Sunday 11 January 2015

AsadUddin Owaisi; Millat Ka Bebak Leaderﺍﺳﺪ ﺍﻟﺪﯾﻦ ﺍﻭﯾﺴﯽ:ﻣﻠﺖ ﮐﺎ ﺑﯿﺒﺎﮎ ﻟﯿﮉﺭ

" ﺍﺳﻼﻡ ﻣﯿﮟ ﺩﺍﺧﻞ ﮨﻮﻧﺎ ﮨﯽ ﺍﺻﻞ ﻣﯿﮟ ﮔﮭﺮ ﻭﺍﭘﺴﯽ ﮨﮯ " ﯾﮧ ﺟﻤﻠﮧ
ﮐﺴﯽ ﻋﺎﻟﻢ ﺩﯾﻦ،ﻣﻔﮑﺮ ﻣﻠﺖ، ﭘﯿﺮ ﻃﺮﯾﻘﺖ،ﻣﺼﻠﺢ ﺍﻣﺖ ،ﻗﺎﺋﺪ
ﻣﻠﺖ ﮐﮯ ﻧﮩﯿﻦ،ﺑﻠﮑﮧ ﺍﯾﮏ ﺳﯿﺎﺳﺘﺪﺍﮞ ﮐﯽ ﺯﺑﺎﻥ ﺳﮯ ﻧﮑﻼ ﮨﻮﺍ
ﮨﮯ،ﺟﺲ ﮐﯽ ﺗﻌﻠﯿﻢ ﮐﺴﯽ ﻣﺪﺭﺳﮧ،ﺧﺎﻧﻘﺎﮦ،ﺍﻭﺭ ﺩﯾﻨﯽ ﻣﺮﮐﺰ ﻣﯿﮟ
ﻧﮩﯿﮟ ﮨﻮﺋﻲ , ﺑﻠﮑﮧ ﺧﺎﻟﺺ ﺍﻧﮕﺮﯾﺰﯼ ﻣﺎﺣﻮﻝ ﻣﯿﮟ ،ﯾﻮﺭﭖ ﮐﮯ ﺩﻝ ﮐﮩﮯ
ﺟﺎﻧﮯ ﻭﺍﻟﮯ ﻟﻨﺪﻥ ﮐﯽ ﻣﻌﺮﻭﻑ ﺩﺍﻧﺶ ﮔﺎﮦ ﺁﮐﺴﻔﻮﺭﮈ ﻣﯿﮟ ﮨﻮﺋﻲ،ﻣﮕﺮ
ﺍﺱ ﮐﮯ ﭘﮩﻠﻮ ﻣﯿﮟ ﺍﯾﮏ ﺍﯾﺴﺎ ﺩﻝ ﮨﮯ ﺟﻮ ﺍﺳﻼ ﻣﯽ ﺣﻤﯿﺖ ﺳﮯ
ﻟﺒﺮﯾﺰ ﺍﻭﺭ ﺩﯾﻨﯽ ﻏﯿﺮﺕ ﺳﮯ ﺳﺮﺷﺎﺭ ﮨﮯ،ﺍﺱ ﮐﯽ ﺭﮔﻮﮞ ﻣﯿﮟ ﺍﺳﻼﻡ
ﮐﺎ ﺧﻮﻥ ﺟﺎﺭﯼ ﮨﮯ،ﻣﻠﺖ ﮐﯽ ﺯﺑﻮﮞ ﺣﺎﻟﯽ ﭘﺮ ﺍﺱ ﮐﺎ ﺩﻝ ﺭﻭﺗﺎ
ﮨﮯ،ﮐﮍﮨﺘﺎ ﮨﮯ،ﺗﮍﭘﺘﺎ ﮨﮯ،ﺍﺱ ﮐﺎﺧﻤﯿﺮ ﺟﺮﺀﺍﺕ ﻭﺑﯿﺒﺎﮐﯽ ﺳﮯ ﺗﯿﺎﺭ ﮨﻮﺍ
ﮨﮯ،ﻣﯿﮟ ﻧﮯ ﺍﺳﮯ ﭘﺎﺭﻟﯿﻤﻨﭧ ﻣﯿﮟ ﺗﻘﺮﯾﺮ ﮐﺮﺗﮯ ﮨﻮﺋﮯ ﺩﯾﮑﮭﺎ ﮨﮯ،ﻋﻮﺍﻣﯽ
ﺟﻠﺴﻮﮞ ﮐﻮ ﺧﻄﺎﺏ ﮐﺮﺗﮯ ﻭﺋﮯﺳﻨﺎ ﮨﮯ،ﻣﯿﮉﯾﺎ ﮐﮯ ﻟﻮﮔﻮﮞ ﺳﮯ ﺑﺎﺕ
ﭼﯿﺖ ﮐﺮﺗﮯ ﮨﻮﺋﮯ ﺩﯾﮑﮭﺎ ﮨﮯ،ﺍﺱ ﮐﯽ ﺍﯾﮏ ﺧﺼﻮﺻﯿﺖ ﮨﺮ ﺟﮕﮧ
ﻧﻈﺮﺁﺗﯽ ﮨﮯ ﻭﮦ ﯾﮧ ﮐﮧ ﻭﮦ ﮐﺴﯽ ﺳﮯ ﻣﺮﻋﻮﺏ ﻧﮩﯿﮟ ﮨﻮ ﺗﺎ،ﺑﻠﮑﮧ
ﺁﻧﮑﮭﻮﮞ ﻣﯿﮟ ﺁﻧﮑﮭﯿﮟ ﮈﺍﻝ ﮐﺮ ﺑﺎﺗﯿﮟ ﮐﺮﺗﺎ ﮨﮯ،ﺗﺒﺪﯾﻠﯽ ﻣﺬﮨﺐ ﮐﮯ
ﻣﻮﺿﻮﻉ ﭘﺮ ﺑﻮﻟﺘﮯ ﮨﻮﺋﮯ ﺍﺱ ﻧﮯ ﭘﻮﺭﯼ ﭘﺎﺭﻟﯿﻤﻨﭧ ﮐﻮ ﺟﮭﻨﺠﮭﻮﮌ
ﺩﯾﺎ،ﺍﻭﺭ ﻧﮩﺎﯾﺖ ﺑﮯ ﺑﺎﮐﯽ ﺳﺎﺗﮫ ﺗﻤﺎﻡ ﻣﻤﺒﺮﺍﻥ ﮐﻮ ﻣﺨﺎﻃﺐ ﮐﺮﺗﮯ
ﮨﻮﺋﮯ ﮐﮩﺎ ﮐﮧ ﮨﻤﯿﮟ ﺟﺘﻨﺎ ﻓﺨﺮ ﮨﻨﺪﻭﺳﺘﺎﻧﯽ ﮨﻮﻧﮯ ﭘﺮ ﮨﮯ ﺍﺗﻨﺎ ﮨﯽ ﻓﺨﺮ
ﻣﺴﻠﻤﺎﻥ ﮨﻮﻧﮯ ﭘﺮ ﮨﮯ،ﮨﻢ ﮈﺭ ﮐﺮ ﻣﺬﮨﺐ ﺗﺒﺪﯾﻞ ﮐﺮﻧﮯ ﻭﺍﻟﮯ ﻧﮩﯿﮟ
ﮨﯿﮟ،ﺍﺱ ﺳﮯ ﺍﯾﮏ ﻗﺪﻡ ﺑﮍﮬﮑﺮ ﺟﻠﺴﮧ ﺳﯿﺮﺕ ﺍﻟﻨﺒﯽ ﮐﮯ ﺍﺟﻼﺱ
ﮐﻮ ﺧﻄﺎﺏ ﮐﺮﺗﮯ ﮨﻮﺋﮯ ﺍﺱ ﻧﮯ ﺍﯾﺴﯽ ﺑﺎﺕ ﮐﮩﯽ ﺟﻮ ﻭﮨﯽ ﮐﮩﮧ ﺳﮑﺘﺎ
ﺗﮭﺎ،ﺍﺱ ﻧﮯ ﮐﮩﺎ ﮐﮧ ﺍﺳﻼﻡ ﮐﮯ ﺁﻏﻮﺵ ﻣﯿﮟ ﺁﻧﺎ ﮨﯽ ﺩﺭ ﺍﺻﻞ ﮔﮭﺮ
ﻭﺍﭘﺴﯽ ﮨﮯ،ﺍﺱ ﻧﮯ ﯾﮧ ﺑﮭﯽ ﮐﮩﺎ ﮐﮧ ﮨﺮ ﺑﭽﮧ ﻓﻄﺮﺗﺎ ﻣﺴﻠﻤﺎﻥ ﭘﯿﺪﺍ
ﮨﻮﺗﺎ ﮨﮯ ،ﺟﻮ ﺍﺱ ﺩﯾﻦ ﮐﻮ ﻗﺒﻮﻝ ﮐﺮﮮ ﮔﺎ ﻣﯿﮟ ﺍﺳﮯ ﺩﻭﻧﻮﮞ ﺟﮩﺎﻥ
ﻣﯿﮟ ﮐﺎﻣﯿﺎﺑﯽ ﮐﯽ ﺿﻤﺎﻧﺖ ﺩﯾﺘﺎ ﮨﻮﮞ،ﺍﺱ ﮐﮯ ﺍﺱ ﺑﯿﺎﻥ ﺳﮯ ﮐﻔﺮ
ﮐﮯ ﺍﯾﻮﺍﻧﻮﮞ ﻣﯿﮟ ﻟﺮﺯﮦ ﻃﺎﺭﯼ ﮨﮯ،ﺁﺭ ﺍﯾﺲ ﺍﯾﺲ ﭘﯿﭻ ﻭﺗﺎﺏ ﮐﮭﺎ ﺭﮨﺎ
ﮨﮯ،ﻣﻮﺩﯼ ﺍﯾﻨﮉ ﮐﻤﭙﻨﯽ ﻣﯿﮟ ﺑﮯ ﭼﯿﻨﯽ ﮨﮯ،ﮐﭽﮫ ﻟﻮﮒ ﮐﮩﺘﮯ ﮨﯿﮟ ﮐﮧ
ﻭﮦ ﺟﺬﺑﺎﺗﯽ ﮨﯿﮟ ،ﺷﻌﻠﮧ ﺑﯿﺎﻧﯽ ﮐﺮﺗﮯ ﮨﯿﮟ،ﻧﻔﺮﺕ ﮐﺎ ﭘﻮﺩﺍ ﻟﮕﺎ ﺗﮯ
ﮨﯿﮟ،ﺗﺎ ﮨﻢ ﻭﮦ ﯾﮧ ﻧﮩﯿﮟ ﺳﻤﺠﮭﺘﮯ ﮐﮧ ﺍﺱ ﻭﻗﺖ ﻣﻠﮏ ﻣﯿﮟ
ﻧﻔﺴﯿﺎﺗﯽ ﺟﻨﮓ ﺟﺎﺭﯼ ﮨﮯ،ﺍﻭﺭ ﻧﻔﺴﯿﺎﺕ ﺟﻨﮓ ﻣﯿﮟ ﺣﻮﺻﻠﮯ ﮐﻮ
ﺑﮍﮬﺎﻧﺎ،ﻋﺰﺍﺋﻢ ﮐﻮ ﻣﮩﻤﯿﺰ ﻟﮕﺎﻧﺎ،ﺟﺬﺑﺎﺕ ﻣﯿﮟ ﮔﺮﻣﯽ ﭘﯿﺪﺍ ﮐﺮﻧﺎ ﺑﮩﺖ
ﺿﺮﻭﺭﯼ ﮨﻮﺗﺎ ﮨﮯ،ﺍﺱ ﻭﻗﺖ ﺻﻮﺭﺗﺤﺎﻝ ﯾﮧ ﮨﮯ ﮐﮧ ﻣﺴﻠﻤﺎﻥ ﮈﺭﮮ
ﺳﮩﻤﮯ ﮨﯿﮟ ،ﺧﻮﻓﺰﺩﮦ ﮨﯿﮟ،ﺳﺮﺍﺳﯿﻤﮧ ﮨﯿﮟ،ﺁﺭ ﺍﯾﺲ ﺍﯾﺲ ﮐﮯ ﺍﯾﺠﻨﭧ
ﮔﻠﯽ ﮔﻠﯽ ﮔﮭﻮﻡ ﮐﺮﯾﮧ ﻧﻌﺮﮦ ﻟﮕﺎ ﺭﮨﮯ ﮨﯿﮟ ﮐﮧ ﮔﮭﺮ ﻭﺍﭘﺴﯽ ﮐﺎ ﭘﺮﻭﮔﺮﺍﻡ
ﺟﺎﺭﯼ ﺭﮨﮯ ﮔﺎ،ﯾﮩﺎﮞ ﮐﺎ ﮨﺮ ﺑﺎﺷﻨﺪﮦ ﮨﻨﺪﻭ ﮨﮯ،ﯾﮧ ﻣﻠﮏ ﮨﻨﺪﻭ ﺭﺍﺷﭩﺮ ﺑﻦ
ﭼﮑﺎ ﮨﮯ ﻭﻏﯿﺮﮦ ﻭﻏﯿﺮﮦ،ﻣﻠﺖ ﮐﮯ ﻗﺎﺋﺪﯾﻦ ﺧﺎﻣﻮﺵ ﮨﯿﮟ ،ﻣﺼﻠﺤﺖ
ﮐﯽ ﭼﺎﺩﺭ ﺍﻭﮌﮬﮯ ﮨﻮﺋﮯ ﮨﯿﮟ،ﺍﻥ ﮐﮯ ﺳﺎﻣﻨﮯ ﮐﯿﺎ ﻣﺠﺒﺮﯾﺎﮞ ﮨﯿﮟ ﻣﯿﮟ
ﺍﺱ ﺳﻠﺴﻠﮧ ﻣﯿﮟ ﮐﭽﮫ ﻧﮩﯿﮟ ﮐﮩﻨﺎ ﭼﺎﮨﺘﺎ،ﺍﻭﺭ ﻧﮧ ﺍﻥ ﮐﯽ ﺷﺎﻥ ﻣﯿﮟ
ﺍﺩﻧﯽ ﮔﺴﺘﺎﺧﯽ ﮔﻮﺍﺭﮦ ﮐﺮﺳﮑﺘﺎ ﮨﻮﮞ، ﺍﯾﺴﮯ ﺧﻮﻓﻨﺎﮎ ﺣﺎﻻﺕ ﻣﯿﮟ
ﺿﺮﻭﺭﯼ ﮨﮯ ﮐﮧ ﺍﻥ ﮐﮯ ﺣﻮﺻﻠﮯ ﮐﻮ ﻣﻀﺒﻮﻁ ﮐﯿﺎ ﺟﺎﺋﮯ،ﻋﺰﺍﺋﻢ ﮐﻮ
ﺗﻘﻮﯾﺖ ﺩﯼ ﺟﺎﮨﺌﮯ ،ﺍﯾﻤﺎﻥ ﮐﯽ ﭼﻨﮕﺎﺭﯼ ﮐﻮ ﺷﻌﻠﮧ ﺑﻨﺎﯾﺎ ﺟﺎﺋﮯ،ﺍﺱ
ﻣﯿﮟ ﺷﮏ ﻧﮩﯿﮟ ﮐﮧ ﺍﻭﯾﺴﯽ ﮐﮯ ﺑﯿﺎﻧﺎﺕ ﺕ ﺳﮯ ﻣﺴﻠﻤﺎﻧﻮﮞ ﮐﯽ
ﺧﻮﺩ ﺍﻋﺘﻤﺎﺩﯼ ﻣﯿﮟ ﺍﺿﺎﻓﮧ ﮨﻮﺍ ﮨﮯ،ﻣﺎﯾﻮﺳﯿﻮﮞ ﮐﺎ ﺑﺎﺩﻝ ﮐﭽﮫ ﺣﺪ
ﺗﮏ ﭼﮭﭧ ﮔﯿﺎ ﮨﮯ،ﺍﺱ ﻭﻗﺖ ﻋﺎﻟﻢ ﺍﺳﻼﻡ ﺟﻦ ﺣﺎﻻﺕ ﺳﮯ ﺩﻭﭼﺎﺭ
ﮨﮯ،ﺍﺱ ﻣﯿﮟ ﺻﻼﺡ ﺍﻟﺪﯾﻦ ﺍﯾﻮﺑﯽ ﮐﯽ ﺳﺨﺖ ﺿﺮﻭﺭﺕ ﮨﮯ،ﺍﻟﻠﮧ ﮐﺎ
ﺷﮑﺮ ﮨﮯ ﮐﮧ ﮨﻤﺎﺭﮮ ﻣﻠﮏ ﮨﻨﺪﻭﺳﺘﺎﻥ ﻣﯿﮟ ﺻﻼﺡ ﺍﻟﺪﯾﻦ ﺍﯾﻮﺑﯽ ﻧﮧ
ﺳﮩﯽ،ﺍﺳﺪ ﺍﻟﺪﯾﻦ ﺍﻭﯾﺴﯽ ﻣﻮﺟﻮﺩ ﮨﮯ،

No comments:

Post a Comment