شراب مصنوعات کے تعارف کروانے کی ملازمت؟

شراب ساز کمپنی میں مصنوعات کے تعارف کروانے کی ملازمت ؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کیا فرماتے ہیں مفتیان کرام ایک شخص شراب کی کمپنی میں کام کرتا ہے، اسکا کام یہ ھیکہ وہ دوسری کمپنی میں جاکر اپنا شراب کی تعارف کرواتا ہے کہ یہ بیئر ایسی ہے، یہ شراب ایسی ہے
تو اسکا یہ تعارف کروانا کیسا ہے شریعت کی نظر میں اور اس شخص کو اس شراب کمپنی میں
کام کرکے اجرت لینا درست ہے یا نہیں؟ تفصیل جواب مع دلیل مطلوب ہے.
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
الجواب وباللہ التوفیق
شراب کے سلسلے میں رسول اکرم صلی اللہ علیہ وسلم نے دس لوگوں پہ لعنت بھیجی  ہے۔۔ صرف پینے اور بنانے والا ہی ملعون نہیں ہے!
اس لئے فروخت میں ممد ومعاون بننے والا بھی حدیث کی رو سے ملعون ہے۔
عن أنس بن مالک -رضي اﷲ عنہ- قال: لعن رسول اﷲ صلی اﷲ علیہ وسلم في الخمر عشرۃ: عاصرہا، ومعتصرہا، وشاربہا، وحاملہا،والمحمولۃ إلیہ، وساقیہا، وبائعہا، وآکل ثمنہا، والمشتری لہا، والمشتراۃ لہ۔ (ترمذي شریف، باب النہي أن یتخذ الخمر خلا، النسخۃ الہندیۃ ۱/ ۲۴۲، دارالسلام، رقم: ۱۲۹۵، مسند البزار، مکتبۃ العلوم والحکم ۶/ ۲۳۳، رقم: ۲۴۴۶)

لیکن شراب کے معاملہ میں مسلم وکافر کے احکام یکساں نہیں ہیں بلکہ مختلف ہیں۔ اگر شراب بنانے والی کمپنی کا مالک مسلمان ہو تو اس کی کمپنی میں مذکورہ ملازمت ناجائز وحرام ہے۔ اس سے حاصل شدہ آمدنی بھی حرام ہوگی لیکن اگر مالک غیر مسلم ہو تو اب اس میں یہ ملازمت حرام نہیں بلکہ مکروہ تحریمی ہوگی۔ آمدنی حلال ہوگی لیکن خلاف اولی۔۔ تفصیل کے لئے دیکھیں:
فتاوی محمودیہ جلد17.صفحہ 118 ۔) 

واللہ اعلم بالصواب
شکیل منصور القاسمی