کیچوے کی طہارت ونجاست

کیچوے کی طہارت ونجاست
کسی چیز کے حرام ہونے کے شرعی اسباب
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سوال
۔۔۔۔۔۔۔

وہ سونڈی شاید رینگ رینگ کر چلتی ہے، اس میں پانی سا ہوتا ہے. وہ پانی اگر کپڑوں پر لگ جائے تو ناپاک ہوجاتے ہیں؟
توجہ فرمائیے کہ کیچوا حشرات الارض سے ہے جو خبیث و ناپاک ہے۔
ایس اے ساگر
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

الجواب وباللہ التوفیق
اگر اس میں خون نہ ہو تو ناپاک نہیں ہے۔ حرام ضرور ہے. 
ہر حرام چیز کا ناپاک ہونا ضروری نہیں۔
نجاست کا مدار دموی ہونے پر ہے.
جو جانور دموی نہ ہو وہ نجس نہیں۔
یحرم علیھم الخبائث
کا تعلق  اکل سے ہے۔ طہارت سے نہیں ۔
خبیث ہونا نجاست کو مستلزم نہیں۔
ہر خبیث نجس نہیں ہوسکتا،
سانپ خبیث نہیں بلکہ خبیث ترین ہے۔ لیکن اگر اس میں خون نہیں تو وہ نجس بھی نہیں۔ شامی میں صراحت ہے،
نجاست کا مدار خون پہ ہے.
خبث کا مدار طبعی تقذر واستخباث پہ ہے،
کیچوے میں اگر خون نہ ہو تو وہ خبیث اور حرام الاکل ہونے کے باوجود ناپاک نہیں ہوگا.
کیونکہ شریعت میں کسی شے کے استعمال کے منع اور حرام ہونے کی وجہیں چار ہیں: 
1 ۔۔ نجاست جیسے پیشاب  پاخانے مردار وغیرہ میں 
2۔۔۔۔ مضر ہونا جیسے سنکھیا میں۔   
   3   استخباث (گھناؤنا پن) یعنی طبیعت سلیمہ کا اس سے گھن کرنا جیسے کیڑے مکوڑوں اور حشرات میں۔
4    نشہ لانا (مسکر ہونا) (مستفاد مسائل بہشتی زیور )
واللہ اعلم بالصواب
شکیل منصور القاسمی