کیا چھوٹے بچوں پر بھی ضمان ہے؟

کیا چھوٹے بچوں پر بھی ضمان ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سوال
۔۔۔۔۔۔
السلام علیکم و رحمۃ اللہ و برکاتہ
ایک نابالغ بچہ نے کسی آدمی کا نقصان کردیا ہے تو کیا اس پر یا اس کے والدین پر کسی قسم کا ضمان واجب ہوگا؟؟؟
براہ مہربانی رہنمائی فرمائیں اور دلیل بھی مرحمت فرمائیں
احمد خان قاسمی
۔۔۔۔۔۔۔ ۔۔۔۔۔۔۔۔۔،،۔۔۔۔،۔۔۔۔۔۔
الجواب وباللہ التوفیق
سات سال یا اس سے زائد عمر کے بچے (سمجھدار بچہ، صبی ممیز) اگر کسی کا کچھ سامان ضائع کردیں یا غصب کرلیں تو ان پہ تلف شدہ اشیاء یا منافع کا ضمان حنفیہ و مالکیہ کے یہاں واجب ہے
اس سے کم عمر کے بچوں پہ کچھ واجب نہیں
اگر یہ بچہ یتیم ہو اور اس کا والد ترکہ میں مال چھوڑ کے مرا ہو تو اس مال سے ضمان ادا کیا جائے
ورنہ بچہ کے اولیاء ضمان ادا کریں
نابالغ بچے اقوال میں محجور التصرف ہوتے ہیں
افعال میں نہیں
شوافع و حنابلہ اس مسئلے میں کچھ اختلاف رکھتے ہیں
«مروا أولادكم بالصلاة وهم أبناء سبع سنين» رواه أحمد وأبو داءود والحاكم عن بن عمرو
فتح القدير مع الهداية  میں ہے :
الحجر على الأقوال دون الأفعال، لأنها لا مَردَّ لها لوجودها حساً ومشاهدة، بخلاف الأقوال لأن اعتبارها موجودة بالشرع، لا بالواقع، والقصد شرط لاعتبارها (الهداية مع تكملة الفتح: 311/ 7).
مزید تفصیل کے لئے دیکھیں :
الدرا لمختار: 101/ 5، تبيين الحقائق: 191/ 5، تكملة الفتح: 310/ 7 ومابعدها، البدائع: 171/ 7، اللباب: 67/ 2، الشرح الكبير: 294/ 3، 296، الشرح الصغير: 384/ 3، القوانين الفقهية: ص 320، بداية المجتهد: 278/ 2.
واللہ اعلم
شكيل منصور القاسمی
  مركز البحوث الإسلامية العالمي
muftishakeelahmad@gmail.com

https://www.facebook.com/muftishakeelqasmi/

https://t.me/muftishakeelqasmi
       رابطہ نمبر :
+5978836887