کیا ہم بڑی مونچھیں رکھ سکتے ہیں؟
مونچھوں کو تراش کر لبوں کے برابر کرنا سنت ہے، لیکن میں نے سنا ہے کہ حضرت عمر کی مونچھیں بڑی بڑی تھیں، کیا میں نے صحیح سنا ہے؟ کیا ہم بڑی مونچھیں رکھ سکتے ہیں؟
الجواب وباللہ التوفیق:
مونچھیں کاٹنے میں سنت یہ ہے کہ اُن کو اس طرح کاٹا جائے کہ ہونٹوں کے اوپر کی سرخی نظر آنے لگے۔ حضرت عمر رضی اللہُ تعالیٰ عنہ مونچھیں بڑی بڑی نہیں رکھتے تھے؛ بلکہ ان کی مونچھیں بھی سنت کے مطابق چھوٹی ہواکرتی تھیں؛ البتہ ان کے بارے میں منقول ہے کہ وہ مونچھوں کے دونوں کناروں کے بال نہیں تراشتے تھے، واضح رہے کہ حضرت کا یہ عمل جمیع صحابہ کا عمل نہ تھا اسی وجہ سے ان کی یہ خصوصیت بیان کی جاتی ہے؛ اس لئے بال کے اس حصے کو بھی تراش لینا بہتر ہے باقی اگر کوئی اس کو ترک کردے تو گنجائش ہے کہ حضرت عمر رضی اللہُ تعالیٰ عنہا کے عمل سے ثابت ہے۔
قال ابن عابدین: واختلف في المسنون في الشارب ہل ہو القص أو الحلق؟ والمذہب عند بعض المتأخرین من مشائخنا أنہ القص۔ قال في البدائع: وہو الصحیح ۔۔۔۔ وقال في الفتح: وتفسیر القص أن ینتقص عن الاطار، وہو بکسر الہمزة: ملتقی الجلدة واللحم من الشفة۔ (رد المحتار:۲/۵۵۰، کتاب الحج، باب الجنایات في الحج، ط: دارالفکر، بیروت) وقال الملا علي القاري: قص الشارب: قال الحافظ ابن حجر:فیسن احفاوٴہ حتی تبدو حمرة الشفة العلیا۔ (مرقاة المفاتیح:۲/۹۱، کتاب الطہارة، باب السواک، الفصل الأول، رقم الحدیث: ۳۷۹) وقال فی العرف الشذی: وأما الحد من الطرفین فلم تثبت،وتوخذ بقدر مالا توذی عند الأکل والشرب،ولعل عمل السلف أنہم کانوایقصرون السبالتین أیضاً،فان فی تذکرة الفاروق الأعظم ذکر أنہ کان یترک السبالتین واہتمام ذکر ترکہ السبالتین یدل علی أن غیرہ لا یترکہما․ (العرف الشذی:۲/۱۰۵)
No comments:
Post a Comment