ﺣﺴﯿﻨﻮ! ﺗﻤﮭﯿﮟ ﻣﺸﻮﺭﮦ ﺩﮮ ﺭﮨﺎ ﮨﻮﮞ
ﮐﮧ ﺗﻢ ﺷﺎﻋﺮﻭﮞ ﮐﯽ ﻧﮧ ﺑﺎﺗﻮﮞ ﻣﯿﮟ ﺁﻧﺎ
ﯾﮧ ﮐﺮﺗﮯ ﮨﯿﮟ ﺗﻌﺮﯾﻒ ﺑﯿﺠﺎ ﺗﻤﮩﺎﺭﯼ
ﻧﮩﯿﮟ ﺍﻥ ﮐﯽ ﺗﻌﺮﯾﻒ ﮐﺎ ﮐﭽﮫ ﭨﮭﮑﺎﻧﺎ
ﻭﮦ ﮐﯿﺎ ﺑﺎﺕ، ﺟﻮ ﮨﻮ ﺣﻘﯿﻘﺖ ﺳﮯ ﺧﺎﻟﯽ
ﮐﮧ ﺗﻌﺮﯾﻒ ﺑﯿﺠﺎ ﺳﮯ ﺑﮩﺘﺮ ﮨﮯ ﮔﺎﻟﯽ
ﮐﻮﺋﯽ ﮐﮩﮧ ﺭﮨﺎ ﮨﮯ ﻧﮧ ﺍﺗﻨﺎ ﺳﺘﺎﺅ
ﮐﻮﺋﯽ ﮐﮩﮧ ﺭﮨﺎ ﮨﮯ ﮐﮧ ﮐﺐ ﺩﯾﺪ ﮨﻮﮔﯽ
ﮐﺴﯽ ﮐﯽ ﯾﮧ ﻣﻨﻄﻖ ﮨﮯ ﺳﺐ ﺳﮯ ﻧﺮﺍﻟﯽ
ﮐﮧ ﻭﮦ ﭼﮭﺖ ﭘﮧ ﺁﺋﯿﻨﮕﯽ ﺗﺐ ﻋﯿﺪ ﮨﻮﮔﯽ
ﺍﮔﺮ ﻭﮦ ﻣﺤﺮﻡ ﻣﯿﮟ ﺁﺋﯿﻨﮕﯽ ﭼﮭﺖ ﭘﺮ
ﯾﮧ ﺳﻤﺠﮭﯿﮟ ﮔﮯ ﮐﮧ ﺭﻭﺯﻭﮞ ﻧﮯ ﺑﺎﻧﺪﮬﺎ ﮨﮯ ﺑﺴﺘﺮ
ﺑﮩﺖ ﺍﺱ ﻧﮯ ﻧﺎﭘﺎ ﺗﻤﮩﺎﺭﯼ ﮐﻤﺮ ﮐﻮ
ﺫﺭﺍ ﻧﺎﭖ ﺍﻥ ﮐﯽ ﮐﻤﺮ ﮐﺎ ﺗﻮ ﭘﻮﭼﮭﻮ
ﯾﮧ ﺑﻮﮌﮬﮯ ﮨﯿﮟ ﭘﮭﺮ ﺑﮭﯽ ﻋﺎﺷﻖ ﺗﻤﮩﺎﺭﮮ
ﺫﺭﺍ ﻏﻮﺭ ﺳﮯ ﺍﻥ ﮐﯽ ﺷﮑﻠﯿﮟ ﺗﻮ ﺩﯾﮑﮭﻮ
ﺟﻮ ﺳﭻ ﺑﺎﺕ ﮨﮯ ﻭﮦ ﺑﺘﺎﺗﮯ ﻧﮩﯿﮟ ﮨﯿﮟ
ﯾﮧ ﺷﺎﻋﺮ ﮨﯿﮟ ﮨﻔﺘﻮﮞ ﻧﮩﺎﺗﮯ ﻧﮩﯿﮟ ﮨﯿﮟ
ﺍﮔﺮ ﺯﻟﻒ ﮐﮭﻮﻟﻮﮔﯽ ﺗﻢ ﺍﮮ ﺣﺴﯿﻨﻮ!
ﯾﮧ ﮐﮩﮧ ﺩﯾﮟ ﮔﮯ ﮐﺎﻟﯽ ﮔﮭﭩﺎ ﭼﮭﺎﺭﮨﯽ ﮨﮯ
ﺍﮔﺮ ﺯﻟﻒ ﺑﺎﻧﺪﮬﯽ ﺗﻮ ﮐﮩﮧ ﺩﯾﮟ ﮔﮯ ﺷﺎﻋﺮ
ﯾﮧ ﻧﺎﮔﻦ ﮨﮯ ﮐﺎﻧﺪﮬﻮﮞ ﭘﮧ ﺑﻞ ﮐﮭﺎﺭﮨﯽ ﮨﮯ
ﮨﺮ ﺍﮎ ﺑﺎﺕ ﻣﯿﮟ ﮨﮯ ﺣﺴﯿﻨﻮ ﮐﯽ ﺷﺎﻣﺖ
ﺟﻮ ﮐﮭﻮﻟﯿﮟ ﺗﻮ ﺁﻓﺖ ﺟﻮ ﺑﺎﻧﺪﮬﮯ ﺗﻮ ﺁﻓﺖ
ﺟﮩﺎﮞ ﭘﮭﻮﻝ ﺯﻟﻔﻮﮞ ﻣﯿﮟ ﺗﻢ ﻧﮯ ﻟﮕﺎﯾﺎ
ﯾﮧ ﮐﮩﮧ ﺩﯾﮟ ﮔﮯ ﺩﯾﮑﮭﻮ ﭼﻤﻦ ﺟﺎﺭﮨﺎ ﮨﮯ
ﭼﻤﻦ ﺟﺲ ﮐﻮ ﮐﮩﺘﮯ ﮨﯿﮟ ﺭﮨﺘﺎ ﮨﮯ ﻗﺎﺋﻢ
ﮐﮩﺎﮞ ﺟﺎﺭﮨﺎ ﮨﮯ ﮐﮩﺎﮞ ﺁﺭﮨﺎ ﮨﮯ
ﺫﺭﺍ ﺷﺎﻋﺮﻭﮞ ﮐﯽ ﺗﻮ ﺩﯾﮑﮭﻮ ﭼﮭﻼﻧﮕﯿﮟ
ﯾﮧ ﮐﯿﺴﮯ ﭼﻤﻦ ﮐﯽ ﻟﮕﺎﺩﯾﮟ ﮨﯿﮟ ﭨﺎﻧﮕﯿﮟ
ﺍﮔﺮ ﺗﻢ ﺍﭨﮭﺎﮐﺮ ﺟﮭﮑﺎ ﺩﻭﮔﯽ ﭘﻠﮑﯿﮟ
ﯾﮧ ﮐﮩﮧ ﺩﯾﮟ ﮔﮯ ﺑﺠﻠﯽ ﮐﮩﯿﮟ ﮔﺮﭘﮍﯼ ﮨﮯ
ﺍﮔﺮ ﭼﺸﻢ ﺟﺎﻧﺎﮞ ﻣﯿﮟ ﺑﺠﻠﯽ ﻧﮩﺎﮞ ﮨﮯ
ﺗﻮ ﺷﺎﻋﺮ ﺳﮯ ﭘﻮﭼﮭﻮ ﮐﮧ ﺳﻮﺋﭻ ﮐﮩﺎﮞ ﮨﮯ
ﺟﻮ ﺳﭻ ﺑﺎﺕ ﮨﮯ ﯾﮧ ﺑﺘﺎ ﺗﮯ ﻧﮩﯿﮟ ﮨﯿﮟ
ﯾﮧ ﺷﺎﻋﺮ ﮨﮯ ﮨﻔﺘﻮﮞ ﻧﮩﺎﺗﮯ ﻧﮩﯿﮟ ﮨﮯ
No comments:
Post a Comment