Tuesday 18 December 2018

شیئر مارکیٹ کاکام ہمارے مذہب میں جائزہے یا نہیں؟

شیئر مارکیٹ کاکام ہمارے مذہب میں جائزہے یا نہیں؟

سوال # 23969
میں یہ جاننا چاہتا ہوں کہ شیئر مارکیٹ کاکام ہمارے مذہب میں جائزہے یا نہیں؟ براہ کرم، جواب دیں۔

جواب # 23969
بسم الله الرحمن الرحيم
فتوی(ب): 1336=1072-7/1431

مذہب میں بیان کردہ شرائط کے ساتھ شیرز مارکیٹ کا کاروبار عند الاحناف جائز ہے اور شرائط کے بغیر ناجائز ہے وہ شرائط یہ ہیں:

(۱) وہ کمپنی حرام کاروبار میں ملوث نہ ہو۔ وہ سودی بینک نہ ہو، سود اور قمار پر مبنی انشورنس کمپنی نہ ہو، شراب کا کاروبار کرنے والی کمپنی نہ ہو یا ان کے علاوہ دوسرے حرام کام کرنے والی کمپنی نہ ہو، حرام کام میں ملوث کمپنی کے شیرز لینا کسی حال میں جائز نہیں نہ ابتداءً جاری ہوتے وقت اور نہ ہی بعد میں اسٹاک مارکیٹ سے۔

(۲) اس کمپنی کے تمام اثاثے اور املاک سیال اثاثوں یعنی نقد رقم کی شکل میں نہ ہوں بلکہ اس کمپنی نے کچھ منجمد اثاثے حاصل کرلیے ہوں، مثلا: اس نے بلڈنگ بنالی ہو یا زمین خریدلی ہو، اگر اس کمپنی کا کوئی منجمد اثاثہ وجود میں نہ آیا ہو بلکہ تمام اثاثے ابھی تک سیال یعنی نقد رقم کی شکل میں ہوں تو اس صورت میں اس کمپنی کے شیئرز کا فیس ویلو سے کم یا زیادہ میں لین کرنا جائز نہیں۔

(۳) اگر سودی لین دین کرتی ہو تو اس کی سالانہ میٹنگ میں آواز اٹھائی جائے کہ ہم سودی لین دین کو درست نہیں سمجھتے، سودی لین دین پر راضی نہیں ہیں اس لیے اس کو بند کیا جائے۔

(۴) جب منافع کی تقسیم ہو اس وقت جتنے نفع کا جتنا حصہ سودی ڈپازٹ سے حاصل ہوا ہو اسے بلانیت ثواب صدقہ کردیا جائے۔

(۵) شیرز کی خرید وفروخت سے مقصود حصہ داری حاصل کرنا ہو، نفع ونقصان برابر کرکے نفع کمانا مقصود نہ ہو جس میں نہ تو شیرز پر قبضہ ہوتا ہے اور نہ قبضہ پیش نظر ہوتا ہے کیوں کہ یہ سٹہ بازی کی شکل ہے جو حرام ہے۔

واللہ تعالیٰ اعلم








No comments:

Post a Comment