Saturday 26 September 2015

ﻣﺮﻧﮯ ﺳﮯ ﭘﮩﻠﮯ ﺍﯾﮏ ﮔﻨﺎﮦ ﮔﺎﺭ ﮐﯽ ﺗﻮﺑﮧ ﮐﺎ ﻋﺠﯿﺐ ﻭﺍﻗﻌﮧ

ﺣﻀﺮﺕ ﺣﺴﻦ ﺑﺼﺮﯼ ﺭﺣﻤﮧ ﺍﻟﻠﻪ ﮐﺎ ﺩﻭﺭ ﮨﮯ ، ﺁﭖ ﮐﯽ ﺍﯾﮏ ﺷﺎﮔﺮﺩﮦ ﺟﻮ
ﺑﺎﻗﺎﻋﺪﮦ ﺁﭖ ﮐﺎ ﺩﺭﺱ ﺳﻨﻨﮯ ﮐﮯ ﻟﯿﮯ ﺁﯾﺎ ﮐﺮﺗﯽ ﺗﮭﯽ، ﺍﺱ ﮐﺎ ﺍﯾﮏ ﺑﯿﭩﺎ
ﺗﮭﺎ، ﺧﺎﻭﻧﺪ ﮐﺎ ﺍﭼﮭﺎ ﮐﺎﺭﻭﺑﺎﺭ ﺗﮭﺎ، ﯾﮧ ﻧﯿﮏ ﻋﻮﺭﺕ ﺗﮭﯽ، ﻋﺒﺎﺩﺕ ﮔﺰﺍﺭ
ﺧﺎﺗﻮﻥ ﺗﮭﯿﮟ، ﺑﺎﻗﺎﻋﺪﮦ ﺩﺭﺱ ﺳﻨﺘﯽ ﺍﻭﺭ ﻧﯿﮑﯽ ﭘﺮ ﺯﻧﺪﮔﯽ ﮔﺰﺍﺭﺗﯽ ﺗﮭﯿﮟ،
ﺍﺱ ﺑﮯ ﭼﺎﺭﯼ ﮐﺎ ﺟﻮﺍﻧﯽ ﻣﯿﮟ ﺧﺎﻭﻧﺪ ﭼﻞ ﺑﺴﺎ، ﺍﺱ ﻧﮯ ﺩﻝ ﻣﯿﮟ ﺳﻮﭼﺎ
ﮐﮧ ﺍﯾﮏ ﺑﯿﭩﺎ ﮨﮯ، ﺍﮔﺮ ﻣﯿﮟ ﺩﻭﺳﺮﺍ ﻧﮑﺎﺡ ﮐﺮ ﻟﻮﮞ ﮔﯽ، ﺗﻮ ﻣﺠﮭﮯ ﺧﺎﻭﻧﺪ
ﻣﻞ ﺟﺎﺋﮯ ﮔﺎ، ﻣﮕﺮ ﺑﭽﮯ ﮐﯽ ﺯﻧﺪﮔﯽ ﺑﺮﺑﺎﺩ ﮨﻮ ﺟﺎﺋﮯ ﮔﯽ، ﭘﺘﮧ ﻧﮩﯿﮟ ﻭﮦ
ﺍﺱ ﮐﮯ ﺳﺎﺗﮫ ﮐﯿﺎ ﺳﻠﻮﮎ ﮐﺮﮮ ﮔﺎ؟
ﺍﺏ ﻭﮦ ﺟﻮﺍﻥ ﮨﻮﻧﮯ ﮐﮯ ﻗﺮﯾﺐ ﮨﮯ، ﯾﮩﯽ ﻣﯿﺮﺍ ﺳﮩﺎﺭﺍ ﺳﮩﯽ، ﻟﮩٰﺬﺍ ﯾﮧ ﺳﻮﭺ
ﮐﺮ ﻣﺎﮞ ﻧﮯ ﺟﺬﺑﺎﺕ ﮐﯽ ﻗﺮﺑﺎﻧﯽ ﺩﯼ۔
ﺍﯾﺴﯽ ﻋﻮﺭﺕ ﮐﮯ ﻟﯿﮯ ﺣﺪﯾﺚ ﭘﺎﮎ ﻣﯿﮟ ﺁﯾﺎ ﮨﮯ ﮐﮧ ﺟﻮ ﺍﺱ ﻃﺮﺡ ﺍﮔﻠﯽ
ﺷﺎﺩﯼ ﻧﮧ ﮐﺮﮮ ﺍﻭﺭﺑﭽﻮﮞ ﮐﯽ ﺗﺮﺑﯿﺖ ﻭﺣﻔﺎﻇﺖ ﮐﮯ ﻟﯿﮯ ﺍﺳﯽ ﻃﺮﺡ
ﺯﻧﺪﮔﯽ ﮔﺰﺍﺭﮮ ﺗﻮ ﺑﺎﻗﯽ ﭘﻮﺭﯼ ﺯﻧﺪﮔﯽ ﺍﺱ ﮐﻮ ﻏﺎﺯﯼ ﺑﻦ ﮐﺮ ﺯﻧﺪﮔﯽ
ﮔﺰﺍﺭﻧﮯ ﮐﺎ ﺛﻮﺍﺏ ﺩﯾﺎ ﺟﺎﺋﮯ ﮔﺎ، ﮐﯿﻮﮞ ﮐﮧ ﻭﮦ ﺟﮩﺎﺩ ﮐﺮ ﺭﮨﯽ ﮨﮯ ﺍﭘﻨﮯ
ﻧﻔﺲ ﮐﮯ ﺧﻼﻑ۔
ﻭﮦ ﻣﺎﮞ ﮔﮭﺮ ﻣﯿﮟ ﺑﭽﮯ ﮐﺎ ﭘﻮﺭﺍ ﭘﻮﺭﺍ ﺧﯿﺎﻝ ﺭﮐﮭﺘﯽ ﺗﮭﯽ، ﻟﯿﮑﻦ ﯾﮧ ﺑﭽﮧ
ﺟﺐ ﮔﮭﺮ ﺳﮯ ﺑﺎﮨﺮ ﻧﮑﻞ ﺟﺎﺗﺎ، ﺗﻮ ﻣﺎﮞ ﺳﮯ ﻧﮕﺮﺍﻧﯽ ﻧﮧ ﮨﻮ ﭘﺎﺗﯽ، ﺍﺏ ﺍﺱ
ﮐﮯ ﭘﺎﺱ ﻣﺎﻝ ﮐﯽ ﺑﮭﯽ ﮐﻤﯽ ﻧﮧ ﺗﮭﯽ، ﺍﭨﮭﺘﯽ ﮨﻮﺋﯽ ﺟﻮﺍﻧﯽ ﺑﮭﯽ ﺗﮭﯽ،
ﯾﮧ ﺟﻮﺍﻧﯽ ﺩﯾﻮﺍﻧﯽ ﺍﻭﺭ ﻣﺴﺘﺎﻧﯽ ﮨﻮﺗﯽ ﮨﮯ، ﭼﻨﺎﮞ ﭼﮧ ﻭﮦ ﺑﭽﮧ ﺑﺮﯼ ﺻﺤﺒﺖ
ﻣﯿﮟ ﮔﺮﻓﺘﺎﺭ ﮨﻮ ﮔﯿﺎ، ﺷﺒﺎﺏ ﺍﻭﺭ ﺷﺮﺍﺏ ﮐﮯ ﮐﺎﻣﻮﮞ ﻣﯿﮟ ﻣﺼﺮﻭﻑ ﮨﻮ ﮔﯿﺎ۔
ﻣﺎﮞ ﺑﺮﺍﺑﺮ ﺳﻤﺠﮭﺎﺗﯽ، ﻟﯿﮑﻦ ﺑﭽﮧ ﭘﺮ ﮐﭽﮫ ﺍﺛﺮ ﻧﮧ ﮨﻮﺗﺎ، ﭼﮑﻨﺎ ﮔﮭﮍﺍ ﺑﻦ
ﮔﯿﺎ، ﻭﮦ ﺍﻥ ﮐﻮ ﺣﻀﺮﺕ ﺣﺴﻦ ﺑﺼﺮﯼ ﺭﺣﻤﮧ ﺍﻟﻠﻪ ﮐﮯ ﭘﺎﺱ ﻟﮯ ﮐﺮ ﺁﺗﯽ،
ﺣﻀﺮﺕ ﺑﮭﯽ ﺍﺱ ﮐﻮ ﮐﺌﯽ ﮐﺌﯽ ﮔﮭﻨﭩﮯ ﺳﻤﺠﮭﺎﺗﮯ، ﻟﯿﮑﻦ ﺍﺱ ﮐﺎ ﻧﯿﮑﯽ
ﮐﯽ ﻃﺮﻑ ﺩﮬﯿﺎﻥ ﮨﯽ ﻧﮩﯿﮟ ﺗﮭﺎ، ﮐﺒﮭﯽ ﮐﺒﮭﯽ ﻣﺎﮞ ﺳﮯ ﻣﻠﻨﮯ ﺁﺗﺎ، ﻣﺎﮞ
ﭘﮭﺮ ﺳﻤﺠﮭﺎﺗﯽ ﺍﻭﺭ ﭘﮭﺮ ﺍﺱ ﮐﻮ ﺣﻀﺮﺕ ﺣﺴﻦ ﺑﺼﺮﯼ ﺭﺣﻤﮧ ﺍﻟﻠﻪ ﮐﮯ
ﭘﺎﺱ ﻟﮯ ﺟﺎﺗﯽ، ﺣﻀﺮﺕ ﺑﮭﯽ ﺳﻤﺠﮭﺎﺗﮯ ، ﺩﻋﺎﺋﯿﮟ ﺑﮭﯽ ﮐﺮﺗﮯ، ﻣﮕﺮ ﺍﺱ
ﮐﮯ ﮐﺎﻥ ﭘﺮ ﺟﻮﮞ ﻧﮧ ﺭﯾﻨﮕﺘﯽ، ﺣﺘﯽ ﮐﮧ ﺣﻀﺮﺕ ﺣﺴﻦ ﺑﺼﺮﯼ ﺭﺣﻤﮧ ﺍﻟﻠﻪ
ﮐﮯ ﺩﻝ ﻣﯿﮟ ﯾﮧ ﺑﺎﺕ ﺁﺋﯽ ﮐﮧ ﺷﺎﯾﺪ ﺍﺏ ﺍﺱ ﮐﺎ ﺩﻝ ﭘﺘﮭﺮ ﺑﻦ ﮔﯿﺎ ﮨﮯ، ﻣﮩﺮ
ﻟﮓ ﮔﺌﯽ ﮨﮯ، ﻣﺎﮞ ﺗﻮ ﺑﮩﺮﺣﺎﻝ ﻣﺎﮞ ﮨﻮﺗﯽ ﮨﮯ، ﺩﻧﯿﺎ ﻣﯿﮟ ﻣﺎﮞ ﮨﯽ ﺗﻮ ﮨﮯ،
ﺟﻮ ﺍﭼﮭﻮﮞ ﺳﮯ ﺑﮭﯽ ﭘﯿﺎﺭ ﮐﺮﺗﯽ ﮨﮯ، ﺑﺮﻭﮞ ﺳﮯ ﺑﮭﯽ ﭘﯿﺎﺭ ﮐﺮﺗﯽ ﮨﮯ،
ﺍﺱ ﮐﯽ ﻧﻈﺮ ﻣﯿﮟ ﺗﻮ ﺍﺱ ﮐﮯ ﺑﭽﮯ ﺑﭽﮯ ﮨﯽ ﮨﻮﺗﮯ ﮨﯿﮟ، ﻣﺎﮞ ﺗﻮ ﺍﻥ ﮐﻮ
ﻧﮩﯿﮟ ﭼﮭﻮﮌ ﺳﮑﺘﯽ، ﺑﺎﭖ ﺑﮭﯽ ﮐﮩﮧ ﺩﯾﺘﺎ ﮨﮯ ﮐﮧ ﮔﮭﺮ ﺳﮯ ﻧﮑﻞ ﺟﺎﺅ ،ﺍﺱ
ﮐﻮ ﺩﮬﮑﺎ ﺩﻭ، ﻣﮕﺮ ﻣﺎﮞ ﮐﺒﮭﯽ ﻧﮩﯿﮟ ﮐﮩﺘﯽ ،ﺍﺱ ﮐﮯ ﺩﻝ ﻣﯿﮟ ﺍﻟﻠﻪ ﻧﮯ
ﻣﺤﺒﺖ ﺭﮐﮭﯽ ﮨﮯ۔
ﭼﻨﺎﮞ ﭼﮧ ﻣﺎﮞ ﺍﺱ ﮐﮯ ﻟﯿﮯ ﭘﮭﺮ ﮐﮭﺎﻧﺎ ﺑﻨﺎ ﮐﺮ ﺩﯾﺘﯽ ، ﺍﺱ ﮐﮯ ﻟﯿﮯ
ﺩﺭﻭﺍﺯﮦ ﮐﮭﻮﻟﺘﯽ ﺍﻭﺭ ﭘﮭﺮ ﭘﯿﺎﺭ ﺳﮯ ﺳﻤﺠﮭﺎﺗﯽ ﺍﮮ ﻣﯿﺮﮮ ﺑﯿﭩﮯ ! ﻧﯿﮏ ﺑﻦ
ﺟﺎ، ﺯﻧﺪﮔﯽ ﺍﭼﮭﯽ ﮐﺮﻟﮯ۔
ﺍﺏ ﺩﯾﮑﮭﯿﮯ ﺍﻟﻠﻪ ﮐﯽ ﺷﺎﻥ ﮐﮧ ﮐﺌﯽ ﺳﺎﻝ ﺑﺮﮮ ﮐﺎﻣﻮﮞ ﻣﯿﮟ ﻟﮓ ﮐﺮ ﺍﺱ
ﻧﮯ ﺻﺤﺖ ﺑﮭﯽ ﺗﺒﺎﮦ ﮐﺮ ﻟﯽ ﺍﻭﺭ ﺩﻭﻟﺖ ﺑﮭﯽ ﺗﺒﺎﮦ ﮐﺮ ﺩﯼ ﺍﻭﺭ ﺍﺱ ﮐﮯ
ﺟﺴﻢ ﻣﯿﮟ ﺑﯿﻤﺎﺭﯾﺎﮞ ﭘﯿﺪﺍ ﮨﻮ ﮔﺌﯿﮟ ، ﺍﻃﺒﺎﺀ ﻧﮯ ﺑﯿﻤﺎﺭﯼ ﺑﮭﯽ ﻻﻋﻼﺝ ﺑﺘﻼﺋﯽ،
ﺍﺏ ﺍﭨﮭﻨﮯ ﮐﯽ ﺑﮭﯽ ﺳﮑﺖ ﻧﮧ ﺭﮨﯽ ﺍﻭﺭ ﺑﺴﺘﺮ ﭘﺮ ﭘﮍ ﮔﯿﺎ، ﺍﺗﻨﺎ ﮐﻤﺰﻭﺭ ﮨﻮ
ﮔﯿﺎ ﮐﮧ ﺍﺏ ﺍﺱ ﮐﺎ ﺁﺧﺮﺕ ﮐﺎ ﺳﻔﺮ ﺳﺎﻣﻨﮯ ﻧﻈﺮ ﺁﻧﮯ ﻟﮕﺎ، ﻣﺎﮞ ﭘﮭﺮ ﭘﺎﺱ
ﺑﯿﭩﮭﯽ ﮨﻮﺋﯽ ﻣﺤﺒﺖ ﺳﮯ ﺳﻤﺠﮭﺎ ﺭﮨﯽ ﮨﮯ، ﻣﯿﺮﮮ ﺑﯿﭩﮯ ! ﺍﺏ ﺗﻮﻧﮯ ﺟﻮ
ﺯﻧﺪﮔﯽ ﮐﺎ ﺣﺸﺮ ﮐﺮ ﻟﯿﺎ، ﻭﮦ ﺗﻮ ﮐﺮ ﻟﯿﺎ، ﺍﺏ ﺑﮭﯽ ﻭﻗﺖ ﮨﮯ ، ﺗﻮ ﻣﻌﺎﻓﯽ
ﻣﺎﻧﮓ ﻟﮯ، ﺗﻮﺑﮧ ﮐﺮ ﻟﮯ، ﺍﻟﻠﻪ ﺗﻌﺎﻟﯽٰ ﮔﻨﺎﮨﻮﮞ ﮐﻮ ﻣﻌﺎﻑ ﮐﺮﻧﮯ ﻭﺍﻻ ﮨﮯ،
ﺟﺐ ﻣﺎﮞ ﻧﮯ ﭘﮭﺮ ﭘﯿﺎﺭ ﻭ ﻣﺤﺒﺖ ﺳﮯ ﺳﻤﺠﮭﺎﯾﺎ، ﺍﺱ ﮐﮯ ﺩﻝ ﭘﺮ ﮐﭽﮫ ﺍﺛﺮ
ﮨﻮﺍ ،ﮐﮩﻨﮯ ﻟﮕﺎ، ﮐﮧ ﻣﺎﮞ ! ﻣﯿﮟ ﮐﯿﺴﮯ ﺗﻮﺑﮧ ﮐﺮﻭﮞ؟ ﻣﯿﮟ ﻧﮯ ﺑﮩﺖ ﺑﮍﮮ
ﺑﮍﮮ ﮔﻨﺎﮦ ﮐﯿﮯ ﮨﯿﮟ، ﻣﺎﮞ ﻧﮯ ﮐﮩﺎ ﺑﯿﭩﺎ ! ﺣﻀﺮﺕ ﺳﮯ ﭘﻮﭼﮫ ﻟﯿﺘﮯ ﮨﯿﮟ۔
ﮐﮩﺎ، ﺍﻣﯽ ﻣﯿﮟ ﭼﻞ ﮐﺮ ﻧﮩﯿﮟ ﺟﺎﺳﮑﺘﺎ، ﺁﭖ ﺍﭨﮭﺎ ﮐﺮ ﻟﮯ ﺟﺎ ﻧﮩﯿﮟ ﺳﮑﺘﯿﮟ،
ﺗﻮ ﻣﯿﮟ ﮐﯿﺴﮯ ﺍﻥ ﺗﮏ ﭘﮩﻨﭽﻮﮞ؟ ﺍﻣﯽ ﺁﭖ ﺍﯾﺴﺎ ﮐﺮﯾﮟ ﮐﮧ ﺁﭖ ﺧﻮﺩ ﮨﯽ
ﺣﻀﺮﺕ ﮐﮯ ﭘﺎﺱ ﺟﺎﺋﯿﮟ ﺍﻭﺭ ﺣﻀﺮﺕ ﮐﻮ ﺑﻼ ﮐﺮﻟﮯ ﺁﺋﯿﮟ، ﻣﺎﮞ ﻧﮯ ﮐﮩﺎ،
ﭨﮭﯿﮏ ﮨﮯ ﺑﯿﭩﺎ، ﻣﯿﮟ ﺣﻀﺮﺕ ﮐﮯ ﭘﺎﺱ ﺟﺎﺗﯽ ﮨﻮﮞ ، ﺑﭽﮯ ﻧﮯ ﮐﮩﺎ ﮐﮧ
ﺍﻣﯽ ﺍﮔﺮ ﺁﭖ ﮐﮯ ﺁﻧﮯ ﺗﮏ ﻣﯿﮟ ﺩﻧﯿﺎ ﺳﮯ ﺭﺧﺼﺖ ﮨﻮ ﺟﺎﺅﮞ، ﺗﻮ ﺍﻣﯽ
ﺣﻀﺮﺕ ﺳﮯ ﮐﮩﻨﺎ ﮐﮧ ﻣﯿﺮﮮ ﺟﻨﺎﺯﮮ ﮐﯽ ﻧﻤﺎﺯ ﻭﮨﯽ ﭘﮍﮬﺎﺋﯿﮟ۔
ﭼﻨﺎﮞ ﭼﮧ ﻣﺎﮞ ﺣﻀﺮﺕ ﺣﺴﻦ ﺑﺼﺮﯼ ﺭﺣﻤﮧ ﺍﻟﻠﻪ ﮐﮯ ﭘﺎﺱ ﮔﺌﯽ، ﺣﻀﺮﺕ
ﺣﺴﻦ ﺑﺼﺮﯼ ﺭﺣﻤﮧ ﺍﻟﻠﻪ ﮐﮭﺎﻧﮯ ﺳﮯ ﻓﺎﺭﻍ ﮨﻮ ﺋﮯ ﺗﮭﮯ ﺍﻭﺭ ﺗﮭﮑﮯ ﮨﻮﺋﮯ
ﺗﮭﮯ ﺍﻭﺭ ﺩﺭﺱ ﺑﮭﯽ ﺩﯾﻨﺎ ﺗﮭﺎ، ﺍﺱ ﻟﯿﮯ ﻗﯿﻠﻮﻟﮧ ﮐﮯ ﻟﯿﮯ ﻟﯿﭩﻨﺎ ﭼﺎﮨﺘﮯ
ﺗﮭﮯ، ﻣﺎﮞ ﻧﮯ ﺩﺭﻭﺍﺯﮦ ﮐﮭﭩﮑﮭﭩﺎﯾﺎ، ﭘﻮﭼﮭﺎ، ﮐﻮﻥ؟
ﻋﺮﺽ ﮐﯿﺎ ﺣﻀﺮﺕ ﻣﯿﮟ ﺁﭖ ﮐﯽ ﺷﺎﮔﺮﺩﮦ ﮨﻮﮞ، ﻣﯿﺮﺍ ﺑﭽﮧ ﺍﺏ ﺁﺧﺮﯼ ﺣﺎﻟﺖ
ﻣﯿﮟ ﮨﮯ ، ﻭﮦ ﺗﻮﺑﮧ ﮐﺮﻧﺎ ﭼﺎﮨﺘﺎ ﮨﮯ، ﻟﮩٰﺬﺍ ﺁﭖ ﮔﮭﺮ ﺗﺸﺮﯾﻒ ﻟﮯ ﭼﻠﯿﮟ ﺍﻭﺭ
ﻣﯿﺮﮮ ﺑﭽﮧ ﮐﻮ ﺗﻮﺑﮧ ﮐﺮﺍﺩﯾﮟ۔
[25/09 2:39 pm] s a sagar: ﺣﻀﺮﺕ ﻧﮯ ﺳﻮﭼﺎ ﮐﮧ ﺍﺏ ﭘﮭﺮ ﻭﮦ ﺍﺱ ﮐﻮ ﺩﮬﻮﮐﮧ ﺩﮮ ﺭﮨﺎ ﮨﮯ، ﭘﮭﺮ ﻭﮦ
ﺍﺱ ﮐﺎ ﻭﻗﺖ ﺿﺎﺋﻊ ﮐﺮﮮ ﮔﺎ ﺍﻭﺭ ﺍﭘﻨﺎ ﺑﮭﯽ ﮐﺮﮮ ﮔﺎ، ﺳﺎﻟﻮﮞ ﮔﺰﺭ ﮔﺌﮯ،
ﺍﺏ ﺗﮏ ﮐﻮﺋﯽ ﺑﺎﺕ ﺍﺛﺮ ﻧﮧ ﮐﺮ ﺳﮑﯽ، ﺍﺏ ﮐﯿﺎ ﮐﺮﮮ ﮔﯽ، ﮐﮩﻨﮯ ﻟﮕﮯ،
ﻣﯿﮟ ﺍﭘﻨﺎ ﻭﻗﺖ ﮐﯿﻮﮞ ﺿﺎﺋﻊ ﮐﺮﻭﮞ؟ ﻣﯿﮟ ﻧﮩﯿﮟ ﺁﺗﺎ، ﻣﺎﮞ ﻧﮯ ﮐﮩﺎ، ﺣﻀﺮﺕ
ﺍﺱ ﻧﮯ ﺗﻮﯾﮧ ﺑﮭﯽ ﮐﮩﺎ ﮨﮯ ﮐﮧ ﺍﮔﺮ ﻣﯿﺮﺍ ﺍﻧﺘﻘﺎﻝ ﮨﻮ ﺟﺎﺋﮯ ﺗﻮ ﻣﯿﺮﮮ
ﺟﻨﺎﺯﮮ ﮐﯽ ﻧﻤﺎﺯ ﺁﭖ ﭘﮍﮬﺎﺋﯿﮟ۔
ﺣﻀﺮﺕ ﺣﺴﻦ ﺑﺼﺮﯼ ﺭﺣﻤﮧ ﺍﻟﻠﻪ ﻧﮯ ﮐﮩﺎ، ﻣﯿﮟ ﺍﺱ ﮐﯽ ﺟﻨﺎﺯﮦ ﮐﯽ ﻧﻤﺎﺯ
ﻧﮩﯿﮟ ﭘﮍﮬﺎﺅﮞ ﮔﺎ، ﺍﺱ ﻧﮯ ﺗﻮ ﮐﺒﮭﯽ ﻧﻤﺎﺯ ﮨﯽ ﻧﮩﯿﮟ ﭘﮍﮬﯽ۔
ﺍﺏ ﻭﮦ ﺷﺎﮔﺮﺩﮦ ﺗﮭﯽ، ﭼﭗ ﮐﺮﮐﮯ ﺍﭨﮭﯽ، ﻣﻐﻤﻮﻡ ﺩﻝ ﺳﮯ ﺍﯾﮏ ﻃﺮﻑ ﺑﯿﭩﺎ
ﺑﯿﻤﺎﺭ ،ﺩﻭﺳﺮﯼ ﻃﺮﻑ ﺳﮯ ﺣﻀﺮﺕ ﮐﺎ ﺍﻧﮑﺎﺭ، ﺍﺱ ﮐﺎ ﻏﻢ ﺗﻮ ﺩﻭﮔﻨﺎ ﮨﻮ ﮔﯿﺎ
ﺗﮭﺎ۔
ﻭﮦ ﺑﮯ ﭼﺎﺭﯼ ﺁﻧﮑﮭﻮﮞ ﻣﯿﮟ ﺁﻧﺴﻮ ﻟﯿﮯ ﺍﭘﻨﮯ ﮔﮭﺮ ﻭﺍﭘﺲ ﺁﺋﯽ، ﺑﭽﮯ ﻧﮯ
ﻣﺎﮞ ﮐﻮ ﺯﺍﺭ ﻭ ﻗﻄﺎﺭ ﺭﻭﺗﮯ ﮨﻮﺋﮯ ﺩﯾﮑﮭﺎ، ﺍﺏ ﺍﺱ ﮐﺎ ﺩﻝ ﺍﻭﺭ ﻣﻮﻡ ﮨﻮ ﮔﯿﺎ
، ﮐﮩﻨﮯ ﻟﮕﺎ ﺍﻣﯽ ! ﺁﭖ ﮐﯿﻮﮞ ﺍﺗﻨﺎ ﺯﺍﺭ ﻭ ﻗﻄﺎﺭ ﺭﻭ ﺭﮨﯽ ﮨﯿﮟ؟ ﻣﺎﮞ ﻧﮯ
ﮐﮩﺎ، ﺑﯿﭩﺎ ! ﺍﯾﮏ ﺗﯿﺮﯼ ﯾﮧ ﺣﺎﻟﺖ ﮨﮯ ﺍﻭﺭ ﺩﻭﺳﺮﯼ ﻃﺮﻑ ﺣﻀﺮﺕ ﻧﮯ ﺗﯿﺮﮮ
ﭘﺎﺱ ﺁﻧﮯ ﺳﮯ ﺍﻧﮑﺎﺭ ﮐﺮ ﺩﯾﺎ، ﺗﻮ ﺍﺗﻨﺎ ﺑﺮﺍ ﮐﯿﻮﮞ ﮨﮯ؟ ﮐﮧ ﻭﮦ ﺗﯿﺮﮮ
ﺟﻨﺎﺯﮮ ﮐﯽ ﻧﻤﺎﺯ ﺑﮭﯽ ﭘﮍﮬﺎﻧﺎ ﻧﮩﯿﮟ ﭼﺎﮨﺘﮯ۔
ﺍﺏ ﯾﮧ ﺑﺎﺕ ﺑﭽﮯ ﻧﮯ ﺳﻨﯽ ﺗﻮ ﺍﺱ ﮐﮯ ﺩﻝ ﭘﺮ ﭼﻮﭦ ﻟﮕﯽ، ﺍﺱ ﮐﮯ ﺩﻝ
ﭘﺮ ﺻﺪﻣﮧ ﮨﻮﺍ، ﮐﮩﻨﮯ ﻟﮕﺎ ﺍﻣّﯽ ! ﻣﺠﮭﮯ ﻣﺸﮑﻞ ﺳﮯ ﺳﺎﻧﺴﯿﮟ ﺁ ﺭﮨﯽ ﮨﯿﮟ
ﺍﯾﺴﺎ ﻧﮧ ﮨﻮ ﻣﯿﺮﯼ ﺳﺎﻧﺲ ﺍﮐﮭﮍﻧﮯ ﻭﺍﻟﯽ ﮨﻮ، ﻟﮩٰﺬﺍ ﻣﯿﺮﯼ ﺍﯾﮏ ﻭﺻﯿﺖ ﺳﻦ
ﻟﯿﺠﯿﮯ، ﻣﺎﮞ ﻧﮯ ﭘﻮﭼﮭﺎ، ﺑﯿﭩﺎ ! ﻭﮦ ﮐﯿﺎ ﮨﮯ؟
ﮐﮩﺎ ﺍﻣﯽ ﻣﯿﺮﯼ ﻭﺻﯿﺖ ﯾﮧ ﮨﮯ ﮐﮧ ﺟﺐ ﻣﯿﺮﯼ ﺟﺎﻥ ﻧﮑﻞ ﺟﺎﺋﮯ، ﺗﻮ ﺳﺐ
ﺳﮯ ﭘﮩﻠﮯ ﺍﭘﻨﺎ ﺩﻭﭘﭩﮧ ﻣﯿﺮﮮ ﮔﻠﮯ ﻣﯿﮟ ﮈﺍﻟﻨﺎ، ﻣﯿﺮﯼ ﻻﺵ ﮐﻮ ﮐﺘﮯ ﮐﯽ
ﻃﺮﺡ ﺻﺤﻦ ﻣﯿﮟ ﮔﮭﺴﯿﭩﻨﺎ ﺟﺲ ﻃﺮﺡ ﻣﺮﮮ ﮨﻮﺋﮯ ﮐﺘﮯ ﮐﯽ ﻻﺵ ﮔﮭﺴﯿﭩﯽ
ﺟﺎﺗﯽ ﮨﮯ ۔ﻣﺎﮞ ﻧﮯ ﭘﻮﭼﮭﺎ، ﺑﯿﭩﺎ ! ﻭﮦ ﮐﯿﻮﮞ؟
ﮐﮩﺎ ﺍﻣﯽ ! ﺍﺱ ﻟﯿﮯ ﮐﮧ ﺩﻧﯿﺎ ﻭﺍﻟﻮﮞ ﮐﻮ ﭘﺘﮧ ﭼﻞ ﺟﺎﺋﮯ ﮐﮧ ﺟﻮ ﺍﭘﻨﮯ ﺭﺏ
ﮐﺎ ﻧﺎﻓﺮﻣﺎﻥ ﺍﻭﺭ ﻣﺎﮞ ﺑﺎﭖ ﮐﺎ ﻧﺎﻓﺮﻣﺎﻥ ﮨﻮﺗﺎ ﮨﮯ، ﺍﺱ ﮐﺎ ﺍﻧﺠﺎﻡ ﯾﮧ ﮨﻮﺍ ﮐﺮﺗﺎ
ﮨﮯ۔
ﺍﻭﺭ ﺍﻣﯽ ﻣﺠﮭﮯ ﻗﺒﺮﺳﺘﺎﻥ ﻣﯿﮟ ﺩﻓﻦ ﻧﮧ ﮐﺮﻧﺎ، ﻣﺎﮞ ﻧﮯ ﮐﮩﺎ ﺑﯿﭩﮯ ! ﺗﺠﮭﮯ
ﻗﺒﺮﺳﺘﺎﻥ ﻣﯿﮟ ﺩﻓﻦ ﮐﯿﻮﮞ ﻧﮧ ﮐﺮﻭﮞ؟
ﮐﮩﺎ ﺍﻣﯽ ! ﻣﺠﮭﮯ ﺍﺳﯽ ﺻﺤﻦ ﻣﯿﮟ ﺩﻓﻦ ﮐﺮ ﺩﯾﻨﺎ، ﺍﯾﺴﺎ ﻧﮧ ﮨﻮ ﮐﮧ ﻣﯿﺮﮮ
ﮔﻨﺎﮨﻮﮞ ﮐﯽ ﻭﺟﮧ ﺳﮯ ﻗﺒﺮﺳﺘﺎﻥ ﮐﮯ ﻣُﺮﺩﻭﮞ ﮐﻮ ﺗﮑﻠﯿﻒ ﭘﮩﻨﭽﮯ، ﺟﺲ
ﻭﻗﺖ ﻧﻮﺟﻮﺍﻥ ﻧﮯ ﭨﻮﭨﮯ ﺩﻝ ﺳﮯ ﻋﺎﺟﺰﯼ ﮐﯽ ﯾﮧ ﺑﺎﺕ ﮐﮩﯽ، ﺗﻮ ﭘﺮﻭﺭﺩﮔﺎﺭ
ﮐﻮ ﺍﺱ ﮐﯽ ﯾﮧ ﺑﺎﺕ ﺍﭼﮭﯽ ﻟﮕﯽ، ﺭﻭﺡ ﻗﺒﺾ ﮨﻮ ﮔﺌﯽ، ﺍﺑﮭﯽ ﺭﻭﺡ ﻧﮑﻠﯽ
ﮨﯽ ﺗﮭﯽ ﺍﻭ ﺭﻣﺎﮞ ﺑﮭﯽ ﺍﺱ ﮐﯽ ﺁﻧﮑﮭﯿﮟ ﺑﻨﺪ ﮐﺮ ﺭﮨﯽ ﺗﮭﯿﮟ، ﮐﮧ ﺑﺎﮨﺮ ﺳﮯ
ﺩﺭﻭﺍﺯﮦ ﮐﮭﭩﮑﮭﭩﺎﯾﺎ ﺟﺎﺗﺎ ﮨﮯ۔
ﻋﻮﺭﺕ ﻧﮯ ﺍﻧﺪﺭ ﺳﮯ ﭘﻮﭼﮭﺎ، ﮐﻮﻥ ﮨﮯ؟
ﺟﻮﺍﺏ ﺁﯾﺎ، ﻣﯿﮟ ﺣﺴﻦ ﺑﺼﺮﯼ ﮨﻮﮞ۔
ﮐﮩﺎ، ﺣﻀﺮﺕ ﺁﭖ ﮐﯿﺴﮯ؟ ﻓﺮﻣﺎﯾﺎ : ﺟﺐ ﻣﯿﮟ ﻧﮯ ﺗﻤﮩﯿﮟ ﺟﻮﺍﺏ ﺩﮮ ﺩﯾﺎ ﺍﻭﺭ
ﻣﯿﮟ ﺳﻮ ﮔﯿﺎ، ﺧﻮﺍﺏ ﻣﯿﮟ ﺍﻟﻠﻪ ﺭﺏ ﺍﻟﻌﺰﺕ ﮐﺎ ﺩﯾﺪﺍﺭ ﻧﺼﯿﺐ ﮨﻮﺍ، ﭘﺮﻭﺭﺩﮔﺎﺭ
ﻧﮯ ﻓﺮﻣﺎﯾﺎ : ﺣﺴﻦ ﺑﺼﺮﯼ ! ﺗﻮ ﻣﯿﺮﺍ ﮐﯿﺴﺎ ﻭﻟﯽ ﮨﮯ ، ﻣﯿﺮﮮ ﺍﯾﮏ ﻭﻟﯽ ﮐﺎ
ﺟﻨﺎﺯﮦ ﭘﮍﮬﻨﮯ ﺳﮯ ﺍﻧﮑﺎﺭ ﮐﺮﺗﺎ ﮨﮯ؟ ﻣﯿﮟ ﺳﻤﺠﮫ ﮔﯿﺎ ﮐﮧ ﺍﻟﻠﻪ ﻧﮯ ﺗﯿﺮﮮ
ﺑﯿﭩﮯ ﮐﯽ ﺗﻮﺑﮧ ﮐﻮ ﻗﺒﻮﻝ ﮐﺮ ﻟﯿﺎ ﮨﮯ، ﺗﯿﺮﮮ ﺑﭽﮯ ﮐﯽ ﻧﻤﺎﺯ ﺟﻨﺎﺯﮦ
ﭘﮍﮬﻨﮯ ﮐﮯ ﻟﯿﮯ ﺣﺴﻦ ﺑﺼﺮﯼ ﮐﮭﮍﺍ ﮨﮯ

No comments:

Post a Comment