یہ کانگو وائرس کیا ہے؟

ایس اے ساگر

عید الاضحٰی قریب آتے ہی میڈیا میں کانگو وائرس سے بچنے کی احتیاطیں گردش کرنے لگتی ہیں. قربانی کے جانوروں کی ریل پیل ہے لیکن اس کا کیا کیجئے کہ  کانگو وائرس کی دہشت نے امت پر دہشت طاری کر رکھی ہے. کانگو وائرس سے متاثرہ جانور کی نشانی سمجھانے کے لئے تصویر عام کی جارہی ہے. عید کی قربانی خریدتے وقت قربانی کے جانور کا کان موڑ کرکے دیکھیں۔ 

کیا ہے کانگو وائرس؟

کانگو وائرس کوئی نئی بیماری نہیں بلکہ پاکستان میں سال 2002 ء میں کانگو وائرس کی وجہ سے سات افراد لقمہ اجل بنے تھے اور اس وائرس کی2002 میں جس طرح سے تشہیر عام کی گئی تھی اس نے عام شہریوں سمیت ڈاکٹروں اور نرسوں میں بھی شدید خوف وہراس پھیلا دیاتھا اس وقت اس وبائی مرض سے کم ازکم7افراد ہلاک ہو گئے تھے جن میں ایک نوجوان لیڈی ڈاکٹر اور4کمسن بچے بھی شامل تھے- دنیا بھر میں تیزی سے پھیلنے والی وبائی بیماری ہے-

انفیکشن کا اثر:

کانگو وائرس کا سائنسی نام ’کریمین ہیمریجک کانگو فیور‘ ہے جس کی 4 اقسام ہوتی ہیں۔ اگر کسی کو کانگو وائرس لگ جائے تو اس سے انفیکشن کے بعد جسم سے خون نکلنا شروع ہوجاتا ہے۔ خون بہنے کے سبب ہی مریض کی موت واقع ہو سکتی ہے۔ یہ وائرس زیادہ تر افریقی اور جنوبی امریکہ ‘مشرقی یورپ‘ایشاء اورمشرقی وسطی میں پایا جاتا ہے۔یہی وجہ ہے کہ سب سے پہلے کانگو سے متاثرہ مریض کا پتہ انہی علاقوں سے چلا اسی وجہ سے اس بیماری کو افریقی ممالک کی بیماری کہا جاتا ہے۔ اور حالیہ رپورٹ کے مطابق بھارت کی ریاست گجرات میں ایک نئے 'کریمیئن کانگو ہیمیرجک فیور' وائرس کا پتہ چلا جس سے تین افراد ہلاک ہوئے جبکہ کچھ بیمار افراد کو ہسپتال میں داخل کیا گیا، اْن پر اس وائرس میں مبتلا ہونے کا شبہ کے سبب سانند کے علاقے کے آس پاس کے پانچ کلومیٹر کے دائرے میں بیس طبی ٹیموں کو روانہ کیا گیا۔ یہ سب سے پہلے1944کو کریمیا میں سامنے آئے اسی وجہ سے اس کا نام کریمین ہیمرج رکھا گیا-

کیسے پھیلا؟

ماہرین صحت اور معالجین کا کہنا ہے کہ کانگو وائرس کے ٹکس Tick جراثیم یا ایک قسم کا کیڑا مختلف جانوروں مثلاًبھیڑ، بکریوں، بکرے، گائے، بھینسوں اور اونٹ کی جلد پر پائے جاتے ہیں۔ ٹکس جانور کی کھال سے چپک کر اس کا خون چوستا رہتا ہے اور یہ کیڑا ہی اس بیماری کے پھیلاؤ میں اہم کردار ادا کرتا ہے۔یہ کیڑا اگر انسان کو کاٹ لے یا پسو سے متاثرہ جانور ذبح کرتے ہوئے بے احتیاطی کی وجہ سے قصائی کے ہاتھ پر کٹ لگ جائے تو یہ وائرس انسانی خون میں شامل ہو جاتا ہے۔ اور یوں کانگو وائرس جانور سے انسانوں اور ایک انسان سے دوسرے جانور میں منتقل ہوجاتا ہے۔یہی وجہ ہے کہ اسے چھوت کا مرض بھی خیال کیا جاتا ہے اور یہ کینسر سے بھی زیادہ خطرناک ہے۔ کانگو میں مبتلا ہونے والا مریض ایک ہفتہ کے اندر اپنی جان سے ہاتھ دھو بیٹھتا ہے-

کانگو وائرس کی اقسام:

اس وائرس کی چار اقسام ہیں
ڈینگی وائرس(Dengue)
ایبولا وائرس(Ebola)
لیسا وائرس(LASSA)
ریفٹی ویلی وائرسRiftVally))

مریض کی علامات:

کانگو وائرس کا مریض تیز بخار میں مبتلا ہو جاتا ہے۔ اسے سردرد، متلی، قے، بھوک میں کمی، نقاہت، کمزوری اور غنودگی، منہ میں چھالے، اورآنکھوں میں سوجن ہوجاتی ہے۔ تیز بخار سے جسم میں وائٹ سیلس کی تعداد انتہائی کم ہوجاتی ہے جس سے خون جمنے کی صلاحیت متاثر ہوتی ہے۔ متاثرہ مریض کے جسم سے خون نکلنے لگتا ہے اورکچھ ہی عرصے میں اس کے پھیپھڑے تک متاثر ہوجاتے ہیں، جبکہ جگر اور گردے بھی کام کرنا چھوڑ دیتے ہیں اور یوں مریض موت کے منہ میں چلا جاتا ہے۔

لیبارٹری ٹیسٹ:

کانگو کے ٹیسٹ نہایت اعلٰی کوالٹی بائیوسیفٹی لیب میں ہی ممکن ہو سکتے ہیں
1-147ELISA148 or 147EIA148 methods
2-antigen detection;
3- serum neutralization;
4-RT-PCR
5-virus isolation by cell
culture.

کانگو وائرس اور برصغیر :

حالیہ دنوں میں ایسے متعدد مریض بھی متاثرہ گائے کو ذبح کرنے کے باعث کانگو وائرس کا شکار ہوئے باب اور تینوں بیٹے پیشہ کے اعتبار سے قصاب تھے اور ان کا تعلق برصغیر ہند، پاک سے تھا- بعض علاقوں میں وائرس کا شکار ایک درجن سے زائد افراد جان سے ہاتھ دھو بیٹھے اور کئی زیرعلاج ہیں تاہم طبی ماہرین کہتے ہیں کہ متاثرین کی بروقت علاج سے جان بچائی جا سکتی ہے لیکن اس کا کیا کیجئے کہ بعض اسپتالوں میں آئسولیشن وارڈ تو موجود ہے تاہم کانگو وائرس کی تصدیق کیلئے لیبارٹری میں سہولت میسر نہیں-

احتیاطی تدابیر:

کانگو سے بچاؤ اور اس پر قابو پانا تھوڑ ا مشکل ہے کیوں کہ جانوروں میں اس کی علامات بظاہر نظر نہیں آتیں تاہم ان میں چیچڑیوں کو ختم کرنے کے لئے کیمیائی دوا کا اسپرے کیا جائے-
کانگو سے متاثرہ مریض سے ہاتھ نہ ملائیں۔
مریض کی دیکھ بھال کرتے وقت دستانے پہنیں۔
مریض کی عیادت کے بعد ہاتھ اچھی طرح دھوئیں۔
لمبی آستینوں والی قمیض پہنیں۔
جانورمنڈی میں بچوں کوتفریحی کروانے کی غرض سے بھی نہ لے جایا جائے.
یشی منڈی میں جانوروں کے فضلے کے اٹھنے والا تعفن بھی اس مرض میں مبتلا کر سکتا ہے.
کپڑوں اور جلد پر چیچڑیوں سے بچاؤ کا لوشن لگائیں۔
جانوروں کی خریداری کے لئے پوری آستیں والے کپٹرے پہن کر جائیں کیونکہ بیمار جانوروں کی کھال اورمنہ سے مختلف اقسام کے حشرت الارض چپکے ہوئے ہوتے ہیں جو انسان کوکاٹنے سے مختلف امراض میں مبتلا کرسکتے ہیں۔
جانوروں کی نقل وحمل کرتے وقت دستانے اور دیگر حفاظتی لباس پہنیں، خصوصاً مذبح خانوں ،قصائی اور گھر میں ذبیحہ کرنے والے افراد لازمی احتیاطی تدابیراختیار کریں۔
مذبح میں جانوروں کے طبی معائنہ کیلئے ماہر ڈاکٹروں کی ٹیم کا ہونا بہت ضروری ہے جو ایسے جانوروں کی نشاندہی کر سکیں-
مذبح خانوں کی صفائی کاخاص خیال رکھیں۔