Tuesday 10 October 2017

پھٹے ہوئے نوٹ کم قیمت میں بیچنا؟

پھٹے ہوئے نوٹ کم قیمت میں بیچنا؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم ورحمت اللہ مفتی صاحب مسئلہ یہ پوچھنا ہے کہ میرے ایک ساتھی کے پاس بہت مدت سے پھٹے ہوئے کرنسی نوٹ جمع ہوگئے ہیں، اب ان کی مالیت ہزار ڈیرھ ہزارتک پہنچ گئی ہے. اب اگر ان نوٹوں کو تبدل کرنیکے لئے بینک میں لیجائیں تو بینک والے ہزار میں تیس روپے کاٹ لیتے ہیں. اگر تیس روپے دیکر تبدل کروالیا جائے تو کیا یہ سود نہیں ہوگا، اگر سود ہو تو پھر ہم ان نوٹوں کو کیا کریں؟ ذرا اسکی وضاحت فرمادیں،
عنداللہ ماجور ہونگے
زبیر
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
الجواب وباللہ التوفیق
اگر بینک آسانی کے ساتھ تبادلہ کردیتا ہو۔ تو امام محمد کے مفتی بہ قول پر عمل کیا جائے اور کمی کے ساتھ نوٹ کا تبادلہ جائز نہ ہوگا۔
لیکن اگر تبادلہ میں دشواریاں درپیش ہوں تو شیخین کے قول کے مطابق تفاضل کے ساتھ نوٹ کی بیع کی گنجائش نکل سکتی ہے۔کیونکہ کاغذی نوٹ خلقی اور حقیقی ثمن نہیں۔ بلکہ عرفی ثمن ہیں۔ بوسیدگی یا کٹا پھٹا ہونے کی وجہ سے عرفی ثمنیت کم ہوجاتی ہے۔ اس بناپر امام ابوحنیفہ اور امام ابو یوسف رحمہم اللہ کے قول پہ عمل کی گنجائش ہے۔ صرف اتنا خیال رہے کہ یہ معاملہ ادھار نہ ہو۔
کما قال العلامہ مرغینانیؒ: ویجوز بیع الفلس بالفلسین بأعیانھما عند ابی حنیفۃؒ وابی یوسف وقال محمدؒ لایجوز الخ۔۔۔ (الھدایۃ علی صدر البنایۃ:ج؍۱۰،ص؍۴۱۷، کتاب البیوع ، باب الربا)
(فتاویٰ حقانیہ :ج؍۶،ص؍۲۱۶ )
فلا یجوز مبادلۃ الأوراق النقدیۃ بجنسہا متفاضلۃ، ویجوز إذا کانت متماثلۃ، والمماثلۃ ہہنا أیضا تکون بالقیمۃ لا بالعدد، کما في الفلوس، فیجوز أن یباع ورق نقدي قیمتہ عشر روبیات، بعشرۃ أوراق قیمۃ کل واحد روبیۃ واحدۃ، ولا یجوز أن یباع الأول بأحد عشر ورقا من الثانیۃ۔ (تکملہ فتح الملہم، کتاب البیوع، باب الصرف، وبیع الذہب بالورق نقدا، أشرفیہ دیوبند ۱/ ۵۹۰)
(ایضاح النوادر ۱/ ۱۲۲)

واللہ اعلم بالصواب
شکیل منصور القاسمی

No comments:

Post a Comment