میری امت تہتر فرقوں میں منقسم ہوجائے گی

میری امت تہتر فرقوں میں منقسم ہوجائے گی

حضرت ابوہریرہ رضی اللہ تعالٰی عنہ کی حدیث
عن ابی ہریرة ان رسول اللّٰہ صلی اللّٰہ علیہ وسلم قال تفرقت الیہود علی احدی و سبعین او اثنین و سبعین فرقة والنصاری مثل ذلک وتفترق امتی علی ثلاث و سبعین فرقة (ترمذی)

حضرت ابوہریرہ رضی اللہ تعالٰی عنہ روایت فرماتے ہیں کہ آنحضرت صلی اللہ علیہ وسلم نے ارشاد فرمایا ہے یہود اکہتر یا بہتر فرقوں میں منقسم ہوئے اور نصاریٰ بھی اتنے ہی فرقوں میں بٹ گئے تھے اور میری امت تہتر فرقوں میں منقسم ہوجائے گی۔
حافظ سخاوی رحمہ اللہ نے بھی مقاصد حسنہ میں اس حدیث کی صحت کو تسلیم کیا ہے اور شیخ محمد طاہر نے تذکرة الموضوعات میں اسے نقل فرماکر کوئی اختلاف رائے ظاہر نہیں کیا۔ امام شاطبی نے کتاب الاعتصام میں ابوہریرہ رضی اللہ تعالٰی عنہ کی روایت پر کئی جگہ صحت کا حکم لگایا ہے۔
حدثنا الحسين بن حريث ابو عمار، حدثنا الفضل بن موسى، عن محمد بن عمرو، عن ابي سلمة، عن ابي هريرة، ان رسول الله صلى الله عليه وسلم قال:‏‏‏‏ " تفرقت اليهود على إحدى وسبعين او اثنتين وسبعين فرقة والنصارى مثل ذلك، ‏‏‏‏‏‏وتفترق امتي على ثلاث وسبعين فرقة "،‏‏‏‏ وفي الباب عن سعد، ‏‏‏‏‏‏وعبد الله بن عمرو، ‏‏‏‏‏‏وعوف بن مالك،‏‏‏‏ قال ابو عيسى:‏‏‏‏ حديث ابي هريرة حديث حسن صحيح.
ابوہریرہ رضی الله عنہ سے روایت ہے کہ رسول اللہ صلی اللہ علیہ وسلم نے فرمایا: ”یہود اکہتر یا بہتر فرقوں میں بٹ گئے اور نصاریٰ بھی اسی طرح بٹ گئے اور میری امت تہتر فرقوں میں بٹ جائے گی.“
امام ترمذی رحمہ اللہ کہتے ہیں:
۱- ابوہریرہ کی یہ حدیث حسن صحیح ہے،
۲- اس باب میں سعد، عبداللہ بن عمرو،
اور 
عوف بن مالک رضی الله عنہم سے بھی احادیث آئی ہیں۔

تخریج دارالدعوہ: سنن ابن ماجہ/الفتن ۱۷ (۳۹۹۱) (تحفة الأشراف: ۱۵۰۸۲) (حسن صحیح)