مندر میں چندہ دینا کیسا ہے؟

مندر میں چندہ دینا کیسا ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوال
۔۔۔۔۔۔۔۔۔
مندر کی تعمیر میں مسلمان کا تعاون کرنا شرعا کیسا ہے؟ اگر کوئی کردے تو کیا گنہگار ہوگا ؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
الجواب وباللہ التوفیق:
خیر ،نیکی بھلائی اور تقوی کے کاموں میں تعاون کرنے کا اسلامی شریعت نے حکم دیا یے۔ جبکہ شر ،گناہ اور شرکیہ کفریہ امور میں مدد کرنے سے منع کیا ہے۔
ارشاد باری ہے:

قال اللّٰہ تعالیٰ: {تعاونوا على البر والتقوى وَلاَ تَعَاوَنُوْا عَلَی الْاِثْمِ وَالْعُدْوَانِ} 

[المائدۃ، جزء آیت: ۲]
ہو عام لکل برٍ وتقویٰ وإثم وعدوانٍ، ہٰکذا قال المفسرون۔ (التفسیرات الأحمدیۃ ۳۳۱ المکتبۃ الحقانیۃ پشاور)
قال الحافظ ابن کثیر رحمہ اللّٰہ: ’’یأمر تعالیٰ عبادہ المؤمنین بالمعاونۃ علی فعل الخیرات وہو البر، وترک المنکرات وہو التقویٰ۔ وینہاہم عن التناصر علی الباطل والتعاون علی المآثم والمحارم۔ (تفسیر ابن کثیر ۲؍۱۰ دار السلام ریاض)

اس لئے کسی بھی کفر وشرک کی عبادت گاہ کی تعمیر وتوسیع میں مسلمان کا چندہ دینا اور تعاون کرنا "اعانت علی المعصیت" کی وجہ سے بنص قرآنی حرام اور امر معصیت ہے۔ اگر کوئی مسلمان ایسا کربیٹھا ہو تو ندامت کے ساتھ توبہ واستغفار کرے۔
اگر کہیں اس طرح کی مجبوری درپیش ہو تو موقع محل کی نزاکتوں کی رعایت کے ساتھ بچ بچائو کی کوئی شکل نکال لے۔ورنہ آخر میں شخصی طور پہ  سامنے موجودکسی کافر یا مشرک کو کچھ ھدیہ کردے وہ اس رقم کو اپنی مرضی سے مندر کی تعمیر میں لگادے۔ تو یہ اس کا  ذاتی عمل  ہوگا اوروہ خود اس کا ذمہ دار اور جواب دہ ہوگا!
عن الإمام القرا في أنہ أفتیٰ بأنہ لا یعاد ما انہدم من الکنائس، وأن من ساعد علی ذلک، فہو راض بالکفر والرضا بالکفرکفر۔ (شامي، فصل في الجزیۃ، مطلب في أحکام الکناس والبیع، زکریا ۶/۳۳۰، کراچي۴/۲۰۵)
ہکذا فی المحمودیہ ۔پاکستانی431/24 )۔(فتاویٰ محمودیہ ۲۹؍۳۶۱ میرٹھ، امداد الفتاویٰ ۳؍۱۳۰)
واللہ اعلم بالصواب
شکیل منصور القاسمی