بیوہ کے لئے سفید کپڑے کا التزام؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوال. عام طورسے دیہات میں جب کسی کا شوھر مرجاتا ہے تو رشتہ دار بیوہ عورت کے لئے سفید نئے جوڑے کا انتظام کرتے ھیں، کیا یہ درست ہے؟
مجتبی عزیزی سبیلی
جامعہ عربیہ نور العلوم
سیدپور ۔بیگوسرائے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
الجواب وباللہ التوفیق
بیوہ خاتوں کے لئے سفید کپڑے کا التزام وانتظام خواہ خود سے ہو یا ہدیہ تحائف کی شکل میں ہندوانہ عقیدہ اور مشرکانہ رسم ورواج ہے۔ اسلام میں اس کی کوئی گنجائش نہیں۔ یہ واجب الترک رواج ہے اسلام نے عدت وفات گزرنے تک بیواؤں کو زیب وزینت اور آرائش وزیبائش سے پرہیز کا حکم دیا ہے۔سفید کپڑے کے استعمال کو لازم قرار نہیں دیا ہے!! بیوہ اپنی پسند سے جس رنگ کا کپڑا چاہے استعمال کرسکتی ہے۔ اس سلسلے میں رنگ کا کوئی شرعی التزام نہیں۔ صرف زیب وزینت سے اجتناب کا حکم ہے۔
واللہ اعلم بالصواب
شکیل منصور القاسمی
No comments:
Post a Comment