ﺗﻤﺎﻡ ﻓﺘﻨﻮﮞ ﮐﯽ ﺑﻨﯿﺎﺩ …… ﺗﺮﮎ ﺗﻘﻠﯿﺪ

ﻧﺒﯽ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﮐﯽ ﭘﯿﺸﻦ ﮔﻮﺋﯽ ﮐﮯ ﻣﻄﺎﺑﻖ ﻗﺮﺏ ﻗﯿﺎﻣﺖ ﻣﯿﮟ
ﻓﺘﻨﻮﮞ ﮐﺎ ﺩﻭﺭ ﺩﻭﺭﮦ ﮨﻮﮔﺎ ﺟﺲ ﮐﯽ ﻃﺮﻑ ﺟﺎﻣﻊ ﺗﺮﻣﺬﯼ ﮐﯽ ﺣﺪﯾﺚ ﻣﺒﺎﺭﮐﮧ
ﻣﯿﮟ ﺍﺷﺎﺭﮦ ﮨﮯ :
ﻭَﺁﻳَﺎﺕٍ ﺗَﺘَﺎﺑَﻊُ ﻛَﻨِﻈَﺎﻡٍ ﺑَﺎﻝٍ ﻗُﻄِﻊَ ﺳِﻠْﻜُﻪُ ﻓَﺘَﺘَﺎﺑَﻊَ
‏(ﺟﺎﻣﻊ ﺍﻟﺘﺮﻣﺬﯼ ﺝ2ﺹ 492‏)
ﮐﮧ ﻓﺘﻨﮯ ﯾﻮﮞ ﭘﮯ ﺩﺭ ﭘﮯ ﺁﺋﯿﮟ ﮔﮯ ﺟﯿﺴﮯ ﻣﺎﻻ ﮐﺎ ﺩﮬﺎﮔﮧ ﭨﻮﭨﻨﮯ ﺳﮯ ﻣﻮﺗﯽ
ﮔﺮﺗﮯ ﮨﯿﮟ۔ ﺍﺱ ﺩﻭﺭ ﻣﯿﮟ ﯾﮧ ﭘﯿﺸﻦ ﮔﻮﺋﯽ ﭘﻮﺭﯼ ﮨﻮﺭﮨﯽ ﮨﮯ۔ ﺍﮔﺮ ﺍﻥ ﺗﻤﺎﻡ
ﻓﺘﻨﻮﮞ ﮐﮯ ﭘﯿﺪﺍ ﮨﻮﻧﮯ ﮐﯽ ﻭﺟﻮﮨﺎﺕ ﭘﺮ ﻏﻮﺭ ﮐﯿﺎ ﺟﺎﺋﮯ ﺗﻮ ﺳﺐ ﺳﮯ ﺑﮍﯼ
ﻭﺟﻮﮦ ﺍﺳﻼﻑ ﺳﮯ ﺑﯿﺰﺍﺭﯼ،ﺍﻥ ﮐﯽ ﺗﺤﻘﯿﻘﺎﺕ ﺳﮯ ﺭﻭﮔﺮﺩﺍﻧﯽ ﺍﻭﺭ ﺳﺐ ﺳﮯ
ﺑﮍﮪ ﮐﺮ ﺍﻥ ﻧﻔﻮﺱ ﻗﺪﺳﯿﮧ ﭘﺮ ﺑﺪﮔﻤﺎﻧﯽ ﮨﮯﺟﻨﮩﻮﮞ ﻧﮯ ﺩﯾﻦ ﺍﺳﻼﻡ ﮐﯽ ﺗﺪﻭﯾﻦ
ﻣﯿﮟ ﺍﭘﻨﯽ ﺯﻧﺪﮔﯿﺎﮞ ﺻﺮﻑ ﮐﺮﺩﯾﮟ۔ﻋﺎﻡ ﺍﻟﻔﺎﻅ ﻣﯿﮟ ﮨﻢ ﺍﺳﮯ ﺗﺮﮎ ﺗﻘﻠﯿﺪ ‏[ ﺟﺲ ﮐﺎ
ﻣﺮﺗﮑﺐ '' ﻏﯿﺮ ﻣﻘﻠﺪ'' ﮐﮩﻼﺗﺎ ﮨﮯ‏] ﺳﮯﺗﻌﺒﯿﺮﮐﺮ ﺳﮑﺘﮯ ﮨﯿﮟ۔ ﺟﯽ ﮨﺎﮞ ! ﺗﺮﮎ ﺗﻘﻠﯿﺪ
ﮨﯽ ﺍﺳﻼﻑِ ﺍﻣﺖ ﺍﻭﺭ ﻓﻘﮩﺎﺀ ﮐﺮﺍﻡ ﺭﺣﻤﮩﻢ ﺍﻟﻠﮧ ﮐﯽ ﺳﻤﺠﮫ ﮐﻮ ﭘﯿﺮﻭﮞ ﺗﻠﮯ ﺭﻭﻧﺪ
ﮐﺮ ﺧﻮﺩ ﺳﺎﺧﺘﮧ ﺗﺤﻘﯿﻖ ﺍﻭﺭ ﻧﻔﺴﺎﻧﯽ ﺧﻮﺍﮨﺸﺎﺕ ﮐﮯ ﻣﻄﺎﺑﻖ ﻋﻤﻞ ﮐﺮﻧﮯ ﮐﺎ ﻧﺎﻡ
ﮨﮯ۔ ﺟﻮﺑﮭﯽ ﻓﺘﻨﮧ ﺍﭨﮭﺘﺎ ﮨﮯ ﺍﺱ ﮐﯽ ﺍﺑﺘﺪﺍﺀ ﺍﺳﯽ ﺗﺮﮎ ﺗﻘﻠﯿﺪ ﺳﮯ ﮨﻮﺗﯽ ﮨﮯ ۔
ﮐﭽﮫ ﻓﺘﻨﻮﮞ ﮐﺎ ﺣﺎﻝ ﺑﻄﻮﺭ ِﻧﻤﻮﻧﮧ ﭘﯿﺶِ ﺧﺪﻣﺖ ﮨﮯ۔
ﻗﺒﺮ ﭘﺮﺳﺘﯽ :
ﺍﯾﮏ ﺩﻓﻌﮧ ﺣﮑﯿﻢ ﺍﻟﻌﺼﺮﺣﻀﺮﺕ ﻣﻮﻻﻧﺎ ﻣﻔﺘﯽ ﻋﺒﺪﺍﻟﻤﺠﯿﺪ ﻟﺪﮬﯿﺎﻧﻮﯼ ﻣﺪﻇﻠﮧ
،ﺷﯿﺦ ﺍﻟﺤﺪﯾﺚ ﺑﺎﺏ ﺍﻟﻌﻠﻮﻡ ﮐﮩﺮﻭﮌ ﭘﮑﺎ،ﮐﮯ ﺳﺎﻣﻨﮯ ﺍﯾﮏ ﺷﺨﺺ ﮐﮩﻨﮯ ﻟﮕﺎ ﮐﮧ
ﻣﻘﻠﺪ ﮨﯽ ﮨﻤﯿﺸﮧ ﻗﺒﺮﻭﮞ ﭘﺮ ﺳﺠﺪﮦ ﮐﺮﺗﮯ ﮨﯿﮟ، ﻏﯿﺮﻣﻘﻠﺪﻭﮞ ﻧﮯ ﮐﺒﮭﯽ ﻗﺒﺮﻭﮞ
ﭘﺮ ﺳﺠﺪﮦ ﻧﮩﯿﮟ ﮐﯿﺎ ۔ ﺍﺱ ﭘﺮ ﺣﻀﺮﺕ ﺣﮑﯿﻢ ﺍﻟﻌﺼﺮ ﻣﺪﻇﻠﮧ ﻧﮯ ﻓﺮﻣﺎﯾﺎ :ﺑﮭﺌﯽ!
ﻣﻘﻠﺪ ﺍﺱ ﮐﻮ ﮐﮩﺘﮯ ﮨﯿﮟ ﺟﻮ ﺍﺋﻤﮧ ﮐﺮﺍﻡ ﮐﯽ ﺗﻘﻠﯿﺪ ﮐﺮﮮ ﺍﻭﺭ ﮐﺴﯽ ﺍﻣﺎﻡ ﺳﮯ
ﯾﮧ ﺛﺎﺑﺖ ﻧﮩﯿﮟ ﮐﮧ ﺍﻧﮩﻮﮞ ﻧﮯ ﻗﺒﺮﻭﮞ ﮐﻮ ﺳﺠﺪﮦ ﮐﺮﻧﺎ ﺟﺎﺋﺰ ﻗﺮﺍﺭ ﺩﯾﺎ ﮨﻮ ،ﺗﻮ ﺍﻥ
ﮐﯽ ﺗﻘﻠﯿﺪ ﮐﺮﻧﮯ ﻭﺍﻟﮯ ﻗﺒﺮﻭﮞ ﭘﺮ ﺳﺠﺪﮦ ﺑﮭﯽ ﻧﮩﯿﮟ ﮐﺮﺗﮯ ﺍﻭﺭ ﺟﻮ ﺳﺠﺪﮦ
ﮐﺮﺗﮯ ﮨﯿﮟ ﻭﮦ ﺍﻥ ﮐﮯ ﻣﻘﻠﺪ ﻧﮧ ﮨﻮﺋﮯ ﺑﻠﮑﮧ ﻏﯿﺮﻣﻘﻠﺪ ﮨﻮﺋﮯ۔ﺗﻮ ﭘﺘﮧ ﭼﻼﻗﺒﺮﻭﮞ
ﭘﺮ ﺳﺠﺪﮦ ﮐﺮﻧﺎ ﻏﯿﺮﻣﻘﻠﺪ ﻭﮞ ﮐﺎ ﮐﺎﻡ ﮨﮯ۔
ﭘﮭﺮ ﻭﮦ ﺷﺨﺺ ﮐﮩﻨﮯ ﻟﮕﺎ : ﺍﭼﮭﺎ ﺍﯾﮏ ﺍﻭﺭ ﺑﺎﺕ ﯾﮧ ﺑﮭﯽ ﮨﮯ ﮐﮧ ﺁﺝ ﺟﻦ ﮐﯽ
ﻗﺒﺮﻭﮞ ﭘﺮ ﺳﺠﺪﮮ ﮨﻮﺗﮯ ﮨﯿﮟ ﻭﮦ ﺗﻤﺎﻡ ﻣﻘﻠﺪﯾﻦ ﮨﯿﮟ۔ ﺟﯿﺴﮯ ﺣﻀﺮﺕ ﺳﻠﻄﺎﻥ
ﺑﺎﮨﻮﺭﺣﻤﮧ ﺍﻟﻠﮧ ،ﺧﻮﺍﺟﮧ ﻋﻠﯽ ﮨﺠﻮﯾﺮﯼ ﺭﺣﻤﮧ ﺍﻟﻠﮧ ﻭﻏﯿﺮﮦ ،ﺟﺒﮑﮧ ﻏﯿﺮ ﻣﻘﻠﺪﯾﻦ
ﻣﯿﮟ ﺳﮯ ﮐﺴﯽ ﺑﺰﺭﮒ ﮐﯽ ﻗﺒﺮ ﭘﺮ ﺳﺠﺪﮦ ﺭﯾﺰﯼ ﻧﮩﯿﮟ ﮨﻮﺗﯽ۔ﺟﯿﺴﮯ ﺩﺍﺅﺩ
ﻏﺰﻧﻮﯼ،ﻧﻮﺍﺏ ﺻﺪﯾﻖ ﺣﺴﻦ ﺧﺎﻥ ﻭﻏﯿﺮﮦ ۔ﺍﺱ ﭘﺮ ﺣﮑﯿﻢ ﺍﻟﻌﺼﺮ ﻣﺪﻇﻠﮧ ﻧﮯ
ﻓﺮﻣﺎﯾﺎ : ﭘﭽﮭﻠﯽ ﺍﻣﺘﻮﮞ ﻣﯿﮟ ﯾﮩﻮﺩ ﻭﻧﺼﺎﺭﯼٰ ﻧﮯ ﺍﻧﺒﯿﺎﺀ ﮐﺮﺍﻡ ﻋﻠﯿﮩﻢ ﺍﻟﺴﻼﻡ ﮐﯽ
ﻗﺒﺮﻭﮞ ﭘﺮ ﺳﺠﺪﮮ ﮐﺌﮯ، ﺟﯿﺴﮯ ﻧﺒﯽ ﮐﺮﯾﻢ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﮐﺎ ﺍﺭﺷﺎﺩ
ﮨﮯ :
ﻟَﻌَﻦَ ﺍﻟﻠَّﻪُ ﺍﻟْﻴَﻬُﻮﺩَ ﻭَﺍﻟﻨَّﺼَﺎﺭٰﻯ ﺍﺗَّﺨَﺬُﻭﺍ ﻗُﺒُﻮﺭَ ﺃَﻧْﺒِﻴَﺎﺋِﻬِﻢْ ﻣَﺴَﺎﺟِﺪَ۔
‏(ﺻﺤﯿﺢ ﺍﻟﺒﺨﺎﺭﯼ ﺝ 1ﺹ177‏)
ﻭﮨﺎﮞ ﻟﻌﻨﺘﻮﮞ ﻭﺍﻻ ﮐﺎﻡ ﯾﮩﻮﺩﻭﻧﺼﺎﺭﯼٰ ﻧﮯ ﮐﯿﺎ ﮐﮧ ﺍﻧﺒﯿﺎﺀﻋﻠﯿﮩﻢ ﺍﻟﺴﻼﻡ ﮐﯽ ﻗﺒﻮﺭ
ﮐﻮ ﺳﺠﺪﮦ ﮔﺎﮦ ﺑﻨﺎﯾﺎ ﺍﻭﺭ ﯾﮩﺎﮞ ﻟﻌﻨﺘﯿﻮﮞ ﻭﺍﻻ ﮐﺎﻡ ﺍﻥ ﻏﯿﺮﻣﻘﻠﺪﻭﮞ ﻧﮯ ﮐﯿﺎ
،ﺟﻨﮩﻮﮞ ﻧﮯ ﺍﺋﻤﮧ ﮐﺮﺍﻡ ﮐﮯ ﻣﻨﻊ ﮐﮯ ﺑﺎﻭﺟﻮﺩ ﺗﺮﮎ ﺗﻘﻠﯿﺪ ﮐﺮﺗﮯ ﮨﻮﺋﮯ ﺑﺰﺭﮔﻮﮞ
ﮐﯽ ﻗﺒﺮﻭﮞ ﮐﻮﺳﺠﺪﮦ ﮔﺎﮦ ﺑﻨﺎ ﻟﯿﺎ ۔ﺣﻀﺮﺕ ﺣﮑﯿﻢ ﺍﻟﻌﺼﺮ ﺩﺍﻣﺖ ﺑﺮﮐﺎﺗﮩﻢ ﮐﮯ ﺍﺱ
ﺣﮑﯿﻤﺎﻧﮧ ﺟﻮﺍﺏ ﺳﮯ ﺑﺎﻟﮑﻞ ﻭﺍﺿﺢ ﮨﻮﮔﯿﺎ ﮐﮧ ﻗﺒﺮ ﭘﺮﺳﺘﯽ ﮐﯽ ﺟﮍ ﺍﻭﺭ ﺑﻨﯿﺎﺩ
'' ﺗﺮﮎ ﺗﻘﻠﯿﺪ '' ﮨﯽ ﮨﮯ۔ ﻏﯿﺮﻣﻘﻠﺪﯾﻦ ﮐﮯ ﺻﻒ ﺍﻭﻝ ﮐﮯ ''ﻣﺠﺪﺩ '' ، '' ﻋﻼﻣﮧ''
ﻭﺣﯿﺪﺍﻟﺰﻣﺎﻥ ﻧﮯ ﺍﭘﻨﯽ ﮐﺘﺎﺏ ﮨﺪﯾۃ ﺍﻟﻤﮩﺪﯼ ﭘﺮ ﻟﮑﮭﺎ ﮨﮯ :
ﻓﻠﻮ ﻓﻌﻞ ﮨﺬﮦ ﺍﻻﻓﻌﺎﻝ ﺍﻟﺘﻌﻈﯿﻤﯿۃ ﻣﺜﻞ ﺍﻟﻄﻮﺍﻑ ﺍﻭ ﺍﻟﺘﻘﺒﯿﻞ ﺍﻭ ﺍﻟﻘﯿﺎﻡ ﺍﻭ
ﺍﻻﻧﺤﻨﺎﺀ ﺍﻭ ﺍﻟﺮﮐﻮﻉ ﺍﻭ ﺍﻟﺴﺠﻮﺩ ﻋﻨﺪ ﻗﺒﺮ ﻧﺒﯽ ﺍﻭ ﻭﻟﯽ ﻭﮐﺎﻥ ﻗﺼﺪﮦ ﺍﻟﺘﺤﯿۃ
ﻟﺼﺎﺣﺐ ﺍﻟﻘﺒﺮ ﺩﻭﻥ ﺍﻟﻌﺒﺎﺩۃ ﻓﯿﺎﺛﻢ ﻏﯿﺮ ﺍﻧﮧ ﻻ ﯾﺼﯿﺮ ﻣﺸﺮﮐﺎ ﻭﻻ ﮐﺎﻓﺮﺍ۔
‏(ﺹ 15 ‏) ﺗﺮﺟﻤﮧ : ﺍﮔﺮ ﺍﻧﺴﺎﻥ ﯾﮧ ﺍﻓﻌﺎﻝ ﺗﻌﻈﯿﻤﯿﮧ ﻣﺜﻼً ﻃﻮﺍﻑ، ﺑﻮﺳﮧ،
ﻗﯿﺎﻡ،ﺟﮭﮑﻨﺎ،ﺭﮐﻮﻉ ﯾﺎﺳﺠﻮﺩ ﻧﺒﯽ ﯾﺎ ﻭﻟﯽ ﮐﯽ ﻗﺒﺮ ﮐﮯ ﭘﺎﺱ ﮐﺮﺗﺎ ﮨﮯ ﺍﻭﺭ ﺍﺱ
ﮐﺎ ﻣﻘﺼﺪ ﺻﺎﺣﺐِ ﻗﺒﺮ ﮐﯽ ﺗﻌﻈﯿﻢ ﮨﻮ ﻧﮧ ﮐﮧ ﻋﺒﺎﺩﺕ، ﺗﻮ ﯾﮧ ﮔﻨﺎﮦ ﮔﺎﺭ ﺗﻮ ﮨﻮ ﮔﺎ
ﻟﯿﮑﻦ ﻣﺸﺮﮎ ﻭﮐﺎﻓﺮ ﻧﮧ ﮨﻮ ﮔﺎ۔
ﺍﻟﺤﺎﺩ :
ﺩﯾﻦ ﻣﯿﮟ '' ﺍﻟﺤﺎﺩ'' ﮐﯽ ﺑﻨﯿﺎﺩ ﺑﮭﯽ ﺗﺮﮎ ﺗﻘﻠﯿﺪ ﮨﯽ ﮨﮯ۔ ﻗﺮﺁﻥ ﮐﯽ ﺍﺻﻄﻼﺡ ﻣﯿﮟ
ﺁﯾﺎﺕ ﻗﺮﺁﻧﯽ ﺳﮯ ﻋﺪﻭﻝ ﻭﺍﻧﺤﺮﺍﻑ ﮐﻮ " ﺍﻟﺤﺎﺩ "ﮐﮩﺎ ﺟﺎﺗﺎ ﮨﮯ۔ﻋﺎﻡ ﻃﻮﺭ ﭘﺮ
ﺍﻟﺤﺎﺩ ﺍﯾﺴﮯ ﺍﻧﺤﺮﺍﻑ ﮐﻮ ﮐﮩﺎ ﺟﺎﺗﺎ ﮨﮯ ﮐﮧ ﻇﺎﮨﺮ ﻣﯿﮟ ﻗﺮﺁﻥ ﮐﺮﯾﻢ ﮐﯽ ﺁﯾﺎﺕ ﭘﺮ
ﺍﯾﻤﺎﻥ ﺍﻭﺭ ﺗﺼﺪﯾﻖ ﮐﺎ ﺩﻋﻮﯼ ﮨﻮﻣﮕﺮ ﺍﻥ ﮐﮯ ﻣﻌﺎﻧﯽ ﺍﭘﻨﯽ ﻃﺮﻑ ﺳﮯ ﮔﮭﮍﮮ
ﺟﺎﺋﯿﮟ ﺟﻮ ﺟﻤﮩﻮﺭﺍﻣﺖ ﮐﮯ ﺧﻼﻑ ﮨﻮﮞ۔ﺟﯿﺴﮯ ﻏﻼﻡ ﺍﺣﻤﺪ ﭘﺮﻭﯾﺰ ﻟﻔﻆ '' ﺍﻟﻠﮧ''
ﺳﮯ ﺍﻟﻠﮧ ﮐﺎ ﺫﺍﺗﯽ ﻧﺎﻡ ﻣﺮﺍﺩ ﻟﯿﻨﮯ ﮐﮯ ﻟﯿﮯ ﺗﯿﺎﺭ ﻧﮩﯿﮟ ﺑﻠﮑﮧ ﮐﮩﺘﺎ ﮨﮯ ﮐﮧ ﺍﺱ
ﺳﮯ ﻣﺮﺍﺩ '' ﻗﺎﻧﻮﻥ'' ﮨﮯ ۔ ﺍﺳﯽ ﻃﺮﺡ ﻋﻼﻣﮧ ﻣﺸﺮﻗﯽ ﻧﮯ ﺷﯿﻄﺎﻥ ﺳﮯ ﮐﻮﺋﯽ
ﺧﺎﺹ ﺷﺨﺼﯿﺖ ﻣﺮﺍﺩ ﻧﮩﯿﮟ ﻟﯽ ﺑﻠﮑﮧ ﺍﺱ ﮐﺎ ﻣﻌﻨﯽ " ﻏﺼﮧ " ﮐﯿﺎ ﺍﻭﺭ ﺣﻀﺮﺕ
ﺟﺒﺮﺋﯿﻞ ﻋﻠﯿﮧ ﺍﻟﺴﻼﻡ ﮐﮯ ﺑﺎﺭﮮ ﻣﯿﮟ ﮐﮩﺎ ﮐﮧ ﺟﺒﺮﺋﯿﻞ ﮐﻮﺋﯽ ﻓﺮﺷﺘﮧ ﻧﮩﯿﮟ ﮨﮯ
ﺑﻠﮑﮧ ﺍﯾﮏ ﭘﺎﮐﯿﺰﮦ ﻗﻮﺕ ﮐﺎ ﻧﺎﻡ ﮨﮯ۔ ﺍﻥ ﺗﻤﺎﻡ '' ﻣﺤﮑﮑﯿﻦ '' ﻧﮯ ﯾﮧ ﻣﻌﺎﻧﯽ ﺗﻤﺎﻡ
ﺍﻣﺖ ﺳﮯ ﮐﭧ ﮐﺮ ﮐﯿﮯ ﮨﯿﮟ۔ ﻭﺟﮧ ﻭﮨﯽ ﻏﯿﺮﻣﻘﻠﺪﺍﻧﮧ ﻃﺒﯿﻌﺖ ﺗﮭﯽ ﮐﮧ ﺍﺳﻼﻑ
ﺍﻣﺖ ﺳﮯ ﮐﭧ ﮐﺮ ﯾﮧ ﻣﻌﺎﻧﯽ ﮐﺮﺗﮯﭼﻠﮯ ﮔﺌﮯ۔ﻣﺮﺯﺍ ﻏﻼﻡ ﺍﺣﻤﺪ ﻗﺎﺩﯾﺎﻧﯽ ﭘﮩﻠﮯ
ﻏﯿﺮﻣﻘﻠﺪ ﺗﮭﺎ ﺟﯿﺴﺎ ﮐﮧ ﺍﺱ ﮐﮯ ﺑﯿﭩﮯ ﻣﺮﺯﺍ ﺑﺸﯿﺮ ﻧﮯ ﺍﺱ ﮐﯽ ﺳﯿﺮﺕ ﻣﯿﮟ
ﻟﮑﮭﺎ ﮨﮯ ﮐﮧ ﻋﻘﺎﺋﺪ ﻭﺗﻌﺎﻣﻞ ﮐﮯ ﻟﺤﺎﻅ ﺳﮯ ﻣﺮﺯﺍ ﻗﺎﺩﯾﺎﻧﯽ ﺍﮨﻞ ﺣﺪﯾﺚ
‏[ﻏﯿﺮﻣﻘﻠﺪ‏] ﺗﮭﺎ۔
‏( ﺳﯿﺮﺕ ﺍﻟﻤﮩﺪﯼ ﺝ1 ﺹ334‏)
ﺍﻭﺭ ﻣﺮﺯﺍ ﻏﻼﻡ ﺍﺣﻤﺪ ﻗﺎﺩﯾﺎﻧﯽ ﮐﺎ ﺧﻠﯿﻔﮧ ﺍﻭﻝ ﺣﮑﯿﻢ ﻧﻮﺭ ﺍﻟﺪﯾﻦ ﺑﮭﯽ ﻏﯿﺮﻣﻘﻠﺪ
ﮨﯽ ﺗﮭﺎ۔
‏( ﺗﺎﺭﯾﺦ ﺍﺣﻤﺪﯾﺖ ﺝ 4ﺹ 69‏)
ﻏﯿﺮﻣﻘﻠﺪﯾﻦ ﮐﮯ ﻣﻮﻟﻮﯼ ﺣﺴﯿﻦ ﺑﭩﺎﻟﻮﯼ ﺍﭘﻨﮯ 25 ﺳﺎﻟﮧ ﺗﺠﺮﺑﮯ ﮐﯽ ﺑﻨﯿﺎﺩ ﭘﺮ
ﺗﺤﺮﯾﺮ ﮐﺮﺗﮯ ﮨﯿﮟ ﮐﮧ ﻟﻮﮒ ﺑﮯ ﻋﻠﻤﯽ ﮐﯽ ﻭﺟﮧ ﺳﮯ ﺗﻘﻠﯿﺪ ﮐﻮ ﺗﺮﮎ ﮐﺮﺗﮯ ﮨﯿﮟ
ﺍﻭﺭ ﭘﮭﺮ ﺍﺳﻼﻡ ﮐﻮ ﺳﻼﻡ ﮐﺮﺑﯿﭩﮭﺘﮯ ﮨﯿﮟ۔
‏(ﺭﺳﺎﻟﮧ ﺍﺷﺎﻋﺖ ﺍﻟﺴﻨﮧ ﻧﻤﺒﺮ2 ﺝ 11ﻣﻄﺒﻮﻋﮧ 1888 ﺀ‏)
ﻣﻮﻟﻮﯼ ﻣﻮﺻﻮﻑ ﺍﭘﻨﯽ ﺍﺱ ﺑﺎﺕ ﺳﮯ ﺍﺱ ﮐﮩﺎﻭﺕ ﮐﮯ ﻣﺼﺪﺍﻕ ﺑﻨﺘﮯ ﮨﯿﮟ " ﮔﮭﺮ
ﮐﺎ ﺑﮭﯿﺪﯼ ﻟﻨﮑﺎ ﮈﮬﺎﺋﮯ " ۔ ﻣﻮﺻﻮﻑ ﺧﻮﺩ ﻏﯿﺮﻣﻘﻠﺪ ﮨﯿﮟ ﺍﻭﺭ ﺍﻥ ﮐﮯ ﺧﻄﺎﺏ ﮐﺎ
ﺭﺥ ﺑﮭﯽ ﻏﯿﺮﻣﻘﻠﺪﯾﻦ ﮨﯽ ﮐﯽ ﻃﺮﻑ ﮨﮯ۔
ﺍﻧﮑﺎﺭ ﺣﺪﯾﺚ :
ﺍﺱ ﻓﺘﻨﮧ ﮐﯽ ﺑﻨﯿﺎﺩ ﺑﮭﯽ ﺗﺮﮎ ﺗﻘﻠﯿﺪ ﮨﯽ ﮨﮯ۔ ﻣﻨﮑﺮﯾﻦ ﺣﺪﯾﺚ ﮐﯽ ﺗﺎﺭﯾﺦ ﮐﻮ
ﺩﯾﮑﮭﺎ ﺟﺎﺋﮯ ﺗﻮ ﻭﺍﺿﺢ ﮨﻮﺗﺎ ﮨﮯ ﮐﮧ ﯾﮧ ﻟﻮﮒ ﭘﮩﻠﮯ ﻏﯿﺮ ﻣﻘﻠﺪﯾﺖ ﮐﮯ ﺯﯾﻨﮧ ﭘﺮ
ﻗﺪﻡ ﺭﮐﮭﺘﮯ ﮨﯿﮟ ﺍﻭﺭ ﺑﺎﻵﺧﺮ ﺍﻧﮑﺎﺭ ﺣﺪﯾﺚ ﮐﺮ ﮐﮯ ﺍﭘﻨﮯ ﺩﻝ ﺳﯿﺎﮦ ﮐﺮ ﺑﯿﭩﮭﺘﮯ
ﮨﯿﮟ۔ ﻣﺸﮩﻮﺭ ﻣﻨﮑﺮ ﺣﺪﯾﺚ ﻋﺒﺪﺍﻟﻠﮧ ﭼﮑﮍﺍﻟﻮﯼ ﻏﯿﺮﻣﻘﻠﺪ ﮨﯽ ﺗﮭﺎ۔ ﺷﯿﺦ
ﻣﺤﻤﺪﺍﮐﺮﺍﻡ ﺍﻥ ﮐﮯ ﻣﺘﻌﻠﻖ ﻟﮑﮭﺘﮯ ﮨﯿﮟ : ﯾﮧ ﺍﭘﻨﮯ ﺁﭖ ﮐﻮ ﺍﮨﻞ ﻗﺮﺁﻥ ﮐﺎ ﻟﻘﺐ
ﺩﯾﺘﮯ ﮨﯿﮟ۔ﺍﺱ ﮔﺮﻭﮦ ﮐﺎ ﺑﺎﻧﯽ ﻣﻮﻟﻮﯼ ﻋﺒﺪﺍﻟﻠﮧ ﭼﮑﮍﺍﻟﻮﯼ ﭘﮩﻠﮯ ﺍﮨﻞ ﺣﺪﯾﺚ
‏[ﻏﯿﺮﻣﻘﻠﺪ‏] ﺗﮭﺎ۔
‏( ﻣﻮﺝ ﮐﻮﺛﺮ ﺹ 71‏)
ﻣﻨﮑﺮ ِﺣﺪﯾﺚ ﻧﯿﺎﺯ ﻓﺘﺢ ﭘﻮﺭﯼ ﺑﮭﯽ ﭘﮩﻠﮯ ﻏﯿﺮﻣﻘﻠﺪ ﮨﯽ ﺗﮭﺎ، ﭘﮭﺮ ﻣﻨﮑﺮ ﺣﺪﯾﺚ ﺑﻨﺎ
، ﺍﺱ ﮐﯽ ﺗﺤﺮﯾﺮﺍﺕ ﺍﺱ ﭘﺮ ﺷﺎﮨﺪ ﮨﮯ۔ ﺍﯾﮏ ﻣﻘﺎﻡ ﭘﺮ ﻣﺴﻠﻤﺎﻧﻮﮞ ﮐﮯ ﺑﺎﺭﮮ
ﻣﯿﮟ ﻟﮑﮭﺘﺎ ﮨﮯ : ﺍﻥ ﺳﺐ ﮐﮯ ﻧﺰﺩﯾﮏ ﺍﺳﻼﻡ ﻧﺎﻡ ﮨﮯ ﺻﺮﻑ ﮐﻮﺭﺍﻧﮧ ﺗﻘﻠﯿﺪ ﮐﺎ
ﺍﻭﺭ ﺗﻘﻠﯿﺪﺑﮭﯽ ﺭﺳﻮﻝ ﺍﻟﻠﮧ ﻭﺍﺣﮑﺎﻡ ﺭﺳﻮﻝ ﮐﯽ ﻧﮩﯿﮟ ﺑﻠﮑﮧ ﺑﺨﺎﺭﯼ ﻭﻣﺴﻠﻢ
ﻭﻣﺎﻟﮏ ﻭﻏﯿﺮﮦ ﮐﯽ۔
‏( ﻣﻦ ﻭﯾﺰﺩﺍﻥ ﺣﺼﮧ ﺍﻭﻝ ﺹ547 ‏)
ﺍﻥ ﮐﮯ ﻋﻼﻭﮦ ﺑﮭﯽ ﺟﺘﻨﮯ ﻣﻨﮑﺮﯾﻦ ﺣﺪﯾﺚ ﮨﯿﮟ ﺍﻥ ﮐﺎ ﺗﺨﻢ ﺿﺮﯾﺮ ﺑﮭﯽ
ﻏﯿﺮﻣﻘﻠﺪﯾﺖ ﮨﯽ ﮨﮯ۔
ﺻﺤﺎﺑﮧ ﮐﺮﺍﻡ ﺭﺿﯽ ﺍﻟﻠﮧ ﻋﻨﮩﻢ ﺍﺟﻤﻌﯿﻦ ﭘﺮ ﻋﺪﻡ ﺍﻋﺘﻤﺎﺩ :
ﺻﺤﺎﺑﮧ ﮐﺮﺍﻡ ﺭﺿﯽ ﺍﻟﻠﮧ ﻋﻨﮩﻢ ﺟﯿﺴﯽ ﻣﻘﺪﺱ ﮨﺴﺘﯿﺎﮞ ﺟﻦ ﮐﻮ ﻗﺮﺁﻥ ﻣﯿﮟ
'' ﺭﺿﯽ ﺍﻟﻠﮧ ﻋﻨﮩﻢ '' ﮐﺎ ﺳﺮﭨﯿﻔﮑﯿﭧ ﻣﻼ ﺍﻭﺭ ﺍﻥ ﮐﮯ ﺍﯾﻤﺎﻥ ﮐﻮ ﺍﻣﺖ ﮐﮯ ﻟﯿﮯ
ﮐﺴﻮﭨﯽ ﻗﺮﺍﺭ ﺩﯾﺎ ﮔﯿﺎ۔ ﺍﻥ ﻋﻈﯿﻢ ﮨﺴﺘﯿﻮﮞ ﭘﺮ ﺍﻋﺘﻤﺎﺩ ﻧﮧ ﮐﺮﻧﮯ ﺍﻭﺭﺍﻥ ﮐﻮ ﺣﺠﺖ
ﻧﮧ ﻣﺎﻧﻨﮯ ﻭﺍﻟﻮﮞ ﮐﯽ ﮐﮍﯼ ﺑﮭﯽ ﻏﯿﺮﻣﻘﻠﺪﯾﺖ ﺳﮯ ﻣﻠﺘﯽ ﮨﮯ۔ ﻏﯿﺮﻣﻘﻠﺪﯾﻦ ﮐﮯ
ﺟﺪﺍﻣﺠﺪ ﻧﻮﺍﺏ ﺻﺪﯾﻖ ﺣﺴﻦ ﺧﺎﻥ ﺑﮭﻮﭘﺎﻟﯽ ﻧﮯ ﻟﮑﮭﺎ ﮨﮯ :
ﻓﻌﻞ ﺍﻟﺼﺤﺎﺑﯽ ﻻﯾﺼﻠﺢ ﺣﺠۃ
‏( ﺍﻟﺘﺎﺝ ﺍﻟﻤﮑﻠﻞ ﺹ 292‏)
ﺻﺤﺎﺑﯽ ﮐﺎ ﻓﻌﻞ ﺣﺠﺖ ﻧﮩﯿﮟ ﺑﻦ ﺳﮑﺘﺎ۔
ﺍﻭﺭ ﻏﯿﺮﻣﻘﻠﺪﯾﻦ ﮐﮯ '' ﺷﯿﺦ ﺍﻟﮑﻞ ﻓﯽ ﺍﻟﮑﻞ '' ﻧﺬﯾﺮ ﺣﺴﯿﻦ ﺩﮨﻠﻮﯼ ﺑﮭﯽ ﻧﮧ ﺭﮦ
ﺳﮑﮯ ﺍﻭﺭ ﻟﮑﮭﺎ :
ﺯﯾﺮﺍ ﮐﮧ ﻗﻮﻝ ﺻﺤﺎﺑﯽ ﺣﺠﺖ ﻧﯿﺴﺖ
‏( ﻓﺘﺎﻭﯼ ﻧﺬﯾﺮﯾﮧ ﺝ 1ﺹ340 ‏)
ﺍﻥ ﮐﮯ '' ﺷﯿﺦ ﺍﻟﻌﻼﻡ'' ﺍﻥ ﺳﮯ ﺑﮭﯽ ﺩﻭ ﻗﺪﻡ ﺁﮔﮯ ﺑﮍﮬﮯ ﺍﻭﺭ ﯾﮧ ﻟﮑﮫ ﻣﺎﺭﺍ :
ﻭﻣﻨﮧ ﯾﻌﻠﻢ ﺍﻥ ﻣﻦ ﺍﻟﺼﺤﺎﺑۃ ﻣﻦ ﮬﻮ ﻓﺎﺳﻖ ﮐﺎﻟﻮﻟﯿﺪ ﻭﻣﺜﻠﮧ ﯾﻘﺎﻝ ﻓﯽ ﺣﻖ
ﻣﻌﺎﻭﯾۃ ﻭﻋﻤﺮ ﻭ ﻣﻐﯿﺮۃ ﻭﺳﻤﺮۃ
‏(ﻧﺰﻝ ﺍﻻﺑﺮﺍﺭ ﺝ 2ﺹ 94‏)
ﺗﺮﺟﻤﮧ : ﺍﺱ ﺳﮯ ﻣﻌﻠﻮﻡ ﮨﻮﺍ ﮐﮧ ﮐﭽﮫ ﺻﺤﺎﺑﮧ ﻓﺎﺳﻖ ﮨﯿﮟ ،ﺟﯿﺴﮯ ﻭﻟﯿﺪ ۔
ﺍﺳﯽ ﮐﮯ ﻣﺜﻞ ﮐﮩﺎ ﺟﺎﺋﮯ ﮔﺎ ﻣﻌﺎﻭﯾﮧ،ﻋﻤﺮﻭ، ﻣﻐﯿﺮﮦ ﺍﻭﺭ ﺳﻤﺮﮦ ﮐﮯ ﺣﻖ ﻣﯿﮟ
‏[ﮐﮧ ﯾﮧ ﺗﻤﺎﻡ ﺻﺤﺎﺑﮧ ﺑﮭﯽ ﻓﺎﺳﻖ ﺗﮭﮯ ۔۔۔ﻧﻌﻮﺫﺑﺎﻟﻠﮧ ‏]
ﻣﺤﺘﺮﻡ ﻗﺎﺭﺋﯿﻦ! ﺁﭖ ﻧﮯ ﺻﺤﺎﺑﮧ ﮐﺮﺍﻡ ﺭﺿﯽ ﺍﻟﻠﮧ ﻋﻨﮩﻢ ﮐﮯ ﺑﺎﺭﮮ ﻣﯿﮟ ﺍﻥ
ﻟﻮﮔﻮﮞ ﮐﮯ ﺯﮨﺮﯾﻠﮯﻗﻠﻢ ﮐﻮ ﻣﻼﺣﻈﮧ ﮐﯿﺎ ﺍﻭﺭ ﺣﻘﯿﻘﺖ ﺑﮭﯽ ﯾﮩﯽ ﮨﮯ ﮐﮧ ﺻﺤﺎﺑﮧ
ﺭﺿﯽ ﺍﻟﻠﮧ ﻋﻨﮩﻢ ﮐﮯ ﻗﻮﻝ ﻭﻓﻌﻞ ﮐﻮ ﺣﺠﺖ ﻧﮧ ﻣﺎﻧﻨﺎ ﺍﻭﺭ ﺍﻥ ﮐﻮ ﻓﺎﺳﻖ ﺗﮏ
ﮐﮩﻨﺎ ﺑﻐﺾ ِﺻﺤﺎﺑﮧ ﺭﺿﯽ ﺍﻟﻠﮧ ﻋﻨﮩﻢ ﮐﺎ ﻣﻈﮩﺮ ﮨﮯ ﺍﻭﺭ ﺍﻥ ﺗﻤﺎﻡ ﺗﺮﮔﺴﺘﺎﺧﯿﻮﮞ
ﮐﺎ ﺳﺒﺐ ﺑﮭﯽ'' ﺗﺮﮎ ﺗﻘﻠﯿﺪ '' ﮨﯽ ﮨﮯ۔
ﻓﻘﮩﺎﺀ ﮐﺮﺍﻡ ﺭﺣﻤﮩﻢ ﺍﻟﻠﮧ ﮐﯽ ﮔﺴﺘﺎﺧﯽ :
ﻓﻘﮩﺎﺀِ ﺩﯾﻦ ﮐﯽ ﺗﺎﺭﯾﺦ ﺍﺗﻨﯽ ﮨﯽ ﻗﺪﯾﻢ ﮨﮯ ﺟﺘﻨﯽ ﮐﮧ ﺧﻮﺩ ﺩﯾﻦ ﺍﺳﻼﻡ ﮐﯽ ﺗﺎﺭﯾﺦ
ﻗﺪﯾﻢ ﮨﮯ۔ ﺍﯾﮏ ﻣﺆﺭﺥ ﮐﮯ ﻟﯿﮯ ﻧﺎﻣﻤﮑﻦ ﮨﮯ ﮐﮧ ﺗﺎﺭﯾﺦ ﺍﺳﻼﻡ ﮐﮯ ﺗﺬﮐﺮﮮ ﻣﯿﮟ
ﻓﻘﮩﺎﺀ ﮐﺮﺍﻡ ﮐﯽ ﻓﻘﮩﯽ ﺧﺪﻣﺎﺕ ﺳﮯ ﺻﺮﻑ ِﻧﻈﺮ ﮐﺮﺳﮑﮯ۔ﻧﺺِ ﻗﺮﺁﻧﯽ :
ﺃَﻃِﻴﻌُﻮﺍ ﺍﻟﻠَّﻪَ ﻭَﺃَﻃِﻴﻌُﻮﺍ ﺍﻟﺮَّﺳُﻮﻝَ ﻭَﺃُﻭﻟِﻲ ﺍﻟْﺄَﻣْﺮِ ﻣِﻨْﻜُﻢْ
‏(ﺍﻟﻨﺴﺎﺀ 59: ‏)
ﺗﺮﺟﻤﮧ : ﺍﻃﺎﻋﺖ ﮐﺮﻭ ﺍﻟﻠﮧ ﺗﻌﺎﻟﯽٰ، ﺭﺳﻮﻝ ﺻﻠﯽ ﺍﻟﻠﮧ ﻋﻠﯿﮧ ﻭ ﺳﻠﻢ ﺍﻭﺭ ﺍﻥ ﮐﯽ
ﺟﻮ ﺗﻢ ﻣﯿﮟ ﺻﺎﺣﺐِ ﺍﻣﺮ ﮨﯿﮟ۔
ﻣﯿﮟ '' ﺃُﻭﻟِﻲ ﺍﻟْﺄَﻣْﺮِ '' ﮐﮯ ﻣﺼﺪﺍﻕ ﻓﻘﮩﺎﺀ ﮐﺮﺍﻡ ﮐﯽ ﻋﻈﯿﻢ ﺍﻟﺸﺎﻥ ﺍﻭﺭ ﻧﺎﻗﺎﺑﻞ
ﺍﻧﮑﺎﺭ ﺧﺪﻣﺎﺕ ﮐﺎ ﺍﻧﮑﺎﺭ ﺳﻮﺭﺝ ﮐﯽ ﺭﻭﺷﻨﯽ ﮐﻮ ﺍﻧﮕﻠﯽ ﺳﮯ ﭼﮭﭙﺎﻧﮯ ﮐﯽ
ﻧﺎﮐﺎﻡ ﮐﻮﺷﺶ ﮨﮯ۔ ﻧﺒﯽ ﮐﺮﯾﻢ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﮐﺎ ﺍﺭﺷﺎﺩ ﮨﮯ :
‏« ﻓَﻘِﻴﻪ ﻭﺍﺣِﺪ ﺃﺷﺪُّ ﻋﻠﻰ ﺍﻟﺸَّﻴْﻄﺎﻥِ ﻣﻦ ﺃﻟْﻒ ﻋَﺎﺑِﺪ ‏»
‏( ﺍﻟﺤﺪﯾﺚ ‏)
ﺍﻥ ﻋﻈﯿﻢ ﮨﺴﺘﯿﻮﮞ ﮐﯽ ﮔﺴﺘﺎﺧﯽ ﺻﺮﻑ ﺗﺮﮎ ﺗﻘﻠﯿﺪ ﮐﮯ ﺯﮨﺮ ﺳﮯ ﺑﮭﺮﮮ ﺳﺎﻧﭗ
ﺳﮯ ﮈﺳﺎ ﻣﺮﯾﺾ ﮨﯽ ﮐﺮﺳﮑﺘﺎ ﮨﮯ۔ '' ﻋﻼﻣﮧ '' ﻭﺣﯿﺪ ﺍﻟﺰﻣﺎﻥ ﻏﯿﺮﻣﻘﻠﺪ ﻧﮯ ﻟﮑﮭﺎ
ﮨﮯ : ﺧﺪﺍ ﺍﻥ ﻓﻘﮩﺎﺀ ﺳﮯ ﺑﭽﺎﺋﮯ ﺍﻧﮩﻮﮞ ﻧﮯ ﺯﻧﺪﮔﯽ ﻣﯿﮟ ﺑﮩﺖ ﺳﯽ ﺑﺎﺗﯿﮟ ﺩﯾﻦ
ﻣﯿﮟ ﺑﮍﮬﺎﺋﯿﮟ ﺍﺏ ﻣﺮﻧﮯ ﮐﮯ ﺑﻌﺪ ﺑﮭﯽ ﭘﯿﭽﮭﺎ ﻧﮩﯿﮟ ﭼﮭﻮﮌﺗﮯ۔
‏( ﻟﻐﺎﺕ ﺍﻟﺤﺪﯾﺚ ﺝ 2ﺹ285 ‏)
ﻧﻌﻮﺫﺑﺎﻟﻠﮧ ۔ﯾﮧ ﺑﻐﺾ ﻓﻘﮩﺎﺀ ﮐﯽ ﺑﺪﺗﺮﯾﻦ ﻣﺜﺎﻝ ﮨﮯ۔
ﻏﯿﺮﻣﻘﻠﺪﯾﻦ ﮐﮯ ﭘﯿﺮ ﺩﺍﻭﺩ ﻏﺰﻧﻮﯼ ﻟﮑﮭﺘﮯ ﮨﯿﮟ ……: ﺩﻭﺳﺮﮮ ﻟﻮﮔﻮﮞ ﮐﯽ ﯾﮧ
ﺷﮑﺎﯾﺖ ﮐﮧ ﺍﮨﻞ ﺣﺪﯾﺚ ‏[ ﻏﯿﺮﻣﻘﻠﺪﯾﻦ‏] ﺣﻀﺮﺍﺕ ﺍﺋﻤﮧ ﺍﺭﺑﻌﮧ‏[ ﻓﻘﮩﺎﺀ‏]ﮐﯽ ﺗﻮﮨﯿﻦ
ﮐﺮﺗﮯ ﮨﯿﮟ ﺑﻼ ﻭﺟﮧ ﻧﮩﯿﮟ ﮨﮯﺍﻭﺭ ﻣﯿﮟ ﺩﯾﮑﮫ ﺭﮨﺎ ﮨﻮﮞ ﮐﮧ ﮨﻤﺎﺭﮮ ﺣﻠﻘﮧ ﻣﯿﮟ
ﻋﻮﺍﻡ ﺍﺱ ﮔﻤﺮﺍﮨﯽ ﻣﯿﮟ ﻣﺒﺘﻼﺀ ﮨﻮﺭﮨﮯ ﮨﯿﮟ۔
‏(ﺳﻮﺍﻧﺢ ﺩﺍﺅﺩ ﻏﺰﻧﻮﯼ ﺹ 87 ‏)
ﺍﯾﮏ ﺍﻭﺭ ﻭﺍﻗﻌﮧ ﺑﮭﯽ ﻣﻼﺣﻈﮧ ﮨﻮ ﺟﻮ ﻋﺒﺮﺗﻨﺎﮎ ﺑﮭﯽ ﮨﮯﺍﻭﺭ ﻗﺎﺑﻞ ﻣﺬﻣﺖ ﺑﮭﯽ۔
ﻏﯿﺮ ﻣﻘﻠﺪﯾﻦ ﮐﮯ ﭘﯿﺮ ﻣﻮﻟﻮﯼ ﻋﺒﺪﺍﻟﺠﺒﺎﺭ ﻏﺰﻧﻮﯼ ﮐﺎ ﺍﯾﮏ ﺷﺎﮔﺮﺩ ﺗﮭﺎ، ﻧﺎﻡ ﺍﺱ
ﮐﺎ ﻋﺒﺪﺍﻟﻌﻠﯽ ﺗﮭﺎ، ﺍﺱ ﻧﮯ ﮐﮩﺎ ﮐﮧ ﺍﺑﻮﺣﻨﯿﻔﮧ ﺳﮯ ﺗﻮ ﻣﯿﮟ ﺍﭼﮭﺎ ﺍﻭﺭ ﺑﮍﺍ ﮨﻮﮞ۔
ﮐﯿﻮﻧﮑﮧ ﺍﻧﮩﯿﮟ ﺻﺮﻑ 17ﺣﺪﯾﺜﯿﮟ ﺁﺗﯽ ﺗﮭﯿﮟ ‏[ﺣﺎﻻﻧﮑﮧ ﻭﮦ ﺣﺎﻓﻆ ﺍﻟﺤﺪﯾﺚ ﺗﮭﮯ ،
ﻣﻼﺣﻈﮧ ﮨﻮ '' ﻣﻘﺎﻡ ﺍﺑﯽ ﺣﻨﯿﻔﮧ '' ﻣﺼﻨﻔﮧ ﻣﻮﻻﻧﺎ ﻣﺤﻤﺪ ﺳﺮﻓﺮﺍﺯ ﺧﺎﻥ ﺻﻔﺪﺭ
ﺭﺣﻤﮧ ﺍﻟﻠﮧ۔ ﺍﺯ ﻧﺎﻗﻞ‏] ﺍﻭﺭ ﻣﺠﮭﮯ ﺍﻥ ﺳﮯ ﮐﮩﯿﮟ ﺯﯾﺎﺩﮦ ﯾﺎﺩ ﮨﯿﮟ۔ ﺟﺐ ﯾﮧ ﺑﺎﺕ
ﻣﻮﻟﻮﯼ ﻋﺒﺪﺍﻟﺠﺒﺎﺭ ﺻﺎﺣﺐ ﺗﮏ ﭘﮩﻨﭽﯽ ﺗﻮ ﺍﻧﮩﻮﮞ ﻧﮯ ﮐﮩﺎ ﻣﺠﮭﮯ ﻟﮕﺘﺎ ﮨﮯ ﯾﮧ
ﺷﺨﺺ ﻋﻨﻘﺮﯾﺐ ﻣﺮﺗﺪ ﮨﻮﺟﺎﺋﮯ ﮔﺎ ﺍﻭﺭ ﻭﮦ ﺷﺨﺺ ﺍﯾﮏ ﮨﻔﺘﮧ ﺑﻌﺪ ﻣﺮﺯﺍﺋﯽ ﮨﻮﮔﯿﺎ۔
ﺍﺱ ﭘﺮ ﻣﻮﻟﻮﯼ ﻋﺒﺪﺍﻟﺠﺒﺎﺭ ﺻﺎﺣﺐ ﻧﮯ ﻓﺮﻣﺎﯾﺎ ﮐﮧ ﺍﺱ ﮐﯽ ﮔﺴﺘﺎﺧﯽ ﮐﯽ ﺍﻃﻼﻉ
ﻣﻠﺘﮯ ﮨﯽ ﺑﺨﺎﺭﯼ ﺷﺮﯾﻒ ﮐﯽ ﺣﺪﯾﺚ ﻣﯿﺮﮮ ﺫﮨﻦ ﻣﯿﮟ ﺁﮔﺌﯽ : ﻣَﻦْ ﻋَﺎﺩَﻯ ﻟِﻲ
ﻭَﻟِﻴًّﺎ ﻓَﻘَﺪْ ﺁﺫَﻧْﺘُﻪُ ﺑِﺎﻟْﺤَﺮْﺏِ ‏( ﺣﺪﯾﺚ ﻗﺪﺳﯽ‏) ﺍﻭﺭ ﻣﯿﺮﯼ ﻧﻈﺮ ﻣﯿﮟ ﺍﻣﺎﻡ ﺍﺑﻮﺣﻨﯿﻔﮧ
‏(ﺭﺣﻤﮧ ﺍﻟﻠﮧ ‏) ﻭﻟﯽ ﺍﻟﻠﮧ ﺗﮭﮯ۔ ‏( ﺳﻮﺍﻧﺢ ﺩﺍﺅﺩ ﻏﺰﻧﻮﯼ ﺹ191 ‏)
ﺍﺱ ﻭﺍﻗﻌﮧ ﺳﮯ ﺟﮩﺎﮞ ﻋﺒﺮﺕ ﻣﻠﺘﯽ ﮨﮯ ،ﯾﮧ ﺑﺎﺕ ﺑﮭﯽ ﮐﮭﻞ ﮐﺮ ﺳﺎﻣﻨﮯ ﺁﺗﯽ
ﮨﮯ ﮐﮧ ﻓﻘﮩﺎﺀ ﮐﯽ ﮔﺴﺘﺎﺧﯽ ﺑﮭﯽ ﻏﯿﺮﻣﻘﻠﺪﺍﻧﮧ ﺭﻭﺵ ﮨﯽ ﮐﺎ ﺛﻤﺮﮦ ﮨﮯ۔
ﻣﺤﺪﺛﯿﻦ ﺭﺣﻤﮩﻢ ﺍﻟﻠﮧ ﮐﯽ ﺗﻮﮨﯿﻦ :
ﺍﻣﺎﻡ ﺑﺨﺎﺭﯼ ﺭﺣﻤﮧ ﺍﻟﻠﮧ ﮐﮯ ﻗﺼﯿﺪﮮ ﭘﮍﮪ ﮐﺮ ﭘﯿﭧ ﭘﺎﻟﻨﮯ ﻭﺍﻟﻮﮞ ‏[ﻏﯿﺮﻣﻘﻠﺪﯾﻦ‏]
ﮐﯽ ﺍﭘﻨﯽ ﺗﺤﻘﯿﻖ ﮐﯽ ﻣﺸﯿﻦ ﻣﯿﮟ ﺍﮔﺮ ﺍﻣﺎﻡ ﺑﺨﺎﺭﯼ ﺭﺣﻤﮧ ﺍﻟﻠﮧ ﺑﮭﯽ ﺁﺟﺎﺋﯿﮟ ﺗﻮ
ﺍﻥ ﮐﯽ ﭘﮕﮍﯼ ﺍﭼﮭﺎﻟﻨﮯ ﺳﮯ ﺑﮭﯽ ﮔﺮﯾﺰ ﻧﮩﯿﮟ ﮐﺮﺗﮯ۔ '' ﺗﻼﺵ ﺣﻖ '' ﻧﺎﻣﯽ
ﮐﺘﺎﺏ ﻏﯿﺮﻣﻘﻠﺪﯾﻦ ﮐﮯ ﺍﺭﺷﺎﺩ ﺍﻟﻠﮧ ﻣﺎﻥ ﻧﮯ ﻟﮑﮭﯽ ﺍﻭﺭ ﺑﺼﯿﺮﺕ ﺳﮯ ﺧﺎﻟﯽ
ﻣﺒﺸﺮ ﺭﺑﺎﻧﯽ ﻧﮯ ﺍﺱ ﭘﺮ ﻧﻈﺮﺛﺎﻧﯽ ﮐﯽ۔ ﮐﺘﺎﺏ ﮐﮯ ﺹ 655 ﭘﺮ " ﻧﺒﯽ ﺻﻠﯽ
ﺍﻟﻠﮧ ﻋﻠﯿﮧ ﻭﺳﻠﻢ ﮐﺎ ﺧﻮﺍﺏ ﻣﯿﮟ ﺁﻧﺎ " ﮐﮯ ﻋﻨﻮﺍﻥ ﺳﮯ ﺍﯾﮏ ﺑﺎﺏ ﻗﺎﺋﻢ ﮐﯿﺎ۔ﺍﺱ
ﮐﮯ ﺗﺤﺖ ﻟﮑﮭﺎ ﮐﮧ ﺍﺱ ﻋﻘﯿﺪﮦ ﮐﯽ ﻋﻤﺎﺭﺕ ﺑﻐﯿﺮ ﺑﻨﯿﺎﺩ ﮐﮯ ﻗﺎﺋﻢ ﮨﮯ، ﯾﮧ ﻋﻘﯿﺪﮦ
ﺗﻮ ﺁﯾﺎﺕ ﻗﺮﺁﻧﯿﮧ ﮐﺎ ﺻﺮﯾﺢ ﮐﻔﺮ ﮐﺮﺗﺎﮨﮯ۔ ‏(ﺗﻼﺵ ﺣﻖ ﺹ 655 ‏)
ﺣﻘﯿﻘﺖ ﯾﮧ ﮨﮯ ﮐﮧ ﺍﺱ ﺗﮑﻔﯿﺮﯼ ﻓﺘﻮﮮ ﮐﯽ ﺯﺩ ﻣﯿﮟ ﺍﺳﻼﻑ ﺍﻣﺖ ﺍﻭﺭ ﻣﺤﺪﺛﯿﻦ
ﻋﻈﺎﻡ ﺧﺼﻮﺻﺎً ﺍﻣﺎﻡ ﺑﺨﺎﺭﯼ ﺭﺣﻤﮧ ﺍﻟﻠﮧ ﺑﮭﯽ ﺁﮔﺌﮯ ۔ﮐﯿﻮﻧﮑﮧ ﺍﻣﺎﻡ ﺑﺨﺎﺭﯼ ﺭﺣﻤﮧ
ﺍﻟﻠﮧ ﻧﮯ ﺑﺎﻗﺎﻋﺪﮦ ﺧﻮﺍﺏ ﻣﯿﮟ ﺁﭖ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﮐﯽ ﺯﯾﺎﺭﺕ ﮐﺎ ﺑﺎﺏ
ﻗﺎﺋﻢ ﮐﯿﺎ ﮨﮯ۔
" ﺑَﺎﺏ ﻣَﻦْ ﺭَﺃَﻯ ﺍﻟﻨَّﺒِﻲَّ ﺻَﻠَّﻰ ﺍﻟﻠَّﻪُ ﻋَﻠَﻴْﻪِ ﻭَﺳَﻠَّﻢَ ﻓِﻲ ﺍﻟْﻤَﻨَﺎﻡِ "۔
ﭘﮭﺮ ﺍﺱ ﮐﮯ ﺗﺤﺖ ﻧﺒﯽ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﮐﺎ ﻓﺮﻣﺎﻥ ﻣﺒﺎﺭﮎ ﺫﮐﺮ ﮐﯿﺎ :
ﻣَﻦْ ﺭَﺁﻧِﻲ ﻓِﻲ ﺍﻟْﻤَﻨَﺎﻡِ ﻓَﺴَﻴَﺮَﺍﻧِﻲ ﻓِﻲ ﺍﻟْﻴَﻘَﻈَﺔِ ﻭَﻟَﺎ ﻳَﺘَﻤَﺜَّﻞُ ﺍﻟﺸَّﻴْﻄَﺎﻥُ ﺑِﻲ ‏( ﺑﺨﺎﺭﯼ
ﺭﻗﻢ 6993‏)
ﻏﯿﺮﻣﻘﻠﺪﯾﻦ ﮐﮯ ﻧﺰﺩﯾﮏ ﺗﻮ ﺍﺱ ﻭﺟﮧ ﺳﮯ ﻣﻌﺎﺫﺍﻟﻠﮧ ﺍﻣﺎﻡ ﺑﺨﺎﺭﯼ ﺭﺣﻤﮧ ﺍﻟﻠﮧ
ﺻﺮﯾﺢ ﮐﺎﻓﺮ ﭨﮭﮩﺮﮮ۔ﯾﮧ ﻣﺤﺪﺛﯿﻦ ﮐﯽ ﺗﻮﮨﯿﻦ ﺻﺮﻑ ﻏﯿﺮﻣﻘﻠﺪﺍﻧﮧ ﺫﮨﻨﯿﺖ ﺍﻭﺭ ﺧﻮﺩ
ﺭﺍﺋﯽ ﮐﯽ ﻭﺟﮧ ﺳﮯ ﮐﯽ۔ﺍﻟﻠﮧ ﺗﻌﺎﻟﯽٰ ﮨﻤﯿﮟ ﺗﺮﮎ ﺗﻘﻠﯿﺪ ﺟﯿﺴﮯ ﻣﮩﻠﮏ ﻣﺮﺽ
ﺳﮯ ﻣﺤﻔﻮﻅ ﻓﺮﻣﺎﺋﮯ۔ﺁﻣﯿﻦ

ﻣﻮﻻﻧﺎ ﻣﺤﻤﺪﻋﻈﯿﻢ ﺣﻔﻈﮧ ﺍﻟﻠﮧ