سرکاری زمین میں قبرستان بنانا؟

سرکاری زمین میں قبرستان بنانا؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوال
۔۔۔۔۔۔۔۔۔

کیا سرکاری زمین پر قبرستان بنانا درست ہے؟ اور اس میں کوئی شرعی قباحت تو نہیں؟ ؟؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
الجواب وباللہ التوفیق
سرکاری زمین کی دوقسمیں ہیں
ایک وہ زمین ہے جو کسی مخصوص کام کے لئے بحق سرکار مملوک مختص ہو ۔اس میں کسی بھی طرح کا عوامی حق وابستہ نہ ہو
اس قسم کی سرکاری زمین میں سرکار سے صراحتا یا دلالتہ اجازت کے بغیر قبرستان بنانا درست نہیں؛
لا یجوز التصرف في مال غیرہ بلا إذنہ ولا ولایتہ۔ (الدر المختار مع الشامي، کتاب الغصب / مطلب فیما یجوز من التصرف بمال الغیر ۹؍۲۹۱ زکریا، الأشباہ والنظائر / الفن الثاني ۲؍۴۴۴ إدارۃ القرآن کراچی)
سرکاری زمین کی دوسری قسم وہ ہے جس میں عوامی حق ہوتا ہے اور وہ زمین رفاہی کاموں جیسے میدان چراگاہ قبرستان وغیرہ کے لئے ہوتی ہے
ایسی زمین کے حصول کے لئے بھی درخواست دے کے حصول کی کوشش کی جائے لیکن اگر ٹال مٹول ہوتا ہو تو پہر اس قسم کی زمین میں عوامی قبرستان بنانے کی گنجائش نکل سکتی ہے؛
وفی الفقہ الاسلامی(۴۶۰۷/۶): الأراضی نوعان ارض مملوکۃ وارض مباحۃ والمملوکۃ نوعان عامرۃ وخراب والمباحۃ نوعان ایضا نوع ھو من مرافق البلد للاحتطاب ورعی المواشی ونوع لیس من مرافقھا وھو الارض الموات اوما یسمی الآن املاک الدولۃ العامۃ۔
وفیہ ایضاً(۴۶۰۸/۶): ما کان من مرافق أھل بلدۃ تستعمل مرعی للمواشی ومحتطبا لھم أو مقبرۃ لموتاھم أو ملعباً لصغارھم، سواء کانت داخل البلدۃ أم خارجھا فیکون حقالھم لامواتا فلا یجوز للإمام أن یقطعہ لأحد۔
ہذا ماعندی والصواب عند اللہ
شکیل منصور القاسمی