یسبح الرعد بحمدہ Safety tips when lightning strikes

ایس اے ساگر

بر صغیر ہند، پاک کے علاوہ نیپال میں سیلاب نے پیر پھیلائے ہیں. گذشتہ روز ہندستان کی مشرقی ساحلی ریاست اڑیسہ میں گذشتہ چوبیس گھنٹوں میں کم از کم 30 افراد کی موت واقع ہو گئی ہے جبکہ شمالی ریاستوں میں سیلاب کی تباہ کن صورتحال کے سبب مزید 31 افراد ہلاک ہو گئے ہیں۔ ریاست آسام میں آنے والے سیلاب میں کم از کم 26 افراد جاں بحق ہو گئے ہیں جبکہ ریاست کے 28 اضلاع میں 37 لاکھ افراد پر مصائب کی زد میں ہیں۔ بہار میں حالیہ بارشوں میں 26 دیگر افراد ملک عدم سدھار چکے ہیں۔ مزید یہ کہ اڑیسہ میں آسمانی بجلی گرنے سے 28 لوگوں کی موت کی تصدیق کی جاچکی ہے جبکہ اموات کی تعداد اس سے زیادہ بتائی جا رہی ہے۔ بجلی گرنے سے بھدرک میں آٹھ، بالیشور میں سات، كھوردھا میں پانچ افراد جان سے ہاتھ دھو بیٹھے۔ ان کے علاوہ میور بھنج میں چار، کٹک میں دو، جاجپور میں تین اور نياگڑھ میں ایک شخص کی ہلاکت کی تصدیق کی گئی ہے۔ بھدرک ضلع میں ہنگامی امور کے افسر راجندر پانڈا کے مطابق ان کے ضلع میں پانچ افراد کی موت کی خبر ہے۔ مرنے والوں کا ابھی پوسٹ مارٹم ہو رہا ہے۔ رپورٹ آنے کے بعد ہی مرنے والوں کی صحیح تعداد بتائی جا سکتی ہے۔

کیا ہے دین کا تقاضہ؟

عام مشاہدہ ہے کہ جب آسمان میں بجلی چمکتی ہے تو دیکھنے والوں کے رونگٹے کھڑے ہوجاتے ہیں. حضرت عبد اللہ بن زبیر رضی اللہ عنہ جب بادل گرج سنتے تو تمام باتیں چھوڑ کر یہ کلمات کہتے۔
سُبْحَانَ الَّذِي يُسَبِّحُ الرَّعْدُ بِحَمْدِهِ وَالْمَلاَئِكَةُ مِنْ خِيفَتِهِ
صحیح، موطا للامام مالک:3641
یعنی کہ پاک ہے وہ ذات جس کی تعریف کے ساتھ یہ گرج تسبیح کرتی ہے اور فرشتے اس کے خوف سے تسبیح کرتے ہیں۔

علامات پہچانیں :

حالیہ گرم موسم کے باعث طوفان بادو و باراں میں اضافہ دیکھنے میں آیا ہے۔ گرج چمک اور آسمانی بجلی بہت خوفناک ہوتے ہیں لیکن ان سے بچنے کا بہترین طریقہ کیا ہے؟ گرج چمک کم مدتی اور خطرناک ہوتے ہیں۔ اگر آپ بادلوں کی گونج سن سکتے ہیں تو اس کا مطلب ہے کہ طوفان قریب ہی ہے اور آسمانی بجلی آپ پر گرنے کے خدشات ہیں۔ آسمانی بجلی طوفان سے 10 میل دور تک گر سکتی ہے۔
اگر بجلی کی چمک دیکھنے اور بادلوں کی گرج کی آواز میں 30 سیکنڈ سے کم کا وقفہ ہے تو یہ خطرے کی علامت ہے۔

خطرناک مقامات :

اگر طوفان کی پیشین گوئی کی گئی ہے تو کھلے آسمان تلے جانے سے گریز کریں اور خاص طور پر گولف یا مچھلی کے شکار کے لیے نہ جائیں۔ اگر طوفان آ رہا ہے تو کسی عمارت میں چلے جائیں یا گاڑی میں بیٹھ جائیں اور شیشے چڑھا لیں۔
طوفان کی صورت میں لکڑی کے بنے کمرے، اکیلا کھڑا درخت اور بغیر چھت کی گاڑیاں آپ کو محفوظ نہیں رکھ سکتے۔

کیا نہیں کرنا چاہئے ؟

کشتی میں سوار افراد اور تیراک فوری طور پر کنارے پر پہنچیں کیونکہ پانی کے ذریعے بجلی گزر سکتی ہے۔ اسی طرح لوہے کی پائپوں اور فون لائنوں کے ذریعے بھی بجلی گزر سکتی ہے۔ اس لیے صرف ایمرجنسی کالز کے لئے فون استعمال کریں۔ بہتر یہ ہو گا کہ نہانے اور برتن دھونے سے پرہیز کریں کیونکہ اگر مکان پر آسمانی بجلی گرتی ہے تو بجلی کا جھٹکا لوہے کی پائپوں کے ذریعے بجلی گزر سکتی ہے۔
محکمہ موسمیات یہ بھی مشورہ دیتا ہے کہ بجلی سے چلنے والے آلات کو بند کر دیں۔ اگر بجلی چلی جائے تو موم بتی لگانے کی بجائے ٹارچ کا استعمال کریں۔

نیچے رہیں :

طوفان کے دوران اگر آپ مکان سے باہر ہیں تو درخت، باڑ اور کھمبوں سے دور ایسی جگہ ڈھونڈیں جو تھوڑی نچلی ہو۔ اگر آپ کو جھنجھناہٹ محسوس ہو اور آپ کے بال کھڑے ہو جائیں تو اس کا مطلب ہے کہ آسمانی بجلی گرنے لگی ہے۔ ایسی صورت میں اپنا سر گھٹنوں کے درمیان رکھیں۔

چھتری اور موبائل سے گریز :

طوفان کے دوران چھتری اور موبائل فون استعمال نہ کریں۔ برٹش میڈیکل جرنل نے گذشتہ ماہ بتایا کہ طوفان کے دوران کس طرح 15 سالہ لڑکی موبائل فون استعمال کر رہی تھی اور بجلی گرنے کے باعث ان کو دل کا دورہ پڑا، کان کا پردہ پھٹ گیا اور وہ ایک سال تک وہیل چیئر پر رہیں۔

جب گر جائے بجلی :

اگر کسی پر آسمانی بجلی گرے تو فوری طور ایمبولینس کو فون کریں کیونکہ اس شخص کو فوری طبی امداد کی ضرورت ہو گی۔ اس شخص کو آپ ہاتھ لگا سکتے ہیں۔ اس شخص کی نبض چیک کریں اور دیکھیں کہ سانس آ رہا ہے کہ نہیں۔ اگر سانس آ رہا ہے تو دیکھیں کہ وہ زخمی تو نہیں۔ جس شخص پر آسمانی بجلی گری ہو اس کے جسم پر دو جگہ جلنے کے نشان ہوں گے۔ ایک وہاں جہاں بجلی گری اور دوسرے وہاں جہاں سے بجلی جسم سے باہر نکلی اور یہ عام طور پر قدم ہوتے ہیں۔

مثبت پہلو :

بی بی سی موسمی سینٹر کا کہنا ہے کہ طوفان کے کم از کم 30 منٹ تک باہر نکلنے سے گریز کریں۔ اور ہاں یہ بات درست نہیں ہے کہ آسمانی بجلی ایک جگہ دو بار نہیں گرتی. بعض صحابہ کرام رضی اللہ عنہم اجمعین بادل گرجنے کی آواز سن کر یہ کہتے تھے :

سُبْحَانَ الَّذِي يُسَبِّحُ الرَّعْدُ بِحَمدِه وَالْمَلائِكَةُ مِنْ خِيْفَتِه
پاک ہے وہ ذات جس کے خوف سے گرج اس کی تسبیح و حمد کرتی ہے اور فرشتے بھی ۔ یہ دعا دراصل سورۃ الرعد کی اس آیت کریمہ سے ماخوذ ہے :

وَيُسَبِّحُ الرَّ‌عْدُ بِحَمْدِهِ وَالْمَلَائِكَةُ مِنْ خِيفَتِهِ وَيُرْ‌سِلُ الصَّوَاعِقَ فَيُصِيبُ بِهَا مَن يَشَاءُ وَهُمْ يُجَادِلُونَ فِي اللَّـهِ وَهُوَ شَدِيدُ الْمِحَالِ
اس (اللہ )کے خوف سے گرج اس کی تسبیح وتعریف کرتی ہے اور فرشتے بھی۔ وہی ہے جو آسمان سے بجلیاں گراتا ہے اور جس پر چاہتا ہے اس پر ڈالتا ہے ۔ یہ (کفار) اللہ کے بارے میں لڑ جھگڑ رہے ہیں، بحث و مباحثہ کر رہے ہیں اور(نہیں جانتے کہ) اللہ سخت قوت و گرفت والا ہے ۔ سورۃ الرعد : آیت نمبر ۱۳۔

اس آیت مبارکہ کے آخر میں اللہ سبحانہ و تعالی کو شدید المحال کہا گیا ہے ۔ بہت قوت ، بہت تدبیر اور گرفت والا ۔ یہ آیت اپنے اندر بہت ہیبت و عظمت رکھتی ہے۔ کوئی مترجم اس کی ہیبت کو ترجمہ نہیں کرسکتا۔ سبحان اللہ دنیا کی سب زبانیں عاجز ہیں عربی زبان کے معانی کو منتقل کرنے سے. فکر کا مقام ہے کہ ایسی نازک صورتحال میں ہم کیا کررہے ہیں؟ کیا ہم واقعی بے بس ہیں. اللہ نے اپنے نبی صلی اللہ علیہ و سلم کے ذریعہ اس امت کو اس قسم کے مصائب سے پناہ مانگنے کی تعلیم دی ہے.
"اللَّهُمَّ إِنِّي أَعُوذُ بِكَ مِنَ الْهَدْمِ، وَأَعُوذُ بِكَ مِنَ التَّرَدِّي، وَأَعُوذُ بِكَ مِنَ الْغَرَقِ، وَالْحَرَقِ، وَالْهَرَمِ، وَأَعُوذُ بِكَ أَنْ يَتَخَبَّطَنِيَ الشَّيْطَانُ عِنْدَ الْمَوْتِ، وَأَعُوذُ بِكَ أَنْ أَمُوتَ فِي "

Safety tips when lightning strikes

At least 93 people have been killed and more than 20 injured by lightning strikes in the Indian states of Bihar, Jharkhand, Uttar Pradesh and Madhya Pradesh, officials say. According to reports, 22 June 2016, most of the people who died were working on farms during torrential rains on Tuesday, reports said. Lightning strikes are common in India during heavy monsoon rains. Fifty-six people died in Bihar while 37 people were killed across Uttar Pradesh, Jharkand and Madhya Pradesh. One man taken to hospital in Rohtas said: "When it was raining, we immediately took shelter. It [lightning] hit us there, and then we fell unconscious. "We could not understand what had happened. Then in the middle, when I regained consciousness, I realised that I had been hit by something."Indian Prime Minister Narendra Modi said he was "deeply anguished" by the loss of life.

Safety tips

Seek shelter inside a large building or a car

Get out of wide, open spaces and away from exposed hilltops

If you have nowhere to shelter, make yourself as small a target as possible by crouching down with your feet together, hands on knees and head tucked in

Do not shelter beneath tall or isolated trees

If you are on water, get to the shore and off wide, open beaches as quickly as possible

https://m.facebook.com/story.php?story_fbid=1193969773978327&id=194131587295489