جمعہ کی کونسی اذان کے بعد لین دین حرام ہے؟

جمعہ کی کونسی اذان کے بعد لین دین حرام ہے؟
Jan 12,2013
Answer: 43343
فتوی: 176-128/L=2/1434
جمعہ کی اذان اول کے بعد خرید وفروخت ناجائز ہے وکرہ تحریما مع صحة البیع عند الأذان الأول (درمختار مع شامی: ۷/۳۰۴)
واللہ تعالیٰ اعلم
دارالافتاء، دارالعلوم دیوبند
______
اذان اول کے بعد نکاح کرنا اور کھانا کھلانا جائز نہیں

س… آ ج کل ہمارے مسلمانوں کا معمول بن چکا ہے کہ شادی، نکاح کا پروگرام جمعہ کے دن طے کرتے ہیں، اور عموما کھانے پینے اور نکاح کا پروگرام بالکل نماز جمعہ کے قریب اذان اول کے بعد منعقد کرتے ہیں، از روئے قرآن و حدیث اس پر روشنی ڈالیں کہ بروز جمعہ اذان اول کے بعد شادی، نکاح اور کھانے وغیرہ کا انتظام کرنا شرعا جائز ہے یا نہیں؟
ج… جمعہ کی اذان کے بعد جمعہ کی تیاری کے علاوہ کوئی دوسرا شغل جائز نہیں۔
آپ کے مسائل اور ان کا حل
______
مسئلہ جمعہ کى پہلى اذان سن کر تمام کاموں کو چھوڑ کر جمعہ کى نماز کے لیے جامع مسجد جانا واجب ہے خریدو فروخت یا کسى اور کام میں مشغول ہونا حرام ہے.
بہشتی زیور
________
وذراو البیع کی تفسیر میں فرمایا کہ اذان جمعہ کے بعد کھانا پینا بھی حرام ہے۔ سو اس مسئلہ کی طرف کسی کا التفات نہیں۔ اذان جمعہ کے بعد جیسے بیع و شراء حرام ہے ویسے ہی کتاب دیکھنا بھی حرام پڑھنا بھی حرام غرض جو چیز مخل سعی ہوگی وہ حرام ہے ہاں یہ مانع جب مرتفع ہوجائے گا حرمت بھی مرتفع ہوجائے گی مثلا دو شخص چلتے چلتے ایک چیز کی بیع کریں تو چونکہ یہ بیع مخل سعی نہں اس لئے حرام بھی نہ ہوگی۔ (الوقت ص۴)
دو خطبوں کے درمیان دعا کا طریقہ
ایک صاحب نے دریافت کیا کہ مابین الخطبتین جب امام جلسہ کرتا ہے تو دعا مانگنا درست ہے یا نہیں فرمایا دل سے دعا بدون حرکت لسان ہو تو جائز ہے سکوت واجب اور دعا اس طرح جمع ہوسکتے ہیں
(حسن العزیز جلد اول) (اشراف الاحکام ص:۱۲۱)