قہرِ زوجہ بر جانِ شوہر

میرے مُرشدِ نامدار حضرت مُلّا نصرالدین کے گھر زلزلہ برپا تھا ،

 ایسے لگتا تھا جیسے دیواریں گر رہی ہیں ۔

تھوڑی دیر میں گھر کا دروازہ کھلا اور مُلّا گٹھڑی کی طرح لڑھکتے دہلیز پر آ گرے ۔

پڑوسی نے جلدی سے آ کر انہیں اٹھانے کی کوشش کی مگر مُلا نے روک دیا اور کہا ،

قہرِ زوجہ بر جانِ شوہر

 پڑوسی نے پوچھا ،

آپ کے گھر میں سے کسی چیز کے گرنے کی آواز سنائی دی تھی تو مُلا نے کہا وہ تو میرا کُرتا پاجامہ گرا تھا ،

پڑوسی نے حیران ہو کر کہا ،

 کرتے پاجامے کی اتنی آواز؟

تو مُلا نے کہا کہ کُرتے پاجامے میں ، میں بھی تو تھا ۔

اس پر پڑوسی نے استفسار کیا ،

مگر ہوا کیا تھا؟ 

 مُلا نے مختصر ترین جواب دیا

جو سب گھروں میں ہوتا ہے