتحان دے کر عربی ہفتم (مشکوة) میں داخلہ لیا پھر آئندہ سال اس شان کے ساتھ فاتحہ فراغ پڑھی کہ سالانہ امتحان میں اعلی نمبرات سے ظفریاب ہوئے جس کی بنا پر آپ کو خصوصی انعام سے بھی نوازا گیا۔ علم وتحقیق کی انگیٹھی کو مزید گرمانے کیلئے اگلے سال یہیں سے افتا کی بھی تکمیل فرمائی۔ 

مفتی عبد اللہ اپنے درسی ساتھیوں میں صلاح واستعداد کے لحاظ سے خاصے نیک نام تھے اس لئے فقیہ الاسلام مفتی مظفر حسین اجراڑوی چاہتے تھے کہ ان کا تقرر برائے تدریس جامعہ مظاہر علوم میں کرلیا جائے لیکن قسامِ ازل نے مدرسہ بیت العلوم سرائے میر کی وقیع خدمت آپ کے حق میں لکھی تھی چنانچہ آپ عملا اسی ادارہ سے وابستہ ہوگئے جہاں بتدریج وہ شیخ الحدیث اور دارالاہتمام تک پہنچے انہوں نے قلیل سے زمانی رقبے میں مدرسہ کو مکانی وسعتوں سے نہ صرف مالامال کیا بلکہ متعدد تعلیمی شعبوں کے اضافے کے ساتھ ملکی سطح پر اسے مستحکم شناخت سے بھی آشنا کیا۔

جامعہ کے تعارف ومقاصد اور ابلاغِ دین کیلئے وہاں سے ایک دینی واصلاحی اور علمی رسالہ بنام فیضانِ اشرف شروع کیا جو تقریبا ڈیڑھ دہائی سے پابندی کے ساتھ مسلسل اشاعت پذیر ہے اور قلم وکتاب کے رسیا اس سے استفادہ کرتے ہیں مفتی صاحب ہی اس کے شذرات لکھتے تھے ان کی یہ خوبی بھی قابلِ ذکر ہے کہ وہ ہر موضوع پر اس کے ادارتی صفحات پہ اپنا واضح موقف رکھتے تھے بلکہ بسااوقات سیاسی احوال وظروف پر بھی ان کی باوزن تحریریں ملک کے سیاسی منظر نامہ کو سمجھنے میں سنگِ میل کا کام کرتی تھیں ان کے نام اور کام سے واقفیت تو غالبا ان کی نگارشات سے ہی ممکن ہوئی تھی حسنِ اتفاق کہ کئی سال پیشتر جامعہ ملیہ اسلامیہ نئی دہلی کے کسی ہال میں حکیم الامہ مولانا اشرف علی تھانوی علیہ الرحمہ پر منعقد ہوئی کانفرنس میں جامعہ اشرف العلوم رشیدی گنگوہ کی نسبت پر یہ خاکسار بھی شریک ہوا تھا۔ اس علمی سمینار میں ملک کی عبقری شخصیات کے ساتھ ہمارے ممدوح مفتی عبد اللہ پھول پوری بھی تھے۔

ویسے تو وہ اپنی وضع قطع اور عالمانہ رنگ وآہنگ کے اعتبار سے ہی ناظرین پر ایک خوش گوار اثر چھوڑ دیتے تھے مگر یہاں کا تو ماحول بھی ان کے حق میں سازگار ثابت ہوا۔ چنانچہ جیسے ہی انھیں اظہارِ خیال کی دعوت دی گئی تو وہ اپنے اسلوبِ خطابت مدلل گفتگو اور ساحرانہ زبان و بیان کی معرفت حاضرین پر چھاگئے عنوانِ سمینار کے تناظر میں وہ گویا ہوئے ان کے یہاں معلومات کی ترسیل مطلب خیز عبارت والفاظ کا انتخاب چست جملے اورمتاثر کن اظہارِ تعبیر کاملکہ وافر مقدار میں محسوس ہوتا تھا۔

ایک دوسرے موقع پر انہوں نے ائمہ اور موذنین کے مسائل وفرائض پر ایسا چشم کشاخطاب فرمایا تھا کہ سامعین محوِ حیرت گوش بر آواز تھے اور بقدر ظرف مستفید ہورہے تھے۔

محمد ساجد کھجناوری

مدیر ماہ نامہ صدائے حق گنگوہ

.....................

توفي شيخنا العالم العارف سليل أهل العلم الشيخ المفتي عبد الله بن أبي البركات بن الشاه عبد الغني الفولفوري -رحمهم الله-

بمستشفى النور في مكة المكرمة أثناء رحلة العمرة.

إنا لله وإنا إليه راجعون
رحم الله شيخنا وغفر له وجعل في الفردوس الأعلى مقامه.

وقد يسر الله لي قراءة ثلاثيات البخاري وعقود رسم المفتي عليه بالمسجد النبوي الشريف.

ورويت عن جده من طريق ثلاثة من طلابه، وهم:
- العالم الجليل الشيخ الحكيم محمد أختر (ت ١٤٣٤)
- الشيخ المحدث عبد الحق الأعظمي (ت ١٤٣٨)
- الشيخ المحدث مشرف علي التهانوي.
وكتب
أبو المبارك حماد
.......

[https://m.youtube.com/watch?v=-WWy1tWebeg] 
[مرثیہ: حضرت مولانا مفتی عبداللہ صاحب پھولپوری نور اللہ مرقدہ - YouTube] is good,have a look at it!   

........

جنت المعلی، مکہ مکرمہ میں 30 نومبر جمعرات کو آپ سپرد خاک کردیئے گئے.
.......
تصویر:
ﻋﺎﺭﻑ ﺑﺎﻟﻠﻪ ﭘﯿﺮﻃﺮﯾﻘﺖ ﺣﻀﺮﺕ ﺍﻗﺪﺱ ﻣﻮﻻﻧﺎ ﻣﻔﺘﯽ ﻣﺤﻤﺪ ﻋﺒﺪﺍﻟﻠﻪ ﺻﺎﺣﺐ رحمة اللہ  ﭘﮭﻮﻟﭙﻮﺭﯼ (بائیں جانب) مولانا محمود مدنی ﺩﺍﻣﺖ ﺑﺮﮐﺎﺗﮩﻢ کے ساتھ.......

ﺣﻀﺮﺕ ﺍﻗﺪﺱ ﻣﻮﻻﻧﺎ ﻣﻔﺘﯽ ﻣﺤﻤﺪ ﻋﺒﺪﺍﻟﻠﻪ ﺻﺎﺣﺐ رحمة اللہ  ﭘﮭﻮﻟﭙﻮﺭﯼ (بائیں جانب) مولانا محمود مدنی ﺩﺍﻣﺖ ﺑﺮﮐﺎﺗﮩﻢ کے ساتھ