ایک رکعت کے مسبوق پر بھی تشہد واجب ہے

ایک رکعت کے مسبوق پر بھی تشہد واجب ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام عليكم
امید کہ بخیر ہونگے،
عرض یہ ہے کہ ایک شخص مسجد میں اس وقت پہنچا کہ امام ایک رکعت پڑهاچکا تها، کیا قعدہ اولی میں جس کی ایک رکعت چهوٹ گئی تهی وه بهی التحیات پڑهے گا؟ مدلل تحریر فرماکر مشکور ہوں،
محمد انور داؤدی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
الجواب وباللہ التوفیق
امام کی متابعت میں اس پر بھی تشہد پڑھنا واجب ہے۔ کیونکہ مقتدی وہ بھی ہے اور مقتدی پہ تشہد پڑھنا واجب ہوتا ہے۔ پھر جب یہ مسبوق سلام کے بعد اپنی بقیہ رکعتیں پوری کرنے کے لئے کھڑا ہوگا تو اس وقت بھی ہر قعدہ پہ تشہد پڑھنا واجب ہوگا۔
فتاوی شامی میں ہے؛
کمن ادرک الامام فی القعدۃ الاولیٰ فقعد معہ فقام الامام قبل شروع المسبوق فی التشہد فانہ یتشہد تبعاً لتشہد امامہ۔
(جلد اول صفحہ 551)
ہکذا فی کتاب الآثار صفحہ 56۔
ہکذا فی الھندیہ  ص۹۱ جلد۱ الفصل السابع فی المسبوق واللاحق)۔

واللہ اعلم بالصواب
شکیل منصور القاسمی