پہلی بیوی کی اولاد سے نکاح

بیوی کے پہلے شوہر کی اولاد سے شوہر کی پہلی بیوی کی اولاد کا نکاح جائز ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سوال
۔۔۔۔۔۔۔۔
کیا فرماتے ہیں علماء دین و مفتیان شرع متین  درج ذیل مسئلہ کے متعلق کہ؛
زید اور ہندہ کا اس حال میں باہم نکاح ہوا کہ دونوں کے پاس ایک ایک اولاد ہے ایک لڑکا اور ایک لڑکی بعدہ زوجین کے درمیان بذریعہ طلاق تفریق ہو گئی، اب ان دونوں کے اولاد کا آپس میں نکاح کرنا جائز ہے یا نہیں؟

دلائل و براہین کی روشنی میں مئسلہ کی تشفی بخش توضیح و تشریح فرماکر عنداللہ ماجور ہوں!!

المستفتی: محمد اقبال حسن جھارکھنڈ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
الجواب وباللہ التوفیق:
جی ہاں دونوں کی آپس میں شادی  اصلا ہوسکتی ہے۔ زوجین میں تفریق نہ ہوتی پھر بھی ان دونوں کا آپس میں مناکحت جائز تھی۔ کیونکہ ان دونوں کے مابین کوئی وجہ حرمت نہیں:
واحل لكم ما وراء ذالكم.  النساء 24.
البحرالرائق میں ہے:
قالوا لابأس أن يتزوج الرجل امرأة أو يتزوج إبنة امها أو "بنتها" لأنه لامانع .وقد تزوج محمد بن الحنفية إمرأة. وزوج إبنه بنتها. البحر الرائق 105/3.كتاب النكاح. فصل في المحرمات....... كذا في فتح القدير: 364/2. فصل في المحرمات .ط دار صادر.بيروت
البحر الرائق کی بین الواوین !

عبارت آپ کے مسئلہ کی فقہی دلیل ہے۔۔۔ (مستفاد آپ کے مسائل اور ان کا حل 167/6)

واللہ اعلم بالصواب
شکیل منصور القاسمی
بیگوسرائے /سیدپور