ﮐﯿﺎ ﺗﮭﮯ ﺍﮐﺎﺑﺮ ﺩﯾﻮﺑﻨﺪ ؟

ﺍﮐﺎﺑﺮ ﺩﯾﻮﺑﻨﺪﮐﯿﺎ ﺗﮭﮯ؟ ﺍﺱ ﮐﺎ ﺟﻮﺍﺏ ﻣﺨﺘﺼﺮﻟﻔﻈﻮﮞ
ﻣﯿﮟ ﯾﻮﮞ ﺑﮭﯽ ﺩﯾﺎﺟﺎﺳﮑﺘﺎ ﮨﮯ ﮐﮧ ﻭﮦ ﺧﯿﺮﺍﻟﻘﺮﻭﻥ ﮐﯽ ﯾﺎﺩﮔﺎﺭ
ﺗﮭﮯ، ﺳﻠﻒ ﺻﺎﻟﺤﯿﻦ ﮐﺎ ﻧﻤﻮﻧﮧ ﺗﮭﮯ، ﺍﺳﻼﻣﯽ ﻣﺰﺍﺝ ﻭﻣﺬﺍﻕ ﮐﯽ
ﺟﯿﺘﯽ ﺟﺎﮔﺘﯽ ﺗﺼﻮﯾﺮ ﺗﮭﮯ، ﻟﯿﮑﻦ ﺍﻥ ﻣﺨﺘﺼﺮ ﺟﻤﻠﻮﮞ ﮐﯽ ﺗﺸﺮﯾﺢ
ﻭﺗﻔﺼﯿﻞ ﮐﺮﻧﮯ ﺑﯿﭩﮭﯿﮟ ﺗﻮﺍﺱ ﮐﮯ ﻟﯿﮯ ﺩﻓﺘﺮ ﮐﮯ ﺩﻓﺘﺮ ﺑﮭﯽ
ﻧﺎﮐﺎﻓﯽ ﮨﯿﮟ ﺍﻭﺭ ﺳﭽﯽ ﺑﺎﺕ ﺗﻮ ﯾﮧ ﮨﮯ ﮐﮧ ﺍﻥ ﮐﯽ ﺧﺼﻮﺻﯿﺎﺕ ﮐﻮ
ﻟﻔﻈﻮﮞ ﻣﯿﮟ ﺳﻤﯿﭩﻨﺎ ﻣﺸﮑﻞ ﮨﯽ ﻧﮩﯿﮟ ﺗﻘﺮﯾﺒﺎً ﻧﺎﻣﻤﮑﻦ ﮨﮯ۔ ﺍﺱ
ﻟﯿﮯ ﮐﮧ ﺍﻥ ﮐﯽ ﺧﺼﻮﺻﯿﺎﺕ ﮐﺎ ﺗﻌﻠﻖ ﺩﺭﺣﻘﯿﻘﺖ ﺍﺱ ﻣﺰﺍﺝ ﻭﻣﺬﺍﻕ
ﺳﮯ ﮨﮯ ﺟﻮ ﺻﺤﺎﺑﮧٴ ﮐﺮﺍﻡ ( ﺭﺿﻮﺍﻥ ﺍﻟﻠﮧ ﻋﻠﯿﮩﻢ) ﮐﯽ ﺳﯿﺮﺗﻮﮞ ﺍﻭﺭ
ﺍُﻥ ﮐﮯ ﻃﺮﺯِ ﺯﻧﺪﮔﯽ ﺳﮯ ﻣﺴﺘﻨﯿﺮ ﺗﮭﺎ ﺍﻭﺭ ﻣﺰﺍﺝ ﻭﻣﺬﺍﻕ ﻭﮦ ﭼﯿﺰ
ﮨﮯ ﺟﺴﮯ ﻣﺤﺴﻮﺱ ﺗﻮ ﮐﯿﺎ ﺟﺎﺳﮑﺘﺎ ﮨﮯ ﻟﯿﮑﻦ ﺍﻟﻔﺎﻅ ﮐﮯ ﺫﺭﯾﻌﮯ
ﭨﮭﯿﮏ ﭨﮭﯿﮏ ﺑﯿﺎﻥ ﻧﮩﯿﮟ ﮐﯿﺎ ﺟﺎﺳﮑﺘﺎ۔ ﺟﺲ ﻃﺮﺡ ﮔﻼﺏ ﮐﯽ ﺧﻮﺷﺒﻮ
ﮐﻮ ﺳﻮﻧﮕﮭﺎ ﺗﻮ ﺟﺎﺳﮑﺘﺎ ﮨﮯ ﻟﯿﮑﻦ ﺍﺱ ﮐﯽ ﭘﻮﺭﯼ ﮐﯿﻔﯿﺖ ﮐﻮ ﺍﻟﻔﺎﻅ
ﻣﯿﮟ ﮈﮬﺎﻟﻨﺎ ﻣﻤﮑﻦ ﻧﮩﯿﮟ۔ ﺍﺳﯽ ﻃﺮﺡ ﺍُﻥ ﺣﻀﺮﺍﺕ ﮐﮯ ﻣﺰﺍﺝ ﻭﻣﺬﺍﻕ
ﮐﻮ ﺍﻥ ﮐﯽ ﺻﺤﺒﺘﻮﮞ ﺍﻭﺭ ﺍﻥ ﮐﮯ ﻭﺍﻗﻌﺎﺕ ﺳﮯ ﺳﻤﺠﮭﺎﺟﺎﺳﮑﺘﺎ ﮨﮯ
ﻣﮕﺮ ﺍﺱ ﮐﯽ ﻣﻨﻄﻘﯽ ﺗﻌﺒﯿﺮ ﻧﺎﻣﻤﮑﻦ ﮨﮯ۔
ﻟﮩٰﺬﺍ ﺍﺱ ﻣﻀﻤﻮﻥ ﻣﯿﮟ ﺍﮐﺎﺑﺮ ﺩﯾﻮﺑﻨﺪ ﮐﯽ ﺧﺼﻮﺻﯿﺎﺕ ﻭﺍﻣﺘﯿﺎﺯﺍﺕ ﮐﻮ
ﻧﻈﺮﯼ ﻃﻮﺭ ﺳﮯ ﺑﯿﺎﻥ ﮐﺮﻧﮯ ﮐﮯ ﺑﺠﺎﺋﮯ ﺍُﻥ ﮐﮯ ﭼﻨﺪ ﻣﺘﻔﺮﻕ
ﻭﺍﻗﻌﺎﺕ ﺳﻨﺎﻧﮯ ﻣﻘﺼﻮﺩ ﮨﯿﮟ ﺟﻦ ﺳﮯ ﺍﻥ ﮐﯽ ﺧﺼﻮﺻﯿﺎﺕ ﺯﯾﺎﺩﮦ
ﻭﺍﺿﺢ ﺍﻭﺭ ﺁﺳﺎﻥ ﻃﺮﯾﻘﮯ ﺳﮯ ﺳﻤﺠﮫ ﻣﯿﮟ ﺁﺳﮑﯿﮟ ﮔﯽ ... ﻭﺑﺎﻟﻠّٰﮧ
ﺍﻟﺘﻮﻓﯿﻖ!
ﻋﻠﻢ ﻭﻓﻀﻞ ﺍﻭﺭ ﺍُﺱ ﮐﮯ ﺳﺎﺗﮫ ﺗﻮﺍﺿﻊ ﻭﻟﻠﮩﯿﺖ
ﺍﮔﺮ ﺻﺮﻑ ﻭﺳﻌﺖ ﻣﻄﺎﻟﻌﮧ، ﻗﻮﺕِ ﺍﺳﺘﻌﺪﺍﺩ ﺍﻭﺭ ﮐﺜﺮﺕِ ﻣﻌﻠﻮﻣﺎﺕ ﮐﺎ
ﻧﺎﻡ ﻋﻠﻢ ﮨﻮﺗﻮ ﯾﮧ ﺻﻔﺖ ﺁﺝ ﺑﮭﯽ ﺍﯾﺴﯽ ﮐﻤﯿﺎﺏ ﻧﮩﯿﮟ ﻟﯿﮑﻦ ﺍﮐﺎﺑﺮ
ﺩﯾﻮﺑﻨﺪ ﮐﯽ ﺧﺼﻮﺻﯿﺖ ﯾﮧ ﮨﮯ ﮐﮧ ﻋﻠﻢ ﻭﻓﻀﻞ ﮐﮯ ﺳﻤﻨﺪﺭ ﺳﯿﻨﮯ
ﻣﯿﮟ ﺟﺬﺏ ﮐﺮﻟﯿﻨﮯ ﮐﮯ ﺑﺎﻭﺟﻮﺩ ﺍُﻥ ﮐﯽ ﺗﻮﺍﺿﻊ،ﻓﻨﺎﺋﯿﺖ ﺍﻭﺭ ﻟﻠﮩﯿﺖ
ﺍﻧﺘﮩﺎ ﮐﻮ ﭘﮩﻨﭽﯽ ﮨﻮﺋﯽ ﺗﮭﯽ۔ ﯾﮧ ﻣﺤﺎﻭﺭﮦ ﺯﺑﺎﻥ ﺯﺩِ ﻋﺎﻡ ﮨﮯ ﮐﮧ
” ﭘﮭﻠﻮﮞ ﺳﮯ ﻟﺪﯼ ﮨﻮﺋﯽ ﺷﺎﺥ ﮨﻤﯿﺸﮧ ﺟﮭﮑﺘﯽ ﮨﮯ “ ﻟﯿﮑﻦ ﮨﻤﺎﺭﮮ
ﺯﻣﺎﻧﮯ ﻣﯿﮟ ﺍﺱ ﻣﺤﺎﻭﺭﮮ ﮐﺎ ﻋﻤﻠﯽ ﻣﻈﺎﮨﺮﮦ ﺟﺘﻨﺎ ﺍﮐﺎﺑﺮ ﺩﯾﻮﺑﻨﺪ ﮐﯽ
ﺯﻧﺪﮔﯽ ﻣﯿﮟ ﻧﻈﺮ ﺁﺗﺎ ﮨﮯ ﺍﻭﺭ ﮐﮩﯿﮟ ﻧﮩﯿﮟ ﻣﻠﺘﺎ۔ ﭼﻨﺪ ﻭﺍﻗﻌﺎﺕ
ﻣﻼﺣﻈﮧ ﻓﺮﻣﺎﺋﯿﮯ :
۱ - ﺑﺎﻧﯽٴ ﺩﺍﺭﺍﻟﻌﻠﻮﻡ ﺩﯾﻮﺑﻨﺪ ﺣﺠﺔ ﺍﻻﺳﻼﻡ ﺣﻀﺮﺕ ﻣﻮﻻﻧﺎ ﻣﺤﻤﺪ
ﻗﺎﺳﻢ ﻧﺎﻧﻮﺗﻮﯼ ﺭﺣﻤﺔ ﺍﻟﻠﮧ ﻋﻠﯿﮧ ﮐﮯ ﻋﻠﻮﻡ ﺑﺤﺮ ﻧﺎﭘﯿﺪﺍﮐﻨﺎﺭ ﺗﮭﮯ۔
ﺍُﻥ ﮐﯽ ﺗﺼﺎﻧﯿﻒ ﺁﺏِ ﺣﯿﺎﺕ، ﺗﻘﺮﯾﺮ ﺩﻟﭙﺬﯾﺮ، ﻗﺎﺳﻢ ﺍﻟﻌﻠﻮﻡ ﺍﻭﺭ
ﻣﺒﺎﺣﺜﮧ ﺷﺎﮨﺠﮩﺎﮞ ﭘﻮﺭ ﻭﻏﯿﺮﮦ ﺳﮯ ﺍُﻥ ﮐﮯ ﻣﻘﺎﻡِ ﺑﻠﻨﺪ ﮐﺎ ﮐﭽﮫ
ﺍﻧﺪﺍﺯﮦ ﮨﻮﺗﺎﮨﮯ ﺍﻭﺭ ﺍﻥ ﻣﯿﮟ ﺳﮯ ﺑﻌﺾ ﺗﺼﺎﻧﯿﻒ ﺗﻮ ﺍﯾﺴﯽ ﮨﯿﮟ ﮐﮧ
ﺍﭼﮭﮯ ﺍﭼﮭﮯ ﻋﻠﻤﺎﺀ ﮐﯽ ﺳﻤﺠﮫ ﻣﯿﮟ ﻧﮩﯿﮟ ﺁﺗﯿﮟ۔ ﺣﺪ ﯾﮧ ﮨﮯ ﮐﮧ ﺍﻥ
ﮐﮯ ﮨﻢ ﻋﺼﺮ ﺑﺰﺭﮒ ﺣﻀﺮﺕ ﻣﻮﻻﻧﺎ ﻣﺤﻤﺪ ﯾﻌﻘﻮﺏ ﺻﺎﺣﺐ ﻧﺎﻧﻮﺗﻮﯼ
ﺭﺣﻤﺔ ﺍﻟﻠﻪ ﻋﻠﻴﻪ ﮐﺎ ﯾﮧ ﺟﻤﻠﮧ ﺩﺍﺭﺍﻟﻌﻠﻮﻡ ﻣﯿﮟ ﻣﻌﺮﻭﻑ ﺗﮭﺎ ﮐﮧ ” ﻣﯿﮟ
ﻧﮯ ﺁﺏِ ﺣﯿﺎﺕ ﮐﺎ ﭼﮫ ﻣﺮﺗﺒﮧ ﻣﻄﺎﻟﻌﮧ ﮐﯿﺎ ﮨﮯ، ﺍﺏ ﻭﮦ ﮐﭽﮫ ﮐﭽﮫ
ﺳﻤﺠﮫ ﻣﯿﮟ ﺁﺋﯽ ﮨﮯ۔ “
ﺍﻭﺭ ﺣﮑﯿﻢ ﺍﻻﻣﺖ ﻣﻮﻻﻧﺎ ﺍﺷﺮﻑ ﻋﻠﯽ ﺻﺎﺣﺐ ﺗﮭﺎﻧﻮﯼ ﺭﺣﻤﺔ ﺍﻟﻠﻪ
ﻋﻠﻴﻪ ﻓﺮﻣﺎﺗﮯ ﮨﯿﮟ ﮐﮧ :
” ﺍﺏ ﺑﮭﯽ ﻣﻮﻻﻧﺎ ( ﻧﺎﻧﻮﺗﻮﯼ ﺭﺣﻤﺔ ﺍﻟﻠﻪ ﻋﻠﻴﻪ) ﮐﯽ ﺗﺤﺮﯾﺮﯾﮟ ﻣﯿﺮﯼ
ﺳﻤﺠﮫ ﻣﯿﮟ ﻧﮩﯿﮟ ﺁﺗﯿﮟ ﺍﻭﺭ ﺯﯾﺎﺩﮦ ﻏﻮﺭ ﻭﺧﻮﺽ ﮐﯽ ﻣﺸﻘﺖ ﻣﺠﮫ
ﺳﮯ ﺑﺮﺩﺍﺷﺖ ﮨﻮﺗﯽ ﻧﮩﯿﮟ، ﺍﺱ ﻟﯿﮯ ﻣﺴﺘﻔﯿﺪ ﮨﻮﻧﮯ ﺳﮯ ﻣﺤﺮﻭﻡ
ﺭﮨﺘﺎ ﮨﻮﮞ ﺍﻭﺭ ﺍﭘﻨﮯ ﺩﻝ ﮐﻮ ﯾﻮﮞ ﺳﻤﺠﮭﺎﻟﯿﺘﺎﮨﻮﮞ ﮐﮧ ﺿﺮﻭﺭﯾﺎﺕ ﮐﺎ
ﻋﻠﻢ ﺣﺎﺻﻞ ﮐﺮﻧﮯ ﮐﮯ ﻟﯿﮯ ﺍﻭﺭ ﺳﮩﻞ ﺳﮩﻞ ﮐﺘﺎﺑﯿﮟ ﻣﻮﺟﻮﺩ ﮨﯿﮟ
ﭘﮭﺮ ﮐﯿﻮﮞ ﻣﺸﻘﺖ ﺍﭨﮭﺎﺋﯽ ﺟﺎﺋﮯ “۔( ۱)
ﺍﯾﺴﮯ ﻭﺳﯿﻊ ﻭﻋﻤﯿﻖ ﻋﻠﻢ ﮐﮯ ﺑﻌﺪ، ﺑﺎﻟﺨﺼﻮﺹ ﺟﺐ ﮐﮧ ﺍﺱ ﭘﺮ
ﻋﻘﻠﯿﺎﺕ ﮐﺎ ﻏﻠﺒﮧ ﮨﻮ، ﻋﻤﻮﻣﺎً ﻋﻠﻢ ﻭﻓﻀﻞ ﮐﺎ ﺯﺑﺮﺩﺳﺖ ﭘﻨﺪﺍﺭ ﭘﯿﺪﺍ
ﮨﻮﺟﺎﯾﺎ ﮐﺮﺗﺎ ﮨﮯ ﻟﯿﮑﻦ ﺣﻀﺮﺕ ﻧﺎﻧﻮﺗﻮﯼ ﺭﺣﻤﺔ ﺍﻟﻠﻪ ﻋﻠﻴﻪ ﮐﺎ ﺣﺎﻝ ﯾﮧ
ﺗﮭﺎ ﮐﮧ ﺧﻮﺩ ﻓﺮﻣﺎﺗﮯ ﮨﯿﮟ :
” ﺟﺲ ﻃﺮﺡ ﺻﻮﻓﯿﻮﮞ ﻣﯿﮟ ﺑﺪﻧﺎﻡ ﮨﻮﮞ ﺍﺳﯽ ﻃﺮﺡ ﻣﻮﻟﻮﯾﺖ ﮐﺎ ﺩﮬﺒﮧ
ﺑﮭﯽ ﻣﺠﮫ ﭘﺮ ﻟﮕﺎ ﮨﻮﺍ ﮨﮯ، ﺍﺱ ﻟﯿﮯ ﭘﮭﻮﻧﮏ ﭘﮭﻮﻧﮏ ﮐﺮ ﻗﺪﻡ ﺭﮐﮭﻨﺎ
ﭘﮍﺗﺎ ﮨﮯ، ﺍﮔﺮ ﯾﮧ ﻣﻮﻟﻮﯾﺖ ﮐﯽ ﻗﯿﺪ ﻧﮧ ﮨﻮﺗﯽ ﺗﻮ ﻗﺎﺳﻢ ﮐﯽ ﺧﺎﮎ ﮐﺎ
ﺑﮭﯽ ﭘﺘﮧ ﻧﮧ ﭼﻠﺘﺎ۔ )“ ۲)
ﭼﻨﺎﻧﭽﮧ ﺍُﻥ ﮐﯽ ﺑﮯ ﻧﻔﺴﯽ ﮐﺎ ﻋﺎﻟﻢ ﯾﮧ ﺗﮭﺎ ﮐﮧ ﺑﻘﻮﻝ ﻣﻮﻻﻧﺎ ﺍﺣﻤﺪ
ﺣﺴﻦ ﺻﺎﺣﺐ ﺍﻣﺮﻭﮨﻮﯼ ﺭﺣﻤﺔ ﺍﻟﻠﮧ ﻋﻠﯿﮧ :
” ﺣﻀﺮﺕ ﻣﻮﻻﻧﺎ ﻣﺤﻤﺪ ﻗﺎﺳﻢ ﺻﺎﺣﺐ ﺭﺣﻤﺔ ﺍﻟﻠﻪ ﻋﻠﻴﻪ ﺟﺲ ﻃﺎﻟﺐ
ﻋﻠﻢ ﮐﮯ ﺍﻧﺪﺭ ﺗﮑﺒﺮﺩﯾﮑﮭﺘﮯ ﺗﮭﮯ ﺍُﺱ ﺳﮯ ﮐﺒﮭﯽ ﮐﺒﮭﯽ ﺟﻮﺗﮯ
ﺍُﭨﮭﻮﺍﯾﺎ ﮐﺮﺗﮯ ﺗﮭﮯ ﺍﻭﺭ ﺟﺲ ﮐﮯ ﺍﻧﺪﺭ ﺗﻮﺍﺿﻊ ﺩﯾﮑﮭﺘﮯ ﺗﮭﮯ ﺍُﺱ
ﮐﮯ ﺟﻮﺗﮯ ﺧﻮﺩ ﺍُﭨﮭﺎﻟﯿﺎ ﮐﺮﺗﮯ ﺗﮭﮯ “۔( ۳)
۲ - ﯾﮩﯽ ﺣﺎﻝ ﺣﻀﺮﺕ ﻣﻮﻻﻧﺎ ﺭﺷﯿﺪ ﺍﺣﻤﺪ ﺻﺎﺣﺐ ﮔﻨﮕﻮﮨﯽ ﺭﺣﻤﺔ
ﺍﻟﻠﮧ ﻋﻠﯿﮧ ﮐﺎ ﺗﮭﺎ۔ ﺍﻧﮭﯿﮟ ﺍُﻧﮑﮯ ﺗﻔﻘّﮧ ﮐﮯ ﻣﻘﺎﻡِ ﺑﻠﻨﺪ ﮐﯽ ﺑﻨﺎﺀ ﭘﺮ
ﺣﻀﺮﺕ ﻣﻮﻻﻧﺎ ﻧﺎﻧﻮﺗﻮﯼ ﺭﺣﻤﺔ ﺍﻟﻠﻪ ﻋﻠﻴﻪ ﻧﮯ ”ﺍﺑﻮﺣﻨﯿﻔﮧٴ ﻋﺼﺮ “ ﮐﺎ
ﻟﻘﺐ ﺩﯾﺎ ﺗﮭﺎ ﺍﻭﺭ ﻭﮦ ﺍﭘﻨﮯ ﻋﮩﺪ ﻣﯿﮟ ﺍﺳﯽ ﻟﻘﺐ ﺳﮯ ﻣﻌﺮﻭﻑ
ﺗﮭﮯ۔ ﺣﻀﺮﺕ ﻋﻼﻣﮧ ﺍﻧﻮﺭ ﺷﺎﮦ ﺻﺎﺣﺐ ﮐﺸﻤﯿﺮﯼ ﺭﺣﻤﺔ ﺍﻟﻠﻪ ﻋﻠﻴﻪ
ﺟﯿﺴﮯ ﺑﻠﻨﺪ ﭘﺎﯾﮧ ﻣﺤﻘﻖ ﺟﻮ ﻋﻼﻣﮧ ﺷﺎﻣﯽ ﺭﺣﻤﺔ ﺍﻟﻠﻪ ﻋﻠﻴﻪ ﮐﻮ
” ﻓﻘﯿﮧ ﺍﻟﻨﻔﺲ “ ﮐﺎ ﻣﺮﺗﺒﮧ ﺩﯾﻨﮯ ﮐﮯ ﻟﯿﮯ ﺗﯿﺎﺭ ﻧﮧ ﺗﮭﮯ، ﺣﻀﺮﺕ
ﮔﻨﮕﻮﮨﯽ ﺭﺣﻤﺔ ﺍﻟﻠﻪ ﻋﻠﻴﻪ ﮐﻮ ” ﻓﻘﯿﮧ ﺍﻟﻨﻔﺲ “ ﻓﺮﻣﺎﯾﺎ ﮐﺮﺗﮯ ﺗﮭﮯ۔
ﺍﻥ ﮐﮯ ﺑﺎﺭﮮ ﻣﯿﮟ ﺣﮑﯿﻢ ﺍﻻﻣﺖ ﺣﻀﺮﺕ ﻣﻮﻻﻧﺎ ﺍﺷﺮﻑ ﻋﻠﯽ ﺻﺎﺣﺐ
ﺗﮭﺎﻧﻮﯼ ﺭﺣﻤﺔ ﺍﻟﻠﻪ ﻋﻠﻴﻪ ﻭﺍﻗﻌﮧ ﺳﻨﺎﺗﮯ ﮨﯿﮟ ﮐﮧ :
” ﺣﻀﺮﺕ ﻣﻮﻻﻧﺎ ﮔﻨﮕﻮﮨﯽ ﺭﺣﻤﺔ ﺍﻟﻠﮧ ﻋﻠﯿﮧ ﺍﯾﮏ ﻣﺮﺗﺒﮧ ﺣﺪﯾﺚ ﮐﺎ
ﺳﺒﻖ ﭘﮍﮬﺎﺭﮨﮯ ﺗﮭﮯ ﮐﮧ ﺑﺎﺭﺵ ﺁﮔﺌﯽ۔ ﺳﺐ ﻃﻠﺒﮧ ﮐﺘﺎﺑﯿﮟ ﻟﮯ ﻟﮯ
ﮐﺮ ﺍﻧﺪﺭ ﮐﻮ ﺑﮭﺎﮔﮯ ﻣﮕﺮ ﻣﻮﻻﻧﺎ ﺭﺣﻤﺔ ﺍﻟﻠﻪ ﻋﻠﻴﻪ ﺳﺐ ﻃﻠﺒﺎﺀ ﮐﯽ
ﺟﻮﺗﯿﺎﮞ ﺟﻤﻊ ﮐﺮﺭﮨﮯ ﺗﮭﮯ ﮐﮧ ﺍُﭨﮭﺎﮐﺮ ﻟﮯ ﭼﻠﯿﮟ۔ ﻟﻮﮔﻮﮞ ﻧﮯ ﯾﮧ
ﺣﺎﻟﺖ ﺩﯾﮑﮭﯽ ﺗﻮ ﮐﭧ ﮔﺌﮯ )“ ۴)
۳ - ﺷﯿﺦ ﺍﻟﮩﻨﺪ ﺣﻀﺮﺕ ﻣﻮﻻﻧﺎ ﻣﺤﻤﻮﺩ ﺣﺴﻦ ﺻﺎﺣﺐ ﻗﺪﺱ ﺳﺮﮦ ﮐﮯ
ﻋﻠﻢ ﻭﻓﻀﻞ ﮐﺎ ﮐﯿﺎ ﭨﮭﮑﺎﻧﺎ؟ ﻟﯿﮑﻦ ﺣﻀﺮﺕ ﺗﮭﺎﻧﻮﯼ ﺭﺣﻤﺔ ﺍﻟﻠﻪ ﻋﻠﻴﻪ
ﺭﺍﻭﯼ ﮨﯿﮟ ﮐﮧ ”ﺍﯾﮏ ﻣﺮﺗﺒﮧ ﻣﺮﺍﺩ ﺁﺑﺎﺩ ﺗﺸﺮﯾﻒ ﻟﮯ ﮔﺌﮯ ﺗﻮ ﻭﮨﺎ ﮞ
ﮐﮯ ﻟﻮﮔﻮﮞ ﻧﮯ ﻭﻋﻆ ﮐﮩﻨﮯ ﮐﮯ ﻟﯿﮯ ﺍﺻﺮﺍﺭ ﮐﯿﺎ۔ ﻣﻮﻻﻧﺎ ﺭﺣﻤﺔ
ﺍﻟﻠﻪ ﻋﻠﻴﻪ ﻧﮯ ﻋﺬﺭ ﻓﺮﻣﺎﯾﺎ ﮐﮧ ﻣﺠﮭﮯ ﻋﺎﺩﺕ ﻧﮩﯿﮟ ﮨﮯ ﻣﮕﺮ ﻟﻮﮒ ﻧﮧ
ﻣﺎﻧﮯ ﺗﻮ ﺍﺻﺮﺍﺭ ﭘﺮ ﻭﻋﻆ ﮐﮯ ﻟﯿﮯ ﮐﮭﮍﮮ ﮨﻮﮔﺌﮯ ﺍﻭﺭ ﺣﺪﯾﺚ
” ﻓﻘﯿﮧ ﻭﺍﺣﺪ ﺃﺷﺪّ ﻋﻠﯽ ﺍﻟﺸﯿﻄٰﻦ ﻣﻦ ﺃﻟﻒ ﻋﺎﺑﺪ “ ﭘﮍﮬﯽ ﺍﻭﺭ ﺍﺱ ﮐﺎ
ﺗﺮﺟﻤﮧ ﯾﮧ ﮐﯿﺎ ﮐﮧ :
”ﺍﯾﮏ ﻋﺎﻟﻢ ﺷﯿﻄﺎﻥ ﭘﺮ ﮨﺰﺍﺭ ﻋﺎﺑﺪ ﺳﮯ ﺯﯾﺎﺩﮦ ﺑﮭﺎﺭﯼ ﮨﮯ۔ “
ﻣﺠﻤﻊ ﻣﯿﮟ ﺍﯾﮏ ﻣﺸﮩﻮﺭ ﻋﺎﻟﻢ ﻣﻮﺟﻮﺩ ﺗﮭﮯ۔ ﺍﻧﮭﻮﮞ ﻧﮯ ﮐﮭﮍﮮ
ﮨﻮﮐﺮ ﮐﮩﺎ ﮐﮧ : ” ﯾﮧ ﺗﺮﺟﻤﮧ ﻏﻠﻂ ﮨﮯ ﺍﻭﺭ ﺟﺲ ﮐﻮ ﺗﺮﺟﻤﮧ ﺑﮭﯽ
ﺻﺤﯿﺢ ﮐﺮﻧﺎ ﻧﮧ ﺁﻭﮮ ﺍﺱ ﮐﻮ ﻭﻋﻆ ﮐﮩﻨﺎ ﺟﺎﺋﺰﻧﮩﯿﮟ۔ “
ﺣﻀﺮﺕ ﺷﯿﺦ ﺍﻟﮩﻨﺪ ﺭﺣﻤﺔ ﺍﻟﻠﻪ ﻋﻠﻴﻪ ﮐﺎ ﺟﻮﺍﺑﯽ ﺭﺩِّ ﻋﻤﻞ ﻣﻌﻠﻮﻡ
ﮐﺮﻧﮯ ﺳﮯ ﭘﮩﻠﮯ ﮨﻤﯿﮟ ﭼﺎﮨﯿﮯ ﮐﮧ ﺫﺭﺍ ﺩﯾﺮ ﮔﺮﯾﺒﺎﻥ ﻣﯿﮟ ﻣﻨﮧ ﮈﺍﻝ
ﮐﺮ ﺳﻮﭼﯿﮟ ﮐﮧ ﺍﮔﺮ ﺍُﻥ ﮐﯽ ﺟﮕﮧ ﮨﻢ ﮨﻮﺗﮯ ﺗﻮ ﮐﯿﺎ ﮐﺮﺗﮯ؟ ﺗﺮﺟﻤﮧ
ﺻﺤﯿﺢ ﺗﮭﺎ ﺍﻭﺭ ﺍُﻥ ﺻﺎﺣﺐ ﮐﺎﺍﻧﺪﺍﺯِ ﺑﯿﺎﻥ ﺗﻮﮨﯿﻦ ﺁﻣﯿﺰ ﮨﯽ ﻧﮩﯿﮟ،
ﺍﺷﺘﻌﺎﻝ ﺍﻧﮕﯿﺰ ﺑﮭﯽ ﺗﮭﺎ۔ ﻟﯿﮑﻦ ﺍﺱ ﺷﯿﺦ ﻭﻗﺖ ﮐﺎ ﻃﺮﺯِ ﻋﻤﻞ
ﺳﻨﯿﮯ، ﺣﻀﺮﺕ ﺗﮭﺎﻧﻮﯼ ﺭﺣﻤﺔ ﺍﻟﻠﻪ ﻋﻠﻴﻪ ﻓﺮﻣﺎﺗﮯ ﮨﯿﮟ ﮐﮧ ﯾﮧ ﺳﻦ
ﮐﺮ :
”ﻣﻮﻻﻧﺎ ﻓﻮﺭﺍً ﺑﯿﭩﮫ ﮔﺌﮯ ﺍﻭﺭ ﻓﺮﻣﺎﯾﺎﮐﮧ ﻣﯿﮟ ﺗﻮ ﭘﮩﻠﮯ ﮨﯽ ﮐﮩﺘﺎﺗﮭﺎ
ﮐﮧ ﻣﺠﮭﮯ ﻭﻋﻆ ﮐﯽ ﻟﯿﺎﻗﺖ ﻧﮩﯿﮟ ﮨﮯ ﻣﮕﺮ ﺍﻥ ﻟﻮﮔﻮﮞ ﻧﮯ ﻧﮩﯿﮟ
ﻣﺎﻧﺎ۔ ﺧﯿﺮ ﺍﺏ ﻣﯿﺮﮮ ﭘﺎﺱ ﻋﺬﺭ ﮐﯽ ﺩﻟﯿﻞ ﺑﮭﯽ ﮨﻮﮔﺌﯽ، ﯾﻌﻨﯽ ﺁﭖ
ﮐﯽ ﺷﮩﺎﺩﺕ۔ “
ﭼﻨﺎﻧﭽﮧ ﻭﻋﻆ ﺗﻮ ﭘﮩﻠﮯ ﮨﯽ ﻣﺮﺣﻠﮯ ﭘﺮ ﺧﺘﻢ ﻓﺮﻣﺎﺩﯾﺎ، ﺍﺱ ﮐﮯ ﺑﻌﺪ
ﺍُﻥ ﻋﺎﻟﻢ ﺻﺎﺣﺐ ﺳﮯ ﺑﻄﺮﺯِ ﺍﺳﺘﻔﺎﺩﮦ ﭘﻮﭼﮭﺎ ﮐﮧ ” ﻏﻠﻄﯽ ﮐﯿﺎ ﮨﮯ؟
ﺗﺎﮐﮧ ﺁﺋﻨﺪﮦ ﺑﭽﻮﮞ “ ﺍﻧﮭﻮﮞ ﻧﮯ ﻓﺮﻣﺎﯾﺎ ﮐﮧ ﺃﺷﺪّ ﮐﺎﺗﺮﺟﻤﮧ ﺃﺛﻘﻞ
(ﺯﯾﺎﺩﮦ ﺑﮭﺎﺭﯼ) ﻧﮩﯿﮟ ﺑﻠﮑﮧ ﺃﺿﺮّ (ﺯﯾﺎﺩﮦ ﻧﻘﺼﺎﻥ ﺩﮦ) ﮐﺎ ﺁﺗﺎ ﮨﮯ۔ “
ﻣﻮﻻﻧﺎ ﺭﺣﻤﺔ ﺍﻟﻠﻪ ﻋﻠﻴﻪ ﻧﮯ ﺑﺮﺟﺴﺘﮧ ﻓﺮﻣﺎﯾﺎ ﮐﮧ ” ﺣﺪﯾﺚ ﻭﺣﯽ ﻣﯿﮟ
ﮨﮯ ﯾﺎﺗﯿﻨﯽ ﻣﺜﻞ ﺻﻠﺼﻠﺔ ﺍﻟﺠﺮﺱ ﻭﮨﻮ ﺃﺷﺪّ ﻋﻠﯽّ “ (ﮐﺒﮭﯽ ﻣﺠﮫ ﭘﺮ
ﻭﺣﯽ ﮔﮭﻨﭩﯿﻮﮞ ﮐﯽ ﺁﻭﺍﺯ ﮐﯽ ﻃﺮﺡ ﺁﺗﯽ ﮨﮯ ﺍﻭﺭ ﻭﮦ ﻣﺠﮫ ﭘﺮ ﺳﺐ
ﺳﮯ ﺯﯾﺎﺩﮦ ﺑﮭﺎﺭﯼ ﮨﻮﺗﯽ ﮨﮯ) ﮐﯿﺎ ﯾﮩﺎﮞ ﺑﮭﯽ ﺃﺿﺮّ (ﺯﯾﺎﺩﮦ ﻧﻘﺼﺎﻥ
ﺩﮦ) ﮐﮯ ﻣﻌﻨﯽ ﮨﯿﮟ؟ ﺍﺱ ﭘﺮ ﻭﮦ ﺻﺎﺣﺐ ﺩﻡ ﺑﺨﻮﺩ ﺭﮦ ﮔﺌﮯ۔( ۵)
۴ - ﺣﮑﯿﻢ ﺍﻻﻣّﺖ ﺣﻀﺮﺕ ﻣﻮﻻﻧﺎ ﺍﺷﺮﻑ ﻋﻠﯽ ﺻﺎﺣﺐ ﺗﮭﺎﻧﻮﯼ ﺭﺣﻤﺔ
ﺍﻟﻠﻪ ﻋﻠﻴﻪ ﺟﺐ ﮐﺎﻧﭙﻮﺭ ﻣﯿﮟ ﻣﺪﺭﺱ ﺗﮭﮯ، ﺍﻧﮭﻮﮞ ﻧﮯ ﻣﺪﺭﺳﮧ ﮐﮯ
ﺟﻠﺴﮧ ﮐﮯ ﻣﻮﻗﻊ ﭘﺮ ﺍﭘﻨﮯ ﺍﺳﺘﺎﺫ ﺣﻀﺮﺕ ﺷﯿﺦ ﺍﻟﮩﻨﺪ ﺭﺣﻤﺔ ﺍﻟﻠﻪ
ﻋﻠﻴﻪ ﮐﻮ ﺑﮭﯽ ﻣﺪﻋﻮ ﮐﯿﺎ، ﮐﺎﻧﭙﻮﺭ ﻣﯿﮟ ﺑﻌﺾ ﺍﮨﻞ ﻋﻠﻢ ﻣﻌﻘﻮﻻﺕ ﮐﯽ
ﻣﮩﺎﺭﺕ ﻣﯿﮟ ﻣﻌﺮﻭﻑ ﺗﮭﮯ ﺍﻭﺭ ﮐﭽﮫ ﺑﺪﻋﺎﺕ ﮐﯽ ﻃﺮﻑ ﺑﮭﯽ ﻣﺎﺋﻞ
ﺗﮭﮯ۔ﺍﺩﮬﺮ ﻋﻠﻤﺎﺋﮯ ﺩﯾﻮﺑﻨﺪ ﮐﯽ ﺯﯾﺎﺩﮦ ﺗﻮﺟﮧ ﭼﻮﻧﮑﮧ ﺧﺎﻟﺺ ﺩﯾﻨﯽ
ﻋﻠﻮﻡ ﮐﯽ ﻃﺮﻑ ﺭﮨﺘﯽ ﺗﮭﯽ، ﺍﺱ ﻟﯿﮯ ﯾﮧ ﺣﻀﺮﺍﺕ ﯾﻮﮞ ﺳﻤﺠﮭﺘﮯ
ﺗﮭﮯ ﮐﮧ ﻋﻠﻤﺎﺋﮯ ﺩﯾﻮﺑﻨﺪ ﮐﻮ ﻣﻌﻘﻮﻻﺕ ﻣﯿﮟ ﮐﻮﺋﯽ ﺩﺭﮎ ﻧﮩﯿﮟ ﮨﮯ۔
ﺣﻀﺮﺕ ﺗﮭﺎﻧﻮﯼ ﺭﺣﻤﺔ ﺍﻟﻠﻪ ﻋﻠﻴﻪ ﺍُﺱ ﻭﻗﺖ ﻧﻮﺟﻮﺍﻥ ﺗﮭﮯ ﺍﻭﺭ ﺍُﻥ
ﮐﮯ ﺩﻝ ﻣﯿﮟ ﺣﻀﺮﺕ ﺷﯿﺦ ﺍﻟﮩﻨﺪ ﺭﺣﻤﺔ ﺍﻟﻠﻪ ﻋﻠﻴﻪ ﮐﻮ ﻣﺪﻋﻮ ﮐﺮﻧﮯ
ﮐﺎ ﺍﯾﮏ ﺩﺍﻋﯿﮧ ﯾﮧ ﺑﮭﯽ ﺗﮭﺎ ﮐﮧ ﯾﮩﺎﮞ ﺣﻀﺮﺕ ﺭﺣﻤﺔ ﺍﻟﻠﻪ ﻋﻠﻴﻪ ﮐﯽ
ﺗﻘﺮﯾﺮ ﮨﻮﮔﯽ ﺗﻮ ﮐﺎﻧﭙﻮﺭ ﮐﮯ ﺍﻥ ﻋﻠﻤﺎﺀ ﮐﻮ ﭘﺘﮧ ﭼﻠﮯ ﮔﺎ ﮐﮧ ﻋﻠﻤﺎﺋﮯ
ﺩﯾﻮﺑﻨﺪ ﮐﺎ ﻋﻠﻤﯽ ﻣﻘﺎﻡ ﮐﯿﺎ ﮨﮯ؟ ﺍﻭﺭ ﻭﮦ ﻣﻨﻘﻮﻻﺕ ﻭ ﻣﻌﻘﻮﻻﺕ
ﺩﻭﻧﻮﮞ ﻣﯿﮟ ﮐﯿﺴﯽ ﮐﺎﻣﻞ ﺩﺳﺘﮕﺎﮦ ﺭﮐﮭﺘﮯ ﮨﯿﮟ۔ ﭼﻨﺎﻧﭽﮧ ﺟﻠﺴﮧ
ﻣﻨﻌﻘﺪ ﮨﻮﺍ ﺍﻭﺭ ﺣﻀﺮﺕ ﺷﯿﺦ ﺍﻟﮩﻨﺪ ﺭﺣﻤﺔ ﺍﻟﻠﻪ ﻋﻠﻴﻪ ﮐﯽ ﺗﻘﺮﯾﺮ
ﺷﺮﻭﻉ ﮨﻮﺋﯽ، ﺣﺴﻦ ﺍﺗﻔﺎﻕ ﺳﮯ ﺗﻘﺮﯾﺮ ﮐﮯ ﺩﻭﺭﺍﻥ ﮐﻮﺋﯽ ﻣﻌﻘﻮﻟﯽ
ﻣﺴﺌﻠﮧ ﺯﯾﺮ ﺑﺤﺚ ﺁﮔﯿﺎ۔ ﺍﺱ ﻭﻗﺖ ﺗﮏ ﻭﮦ ﻋﻠﻤﺎﺀ ﺟﻦ ﮐﻮ ﺣﻀﺮﺕ
ﺗﮭﺎﻧﻮﯼ ﺭﺣﻤﺔ ﺍﻟﻠﻪ ﻋﻠﻴﻪ ﺷﯿﺦ ﺍﻟﮩﻨﺪ ﺭﺣﻤﺔ ﺍﻟﻠﻪ ﻋﻠﻴﻪ ﮐﯽ ﺗﻘﺮﯾﺮ
ﺳﻨﺎﻧﺎ ﭼﺎﮨﺘﮯ ﺗﮭﮯ، ﺟﻠﺴﮧ ﻣﯿﮟ ﻧﮩﯿﮞﺂ ﺋﮯ ﺗﮭﮯ۔ ﺟﺐ ﺣﻀﺮﺕ ﺭﺣﻤﺔ
ﺍﻟﻠﻪ ﻋﻠﻴﻪ ﮐﯽ ﺗﻘﺮﯾﺮ ﺷﺒﺎﺏ ﭘﺮ ﭘﮩﻨﭽﯽ ﺍﻭﺭ ﺍُﺱ ﻣﻌﻘﻮﻟﯽ ﻣﺴﺌﻠﮧ ﮐﺎ
ﺍﻧﺘﮩﺎﺋﯽ ﻓﺎﺿﻼﻧﮧ ﺑﯿﺎﻥ ﮨﻮﻧﮯ ﻟﮕﺎ ﺗﻮ ﻭﮦ ﻋﻠﻤﺎﺀ ﺗﺸﺮﯾﻒ ﻟﮯ ﺁﺋﮯ ﺟﻦ
ﮐﺎ ﺣﻀﺮﺕ ﺗﮭﺎﻧﻮﯼ ﺭﺣﻤﺔ ﺍﻟﻠﻪ ﻋﻠﻴﻪ ﮐﻮ ﺍﻧﺘﻈﺎﺭ ﺗﮭﺎ۔ ﺣﻀﺮﺕ
ﺗﮭﺎﻧﻮﯼ ﺭﺣﻤﺔ ﺍﻟﻠﻪ ﻋﻠﻴﻪ ﺍﺱ ﻣﻮﻗﻊ ﭘﺮ ﺑﮩﺖ ﻣﺴﺮﻭﺭ ﮨﻮﺋﮯ ﮐﮧ ﺍﺏ
ﺍﻥ ﺣﻀﺮﺍﺕ ﮐﻮ ﺷﯿﺦ ﺍﻟﮩﻨﺪ ﺭﺣﻤﺔ ﺍﻟﻠﻪ ﻋﻠﻴﻪ ﮐﮯ ﻋﻠﻤﯽ ﻣﻘﺎﻡ ﮐﺎ
ﺍﻧﺪﺍﺯﮦ ﮨﻮﮔﺎ۔ ﻟﯿﮑﻦ ﮨﻮﺍ ﯾﮧ ﮐﮧ ﺟﻮﻧﮩﯽ ﺣﻀﺮﺕ ﺷﯿﺦ ﺍﻟﮩﻨﺪ ﺭﺣﻤﺔ
ﺍﻟﻠﻪ ﻋﻠﻴﻪ ﻧﮯ ﺍُﻥ ﻋﻠﻤﺎﺀ ﮐﻮ ﺩﯾﮑﮭﺎ۔ ﺗﻘﺮﯾﺮ ﮐﻮ ﻣﺨﺘﺼﺮ ﮐﺮﮐﮯ ﻓﻮﺭﺍً
ﺧﺘﻢ ﮐﺮﺩﯾﺎ ﺍﻭﺭ ﺑﯿﭩﮫ ﮔﺌﮯ۔ ﺣﻀﺮﺕ ﻣﻮﻻﻧﺎ ﻓﺨﺮﺍﻟﺤﺴﻦ ﺻﺎﺣﺐ
ﮔﻨﮕﻮﮨﯽ ﺭﺣﻤﺔ ﺍﻟﻠﻪ ﻋﻠﻴﻪ ﻣﻮﺟﻮﺩ ﺗﮭﮯ، ﺍﻧﮭﻮﮞ ﻧﮯ ﯾﮧ ﺩﯾﮑﮭﺎ ﺗﻮ
ﺗﻌﺠﺐ ﺳﮯ ﭘﻮﭼﮭﺎ ﮐﮧ :
” ﺣﻀﺮﺕ! ﺍﺏ ﺗﻮ ﺗﻘﺮﯾﺮ ﮐﺎ ﺍﺻﻞ ﻭﻗﺖ ﺁﯾﺎ ﺗﮭﺎ، ﺁﭖ ﺑﯿﭩﮫ ﮐﯿﻮﮞ
ﮔﺌﮯ؟ “
ﺷﯿﺦ ﺍﻟﮩﻨﺪ ﺭﺣﻤﺔ ﺍﻟﻠﻪ ﻋﻠﻴﻪ ﻧﮯ ﺟﻮﺍﺏ ﺩﯾﺎ : ” ﮨﺎﮞ! ﺩﺭﺍﺻﻞ ﯾﮩﯽ
ﺧﯿﺎﻝ ﻣﺠﮭﮯ ﺑﮭﯽ ﺁﮔﯿﺎ ﺗﮭﺎ۔ “
ﺣﻀﺮﺕ ﻋﻠﯽ ﺭﺿﻰ ﺍﻟﻠﻪ ﺗﻌﺎﻟﻰ ﮐﺎ ﻭﺍﻗﻌﮧ ﻣﺸﮩﻮﺭ ﮨﮯ ﮐﮧ ﮐﺴﯽ
ﯾﮩﻮﺩﯼ ﻧﮯ ﺍﻥ ﮐﮯ ﺳﺎﻣﻨﮯ ﺁﻧﺤﻀﺮﺕ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﮐﯽ
ﺷﺎﻥ ﻣﯿﮟ ﮐﻮﺋﯽ ﮔﺴﺘﺎﺧﯽ ﮐﺮﺩﯼ ﺗﮭﯽ ﺗﻮ ﻭﮦ ﺍﺱ ﭘﺮ ﭼﮍﮪ ﺩﻭﮌﮮ
ﺍﻭﺭ ﺍُﺳﮯ ﺯﻣﯿﻦ ﭘﺮ ﮔﺮﺍﮐﺮ ﺍﺱ ﮐﮯ ﺳﯿﻨﮯ ﭘﺮ ﺳﻮﺍﺭ ﮨﻮﮔﺌﮯ۔
ﯾﮩﻮﺩﯼ ﻧﮯ ﺟﻮ ﺍﭘﻨﮯ ﺁﭖ ﮐﻮ ﺑﮯ ﺑﺲ ﭘﺎﯾﺎ ﺗﻮ ﮐﮭﺴﯿﺎﻧﺎ ﮨﻮﮐﺮ ﺍُﺱ
ﻧﮯ ﺣﻀﺮﺕ ﻋﻠﯽ ﺭﺿﻰ ﺍﻟﻠﻪ ﺗﻌﺎ ﻟﻰ ﻋﻨﻪ ﮐﮯ ﺭﻭﺋﮯ ﻣﺒﺎﺭﮎ ﭘﺮ
ﺗﮭﻮﮎ ﺩﯾﺎ۔ ﺩﯾﮑﮭﻨﮯ ﻭﺍﻟﻮﮞ ﻧﮯ ﺩﯾﮑﮭﺎ ﮐﮧ ﺣﻀﺮﺕ ﻋﻠﯽ ﺭﺿﻰ ﺍﻟﻠﻪ
ﺗﻌﺎ ﻟﻰ ﻋﻨﻪ ﺍُﺱ ﮐﻮ ﭼﮭﻮﮌ ﮐﺮ ﻓﻮﺭﺍً ﺍﻟﮓ ﮨﻮﮔﺌﮯ ﺍﻭﺭ ﭘﻮﭼﮭﻨﮯ ﭘﺮ
ﺑﺘﺎﯾﺎ ﮐﮧ ﻣﯿﮟ ﭘﮩﻠﮯ ﺁﻧﺤﻀﺮﺕ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ ﮐﯽ ﻣﺤﺒﺖ
ﮐﯽ ﺑﻨﺎﺀ ﭘﺮ ﺍﺱ ﯾﮩﻮﺩﯼ ﺳﮯ ﺍُﻟﺠﮭﺎﺗﮭﺎ۔ ﺍﮔﺮ ﺗﮭﻮﮐﻨﮯ ﮐﮯ ﺑﻌﺪ
ﮐﻮﺋﯽ ﺍﻭﺭ ﮐﺎﺭﺭﻭﺍﺋﯽ ﮐﺮﺗﺎ ﺗﻮ ﯾﮧ ﺍﭘﻨﮯ ﻧﻔﺲ ﮐﯽ ﻣﺪﺍﻓﻌﺖ ﮨﻮﺗﯽ۔
ﺣﻀﺮﺕ ﺷﯿﺦ ﺍﻟﮩﻨﺪ ﺭﺣﻤﺔ ﺍﻟﻠﻪ ﻋﻠﻴﻪ ﻧﮯ ﺍﭘﻨﮯ ﺍﺱ ﻋﻤﻞ ﺳﮯ
ﺣﻀﺮﺕ ﻋﻠﯽ ﺭﺿﻰ ﺍﻟﻠﻪ ﺗﻌﺎ ﻟﻰ ﻋﻨﻪ ﮐﯽ ﯾﮧ ﺳﻨﺖ ﺗﺎﺯﮦ ﻓﺮﻣﺎﺩﯼ۔
ﻣﻄﻠﺐ ﯾﮩﯽ ﺗﮭﺎ ﮐﮧ ﺍﺏ ﺗﮏ ﺗﻮ ﺗﻘﺮﯾﺮ ﻧﯿﮏ ﻧﯿﺘﯽ ﺳﮯ ﺧﺎﻟﺺ ﺍﻟﻠﮧ
ﮐﮯ ﻟﯿﮯ ﮨﻮﺭﮨﯽ ﺗﮭﯽ ﻟﯿﮑﻦ ﯾﮧ ﺧﯿﺎﻝ ﺁﻧﮯ ﮐﮯ ﺑﻌﺪ ﺍﭘﻨﺎ ﻋﻠﻢ
ﺟﺘﺎﻧﮯ ﮐﮯ ﻟﯿﮯ ﮨﻮﺗﯽ، ﺍﺱ ﻟﯿﮯ ﺍﺳﮯ ﺭﻭﮎ ﺩﯾﺎ۔( ۶)
۵ - ﻣﺪﺭﺳﮧ ﻣﻌﯿﻨﯿﮧ ﺍﺟﻤﯿﺮ ﮐﮯ ﻣﻌﺮﻭﻑ ﻋﺎﻟﻢ ﺣﻀﺮﺕ ﻣﻮﻻﻧﺎ
ﻣﺤﻤﺪﻣﻌﯿﻦ ﺍﻟﺪﯾﻦ ﺻﺎﺣﺐ ﻣﻌﻘﻮﻻﺕ ﮐﮯ ﻣﺴﻠّﻢ ﻋﺎﻟﻢ ﺗﮭﮯ۔ ﺍﻧﮭﻮﮞ
ﻧﮯ ﺷﯿﺦ ﺍﻟﮩﻨﺪ ﺣﻀﺮﺕ ﻣﻮﻻﻧﺎﻣﺤﻤﻮﺩ ﺣﺴﻦ ﺻﺎﺣﺐ ﻗﺪﺱ ﺳﺮﮦ ﮐﯽ
ﺷﮩﺮﺕ ﺳﻦ ﺭﮐﮭﯽ ﺗﮭﯽ، ﻣﻼﻗﺎﺕ ﮐﺎ ﺍﺷﺘﯿﺎﻕ ﭘﯿﺪﺍ ﮨﻮﺍ ﺗﻮ ﺍﯾﮏ
ﻣﺮﺗﺒﮧ ﺩﯾﻮﺑﻨﺪ ﺗﺸﺮﯾﻒ ﻻﺋﮯ ﺍﻭﺭ ﺣﻀﺮﺕ ﺷﯿﺦ ﺍﻟﮩﻨﺪ ﺭﺣﻤﺔ ﺍﻟﻠﻪ
ﻋﻠﻴﻪ ﮐﮯ ﻣﮑﺎﻥ ﭘﺮ ﭘﮩﻨﭻ ﮔﺌﮯ۔ ﮔﺮﻣﯽ ﮐﺎ ﻣﻮﺳﻢ ﺗﮭﺎ۔ ﻭﮨﺎﮞ ﺍﯾﮏ
ﺻﺎﺣﺐ ﺳﮯ ﻣﻼﻗﺎﺕ ﮨﻮﺋﯽ ﺟﻮ ﺻﺮﻑ ﺑﻨﯿﺎﻥ ﺍﻭﺭ ﺗﮩﺒﻨﺪ ﭘﮩﻨﮯ ﮨﻮﺋﮯ
ﺗﮭﮯ۔ ﻣﻮﻻﻧﺎ ﻣﻌﯿﻦ ﺍﻟﺪﯾﻦ ﺻﺎﺣﺐ ﺭﺣﻤﺔ ﺍﻟﻠﻪ ﻋﻠﻴﻪ ﻧﮯ ﺍُﻥ ﺳﮯ ﺍﭘﻨﺎ
ﺗﻌﺎﺭﻑ ﮐﺮﺍﯾﺎ ﺍﻭﺭ ﮐﮩﺎ ﮐﮧ ” ﻣﺠﮭﮯ ﺣﻀﺮﺕ ﻣﻮﻻﻧﺎ ﻣﺤﻤﻮﺩ ﺣﺴﻦ
ﺻﺎﺣﺐ ﺭﺣﻤﺔ ﺍﻟﻠﻪ ﻋﻠﻴﻪ ﺳﮯ ﻣﻠﻨﺎ ﮨﮯ “ ﻭﮦ ﺻﺎﺣﺐ ﺑﮍﮮ ﺗﭙﺎﮎ ﺳﮯ
ﻣﻮﻻﻧﺎ ﺍﺟﻤﯿﺮﯼ ﺭﺣﻤﺔ ﺍﻟﻠﻪ ﻋﻠﻴﻪ ﮐﻮ ﺍﻧﺪﺭ ﻟﮯ ﮔﺌﮯ، ﺁﺭﺍﻡ ﺳﮯ
ﺑﭩﮭﺎﯾﺎ ﺍﻭﺭ ﮐﮩﺎﮐﮧ ”ﺍﺑﮭﯽ ﻣﻼﻗﺎﺕ ﮨﻮﺟﺎﺗﯽ ﮨﮯ “ ﻣﻮﻻﻧﺎ ﺍﺟﻤﯿﺮﯼ
ﺭﺣﻤﺔ ﺍﻟﻠﻪ ﻋﻠﻴﻪ ﻣﻨﺘﻈﺮ ﺭﮨﮯ، ﺍﺗﻨﮯ ﻣﯿﮟ ﻭﮦ ﺷﺮﺑﺖ ﻟﮯ ﺁﺋﮯ ﺍﻭﺭ
ﻣﻮﻻﻧﺎ ﮐﻮ ﭘﻼﯾﺎ۔ ﺍﺱ ﮐﮯ ﺑﻌﺪ ﻣﻮﻻﻧﺎ ﺍﺟﻤﯿﺮﯼ ﻧﮯ ﮐﮩﺎ ﮐﮧ
” ﺣﻀﺮﺕ ﻣﻮﻻﻧﺎ ﻣﺤﻤﻮﺩ ﺣﺴﻦ ﺻﺎﺣﺐ ﮐﻮ ﺍﻃﻼﻉ ﺩﯾﺠﯿﮯ “ ﺍُﻥ ﺻﺎﺣﺐ
ﻧﮯ ﻓﺮﻣﺎﯾﺎ ” ﺁﭖ ﺑﮯ ﻓﮑﺮ ﺭﮨﯿﮟ ﺍﻭﺭﺁﺭﺍﻡ ﺳﮯ ﺗﺸﺮﯾﻒ ﺭﮐﮭﯿﮟ “
ﺗﮭﻮﮌﯼ ﺩﯾﺮ ﺑﻌﺪ ﻭﮦ ﺻﺎﺣﺐ ﮐﮭﺎﻧﺎ ﻟﮯ ﺁﺋﮯ ﺍﻭﺭ ﮐﮭﺎﻧﮯ ﭘﺮ ﺍﺻﺮﺍﺭ
ﮐﯿﺎ، ﻣﻮﻻﻧﺎ ﺍﺟﻤﯿﺮﯼ ﺭﺣﻤﺔ ﺍﻟﻠﻪ ﻋﻠﻴﻪ ﻧﮯ ﮐﮩﺎ ﮐﮧ ” ﻣﯿﮟ ﻣﻮﻻﻧﺎ
ﻣﺤﻤﻮﺩ ﺣﺴﻦ ﺻﺎﺣﺐ ﺳﮯ ﻣﻠﻨﮯ ﺁﯾﺎ ﮨﻮﮞ، ﺁﭖ ﺍُﻧﮭﯿﮟ ﺍﻃﻼﻉ
ﮐﺮﺩﯾﺠﯿﮯ “۔ ﺍﻥ ﺻﺎﺣﺐ ﻧﮯ ﻓﺮﻣﺎﯾﺎ ” ﺍُﻧﮭﯿﮟ ﺍﻃﻼﻉ ﮨﻮﮔﺌﯽ ﮨﮯ ﺁﭖ
ﮐﮭﺎﻧﺎ ﺗﻨﺎﻭﻝ ﻓﺮﻣﺎﺋﯿﮟ ﺍﺑﮭﯽ ﻣﻼﻗﺎﺕ ﮨﻮﺟﺎﺗﯽ ﮨﮯ “ ﻣﻮﻻﻧﺎ ﺍﺟﻤﯿﺮﯼ
ﺭﺣﻤﺔ ﺍﻟﻠﻪ ﻋﻠﻴﻪ ﻧﮯ ﮐﮭﺎﻧﺎ ﮐﮭﺎﻟﯿﺎ ﺗﻮ ﺍُﻥ ﺻﺎﺣﺐ ﻧﮯ ﺍُﻧﮭﯿﮟ ﭘﻨﮑﮭﺎ
ﺟﮭﻠﻨﺎﺷﺮﻭﻉ ﮐﺮﺩﯾﺎ۔ ﺟﺐ ﺩﯾﺮ ﮔﺰﺭﮔﺌﯽ ﺗﻮ ﻣﻮﻻﻧﺎ ﺍﺟﻤﯿﺮﯼ ﺭﺣﻤﺔ
ﺍﻟﻠﻪ ﻋﻠﻴﻪ ﺑﺮﮨﻢ ﮨﻮﮔﺌﮯ ﺍﻭﺭ ﻓﺮﻣﺎﯾﺎ ﮐﮧ ﺁﭖ ﻣﯿﺮﺍﻭﻗﺖ ﺿﺎﺋﻊ ﮐﺮﺭﮨﮯ
ﮨﯿﮟ، ﻣﯿﮟ ﻣﻮﻻﻧﺎ ﺳﮯ ﻣﻠﻨﮯ ﺁﯾﺎﺗﮭﺎ ﺍﻭﺭﺍﺗﻨﯽ ﺩﯾﺮ ﮨﻮﭼﮑﯽ ﮨﮯ،
ﺍﺑﮭﯽ ﺗﮏ ﺁﭖ ﻧﮯ ﺍُﻥ ﺳﮯ ﻣﻼﻗﺎﺕ ﻧﮩﯿﮟ ﮐﺮﺍﺋﯽ۔ ﺍﺱ ﭘﺮ ﻭﮦ ﺻﺎﺣﺐ
ﺑﻮﻟﮯ ﮐﮧ :
” ﺩﺭﺍﺻﻞ ﺑﺎﺕ ﯾﮧ ﮨﮯ ﮐﮧ ﯾﮩﺎﮞ ﻣﻮﻻﻧﺎ ﺗﻮ ﮐﻮﺋﯽ ﻧﮩﯿﮟ۔ ﺍﻟﺒﺘﮧ ﻣﺤﻤﻮﺩ
ﺧﺎﮐﺴﺎﺭ ﮨﯽ ﮐﺎ ﻧﺎﻡ ﮨﮯ۔ “
ﻣﻮﻻﻧﺎ ﻣﻌﯿﻦ ﺍﻟﺪﯾﻦ ﺻﺎﺣﺐ ﯾﮧ ﺳﻦ ﮐﺮ ﮨﮑﺎ ﺑﮑﺎ ﺭﮦ ﮔﺌﮯ ﺍﻭﺭ ﭘﺘﮧ
ﭼﻞ ﮔﯿﺎ ﮐﮧ ﺣﻀﺮﺕ ﺷﯿﺦ ﺍﻟﮩﻨﺪ ﺭﺣﻤﺔ ﺍﻟﻠﻪ ﻋﻠﻴﻪ ﮐﯿﺎ ﭼﯿﺰ
ﮨﯿﮟ؟ )“ ۷)
۶ - ﺍﻣﺎﻡ ﺍﻟﻌﺼﺮ ﺣﻀﺮﺕ ﻋﻼﻣﮧ ﺳﯿﺪ ﻣﺤﻤﺪ ﺍﻧﻮﺭ ﺷﺎﮦ ﺻﺎﺣﺐ
ﮐﺸﻤﯿﺮﯼ ﺭﺣﻤﺔ ﺍﻟﻠﮧ ﻋﻠﯿﮧ ﻋﻠﻢ ﻭﻓﻀﻞ ﻣﯿﮟ ﯾﮑﺘﺎﺋﮯ ﺭﻭﺯﮔﺎﺭ ﺗﮭﮯ۔
ﺣﮑﯿﻢ ﺍﻻﻣﺖ ﺣﻀﺮﺕ ﻣﻮﻻﻧﺎ ﺍﺷﺮﻑ ﻋﻠﯽ ﺻﺎﺣﺐ ﺗﮭﺎﻧﻮﯼ ﺭﺣﻤﺔ ﺍﻟﻠﻪ
ﻋﻠﻴﻪ ﻧﮯ ﺍﭘﻨﯽ ﺍﯾﮏ ﻣﺠﻠﺲ ﻣﯿﮟ ﻧﻘﻞ ﮐﯿﺎ ﮐﮧ ﺍﯾﮏ ﻋﯿﺴﺎﺋﯽ
ﻓﯿﻠﺴﻮﻑ ﻧﮯ ﻟﮑﮭﺎ ﮨﮯ ﮐﮧ ” ﺍﺳﻼﻡ ﮐﯽ ﺣﻘﺎﻧﯿﺖ ﮐﯽ ﺍﯾﮏ ﺩﻟﯿﻞ ﯾﮧ
ﮨﮯ ﮐﮧ ﻏﺰﺍﻟﯽ ﺭﺣﻤﺔ ﺍﻟﻠﻪ ﻋﻠﻴﻪ ﺟﯿﺴﺎ ﻣﺤﻘﻖ ﺍﻭﺭ ﻣﺪﻗﻖ ﺍﺳﻼﻡ ﮐﻮ
ﺣﻖ ﺳﻤﺠﮭﺘﺎ ﮨﮯ۔ “ ﯾﮧ ﻭﺍﻗﻌﮧ ﺑﯿﺎﻥ ﮐﺮﮐﮯ ﺣﮑﯿﻢ ﺍﻻﻣﺖ ﺭﺣﻤﺔ ﺍﻟﻠﻪ
ﻋﻠﻴﻪ ﻧﮯ ﻓﺮﻣﺎﯾﺎ : ” ﻣﯿﮟ ﮐﮩﺘﺎ ﮨﻮﮞ ﮐﮧ ﻣﯿﺮﮮ ﺯﻣﺎﻧﮧ ﻣﯿﮟ ﻣﻮﻻﻧﺎ
ﺍﻧﻮﺭ ﺷﺎﮦ ﺻﺎﺣﺐ ﮐﺎ ﻭﺟﻮﺩ ﺍﺳﻼﻡ ﮐﯽ ﺣﻘﺎﻧﯿﺖ ﮐﯽ ﺩﻟﯿﻞ ﮨﮯ ﮐﮧ
ﺍﯾﺴﺎ ﻣﺤﻘﻖ ﺍﻭﺭ ﻣﺪﻗﻖ ﻋﺎﻟﻢ ﺍﺳﻼﻡ ﮐﻮ ﺣﻖ ﺳﻤﺠﮭﺘﺎ ﮨﮯ ﺍﻭﺭ ﺍﺱ
ﭘﺮ ﺍﯾﻤﺎﻥ ﺭﮐﮭﺘﺎ ﮨﮯ۔ )“ ۸)
ﺍﻧﮩﯽ ﺣﻀﺮﺕ ﺷﺎﮦ ﺻﺎﺣﺐ ﺭﺣﻤﺔ ﺍﻟﻠﻪ ﻋﻠﻴﻪ ﮐﺎ ﻭﺍﻗﻌﮧ ﺣﻀﺮﺕ ﻣﻮﻻﻧﺎ
ﻣﺤﻤﺪ ﺍﻧﻮﺭﯼ ﺻﺎﺣﺐ ﺭﺣﻤﺔ ﺍﻟﻠﻪ ﻋﻠﻴﻪ ﺑﯿﺎﻥ ﻓﺮﻣﺎﺗﮯ ﮨﯿﮟ ﮐﮧ ﻣﻘﺪﻣﮧ
ﺑﮭﺎﻭﻟﭙﻮﺭ ﮐﮯ ﻣﻮﻗﻊ ﭘﺮ ﺟﺐ ﺣﻀﺮﺕ ﺷﺎﮦ ﺻﺎﺣﺐ ﺭﺣﻤﺔ ﺍﻟﻠﻪ ﻋﻠﻴﻪ
ﻧﮯ ﻗﺎﺩﯾﺎﻧﯿﻮﮞ ﮐﮯ ﮐﻔﺮ ﭘﺮ ﺑﮯ ﻧﻈﯿﺮ ﺗﻘﺮﯾﺮ ﻓﺮﻣﺎﺋﯽ ﺍﻭﺭﺍﺱ ﻣﯿﮟ
ﯾﮧ ﺑﮭﯽ ﻓﺮﻣﺎﯾﺎﮐﮧ ” ﺟﻮ ﭼﯿﺰ ﺩﯾﻦ ﻣﯿﮟ ﺗﻮﺍﺗﺮ ﺳﮯ ﺛﺎﺑﺖ ﮨﻮ ﺍُﺱ ﮐﺎ
ﻣﻨﮑﺮﮐﺎﻓﺮ ﮨﮯ “ ﺗﻮ ﻗﺎﺩﯾﺎﻧﯿﻮﮞ ﮐﮯ ﮔﻮﺍﮦ ﻧﮯ ﺍﺱ ﭘﺮ ﺍﻋﺘﺮﺍﺽ ﮐﯿﺎ :
” ﺁﭖ ﮐﻮ ﭼﺎﮨﯿﮯ ﮐﮧ ﺍﻣﺎﻡ ﺭﺍﺯﯼ ﺭﺣﻤﺔ ﺍﻟﻠﻪ ﻋﻠﻴﻪ ﭘﺮ ﮐﻔﺮ ﮐﺎ ﻓﺘﻮﯼٰ
ﺩﯾﮟ ﮐﯿﻮﻧﮑﮧ ﻓﻮﺍﺗﺢ ﺍﻟﺮﺣﻤﻮﺕ ﺷﺮﺡ ﻣﺴﻠﻢ ﺍﻟﺜﺒﻮﺕ ﻣﯿﮟ ﻋﻼﻣﮧ
ﺑﺤﺮﺍﻟﻌﻠﻮﻡ ﺭﺣﻤﺔ ﺍﻟﻠﻪ ﻋﻠﻴﻪ ﻧﮯ ﻟﮑﮭﺎ ﮨﮯ ﮐﮧ ﺍﻣﺎﻡ ﺭﺍﺯﯼ ﺭﺣﻤﺔ
ﺍﻟﻠﻪ ﻋﻠﻴﻪ ﻧﮯ ﻣﺘﻮﺍﺗﺮ ﻣﻌﻨﻮﯼ ﺍﻧﮑﺎﺭ ﮐﯿﺎﮨﮯ۔ “
ﺍﺱ ﻭﻗﺖ ﺑﮍﮮ ﺑﮍﮮ ﻋﻠﻤﺎﺀ ﮐﺎ ﻣﺠﻤﻊ ﺗﮭﺎ، ﺳﺐ ﮐﻮ ﭘﺮﯾﺸﺎﻧﯽ ﮨﻮﺋﯽ
ﮐﮧ ﻓﻮﺍﺗﺢ ﺍﻟﺮﺣﻤﻮﺕ ﺍﺱ ﻭﻗﺖ ﭘﺎﺱ ﻧﮩﯿﮟ ﮨﮯ، ﺍﺱ ﺍﻋﺘﺮﺍﺽ ﮐﺎ
ﺟﻮﺍﺏ ﮐﺲ ﻃﺮﺡ ﺩﯾﺎ ﺟﺎﺋﮯ؟ ﻣﻮﻻﻧﺎ ﻣﺤﻤﺪ ﺍﻧﻮﺭﯼ ﺭﺣﻤﺔ ﺍﻟﻠﻪ ﻋﻠﻴﻪ
ﺟﻮ ﺍﺱ ﻭﺍﻗﻌﮯ ﮐﮯ ﻭﻗﺖ ﻣﻮﺟﻮﺩ ﺗﮭﮯ، ﻓﺮﻣﺎﺗﮯ ﮨﯿﮟ :
” ﮨﻤﺎﺭﮮ ﭘﺎﺱ ﺍﺗﻔﺎﻕ ﺳﮯ ﻭﮦ ﮐﺘﺎﺏ ﻧﮧ ﺗﮭﯽ۔ ﻣﻮﻻﻧﺎ ﻋﺒﺪﺍﻟﻠﻄﯿﻒ
ﺻﺎﺣﺐ ﻧﺎﻇﻢ ﻣﻈﺎﮨﺮ ﺍﻟﻌﻠﻮﻡ ﺳﮩﺎﺭﻧﭙﻮﺭ ﺍﻭﺭ ﻣﻮﻻﻧﺎ ﻣﺮﺗﻀﯽ ﺣﺴﻦ
ﺻﺎﺣﺐ ﺭﺣﻤﺔ ﺍﻟﻠﻪ ﻋﻠﻴﻪ ﺣﯿﺮﺍﻥ ﺗﮭﮯ ﮐﮧ ﮐﯿﺎ ﺟﻮﺍﺏ ﺩﯾﮟ ﮔﮯ؟ “
ﻟﯿﮑﻦ ﺍﺳﯽ ﺣﯿﺮﺍﻧﯽ ﮐﮯ ﻋﺎﻟﻢ ﻣﯿﮟ ﺣﻀﺮﺕ ﺷﺎﮦ ﺻﺎﺣﺐ ﺭﺣﻤﺔ ﺍﻟﻠﻪ
ﻋﻠﻴﻪ ﮐﯽ ﺁﻭﺍﺯ ﮔﻮﻧﺠﯽ : ”ﺟﺞ ﺻﺎﺣﺐ! ﻟﮑﮭﯿﮯ، ﻣﯿﮟ ﻧﮯ ﺑﺘﯿﺲ
ﺳﺎﻝ ﮨﻮﺋﮯ، ﯾﮧ ﮐﺘﺎﺏ ﺩﯾﮑﮭﯽ ﺗﮭﯽ، ﺍﺏ ﮨﻤﺎﺭﮮ ﭘﺎﺱ ﯾﮧ ﮐﺘﺎﺏ
ﻧﮩﯿﮟ ﮨﮯ۔ ﺍﻣﺎﻡ ﺭﺍﺯﯼ ﺭﺣﻤﺔ ﺍﻟﻠﻪ ﻋﻠﻴﻪ ﺩﺭﺍﺻﻞ ﯾﮧ ﻓﺮﻣﺎﺗﮯ ﮨﯿﮟ ﮐﮧ
ﺣﺪﯾﺚ ﻻﺗﺠﺘﻤﻊ ﺍﻣﺘﯽ ﻋﻠﯽ ﺍﻟﻀﻼﻟﺔ ﺗﻮﺍﺗﺮ ﻣﻌﻨﻮﯼ ﮐﮯ ﺭُﺗﺒﮯ ﮐﻮ
ﻧﮩﯿﮟ ﭘﮩﻨﭽﯽ، ﻟﮩٰﺬﺍ ﺍﻧﮭﻮﮞ ﻧﮯ ﺍﺱ ﺣﺪﯾﺚ ﮐﮯ ﻣﺘﻮﺍﺗﺮ ﻣﻌﻨﻮﯼ
ﮨﻮﻧﮯ ﮐﺎ ﺍﻧﮑﺎﺭ ﻓﺮﻣﺎﯾﺎﮨﮯ، ﻧﮧ ﮐﮧ ﺗﻮﺍﺗﺮ ﻣﻌﻨﻮﯼ ﮐﮯ ﺣﺠﺖ ﮨﻮﻧﮯ
ﮐﺎ۔ ﺍﻥ ﺻﺎﺣﺐ ﻧﮯ ﺣﻮﺍﻟﮧ ﭘﯿﺶ ﮐﺮﻧﮯ ﻣﯿﮟ ﺩﮬﻮﮐﮯ ﺳﮯ ﮐﺎﻡ ﻟﯿﺎ
ﮨﮯ۔ ﺍﻥ ﮐﻮ ﮐﮩﻮ ﮐﮧ ﻋﺒﺎﺭﺕ ﭘﮍﮬﯿﮟ۔ ﻭﺭﻧﮧ ﻣﯿﮟ ﺍﻥ ﺳﮯ ﮐﺘﺎﺏ ﻟﮯ
ﮐﺮ ﻋﺒﺎﺭﺕ ﭘﮍﮬﺘﺎ ﮨﻮﮞ۔ “
ﭼﻨﺎﻧﭽﮧ ﻗﺎﺩﯾﺎﻧﯽ ﺷﺎﮨﺪ ﻧﮯ ﻋﺒﺎﺭﺕ ﭘﮍﮬﯽ۔ ﻭﺍﻗﻌﯽ ﺍﺱ ﮐﺎ ﻣﻔﮩﻮﻡ
ﻭﮨﯽ ﺗﮭﺎ ﺟﻮ ﺣﻀﺮﺕ ﺷﺎﮦ ﺻﺎﺣﺐ ﺭﺣﻤﺔ ﺍﻟﻠﻪ ﻋﻠﻴﻪ ﻧﮯ ﺑﯿﺎﻥ ﻓﺮﻣﺎﯾﺎ۔
ﻣﺠﻤﻊ ﭘﺮ ﺳﮑﺘﮧ ﻃﺎﺭﯼ ﮨﻮﮔﯿﺎ ﺍﻭﺭ ﺣﻀﺮﺕ ﺷﺎﮦ ﺻﺎﺣﺐ ﺭﺣﻤﺔ ﺍﻟﻠﻪ
ﻋﻠﻴﻪ ﻧﮯ ﻓﺮﻣﺎﯾﺎ :
” ﺟﺞ ﺻﺎﺣﺐ! ﯾﮧ ﺻﺎﺣﺐ ﮨﻤﯿﮟ ﻣُﻔﺤﻢ (ﻻﺟﻮﺍﺏ) ﮐﺮﻧﺎ ﭼﺎﮨﺘﮯ ﮨﯿﮟ۔
ﻣﯿﮟ ﭼﻮﻧﮑﮧ ﻃﺎﻟﺐ ﻋﻠﻢ ﮨﻮﮞ، ﻣﯿﮟ ﻧﮯ ﺩﻭﭼﺎﺭ ﮐﺘﺎﺑﯿﮟ ﺩﯾﮑﮫ ﺭﮐﮭﯽ
ﮨﯿﮟ، ﻣﯿﮟ ﺍﻥ ﺷﺎﺀ ﺍﻟﻠﮧ ﻣُﻔﺤﻢ ﻧﮩﯿﮟ ﮨﻮﻧﮯ ﮐﺎ۔ )“ ۹)
ﺍﯾﮏ ﻃﺮﻑ ﻋﻠﻢ ﻭﻓﻀﻞ ﺍﻭﺭ ﻗﻮﺕ ﺣﺎﻓﻈﮧ ﮐﺎ ﯾﮧ ﻣﺤﯿﺮﺍﻟﻌﻘﻮﻝ
ﮐﺎﺭﻧﺎﻣﮧ ﺩﯾﮑﮭﯿﮯ ﮐﮧ ﺑﺘﯿﺲ ﺳﺎﻝ ﭘﮩﻠﮯ ﺩﯾﮑﮭﯽ ﮨﻮﺋﯽ ﮐﺘﺎﺏ ﮐﺎ
ﺍﯾﮏ ﺟﺰﻭﯼ ﺣﻮﺍﻟﮧ ﮐﺘﻨﯽ ﺟﺰﺭﺳﯽ ﮐﮯ ﺳﺎﺗﮫ ﯾﺎﺩ ﺭﮨﺎ، ﺩﻭﺳﺮﯼ
ﻃﺮﻑ ﺍﺱ ﻣﻮﻗﻊ ﭘﺮ ﮐﻮﺋﯽ ﺍﻭﺭ ﮨﻮﺗﺎ ﺗﻮ ﻧﮧ ﺟﺎﻧﮯ ﮐﺘﻨﮯ ﺑﻠﻨﺪ ﺑﺎﻧﮓ
ﺩﻋﻮﮮ ﮐﺮﺗﺎ، ﻟﯿﮑﻦ ﺧﻂ ﮐﺸﯿﺪﮦ ﺟﻤﻠﮧ ﻣﻼﺣﻈﮧ ﻓﺮﻣﺎﺋﯿﮯ ﮐﮧ ﻭﮦ
ﺗﻮﺍﺿﻊ ﮐﮯ ﮐﺲ ﻣﻘﺎﻡ ﮐﯽ ﻏﻤﺎﺯﯼ ﮐﺮﺭﮨﺎ ﮨﮯ؟ ﺍﻭﺭ ﯾﮧ ﻣﺤﺾ ﻟﻔﻆ
ﮨﯽ ﻧﮩﯿﮟ ﮨﯿﮟ، ﻭﮦ ﻭﺍﻗﻌﺘﺎ ﺍﭘﻨﮯ ﺗﻤﺎﻡ ﮐﻤﺎﻻﺕ ﮐﮯ ﺑﺎﻭﺻﻒ ﺍﭘﻨﮯ ﺁﭖ
ﮐﻮ ﺍﯾﮏ ﻣﻌﻤﻮﻟﯽ ﻃﺎﻟﺐ ﻋﻠﻢ ﺳﻤﺠﮭﺘﮯ ﺗﮭﮯ ﺍﻭﺭﺍﺱ ﺩﻋﺎﺋﮯ ﻧﺒﻮﯼ
ﮐﮯ ﻣﻈﮩﺮ ﺗﮭﮯ ﮐﮧ ﺍﻟﻠّٰﮩﻢ ﺍﺟﻌﻠﻨﯽ ﻓﯽ ﻋﯿﻨﯽ ﺻﻐﯿﺮﺍ ﻭﻓﯽ ﺃﻋﯿﻦ
ﺍﻟﻨّﺎﺱ ﮐﺒﯿﺮﺍ .
۶ - ﺣﻀﺮﺕ ﻣﻮﻻﻧﺎ ﻣﺤﻤﺪ ﺍﻧﻮﺭﯼ ﺭﺣﻤﺔ ﺍﻟﻠﻪ ﻋﻠﻴﻪ ﮨﯽ ﺭﺍﻭﯼ ﮨﯿﮟ ﮐﮧ
ﺍﯾﮏ ﺩﻓﻌﮧ ﺣﻀﺮﺕ ﺷﺎﮦ ﺻﺎﺣﺐ ﺭﺣﻤﺔ ﺍﻟﻠﻪ ﻋﻠﻴﻪ ﮐﺸﻤﯿﺮ ﺗﺸﺮﯾﻒ ﻟﮯ
ﺟﺎﺭﮨﮯ ﺗﮭﮯ، ﺑﺲ ﮐﮯ ﺍﻧﺘﻈﺎﺭ ﻣﯿﮟ ﺳﯿﺎﻟﮑﻮﭦ ﺍﮈّﮮ ﭘﺮﺗﺸﺮﯾﻒ
ﻓﺮﻣﺎﺗﮭﮯ، ﺍﯾﮏ ﭘﺎﺩﺭﯼ ﺁﯾﺎ ﺍﻭﺭ ﮐﮩﻨﮯ ﻟﮕﺎ ﮐﮧ ﺁﭖ ﮐﮯ ﭼﮩﺮﮮ ﺳﮯ
ﯾﮧ ﻣﻌﻠﻮﻡ ﮨﻮﺗﺎ ﮨﮯ ﮐﮧ ﺁﭖ ﻣﺴﻠﻤﺎﻧﻮﮞ ﮐﮯ ﺑﮍﮮ ﻋﺎﻟﻢ ﺩﯾﻦ ﮨﯿﮟ۔
ﻓﺮﻣﺎﯾﺎ ” ﻧﮩﯿﮟ! ﻣﯿﮟ ﻃﺎﻟﺐ ﻋﻠﻢ ﮨﻮﮞ “ ﺍﺱ ﻧﮯ ﮐﮩﺎ ” ﺁ ﭖ ﮐﻮ
ﺍﺳﻼﻡ ﮐﮯ ﻣﺘﻌﻠﻖ ﻋﻠﻢ ﮨﮯ؟ “ ﻓﺮﻣﺎﯾﺎ ” ﮐﭽﮫ ﮐﭽﮫ “ ﭘﮭﺮ ﺍُﻥ ﮐﯽ
ﺻﻠﯿﺐ ﮐﮯ ﻣﺘﻌﻠﻖ ﻓﺮﻣﺎﯾﺎﮐﮧ ” ﺗﻢ ﻏﻠﻂ ﺳﻤﺠﮭﮯ ﮨﻮ۔ ﺍﺱ ﮐﯽ ﯾﮧ
ﺷﮑﻞ ﻧﮩﯿﮟ ﮨﮯ۔ “ ﭘﮭﺮ ﻧﺒﯽ ﮐﺮﯾﻢ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ ﮐﯽ
ﻧﺒﻮﺕ ﭘﺮ ﭼﺎﻟﯿﺲ ﺩﻻﺋﻞ ﺩﯾﮯ۔ ﺩﺱ ﻗﺮﺁﻥ ﺳﮯ ﺩﺱ ﺗﻮﺭﺍﺕ
ﺳﮯ،ﺩﺱ ﺍﻧﺠﯿﻞ ﺳﮯ ﺍﻭﺭ ﺩﺱ ﻋﻘﻠﯽ۔ ﻭﮦ ﭘﺎﺩﺭﯼ ﺁﭖ ﮐﯽ ﺗﻘﺮﯾﺮ
ﺳﻦ ﮐﺮ ﮐﮩﻨﮯ ﻟﮕﺎ ﮐﮧ ﺍﮔﺮ ﻣﺠﮭﮯ ﺍﭘﻨﮯ ﻣﻔﺎﺩﺍﺕ ﮐﺎ ﺧﯿﺎﻝ ﻧﮧ
ﮨﻮﺗﺎﺗﻮ ﻣﯿﮟ ﻣﺴﻠﻤﺎﻥ ﮨﻮﺟﺎﺗﺎ، ﻧﯿﺰ ﯾﮧ ﮐﮧ ﻣﺠﮭﮯ ﺧﻮﺩ ﺍﭘﻨﮯ ﻣﺬﮨﺐ
ﮐﯽ ﺑﮩﺖ ﺳﯽ ﺑﺎﺗﯿﮟ ﺁﭖ ﺳﮯ ﻣﻌﻠﻮﻡ ﮨﻮﺋﯿﮟ۔( ۱۰)
۷ - ﺍﺣﻘﺮ ﮐﮯ ﻭﺍﻟﺪ ﻣﺎﺟﺪ ﺣﻀﺮﺕ ﻣﻮﻻﻧﺎ ﻣﻔﺘﯽ ﻣﺤﻤﺪ ﺷﻔﯿﻊ ﺻﺎﺣﺐ
ﻣﺪﻇﻠﮩﻢ ﻧﮯ ﺑﺎﺭ ﺑﺎﺭ ﯾﮧ ﻭﺍﻗﻌﮧ ﺑﯿﺎﻥ ﻓﺮﻣﺎﯾﺎ ﮐﮧ ﺟﺐ ﻣﯿﮟ ﺩﺍﺭﺍﻟﻌﻠﻮﻡ
ﺩﯾﻮﺑﻨﺪ ﻣﯿﮟ ﻣﻼّﺣﺴﻦ ﭘﮍﮬﺎﺗﺎ ﺗﮭﺎ ﺗﻮ ﺍﯾﮏ ﺭﻭﺯ ﺍﺱ ﮐﯽ ﻋﺒﺎﺭﺕ ﭘﺮ
ﮐﭽﮫ ﺷﺒﮧ ﮨﻮﺍ ﺟﻮ ﺣﻞ ﻧﮩﯿﮟ ﮨﻮﺭﮨﺎ ﺗﮭﺎ۔ ﻣﯿﮟ ﻧﮯ ﺳﻮﭼﺎﮐﮧ ﺣﻀﺮﺕ
ﺷﺎﮦ ﺻﺎﺣﺐ ﺭﺣﻤﺔ ﺍﻟﻠﻪ ﻋﻠﻴﻪ ﺳﮯ ﺍﺱ ﮐﮯ ﺑﺎﺭﮮ ﻣﯿﮟ ﺍﺳﺘﻔﺴﺎﺭ
ﮐﺮﻧﺎ ﭼﺎﮨﯿﮯ۔ ﭼﻨﺎﻧﭽﮧ ﻣﯿﮟ ﮐﺘﺎﺏ ﻟﮯ ﮐﺮﺍﻥ ﮐﯽ ﺗﻼﺵ ﻣﯿﮟ ﻧﮑﻼ،
ﻭﮦ ﺍﭘﻨﯽ ﺟﮕﮧ ﭘﺮ ﻧﮩﯿﮟ ﺗﮭﮯ ﺍﻭﺭ ﺟﺐ ﻭﮦ ﺍﭘﻨﯽ ﺟﮕﮧ ﭘﺮﻧﮧ ﮨﻮﮞ ﺗﻮ
ﺍﻥ ﮐﺎ ﮐﺘﺐ ﺧﺎﻧﮧ ﻣﯿﮟ ﮨﻮﻧﺎ ﻣﺘﻌﯿﻦ ﺗﮭﺎ۔ﻣﯿﮟ ﮐﺘﺐ ﺧﺎﻧﮧ ﻣﯿﮟ ﭘﮩﻨﭽﺎ
ﺗﻮ ﻭﮦ ﮐﺘﺐ ﺧﺎﻧﮯ ﮐﯽ ﺑﺎﻻﺋﯽ ﮔﯿﻠﺮﯼ ﻣﯿﮟ ﺑﯿﭩﮭﮯ ﻣﻄﺎﻟﻌﮧ ﻣﯿﮟ
ﻣﺸﻐﻮﻝ ﺗﮭﮯ۔ ﻣﯿﮟ ﺍﺑﮭﯽ ﻧﯿﭽﮯ ﮨﯽ ﺗﮭﺎ ﮐﮧ ﺍﻧﮭﻮﮞ ﻧﮯ ﻣﺠﮭﮯ
ﺩﯾﮑﮫ ﻟﯿﺎ ﺍﻭﺭ ﺍﻭﭘﺮ ﮨﯽ ﺳﮯ ﻣﯿﺮﮮ ﺁﻧﮯ ﮐﯽ ﻭﺟﮧ ﭘﻮﭼﮭﯽ۔ ﻣﯿﮟ
ﻧﮯ ﻋﺮﺽ ﮐﯿﺎ ﮐﮧ ” ﻣﻼﺣﺴﻦ ﮐﮯ ﺍﯾﮏ ﻣﻘﺎﻡ ﭘﺮ ﮐﭽﮫ ﺍﺷﮑﺎﻝ ﮨﮯ
ﻭﮦ ﺳﻤﺠﮭﻨﺎ ﺗﮭﺎ۔ “ ﻭﮨﯿﮟ ﺑﯿﭩﮭﮯ ﺑﯿﭩﮭﮯ ﻓﺮﻣﺎﯾﺎ ” ﻋﺒﺎﺭﺕ ﭘﮍﮬﯿﮯ “
ﻣﯿﮟ ﻧﮯ ﻋﺒﺎﺭﺕ ﭘﮍﮬﻨﯽ ﺷﺮﻭﻉ ﮐﯽ ﺗﻮ ﺑﯿﭻ ﮨﯽ ﻣﯿﮟ ﺭﻭﮎ ﮐﺮ
ﻓﺮﻣﺎﯾﺎ : ” ﺍﭼﮭﺎ ! ﯾﮩﺎﮞ ﺁﭖ ﮐﻮ ﯾﮧ ﺷﺒﮧ ﮨﻮﺍ ﮨﻮﮔﺎ “ ﺍﻭﺭ ﭘﮭﺮ ﺑﻌﯿﻨﮧ
ﻭﮨﯽ ﺍﺷﮑﺎﻝ ﺩُﮨﺮﺍﺩﯾﺎ ﺟﻮ ﻣﯿﺮﮮ ﺩﻝ ﻣﯿﮟ ﺗﮭﺎ۔ ﻣﯿﮟ ﻧﮯ ﺗﺼﺪﯾﻖ ﮐﯽ
ﮐﮧ ﻭﺍﻗﻌﯽ ﯾﮩﯽ ﺷﺒﮧ ﮨﮯ، ﺍﺱ ﭘﺮ ﺍﻧﮭﻮﮞ ﻧﮯ ﺍﺱ ﮐﮯ ﺟﻮﺍﺏ ﻣﯿﮟ
ﻭﮨﯿﮟ ﺳﮯ ﺍﯾﺴﯽ ﺗﻘﺮﯾﺮ ﻓﺮﻣﺎﺋﯽ ﮐﮧ ﺗﻤﺎﻡ ﺍﺷﮑﺎﻝ ﮐﺎﻓﻮﺭ ﮨﻮﮔﺌﮯ۔
ﺍﺏ ﻇﺎﮨﺮ ﮨﮯ ﮐﮧ ﺣﻀﺮﺕ ﺷﺎﮦ ﺻﺎﺣﺐ ﺭﺣﻤﺔ ﺍﻟﻠﻪ ﻋﻠﻴﻪ ﻋﺮﺻﮧ ﺩﺭﺍﺯ
ﺳﮯ ﺣﺪﯾﺚ ﮐﯽ ﺗﺪﺭﯾﺲ ﻣﯿﮟ ﻣﺼﺮﻭﻑ ﺗﮭﮯ ﺍﻭﺭ ﻣﻨﻄﻖ ﮐﯽ
ﮐﺘﺎﺑﻮﮞ ﺳﮯ ﻭﺍﺳﻄﮧ ﺗﻘﺮﯾﺒﺎً ﺧﺘﻢ ﮨﻮﮔﯿﺎ ﺗﮭﺎ ﻟﯿﮑﻦ ﺍﺱ ﮐﮯ ﺑﺎﻭﺟﻮﺩ
ﯾﮧ ﺣﺎﻓﻈﮧ ﺍﻭﺭﯾﮧ ﺍﺳﺘﺤﻀﺎﺭ ﮐﺮﺷﻤﮧٴ ﻗﺪﺭﺕ ﻧﮩﯿﮟ ﺗﻮ ﺍﻭﺭﮐﯿﺎ ﮨﮯ؟
۸ - ﺍﺣﻘﺮ ﻧﮯ ﺍﭘﻨﮯ ﻭﺍﻟﺪ ﻣﺎﺟﺪ ﺳﮯ ﺑﮭﯽ ﺳﻨﺎ ﮨﮯ ﺍﻭﺭ ﺷﯿﺦ ﺍﻟﺤﺪﯾﺚ
ﺣﻀﺮﺕ ﻣﻮﻻﻧﺎ ﻣﺤﻤﺪ ﯾﻮﺳﻒ ﺻﺎﺣﺐ ﺑﻨﻮﺭﯼ ﻣﺪﻇﻠﮩﻢ ﺳﮯ ﺑﮭﯽ ﮐﮧ
ﺣﻀﺮﺕ ﺷﺎﮦ ﺻﺎﺣﺐ ﺭﺣﻤﺔ ﺍﻟﻠﻪ ﻋﻠﻴﻪ ﻧﮯ ۱۳۲۱ﮪ ﻣﯿﮟ ﻋﻼﻣﮧ ﺍﺑﻦ
ﺍﻟﮩﻤﺎﻡ ﺭﺣﻤﮧ ﺍﻟﻠﮧ ﮐﯽ ﻣﺸﮩﻮﺭ ﺷﺮﺡ ﮨﺪﺍﯾﮧ ”ﻓﺘﺢ ﺍﻟﻘﺪﯾﺮ “ ﺍﻭﺭ ﺍﺱ
ﮐﮯ ﺗﮑﻤﻠﮧ ﮐﺎ ﻣﻄﺎﻟﻌﮧ ﺑﯿﺲ ﺳﮯ ﮐﭽﮫ ﺯﺍﺋﺪ ﺍﯾﺎﻡ ﻣﯿﮟ ﮐﯿﺎ ﺗﮭﺎ ﺍﻭﺭ
ﮐﺘﺎﺏ ﺍﻟﺤﺞ ﺗﮏ ﺍﺱ ﮐﯽ ﺗﻠﺨﯿﺺ ﻟﮑﮭﯽ ﺗﮭﯽ ﺍﻭﺭ ﺍﻧﮭﻮﮞ ﻧﮯ ﺻﺎﺣﺐ
ﮨﺪﺍﯾﮧ ﭘﺮ ﺟﻮ ﺍﻋﺘﺮﺍﺿﺎﺕ ﮐﯿﮯ ﮨﯿﮟ ﺍُﻥ ﮐﺎ ﺟﻮﺍﺏ ﺑﮭﯽ ﻟﮑﮭﺎ ﺗﮭﺎ۔ ﺍﺱ
ﮐﮯ ﺑﻌﺪ ﻣﺪﺕ ﺍﻟﻌﻤﺮ ”ﻓﺘﺢ ﺍﻟﻘﺪﯾﺮ “ ﮐﯽ ﻣﺮﺍﺟﻌﺖ ﮐﯽ ﺿﺮﻭﺭﺕ
ﻧﮩﯿﮟ ﭘﮍﯼ ﺍﻭﺭ ﮐﺴﯽ ﺗﺎﺯﮦ ﻣﻄﺎﻟﻌﮧ ﮐﮯ ﺑﻐﯿﺮ ﺍﺱ ﮐﯽ ﻧﮧ ﺻﺮﻑ
ﺑﺎﺗﻮﮞ ﺑﻠﮑﮧ ﻃﻮﯾﻞ ﻋﺒﺎﺭﺗﻮﮞ ﺗﮏ ﮐﺎ ﺣﻮﺍﻟﮧ ﺳﺒﻖ ﻣﯿﮟ ﺩﯾﺎ ﮐﺮﺗﮯ
ﺗﮭﮯ۔ ﺣﻀﺮﺕ ﻣﻮﻻﻧﺎ ﺑﻨﻮﺭﯼ ﻣﺪﻇﻠﮩﻢ ﻓﺮﻣﺎﺗﮯ ﮨﯿﮟ ﮐﮧ ﺍﻧﮭﻮﮞ ﻧﮯ
۱۳۴۷ﮪ ﻣﯿﮟ ﮨﻢ ﺳﮯ ﯾﮧ ﻭﺍﻗﻌﮧ ﺑﯿﺎﻥ ﮐﯿﺎﺍﻭﺭ ﻓﺮﻣﺎﯾﺎ :
” ﭼﮭﺒﯿﺲ ﺳﺎﻝ ﮨﻮﺋﮯ ﭘﮭﺮ ﻣﺮﺍﺟﻌﺖ ﮐﯽ ﺿﺮﻭﺭﺕ ﻧﮩﯿﮟ ﭘﮍﯼ ﺍﻭﺭ
ﺟﻮ ﻣﻀﻤﻮﻥ ﺍﺱ ﮐﺎ ﺑﯿﺎﻥ ﮐﺮﻭﮞ ﮔﺎ، ﺍﮔﺮ ﻣﺮﺍﺟﻌﺖ ﮐﺮﻭﮔﮯ ﺗﻔﺎﻭﺕ
ﮐﻢ ﭘﺎﺅﮔﮯ۔ )“ ۱۱)
۹ - ﺣﻀﺮﺕ ﻣﻮﻻﻧﺎ ﻣﺤﻤﺪ ﻣﻨﻈﻮﺭ ﻧﻌﻤﺎﻧﯽ ﺻﺎﺣﺐ ﻣﺪﻇﻠﻢ ﺣﻀﺮﺕ ﺷﺎﮦ
ﺻﺎﺣﺐ ﺭﺣﻤﺔ ﺍﻟﻠﻪ ﻋﻠﻴﻪ ﮐﮯ ﺷﺎﮔﺮﺩ ﮨﯿﮟ۔ ﻭﮦ ﻓﺮﻣﺎﺗﮯ ﮨﯿﮟ ﮐﮧ
ﺩﺭﺱ ﺳﮯ ﻓﺮﺍﻏﺖ ﮐﮯ ﺑﻌﺪ ﻣﯿﮟ ﺟﺐ ﺑﮭﯽ ﺣﻀﺮﺕ ﺷﺎﮦ ﺻﺎﺣﺐ
ﺭﺣﻤﺔ ﺍﻟﻠﻪ ﻋﻠﻴﻪ ﮐﯽ ﺧﺪﻣﺖ ﻣﯿﮟ ﺣﺎﺿﺮ ﮨﻮﺗﺎ ﺗﻮ ﭘﮩﻠﮯ ﺳﮯ ﻟﮑﮭﮯ
ﮨﻮﺋﮯ ﻣﺘﻌﺪﺩ ﺳﻮﺍﻻﺕ ﮐﮯ ﺟﻮﺍﺏ ﺍُﻥ ﺳﮯ ﻣﻌﻠﻮﻡ ﮐﯿﺎﮐﺮﺗﺎ ﺗﮭﺎ۔ ﺍﯾﮏ
ﺩﻓﻌﮧ ﮐﯽ ﺣﺎﺿﺮﯼ ﻣﯿﮟ ﺗﺮﻣﺬﯼ ﺷﺮﯾﻒ ﮐﯽ ﺍﯾﮏ ﻋﺒﺎﺭﺕ ﮐﺎ ﺣﻮﺍﻟﮧ
ﻣﯿﮟ ﻧﮯ ﺩﯾﺎ ﺍﻭﺭ ﻋﺮﺽ ﮐﯿﺎ ﮐﮧ ﺍﺱ ﻋﺒﺎﺭﺕ ﻣﯿﮟ ﯾﮧ ﺍﺷﮑﺎﻝ ﮨﮯ،
ﺑﮩﺖ ﻏﻮﺭ ﮐﯿﺎ ﻟﯿﮑﻦ ﺣﻞ ﻧﮩﯿﮟ ﮨﻮﺳﮑﺎ۔ ﻓﺮﻣﺎﯾﺎ ” ﻣﻮﻟﻮﯼ ﺻﺎﺣﺐ! ﺁﭖ
ﮐﻮ ﯾﺎﺩ ﻧﮩﯿﮟ ﺭﮨﺎ، ﻣﺠﮭﮯ ﺧﻮﺏ ﯾﺎﺩ ﮨﮯ ﮐﮧ ﺟﺲ ﺳﺎﻝ ﺁﭖ ﺩﻭﺭﮦ
ﻣﯿﮟ ﺗﮭﮯ ﺍﺱ ﻣﻮﻗﻊ ﭘﺮ ﻣﯿﮟ ﻧﮯ ﺑﺘﺎﯾﺎ ﺗﮭﺎ ﮐﮧ ﯾﮩﺎﮞ ﺗﺮﻣﺬﯼ ﮐﮯ
ﺍﮐﺜﺮ ﻧﺴﺨﻮﮞ ﻣﯿﮟ ﺍﯾﮏ ﻏﻠﻄﯽ ﻭﺍﻗﻊ ﮨﻮﮔﺌﯽ ﮨﮯ ﻟﯿﮑﻦ ﻟﻮﮒ
ﺳﺮﺳﺮﯼ ﻃﻮﺭ ﭘﺮ ﮔﺰﺭﺟﺎﺗﮯ ﮨﯿﮟ ﺍﻭﺭ ﺍﻧﮭﯿﮟ ﭘﺘﮧ ﻧﮩﯿﮟ ﭼﻠﺘﺎ، ﻭﺭﻧﮧ
ﯾﮧ ﺍﺷﮑﺎﻝ ﺳﺐ ﮐﻮ ﭘﯿﺶ ﺁﻧﺎ ﭼﺎﮨﯿﮯ “ ﭘﮭﺮ ﻓﺮﻣﺎﯾﺎ ﮐﮧ ” ﺻﺤﯿﺢ
ﻋﺒﺎﺭﺕ ﺍﺱ ﻃﺮﺡ ﮨﮯ “ ﻣﻮﻻﻧﺎ ﻧﻌﻤﺎﻧﯽ ﻣﺪﻇﻠﮩﻢ ﻟﮑﮭﺘﮯ ﮨﯿﮟ :
” ﺍﻟﻠﮧ ﺍﮐﺒﺮ! ﯾﮧ ﺑﺎﺕ ﺑﮭﯽ ﯾﺎﺩ ﺭﮨﺘﯽ ﺗﮭﯽ ﮐﮧ ﻓﻼﮞ ﺳﺎﻝ ﺍﺱ ﻣﻮﻗﻊ
ﭘﺮ ﺳﺒﻖ ﻣﯿﮟ ﯾﮧ ﺑﺎﺕ ﻓﺮﻣﺎﺋﯽ ﺗﮭﯽ “۔( ۱۲)
۱۰ - ﺣﻀﺮﺕ ﻣﻮﻻﻧﺎ ﻗﺎﺭﯼ ﻣﺤﻤﺪ ﻃﯿﺐ ﺻﺎﺣﺐ ﻣﺪﻇﻠﮩﻢ ﻓﺮﻣﺎﺗﮯ ﮨﯿﮟ
ﮐﮧ ﻣﺠﮭﮯ ﺍﭘﻨﯽ ﺍﯾﮏ ﺗﺼﻨﯿﻒ ﮐﮯ ﺳﻠﺴﻠﮧ ﻣﯿﮟ ﺍﺑﻮﺍﻟﺤﺴﻦ ﮐﺬﺍﺏ
ﮐﮯ ﺣﺎﻻﺕ ﮐﯽ ﺿﺮﻭﺭﺕ ﺗﮭﯽ۔ ﻣﺠﮭﮯ ﺍﻥ ﮐﯽ ﺗﺎﺭﯾﺦ ﻧﮧ ﻣﻠﯽ۔
ﭼﻨﺎﻧﭽﮧ ﻣﯿﮟ ﺣﺴﺐ ﻣﻌﻤﻮﻝ ﺣﻀﺮﺕ ﺷﺎﮦ ﺻﺎﺣﺐ ﺭﺣﻤﺔ ﺍﻟﻠﻪ ﻋﻠﻴﻪ
ﮐﮯ ﺩﺭِ ﺩﻭﻟﺖ ﭘﺮ ﭘﮩﻨﭻ ﮔﯿﺎ۔ ﺍﺱ ﻭﻗﺖ ﻣﺮﺽِ ﻭﻓﺎﺕ ﺍﭘﻨﯽ ﺁﺧﺮﯼ ﺣﺪ
ﭘﺮ ﭘﮩﻨﭻ ﭼﮑﺎ ﺗﮭﺎ ﺍﻭﺭ ﺩﻭﺗﯿﻦ ﮨﻔﺘﮯ ﺑﻌﺪ ﻭﺻﺎﻝ ﮨﻮﻧﮯ ﻭﺍﻻ ﺗﮭﺎ۔
ﮐﻤﺰﻭﺭ ﺑﮯ ﺣﺪ ﮨﻮﭼﮑﮯ ﺗﮭﮯ۔ﺍﺑﺘﺪﺍﺋﯽ ﮔﻔﺘﮕﻮ ﮐﮯ ﺑﻌﺪ ﻣﯿﮟ ﻧﮯ
ﺁﻧﮯ ﮐﯽ ﻏﺮﺽ ﺑﺘﺎﺋﯽ ﺗﻮ ﺍﻧﮭﻮﮞ ﻧﮯ ﻓﺮﻣﺎﯾﺎﮐﮧ ﺍﺩﺏ ﺍﻭﺭ ﺗﺎﺭﯾﺦ ﮐﯽ
ﮐﺘﺎﺑﻮﮞ ﻣﯿﮟ ﻓﻼﮞ ﻓﻼﮞ ﻣﻮﺍﻗﻊ ﮐﺎ ﻣﻄﺎﻟﻌﮧ ﮐﺮﻟﯿﺠﯿﮯ ﺍﻭﺭ ﺗﻘﺮﯾﺒﺎً ﺁﭨﮫ
ﺩﺱ ﮐﺘﺎﺑﻮﮞ ﮐﮯ ﻧﺎﻡ ﻟﮯ ﺩﯾﮯ۔ ﻣﯿﮟ ﻧﮯ ﻋﺮﺽ ﮐﯿﺎﮐﮧ ﺣﻀﺮﺕ!
ﻣﺠﮭﮯ ﺗﻮ ﮐﺘﺎﺑﻮﮞ ﮐﮯ ﺍﺗﻨﮯ ﺍﺳﻤﺎﺀ ﯾﺎﺩ ﺑﮭﯽ ﻧﮧ ﺭﮨﯿﮟ ﮔﮯ۔ ﻧﯿﺰ
ﺍﻧﺘﻈﺎﻣﯽ ﻣﮩﻤﺎﺕ ﮐﮯ ﺑﮑﮭﯿﮍﻭﮞ ﻣﯿﮟ ﺍﺗﻨﯽ ﻓﺮﺻﺖ ﺑﮭﯽ ﻧﮩﯿﮟ ﮐﮧ
ﭼﻨﺪ ﺟﺰﻭﯼ ﻣﺜﺎﻟﻮﮞ ﮐﮯ ﻟﯿﮯ ﺍﺗﻨﺎ ﻃﻮﯾﻞ ﻭﻋﺮﯾﺾ ﻣﻄﺎﻟﻌﮧ ﮐﺮﻭﮞ۔
ﺑﺲ ﺁﭖ ﮨﯽ ﺍﺱ ﺷﺨﺺ ﮐﯽ ﺩﺭﻭﻍ ﮔﻮﺋﯽ ﮐﮯ ﻣﺘﻌﻠﻘﮧ ﻭﺍﻗﻌﺎﺕ ﮐﯽ
ﺩﻭﭼﺎﺭ ﻣﺜﺎﻟﯿﮟ ﺑﯿﺎﻥ ﻓﺮﻣﺎﺩﯾﮟ، ﻣﯿﮟ ﺍُﻧﮩﯽ ﮐﻮ ﺁﭖ ﮐﮯ ﺣﻮﺍﻟﮧ ﺳﮯ
ﺟﺰﻭِ ﮐﺘﺎﺏ ﺑﻨﺎﺩﻭﮞ ﮔﺎ۔ ﺍﺱ ﭘﺮ ﻣﺴﮑﺮﺍﮐﺮ ﺍﺑﻮﺍﻟﺤﺴﻦ ﮐﺬﺍﺏ ﮐﯽ
ﺗﺎﺭﯾﺦ، ﺍُﺱ ﮐﮯ ﺳﻦ ﻭﻻﺩﺕ ﺳﮯ ﺳﻦ ﻭﺍﺭ ﺑﯿﺎﻥ ﻓﺮﻣﺎﻧﯽ ﺷﺮﻭﻉ
ﮐﺮﺩﯼ ﺟﺲ ﻣﯿﮟ ﺍﺱ ﮐﮯ ﺟﮭﻮﭦ ﮐﮯ ﻋﺠﯿﺐ ﻭﻏﺮﯾﺐ ﻭﺍﻗﻌﺎﺕ ﺑﯿﺎﻥ
ﻓﺮﻣﺎﺗﮯ ﺭﮨﮯ۔ ﺁﺧﺮ ﻣﯿﮟ ﺳﻦ ﻭﻓﺎﺕ ﮐﺎ ﺫﮐﺮ ﮐﺮﺗﮯ ﮨﻮﺋﮯ ﻓﺮﻣﺎﯾﺎ
ﮐﮧ ﯾﮧ ﺷﺨﺺ ﻣﺮﺗﮯ ﻣﺮﺗﮯ ﺑﮭﯽ ﺟﮭﻮﭦ ﺑﻮﻝ ﮔﯿﺎ ﭘﮭﺮ ﺍُﺱ ﺟﮭﻮﭦ
ﮐﯽ ﺗﻔﺼﯿﻞ ﺑﯿﺎﻥ ﻓﺮﻣﺎﺋﯽ۔
ﺣﯿﺮﺍﻧﯽ ﯾﮧ ﺗﮭﯽ ﮐﮧ ﯾﮧ ﺑﯿﺎﻥ ﺍﺱ ﻃﺮﺯ ﺳﮯ ﮨﻮﺭﮨﺎ ﺗﮭﺎ ﮐﮧ ﮔﻮﯾﺎ
ﺣﻀﺮﺕ ﻣﻤﺪﻭﺡ ﻧﮯ ﺁﺝ ﮐﯽ ﺷﺐ ﻣﯿﮟ ﻣﺴﺘﻘﻼً ﺍﺳﯽ ﮐﯽ ﺗﺎﺭﯾﺦ ﮐﺎ
ﻣﻄﺎﻟﻌﮧ ﮐﯿﺎ ﮨﮯ ﺟﻮ ﺍﺱ ﺑﺴﻂ ﺳﮯ ﺳﻦ ﻭﺍﺭ ﻭﺍﻗﻌﺎﺕ ﺑﯿﺎﻥ
ﻓﺮﻣﺎﺭﮨﮯ ﮨﯿﮟ ﭼﻨﺎﻧﭽﮧ ﻣﯿﮟ ﻧﮯ ﺗﻌﺠﺐ ﺁﻣﯿﺰ ﻟﮩﺠﮯ ﻣﯿﮟ ﻋﺮﺽ ﮐﯿﺎ
ﮐﮧ ” ﺣﻀﺮﺕ! ﺷﺎﯾﺪ ﮐﺴﯽ ﻗﺮﯾﺒﯽ ﺯﻣﺎﻧﮯ ﮨﯽ ﻣﯿﮟ ﺍﺱ ﮐﯽ ﺗﺎﺭﯾﺦ
ﺩﯾﮑﮭﻨﮯ ﮐﯽ ﻧﻮﺑﺖ ﺁﺋﯽ ﮨﻮﮔﯽ؟ “ ﺳﺎﺩﮔﯽ ﺳﮯ ﻓﺮﻣﺎﯾﺎ ” ﺟﯽ
ﻧﮩﯿﮟ! ﺁﺝ ﺳﮯ ﺗﻘﺮﯾﺒﺎً ﭼﺎﻟﯿﺲ ﺳﺎﻝ ﮐﺎ ﻋﺮﺻﮧ ﮨﻮﺗﺎ ﮨﮯ ﺟﺐ ﻣﯿﮟ
ﻣﺼﺮ ﮔﯿﺎ ﮨﻮﺍ ﺗﮭﺎ۔ ﺧﺪﯾﻮﯼ ﮐﺘﺐ ﺧﺎﻧﮧ ﻣﯿﮟ ﻣﻄﺎﻟﻌﮧ ﮐﮯ ﻟﯿﮯ ﭘﮩﻨﭽﺎ
ﺗﻮ ﺍﺗﻔﺎﻗﺎً ﺍﺳﯽ ﺍﺑﻮﺍﻟﺤﺴﻦ ﮐﺬﺍﺏ ﮐﺎ ﺗﺮﺟﻤﮧ ﺳﺎﻣﻨﮯ ﺁﮔﯿﺎ ﺍﻭﺭ ﺍﺱ
ﮐﺎ ﻣﻄﺎﻟﻌﮧ ﺩﯾﺮ ﺗﮏ ﺟﺎﺭﯼ ﺭﮨﺎ، ﺑﺲ ﺍﺳﯽ ﻭﻗﺖ ﺟﻮ ﺑﺎﺗﯿﮟ ﮐﺘﺎﺏ
ﻣﯿﮟ ﺩﯾﮑﮭﯿﮟ ﺣﺎﻓﻈﮧ ﻣﯿﮟ ﻣﺤﻔﻮﻅ ﮨﻮﮔﺌﯿﮟ ﺍﻭﺭ ﺁﺝ ﺁﭖ ﮐﮯ ﺳﻮﺍﻝ
ﭘﺮ ﻣﺴﺘﺤﻀﺮ ﮨﻮﮔﺌﯿﮟ ﺟﻦ ﮐﺎ ﻣﯿﮟ ﻧﮯ ﺍﺱ ﻭﻗﺖ ﺗﺬﮐﺮﮦ ﮐﯿﺎ “۔(۱۳)
۱۱ - ﯾﮩﯽ ﺣﻀﺮﺕ ﻣﻮﻻﻧﺎ ﻗﺎﺭﯼ ﻣﺤﻤﺪ ﻃﯿﺐ ﺻﺎﺣﺐ ﻣﺪﻇﻠﮩﻢ ﻓﺮﻣﺎﺗﮯ
ﮨﯿﮟ ﮐﮧ ﺗﺤﺮﯾﮏ ﺧﻼﻓﺖ ﮐﮯ ﺩﻭﺭ ﻣﯿﮟ ﺟﺐ ﺍﻣﺎﺭﺕِ ﺷﺮﻋﯿﮧ (ﻋﻮﺍﻡ
ﮐﯽ ﻃﺮﻑ ﺳﮯ ﻗﺎﺿﯽ ﻣﻘﺮﺭ ﮐﺮﻧﮯ) ﮐﺎﻣﺴﺌﻠﮧ ﭼﮭﮍﺍ ﺗﻮ ﻣﻮﻟﻮﯼ
ﺳﺒﺤﺎﻥ ﺍﻟﻠﮧ ﺧﺎﮞ ﺻﺎﺣﺐ ﮔﻮﺭﮐﮭﭙﻮﺭﯼ ﻧﮯ ﺍﭘﻨﮯ ﺑﻌﺾ ﻧﻘﺎﻁِ ﻧﻈﺮ
ﮐﯽ ﺗﺎﺋﯿﺪ ﻣﯿﮟ ﺑﻌﺾ ﺳﻠﻒ ﮐﯽ ﻋﺒﺎﺭﺕ ﭘﯿﺶ ﮐﯽ ﺟﻮ ﺍﻥ ﮐﮯ
ﻧﻘﻄﺌﮧ ﻧﻈﺮ ﮐﯽ ﺗﻮ ﻣﻮٴﯾﺪ ﺗﮭﯽ ﻣﮕﺮ ﻣﺴﻠﮏ ﺟﻤﮩﻮﺭ ﮐﮯ ﺧﻼﻑ
ﺗﮭﯽ۔ ﯾﮧ ﻋﺒﺎﺭﺕ ﻭﮦ ﻟﮯ ﮐﺮ ﺧﻮﺩ ﺩﯾﻮﺑﻨﺪ ﺗﺸﺮﯾﻒ ﻻﺋﮯ ﺍﻭﺭ ﻣﺠﻤﻊ
ﻋﻠﻤﺎﺀ ﻣﯿﮟ ﺍُﺳﮯ ﭘﯿﺶ ﮐﯿﺎ۔ ﺗﻤﺎﻡ ﺍﮐﺎﺑﺮ ﺩﺍﺭﺍﻟﻌﻠﻮﻡ ﺣﻀﺮﺕ ﺷﺎﮦ
ﺻﺎﺣﺐ ﺭﺣﻤﺔ ﺍﻟﻠﻪ ﻋﻠﻴﻪ ﮐﮯ ﮐﻤﺮﮮ ﻣﯿﮟ ﺟﻤﻊ ﺗﮭﮯ۔ ﺣﯿﺮﺍﻧﯽ ﯾﮧ
ﺗﮭﯽ ﮐﮧ ﻧﮧ ﺍﺱ ﻋﺒﺎﺭﺕ ﮐﻮ ﺭﺩّ ﮨﯽ ﮐﺮﺳﮑﺘﮯ ﺗﮭﮯ ﮐﮧ ﻭﮦ ﺳﻠﻒ
ﻣﯿﮟ ﺳﮯ ﺍﯾﮏ ﺑﮍﯼ ﺷﺨﺼﯿﺖ ﮐﯽ ﻋﺒﺎﺭﺕ ﺗﮭﯽ ﺍﻭﺭ ﻧﮧ ﺍُﺳﮯ ﻗﺒﻮﻝ
ﮨﯽ ﮐﺮﺳﮑﺘﮯ ﺗﮭﮯ ﮐﮧ ﻣﺴﻠﮏ ﺟﻤﮩﻮﺭ ﮐﮯ ﺻﺮﺍﺣﺘﺎً ﺧﻼﻑ ﺗﮭﯽ۔
ﯾﮧ ﻋﺒﺎﺭﺕ ﺍﺗﻨﯽ ﻭﺍﺿﺢ ﺍﻭﺭ ﺻﺎﻑ ﺗﮭﯽ ﮐﮧ ﺍُﺳﮯ ﮐﺴﯽ ﺗﺎﻭﯾﻞ
ﻭﺗﻮﺟﯿﮩﮧ ﺳﮯ ﺑﮭﯽ ﻣﺴﻠﮏ ﺟﻤﮩﻮﺭ ﮐﮯ ﻣﻄﺎﺑﻖ ﻧﮩﯿﮟ ﮐﯿﺎ ﺟﺎﺳﮑﺘﺎ
ﺗﮭﺎ۔
ﺣﻀﺮﺕ ﺷﺎﮦ ﺻﺎﺣﺐ ﺭﺣﻤﺔ ﺍﻟﻠﻪ ﻋﻠﻴﻪ ﺍﺳﺘﻨﺠﺎ ﮐﮯ ﻟﯿﮯ ﺗﺸﺮﯾﻒ ﻟﮯ
ﮔﺌﮯ ﺗﮭﮯ ﻭﺿﻮ ﮐﺮﮐﮯ ﻭﺍﭘﺲ ﮨﻮﺋﮯ ﺗﻮ ﺍﮐﺎﺑﺮ ﻧﮯ ﻋﺒﺎﺭﺕ ﺍﻭﺭ
ﻣﺴﻠﮏ ﮐﮯ ﺗﻌﺎﺭﺽ ﮐﺎ ﺗﺬﮐﺮﮦ ﮐﯿﺎ ﺍﻭﺭ ﯾﮧ ﮐﮧ ﺍﻥ ﺩﻭﻧﻮﮞ ﺑﺎﺗﻮﮞ ﻣﯿﮟ
ﺗﻄﺒﯿﻖ ﺑﻦ ﻧﮩﯿﮟ ﭘﮍﺗﯽ۔ ﺣﻀﺮﺕ ﻣﻤﺪﻭﺡ ﺭﺣﻤﺔ ﺍﻟﻠﻪ ﻋﻠﻴﻪ ﺣﺴﺐ
ﻋﺎﺩﺕ ” ﺣﺴﺒﻨﺎ ﺍﻟﻠﮧ “ ﮐﮩﺘﮯ ﮨﻮﺋﮯ ﺑﯿﭩﮫ ﮔﺌﮯ ﺍﻭﺭ ﻋﺒﺎﺭﺕ ﮐﻮ ﺫﺭﺍ
ﻏﻮﺭ ﺳﮯ ﺩﯾﮑﮫ ﮐﺮ ﻓﺮﻣﺎﯾﺎ ﮐﮧ ﺍﺱ ﻋﺒﺎﺭﺕ ﻣﯿﮟ ﺟﻌﻞ ﺍﻭﺭ ﺗﺼﺮﻑ
ﮐﯿﺎﮔﯿﺎ ﮨﮯ۔ﺍُﺳﯽ ﻭﻗﺖ ﮐﺘﺐ ﺧﺎﻧﮧ ﺳﮯ ﮐﺘﺎﺏ ﻣﻨﮕﺎﺋﯽ ﮔﺌﯽ۔
ﺩﯾﮑﮭﺎﺗﻮ ﻭﺍﻗﻌﯽ ﺍﺻﻞ ﻋﺒﺎﺭﺕ ﻣﯿﮟ ﺳﮯ ﭘﻮﺭﯼ ﺍﯾﮏ ﺳﻄﺮ ﺩﺭﻣﯿﺎﻥ
ﺳﮯ ﺣﺬﻑ ﮨﻮﺋﯽ ﺗﮭﯽ۔ ﺟﻮﻧﮩﯽ ﺍﺱ ﺳﻄﺮ ﮐﻮ ﻋﺒﺎﺭﺕ ﻣﯿﮟ ﺷﺎﻣﻞ
ﮐﯿﺎﮔﯿﺎ ﻋﺒﺎﺭﺕ ﮐﺎ ﻣﻄﻠﺐ ﻣﺴﻠﮏ ﺟﻤﮩﻮﺭ ﮐﮯ ﻣﻮﺍﻓﻖ ﮨﻮﮔﯿﺎ ﺍﻭﺭ ﺳﺐ
ﮐﺎ ﺗﺤﯿﺮ ﺭﻓﻊ ﮨﻮﮔﯿﺎ۔(۱۴)
۱۲ - ﺣﻀﺮﺕ ﻣﻮﻻﻧﺎ ﻣﺤﻤﺪ ﯾﻮﺳﻒ ﺑﻨﻮﺭﯼ ﻣﺪﻇﻠﮩﻢ ﻓﺮﻣﺎﺗﮯ ﮨﯿﮟ ﮐﮧ
ﻃﻼﻕ ﮐﮯ ﺍﯾﮏ ﻣﺴﺌﻠﮧ ﻣﯿﮟ ﮐﺸﻤﯿﺮ ﮐﮯ ﻋﻠﻤﺎﺀ ﻣﯿﮟ ﺍﺧﺘﻼﻑ ﮨﻮﮔﯿﺎ۔
ﻓﺮﯾﻘﯿﻦ ﻧﮯ ﺣﻀﺮﺕ ﺷﺎﮦ ﺻﺎﺣﺐ ﺭﺣﻤﺔ ﺍﻟﻠﻪ ﻋﻠﻴﻪ ﮐﻮ ﺣﮑﻢ ﺑﻨﺎﯾﺎ۔
ﺣﻀﺮﺕ ﺷﺎﮦ ﺻﺎﺣﺐ ﺭﺣﻤﺔ ﺍﻟﻠﻪ ﻋﻠﻴﻪ ﻧﮯ ﺩﻭﻧﻮﮞ ﮐﮯ ﺩﻻﺋﻞ ﻏﻮﺭ
ﺳﮯ ﺳﻨﮯ۔ ﺍُﻥ ﻣﯿﮟ ﺳﮯ ﺍﯾﮏ ﻓﺮﯾﻖ ﺍﭘﻨﮯ ﻣﻮﻗﻒ ﭘﺮ ﻓﺘﺎﻭﯼٰ
ﻋﻤّﺎﺩﯾﮧ ﮐﯽ ﺍﯾﮏ ﻋﺒﺎﺭﺕ ﺳﮯ ﺍﺳﺘﺪﻻﻝ ﮐﺮﺭﮨﺎ ﺗﮭﺎ۔ ﺣﻀﺮﺕ ﺷﺎﮦ
ﺻﺎﺣﺐ ﺭﺣﻤﺔ ﺍﻟﻠﻪ ﻋﻠﻴﻪ ﻧﮯ ﻓﺮﻣﺎﯾﺎ :
” ﻣﯿﮟ ﻧﮯ ﺩﺍﺭﺍﻟﻌﻠﻮﻡ ﮐﮯ ﮐﺘﺐ ﺧﺎﻧﮯ ﻣﯿﮟ ﻓﺘﺎﻭﯼٰ ﻋﻤﺎﺩﯾﮧ ﮐﮯ ﺍﯾﮏ
ﺻﺤﯿﺢ ﻗﻠﻤﯽ ﻧﺴﺨﮧ ﮐﺎ ﻣﻄﺎﻟﻌﮧ ﮐﯿﺎﮨﮯ۔ ﺍﺱ ﻣﯿﮟ ﯾﮧ ﻋﺒﺎﺭﺕ ﮨﺮﮔﺰ
ﻧﮩﯿﮟ ﮨﮯ ﻟﮩٰﺬﺍ ﯾﺎ ﺗﻮ ﺍﻥ ﮐﺎ ﻧﺴﺨﮧ ﻏﻠﻂ ﮨﮯ ﯾﺎ ﯾﮧ ﻟﻮﮒ ﮐﻮﺋﯽ
ﻣﻐﺎﻟﻄﮧ ﺍﻧﮕﯿﺰﯼ ﮐﺮﺭﮨﮯ ﮨﯿﮟ۔ )“ ۱۵)
ﺍﯾﺴﮯ ﻋﻠﻢ ﻭﻓﻀﻞ ﺍﻭﺭ ﺍﯾﺴﮯ ﺣﺎﻓﻈﮧ ﮐﺎ ﺷﺨﺺ ﺍﮔﺮ ﺑﻠﻨﺪ ﺑﺎﻧﮓ
ﺩﻋﻮﮮ ﮐﺮﻧﮯ ﻟﮕﮯ ﺗﻮ ﮐﺴﯽ ﺩﺭﺟﮧ ﻣﯿﮟ ﺍﺱ ﮐﻮ ﺣﻖ ﭘﮩﻨﭻ ﺳﮑﺘﺎ
ﮨﮯ، ﻟﯿﮑﻦ ﺣﻀﺮﺕ ﺷﺎﮦ ﺻﺎﺣﺐ ﺭﺣﻤﺔ ﺍﻟﻠﻪ ﻋﻠﻴﻪ ﺍُﺱ ﻗﺎﻓﻠﮧٴ ﺭُﺷﺪ ﻭ
ﮨﺪﺍﯾﺖ ﮐﮯ ﻓﺮﺩ ﺗﮭﮯ ﺟﺲ ﻧﮯ ﻣَﻦْ ﺗَﻮَﺍﺿَﻊَ ﻟِﻠّٰﮧِ ﮐﯽ ﺣﺪﯾﺚ ﮐﺎ
ﻋﻤﻠﯽ ﭘﯿﮑﺮ ﺑﻦ ﮐﺮ ﺩﮐﮭﺎﯾﺎ ﺗﮭﺎ۔ ﭼﻨﺎﻧﭽﮧ ﺍﺳﯽ ﻭﺍﻗﻌﮧ ﻣﯿﮟ ﺟﺐ
ﺍﻧﮭﻮﮞ ﻧﮯ ﺣﻀﺮﺕ ﻣﻮﻻﻧﺎ ﺑﻨﻮﺭﯼ ﻣﺪﻇﻠﮩﻢ ﮐﻮ ﺍﭘﻨﺎ ﻓﯿﺼﻠﮧ ﻟﮑﮭﻨﮯ ﮐﺎ
ﺣﮑﻢ ﺩﯾﺎ ﺗﻮ ﺍﻧﮭﻮﮞ ﻧﮯ ﺣﻀﺮﺕ ﺷﺎﮦ ﺻﺎﺣﺐ ﺭﺣﻤﺔ ﺍﻟﻠﻪ ﻋﻠﻴﻪ ﮐﮯ
ﻧﺎﻡ ﮐﮯ ﺳﺎﺗﮫ ” ﺍﻟﺤﺒﺮ ﺍﻟﺒﺤﺮ “ ( ﻋﺎﻟﻢ ﻣﺘﺒﺤﺮ) ﮐﮯ ﺩﻭ ﺗﻌﻈﯿﻤﯽ
ﻟﻔﻆ ﻟﮑﮫ ﺩﯾﮯ۔ ﺣﻀﺮﺕ ﺷﺎﮦ ﺻﺎﺣﺐ ﺭﺣﻤﺔ ﺍﻟﻠﻪ ﻋﻠﻴﻪ ﻧﮯ ﺩﯾﮑﮭﺎﺗﻮ
ﻗﻠﻢ ﮨﺎﺗﮫ ﺳﮯ ﻟﮯ ﮐﺮ ﺯﺑﺮﺩﺳﺘﯽ ﺧﻮﺩ ﯾﮧ ﺍﻟﻔﺎﻅ ﻣﭩﺎﺋﮯ ﺍﻭﺭ ﻏﺼﮧ
ﮐﮯ ﻟﮩﺠﮧ ﻣﯿﮟ ﻣﻮﻻﻧﺎ ﺑﻨﻮﺭﯼ ﺳﮯ ﻓﺮﻣﺎﯾﺎ :
” ﺁﭖ ﮐﻮ ﺻﺮﻑ ﻣﻮﻻﻧﺎ ﻣﺤﻤﺪ ﺍﻧﻮﺭ ﺷﺎﮦ ﻟﮑﮭﻨﮯ ﮐﯽ ﺍﺟﺎﺯﺕ ﮨﮯ “۔
( ۱۶)
ﭘﮭﺮ ﺍﯾﺴﺎ ﺷﺨﺺ ﺟﻮ ﮨﻤﮧ ﻭﻗﺖ ﮐﺘﺎﺑﻮﮞ ﮨﯽ ﻣﯿﮟ ﻣﺴﺘﻐﺮﻕ ﺭﮨﺘﺎ ﮨﻮ،
ﺍُﺱ ﮐﺎ ﯾﮧ ﺟﻤﻠﮧ ﺍﺩﺏ ﻭﺗﻌﻈﯿﻢ ﮐﺘﺐ ﮐﮯ ﮐﺲ ﻣﻘﺎﻡ ﮐﯽ ﻧﺸﺎﻥ
ﺩﮨﯽ ﮐﺮﺗﺎ ﮨﮯ ﮐﮧ :
” ﻣﯿﮟ ﻣﻄﺎﻟﻌﮧ ﻣﯿﮟ ﮐﺘﺎﺏ ﮐﻮ ﺍﭘﻨﺎ ﺗﺎﺑﻊ ﮐﺒﮭﯽ ﻧﮩﯿﮟ ﮐﺮﺗﺎ ﺑﻠﮑﮧ
ﮨﻤﯿﺸﮧ ﺧﻮﺩ ﮐﺘﺎﺏ ﮐﮯ ﺗﺎﺑﻊ ﮨﻮﮐﺮ ﻣﻄﺎﻟﻌﮧ ﮐﺮﺗﺎ ﮨﻮﮞ۔ “
ﭼﻨﺎﻧﭽﮧ ﺣﻀﺮﺕ ﻣﻮﻻﻧﺎ ﻗﺎﺭﯼ ﻣﺤﻤﺪ ﻃﯿﺐ ﺻﺎﺣﺐ ﻣﺪﻇﻠﮩﻢ ﻓﺮﻣﺎﺗﮯ
ﮨﯿﮟ :
” ﺳﻔﺮ ﻭﺣﻀﺮ ﻣﯿﮟ ﮨﻢ ﻟﻮﮔﻮﮞ ﻧﮯ ﮐﺒﮭﯽ ﻧﮩﯿﮟ ﺩﯾﮑﮭﺎ ﮐﮧ ﻟﯿﭧ ﮐﺮ
ﻣﻄﺎﻟﻌﮧ ﮐﺮﺭﮨﮯ ﮨﻮﮞ ﯾﺎ ﮐﺘﺎﺏ ﭘﺮ ﮐﮩﻨﯽ ﭨﯿﮏ ﮐﺮ ﻣﻄﺎﻟﻌﮧ ﻣﯿﮟ
ﻣﺸﻐﻮﻝ ﮨﻮﮞ، ﺑﻠﮑﮧ ﮐﺘﺎﺏ ﮐﻮ ﺳﺎﻣﻨﮯ ﺭﮐﮫ ﮐﺮ ﻣﻮٴﺩّﺏ ﺍﻧﺪﺍﺯ ﻣﯿﮟ
ﺑﯿﭩﮭﺘﮯ، ﮔﻮﯾﺎ ﮐﺴﯽ ﺷﯿﺦ ﮐﮯ ﺁﮔﮯ ﺑﯿﭩﮭﮯ ﮨﻮﺋﮯ ﺍﺳﺘﻔﺎﺩﮦ ﮐﺮﺭﮨﮯ
ﮨﻮﮞ۔ “
ﺍﻭﺭ ﯾﮧ ﺑﮭﯽ ﻓﺮﻣﺎﯾﺎﮐﮧ :
” ﻣﯿﮟ ﻧﮯ ﮨﻮﺵ ﺳﻨﺒﮭﺎﻟﻨﮯ ﮐﮯ ﺑﻌﺪ ﺳﮯ ﺍﺏ ﺗﮏ ﺩﯾﻨﯿﺎﺕ ﮐﯽ
ﮐﺴﯽ ﮐﺘﺎﺏ ﮐﺎ ﻣﻄﺎﻟﻌﮧ ﺑﮯ ﻭﺿﻮ ﻧﮩﯿﮟ ﮐﯿﺎ۔ )“ ۱۷)
۱۳ - ﺩﺍﺭﺍﻟﻌﻠﻮﻡ ﮐﯽ ﺗﺎﺭﯾﺦ ﻣﯿﮟ ﯾﮧ ﺟﻤﻠﮧ ﺑﮩﺖ ﻣﻌﺮﻭﻑ ﮨﮯ ﮐﮧ
ﺩﺍﺭﺍﻟﻌﻠﻮﻡ ﮐﯽ ﺍﺑﺘﺪﺍﺀ ﺩﻭ ﺍﯾﺴﮯ ﺑﺰﺭﮔﻮﮞ ﺳﮯ ﮨﻮﺋﯽ ﺟﻦ ﺩﻭﻧﻮﮞ ﮐﺎ
ﻧﺎﻡ ﻣﺤﻤﻮﺩ ﺗﮭﺎ ﺍﻭﺭ ﺩﻭﻧﻮﮞ ﻗﺼﺒﮧٴ ﺩﯾﻮﺑﻨﺪ ﮐﮯ ﺑﺎﺷﻨﺪﮮ ﺗﮭﮯ۔ ﺍﻥ
ﻣﯿﮟ ﺷﺎﮔﺮﺩ ﺗﻮ ﻭﮦ ﻣﺤﻤﻮﺩ ﺗﮭﮯ ﺟﻮ ﺷﯿﺦ ﺍﻟﮩﻨﺪ ﺣﻀﺮﺕ ﻣﻮﻻﻧﺎ
ﻣﺤﻤﻮﺩ ﺣﺴﻦ ﺻﺎﺣﺐ ﺭﺣﻤﺔ ﺍﻟﻠﻪ ﻋﻠﻴﻪ ﮐﮯ ﻧﺎﻡ ﺳﮯ ﻣﻌﺮﻭﻑ ﮨﻮﺋﮯ
ﺍﻭﺭ ﺍﺳﺘﺎﺩ ﺣﻀﺮﺕ ﻣﻼ ﻣﺤﻤﻮﺩ ﺻﺎﺣﺐ ﺭﺣﻤﺔ ﺍﻟﻠﻪ ﻋﻠﻴﻪ ﺗﮭﮯ۔ ﺭﺍﻗﻢ
ﺍﻟﺤﺮﻭﻑ ﮐﮯ ﺟﺪ ﺍﻣﺠﺪ ﺣﻀﺮﺕ ﻣﻮﻻﻧﺎ ﻣﺤﻤﺪ ﯾٰﺴﯿﻦ ﺻﺎﺣﺐ ﺭﺣﻤﺔ
ﺍﻟﻠﮧ ﻋﻠﯿﮧ ﮐﯽ ﺭﻭﺍﯾﺖ ﮨﮯ ﮐﮧ ﺍﯾﮏ ﻣﺮﺗﺒﮧ ﻣﻼ ﻣﺤﻤﻮﺩ ﺻﺎﺣﺐ ﺭﺣﻤﺔ
ﺍﻟﻠﻪ ﻋﻠﻴﻪ ﻧﮯ ﻓﺮﻣﺎﯾﺎ ﮐﮧ ﺳﻨﻦ ﺍﺑﻦ ﻣﺎﺟﮧ ﭘﺮ ﺟﻮ ﺣﺎﺷﯿﮧ ﺣﻀﺮﺕ
ﺷﺎﮦ ﻋﺒﺪﺍﻟﻐﻨﯽ ﺻﺎﺣﺐ ﺭﺣﻤﺔ ﺍﻟﻠﻪ ﻋﻠﻴﻪ ﻣﺤﺪﺙ ﺩﮨﻠﻮﯼ ﺭﺣﻤﺔ ﺍﻟﻠﻪ
ﻋﻠﻴﻪ ﮐﮯ ﻧﺎﻡ ﺳﮯ ﭼﮭﭙﺎ ﮨﻮﺍ ﮨﮯ ﺍﺱ ﮐﺎ ﺑﮍﺍ ﺣﺼﮧ ﺣﻀﺮﺕ ﺷﺎﮦ
ﻋﺒﺪﺍﻟﻐﻨﯽ ﺻﺎﺣﺐ ﺭﺣﻤﺔ ﺍﻟﻠﻪ ﻋﻠﻴﻪ ﻧﮯ ﻣﺠﮫ ﺳﮯ ﻟﮑﮭﻮﺍﯾﺎﮨﮯ۔ ﺍﻥ
ﮐﯽ ﺳﺎﺩﮔﯽ ﮐﺎ ﯾﮧ ﻋﺎﻟﻢ ﺗﮭﺎ ﮐﮧ ﻃﻠﺒﺎﺀ ﻧﮯ ﺍﺱ ﭘﺮ ﺗﻌﺠﺐ ﮐﺎ ﺍﻇﮩﺎﺭ
ﮐﯿﺎ۔ ﻭﺟﮧ ﯾﮧ ﺗﮭﯽ ﮐﮧ ﻋﻠﻢ ﮐﮯ ﺩﻋﻮﮮ ﺍﻭﺭ ﻧﺎﻡ ﻭﻧﻤﻮﺩ ﮐﯽ
ﺧﻮﺍﮨﺸﺎﺕ ﺳﮯ ﺍﻟﻠﮧ ﺗﻌﺎﻟﯽٰ ﻧﮯ ﺍﺱ ﻓﺮﺷﺘﮧٴ ﺧﺼﻠﺖ ﺑﺰﺭﮒ ﮐﻮ
ﺍﯾﺴﺎﭘﺎﮎ ﺭﮐﮭﺎﺗﮭﺎ ﮐﮧ ﻋﺎﻡ ﺁﺩﻣﯽ ﮐﻮ ﯾﮧ ﭘﮩﭽﺎﻧﻨﺎ ﺑﮭﯽ ﻣﺸﮑﻞ ﺗﮭﺎ
ﮐﮧ ﯾﮧ ﮐﻮﺋﯽ ﺑﮍﮮ ﻋﺎﻟﻢ ﮨﯿﮟ۔
ﺍﭘﻨﺎ ﮔﮭﺮﯾﻠﻮ ﺳﻮﺩﺍﺳﻠﻒ ﺍﻭﺭ ﮔﻮﺷﺖ ﺗﺮﮐﺎﺭﯼ ﺧﻮﺩ ﺑﺎﺯﺍﺭ ﺳﮯ ﺧﺮﯾﺪ
ﮐﺮ ﻻﺗﮯ ﺍﻭﺭ ﮔﮭﺮ ﻣﯿﮟ ﻋﺎﻡ ﺁﺩﻣﯿﻮﮞ ﮐﯽ ﻃﺮﺡ ﺯﻧﺪﮔﯽ ﮔﺰﺍﺭﺗﮯ
ﺗﮭﮯ ﻣﮕﺮ ﻋﻠﻮﻡ ﮐﮯ ﺍﺳﺘﺤﻀﺎﺭ ﺍﻭﺭ ﺣﻔﻆ ﮐﺎ ﻋﺎﻟﻢ ﯾﮧ ﺗﮭﺎﮐﮧ ﺭﺍﻗﻢ
ﮐﮯ ﺟﺪِّ ﺍﻣﺠﺪ ﺣﻀﺮﺕ ﻣﻮﻻﻧﺎ ﻣﺤﻤﺪ ﯾٰﺴﯿﻦ ﺻﺎﺣﺐ ﺭﺣﻤﺔ ﺍﻟﻠﻪ ﻋﻠﻴﻪ
ﮐﯽ ﺍﯾﮏ ﺑﮍﯼ ﮐﺘﺎﺏ (ﺟﻮ ﻏﺎﻟﺒﺎً ﻣﻨﻄﻖ ﯾﺎ ﺍﺻﻮﻝِ ﻓﻘﮧ ﮐﯽ ﮐﺘﺎﺏ
ﺗﮭﯽ) ﺍﺗﻔﺎﻗﺎً ﺩﺭﺱ ﺳﮯ ﺭﮦ ﮔﺌﯽ ﺗﮭﯽ، ﺍﻧﮭﯿﮟ ﯾﮧ ﻓﮑﺮ ﺗﮭﯽ ﮐﮧ
ﺩﻭﺭﺋﮧ ﺣﺪﯾﺚ ﺷﺮﻭﻉ ﮨﻮﻧﮯ ﺳﮯ ﭘﮩﻠﮯ ﯾﮧ ﮐﺘﺎﺏ ﭘﻮﺭﯼ ﮨﻮﺟﺎﺋﮯ
ﭼﻨﺎﻧﭽﮧ ﺍﻧﮭﻮﮞ ﻧﮯ ﻣُﻼّ ﻣﺤﻤﻮﺩ ﺻﺎﺣﺐ ﺭﺣﻤﺔ ﺍﻟﻠﻪ ﻋﻠﻴﻪ ﺳﮯ
ﺩﺭﺧﻮﺍﺳﺖ ﮐﯽ۔ ﻣﻼ ﺻﺎﺣﺐ ﺭﺣﻤﺔ ﺍﻟﻠﻪ ﻋﻠﻴﻪ ﻧﮯ ﻓﺮﻣﺎﯾﺎﮐﮧ ﺍﻭﻗﺎﺕِ
ﻣﺪﺭﺳﮧ ﮐﮯ ﻋﻼﻭﮦ ﺑﮭﯽ ﻣﯿﺮﮮ ﺗﻤﺎﻡ ﺍﻭﻗﺎﺕ ﺍﺳﺒﺎﻕ ﺳﮯ ﺑﮭﺮﮮ
ﮨﻮﺋﮯ ﮨﯿﮟ، ﺻﺮﻑ ﺍﯾﮏ ﻭﻗﺖ ﮨﮯ ﮐﮧ ﺟﺐ ﻣﯿﮟ ﮔﮭﺮ ﮐﺎ ﮔﻮﺷﺖ
ﺗﺮﮐﺎﺭﯼ ﻟﯿﻨﮯ ﮐﮯ ﻟﯿﮯ ﺑﺎﺯﺍﺭ ﺟﺎﺗﺎ ﮨﻮﮞ، ﯾﮧ ﻭﻗﺖ ﺧﺎﻟﯽ ﮔﺰﺭﺗﺎ
ﮨﮯ، ﺗﻢ ﺳﺎﺗﮫ ﮨﻮﺟﺎﺅ ﺗﻮ ﺍﺱ ﻭﻗﻔﮯ ﻣﯿﮟ ﺳﺒﻖ ﭘﮍﮬﺎﺩﻭﮞ ﮔﺎ۔ ﺍﺣﻘﺮ
ﮐﮯ ﺩﺍﺩﺍ ﺣﻀﺮﺕ ﻣﻮﻻﻧﺎ ﻣﺤﻤﺪ ﯾٰﺴﯿﻦ ﺻﺎﺣﺐ ﺭﺣﻤﺔ ﺍﻟﻠﻪ ﻋﻠﻴﻪ
ﻓﺮﻣﺎﺗﮯ ﺗﮭﮯ ﮐﮧ ﮐﺘﺎﺏ ﺑﮍﯼ ﺍﻭﺭ ﻣﺸﮑﻞ ﺗﮭﯽ ﺟﺲ ﮐﻮ ﺩﻭﺳﺮﮮ
ﻋﻠﻤﺎﺀ ﻏﻮﺭ ﻭﻣﻄﺎﻟﻌﮧ ﮐﮯ ﺑﻌﺪ ﺑﮭﯽ ﻣﺸﮑﻞ ﺳﮯ ﭘﮍﮬﺎ ﺳﮑﺘﮯ
ﺗﮭﮯ۔ ﻣﮕﺮ ﻣُﻼّ ﻣﺤﻤﻮﺩ ﺻﺎﺣﺐ ﺭﺣﻤﺔ ﺍﻟﻠﻪ ﻋﻠﻴﻪ ﻧﮯ ﮐﭽﮫ ﺭﺍﺳﺘﮧ
ﻣﯿﮟ ﮐﭽﮫ ﻗﺼﺎﺏ ﮐﯽ ﺩﻭﮐﺎﻥ ﭘﺮ ﯾﮧ ﺗﻤﺎﻡ ﮐﺘﺎﺏ ﮨﻤﯿﮟ ﺍﺱ ﻃﺮﺡ
ﭘﮍﮬﺎ ﺩﯼ ﮐﮧ ﮐﻮﺋﯽ ﻣﺸﮑﻞ ﮨﯽ ﻧﻈﺮ ﻧﮧ ﺁﺋﯽ۔( ۱۸)
۱۴ - ﺣﮑﯿﻢ ﺍﻻﻣﺖ ﺣﻀﺮﺕ ﻣﻮﻻﻧﺎ ﺍﺷﺮﻑ ﻋﻠﯽ ﺻﺎﺣﺐ ﺗﮭﺎﻧﻮﯼ ﺭﺣﻤﺔ
ﺍﻟﻠﮧ ﻋﻠﯿﮧ ﮐﮯ ﻋﻠﻢ ﻭﻓﻀﻞ ﮐﮯ ﺑﺎﺭﮮ ﻣﯿﮟ ﮐﭽﮫ ﮐﮩﻨﺎ ﺳﻮﺭﺝ ﮐﻮ
ﭼﺮﺍﻍ ﺩﮐﮭﺎﻧﺎ ﮨﮯ، ﺣﻀﺮﺕ ﺭﺣﻤﺔ ﺍﻟﻠﻪ ﻋﻠﻴﻪ ﻃﺎﻟﺐ ﻋﻠﻤﯽ ﮐﮯ
ﺯﻣﺎﻧﮯ ﮨﯽ ﺳﮯ ﺍﭘﻨﯽ ﻗﻮﺕِ ﺍﺳﺘﻌﺪﺍﺩ، ﺫﮨﺎﻧﺖ ﻭﻓﻄﺎﻧﺖ ﺍﻭﺭ ﻋﻠﻢ
ﻭﻋﻤﻞ ﻣﯿﮟ ﻣﺼﺮﻭﻑ ﺗﮭﮯ ﻟﯿﮑﻦ ﺟﺐ ۱۳۰۰ﮪ ﻣﯿﮟ ﺁﭖ ﺩﺍﺭﺍﻟﻌﻠﻮﻡ
ﺳﮯ ﻓﺎﺭﻍ ﺍﻟﺘﺤﺼﯿﻞ ﮨﻮﺋﮯ، ﺍﻭﺭ ﺩﺳﺘﺎﺭﺑﻨﺪﯼ ﮐﮯ ﻟﯿﮯ ﺩﯾﻮﺑﻨﺪ ﻣﯿﮟ
ﺑﮩﺖ ﺑﮍﺍ ﺍﻭﺭ ﺷﺎﻧﺪﺍﺭ ﺟﻠﺴﮧ ﻣﻨﻌﻘﺪ ﮐﺮﻧﮯ ﮐﯽ ﺗﺠﻮﯾﺰ ﮨﻮﺋﯽ ﺗﻮ
ﺣﻀﺮﺕ ﺗﮭﺎﻧﻮﯼ ﺭﺣﻤﺔ ﺍﻟﻠﻪ ﻋﻠﻴﻪ ﺍﭘﻨﮯ ﮨﻢ ﺳﺒﻘﻮﮞ ﮐﻮ ﻟﮯ ﮐﺮ
ﺣﻀﺮﺕ ﻣﻮﻻﻧﺎ ﻣﺤﻤﺪ ﯾﻌﻘﻮﺏ ﺻﺎﺣﺐ ﻧﺎﻧﻮﺗﻮﯼ ﺭﺣﻤﺔ ﺍﻟﻠﻪ ﻋﻠﻴﻪ ﮐﯽ
ﺧﺪﻣﺖ ﻣﯿﮟ ﭘﮩﻨﭽﮯ ﺍﻭﺭ ﻋﺮﺽ ﮐﯿﺎ ﮐﮧ ”ﺣﻀﺮﺕ! ﮨﻢ ﻧﮯ ﺳﻨﺎ ﮨﮯ
ﮐﮧ ﮨﻢ ﻟﻮﮔﻮﮞ ﮐﯽ ﺩﺳﺘﺎﺭﺑﻨﺪﯼ ﮐﯽ ﺟﺎﺋﮯ ﮔﯽ ﺍﻭﺭ ﺳﻨﺪ ﻓﺮﺍﻍ ﺩﯼ
ﺟﺎﺋﮯ ﮔﯽ۔ ﺣﺎﻻﻧﮑﮧ ﮨﻢ ﺍﺱ ﻗﺎﺑﻞ ﮨﺮﮔﺰ ﻧﮩﯿﮟ ﻟﮩٰﺬﺍ ﺍﺱ ﺗﺠﻮﯾﺰ ﮐﻮ
ﻣﻨﺴﻮﺥ ﻓﺮﻣﺎﺩﯾﺎ ﺟﺎﺋﮯ ﻭﺭﻧﮧ ﺍﮔﺮ ﺍﯾﺴﺎ ﮐﯿﺎﮔﯿﺎ ﺗﻮ ﻣﺪﺭﺳﮧ ﮐﯽ ﺑﮍﯼ
ﺑﺪﻧﺎﻣﯽ ﮨﻮﮔﯽ ﮐﮧ ﺍﯾﺴﮯ ﻧﺎﻻﺋﻘﻮﮞ ﮐﻮ ﺳﻨﺪ ﺩﯼ ﮔﺌﯽ۔ “ ﺣﻀﺮﺕ
ﻧﺎﻧﻮﺗﻮﯼ ﺭﺣﻤﺔ ﺍﻟﻠﻪ ﻋﻠﻴﻪ ﮐﻮ ﯾﮧ ﺳﻦ ﮐﺮ ﺟﻮﺵ ﺁﮔﯿﺎ ﺍﻭﺭ ﻓﺮﻣﺎﯾﺎﮐﮧ
ﺗﻤﮩﺎﺭﺍ ﯾﮧ ﺧﯿﺎﻝ ﺑﺎﻟﮑﻞ ﻏﻠﻂ ﮨﮯ، ﯾﮩﺎﮞ ﭼﻮﻧﮑﮧ ﺗﻤﮩﺎﺭﮮ ﺍﺳﺎﺗﺬﮦ
ﻣﻮﺟﻮﺩ ﮨﯿﮟ ﺍﺱ ﻟﯿﮯ ﺍﻥ ﮐﮯ ﺳﺎﻣﻨﮯ ﺗﻤﮩﯿﮟ ﺍﭘﻨﯽ ﮨﺴﺘﯽ ﮐﭽﮫ
ﻧﮩﯿﮟ ﺁﺗﯽ ﺍﻭﺭ ﺍﯾﺴﺎﮨﯽ ﮨﻮﻧﺎ ﭼﺎﮨﯿﮯ، ﺑﺎﮨﺮ ﺟﺎﺅﮔﮯ ﺗﺐ ﺗﻤﮩﯿﮟ ﺍﭘﻨﯽ
ﻗﺪﺭ ﻣﻌﻠﻮﻡ ﮨﻮﮔﯽ، ﺟﮩﺎﮞ ﺟﺎﺅﮔﮯ ﺑﺲ ﺗﻢ ﮨﯽ ﺗﻢ ﮨﻮﮔﮯ۔( ۱۹)
ﺳﺎﺩﮔﯽ ﺍﻭﺭ ﻣﺨﻠﻮﻕِ ﺧﺪﺍ ﮐﺎ ﺧﯿﺎﻝ
۱۵ - ﺣﻀﺮﺕ ﻣﻮﻻﻧﺎ ﻣﻈﻔﺮﺣﺴﯿﻦ ﮐﺎﻧﺪﮬﻠﻮﯼ ﺭﺣﻤﺔ ﺍﻟﻠﮧ ﻋﻠﯿﮧ ﮐﺎ
ﺷﻤﺎﺭ ﺑﮭﯽ ﺍﮐﺎﺑﺮِ ﺩﯾﻮﺑﻨﺪ ﻣﯿﮟ ﮨﮯ۔ ﺍﻥ ﮐﮯ ﻋﻠﻢ ﻭﻓﻀﻞ ﮐﺎ ﺍﻧﺪﺍﺯﮦ
ﺍﺱ ﺳﮯ ﻟﮕﺎﯾﺎ ﺟﺎﺳﮑﺘﺎ ﮨﮯ ﮐﮧ ﻭﮦ ﺣﻀﺮﺕ ﺷﺎﮦ ﻣﺤﻤﺪ ﺍﺳﺤﻖ
ﺻﺎﺣﺐ ﺭﺣﻤﺔ ﺍﻟﻠﮧ ﻋﻠﯿﮧ ﮐﮯ ﺑﻼﻭﺍﺳﻄﮧ ﺷﺎﮔﺮﺩ ﺍﻭﺭ ﺣﻀﺮﺕ ﺷﺎﮦ
ﻋﺒﺪﺍﻟﻐﻨﯽ ﺻﺎﺣﺐ ﻣﺤﺪﺙ ﺩﮨﻠﻮﯼ ﺭﺣﻤﺔ ﺍﻟﻠﻪ ﻋﻠﻴﻪ ﮐﮯ ﮨﻢ ﺳﺒﻖ ﮨﯿﮟ۔
ﻭﮦ ﺍﯾﮏ ﻣﺮﺗﺒﮧ ﮐﮩﯿﮟ ﺗﺸﺮﯾﻒ ﻟﮯ ﺟﺎﺭﮨﮯ ﺗﮭﮯ ﮐﮧ ﺭﺍﺳﺘﮧ ﻣﯿﮟ ﺍﯾﮏ
ﺑﻮﮌﮬﺎ ﻣﻼﺟﻮ ﺑﻮﺟﮫ ﻟﯿﮯ ﺟﺎﺭﮨﺎ ﺗﮭﺎ، ﺑﻮﺟﮫ ﺯﯾﺎﺩﮦ ﺗﮭﺎ ﺍﻭﺭ ﻭﮦ
ﺑﻤﺸﮑﻞ ﭼﻞ ﺭﮨﺎ ﺗﮭﺎ، ﺣﻀﺮﺕ ﻣﻮﻻﻧﺎ ﻣﻈﻔﺮﺣﺴﯿﻦ ﺻﺎﺣﺐ ﺭﺣﻤﺔ ﺍﻟﻠﻪ
ﻋﻠﻴﻪ ﻧﮯ ﯾﮧ ﺣﺎﻝ ﺩﯾﮑﮭﺎﺗﻮ ﺍﺱ ﺳﮯ ﻭﮦ ﺑﻮﺟﮫ ﻟﮯ ﻟﯿﺎ ﺍﻭﺭ ﺟﮩﺎﮞ ﻭﮦ
ﻟﮯ ﺟﺎﻧﺎ ﭼﺎﮨﺘﺎ ﺗﮭﺎ ﻭﮨﺎﮞ ﭘﮩﻨﭽﺎﺩﯾﺎ۔ ﺍﺱ ﺑﻮﮌﮬﮯ ﻧﮯ ﺍُﻥ ﺳﮯ
ﭘﻮﭼﮭﺎ! ”ﺍﺟﯽ! ﺗﻢ ﮐﮩﺎﮞ ﺭﮨﺘﮯ ﮨﻮ؟ “ ﺍﻧﮭﻮﮞ ﻧﮯ ﮐﮩﺎ : ” ﺑﮭﺎﺋﯽ!
ﻣﯿﮟ ﮐﺎﻧﺪﮬﻠﮧ ﻣﯿﮟ ﺭﮨﺘﺎ ﮨﻮﮞ “۔ ﺍﺱ ﻧﮯ ﮐﮩﺎ : ” ﻭﮨﺎﮞ ﻣﻮﻟﻮﯼ
ﻣﻈﻔﺮﺣﺴﯿﻦ ﺑﮍﮮ ﻭﻟﯽ ﮨﯿﮟ “ ﺍﻭﺭ ﯾﮧ ﮐﮩﮧ ﮐﺮ ﺍﻥ ﮐﯽ ﺑﮍﯼ
ﺗﻌﺮﯾﻔﯿﮟ ﮐﯿﮟ، ﻣﮕﺮ ﻣﻮﻻﻧﺎ ﺭﺣﻤﺔ ﺍﻟﻠﻪ ﻋﻠﻴﻪ ﻧﮯ ﻓﺮﻣﺎﯾﺎ : ”ﺍﻭﺭ ﺗﻮ
ﺍﺱ ﻣﯿﮟ ﮐﻮﺋﯽ ﺑﺎﺕ ﻧﮩﯿﮟ ﮨﮯ، ﮨﺎﮞ ﻧﻤﺎﺯ ﺗﻮﭘﮍﮪ ﻟﮯ ﮨﮯ “۔ ﺍﺱ ﻧﮯ
ﮐﮩﺎ ”ﻭﺍﮦ ﻣﯿﺎﮞ! ﺗﻢ ﺍﯾﺴﮯ ﺑﺰﺭﮒ ﮐﻮ ﺍﯾﺴﺎ ﮐﮩﻮ؟ “ ﻣﻮﻻﻧﺎ ﺭﺣﻤﺔ
ﺍﻟﻠﻪ ﻋﻠﻴﻪ ﻧﮯ ﻓﺮﻣﺎﯾﺎ : ” ﻣﯿﮟ ﭨﮭﯿﮏ ﮐﮩﺘﺎ ﮨﻮﮞ “ ﻭﮦ ﺑﻮﮌﮬﺎ ﺍُﻥ ﮐﮯ
ﺳﺮﮨﻮﮔﯿﺎ، ﺍﺗﻨﮯ ﻣﯿﮟ ﺍﯾﮏ ﺍﻭﺭ ﺷﺨﺺ ﺁﮔﯿﺎ ﺟﻮ ﻣﻮﻻﻧﺎ ﺭﺣﻤﺔ ﺍﻟﻠﻪ
ﻋﻠﻴﻪ ﮐﻮ ﺟﺎﻧﺘﺎ ﺗﮭﺎ،ﺍﺱ ﻧﮯ ﺑﻮﮌﮬﮯ ﺳﮯ ﮐﮩﺎ ” ﺑﮭﻠﮯ ﻣﺎﻧﺲ!
ﻣﻮﻟﻮﯼ ﻣﻈﻔﺮﺣﺴﯿﻦ ﯾﮩﯽ ﮨﯿﮟ “ ﺍﺱ ﭘﺮ ﻭﮦ ﺑﻮﮌﮬﺎ ﻣﻮﻻﻧﺎ ﺳﮯ ﻟﭙﭧ
ﮐﺮ ﺭﻭﻧﮯ ﻟﮕﺎ۔( ۲۰)
۱۶ - ﺍﻧﮩﯽ ﻣﻮﻻﻧﺎ ﻣﻈﻔﺮﺣﺴﯿﻦ ﺻﺎﺣﺐ ﺭﺣﻤﺔ ﺍﻟﻠﻪ ﻋﻠﻴﻪ ﮐﯽ ﻋﺎﺩﺕ
ﯾﮧ ﺗﮭﯽ ﮐﮧ ﺍﺷﺮﺍﻕ ﮐﯽ ﻧﻤﺎﺯ ﭘﮍﮪ ﮐﺮ ﻣﺴﺠﺪ ﺳﮯ ﻧﮑﻼ ﮐﺮﺗﮯ
ﺗﮭﮯ ﺍﻭﺭ ﺍﭘﻨﮯ ﺗﻤﺎﻡ ﺭﺷﺘﮧ ﺩﺍﺭﻭﮞ ﮐﮯ ﮔﮭﺮ ﺗﺸﺮﯾﻒ ﻟﮯ ﺟﺎﺗﮯ
ﺟﺲ ﮐﺴﯽ ﮐﻮ ﺑﺎﺯﺍﺭ ﺳﮯ ﮐﭽﮫ ﻣﻨﮕﺎﻧﺎ ﮨﻮﺗﺎ ﺍﺱ ﺳﮯ ﭘﻮﭼﮫ ﮐﺮ
ﻻﺩﯾﺘﮯ ﺍﻭﺭ ﻃُﺮّﮦ ﯾﮧ ﮐﮧ ﺍﺱ ﺯﻣﺎﻧﮯ ﻣﯿﮟ ﻟﻮﮔﻮﮞ ﮐﮯ ﭘﺎﺱ ﭘﯿﺴﮯ
ﮐﻢ ﮨﻮﺗﮯ ﺗﮭﮯ، ﻋﻤﻮﻣﺎً ﭼﯿﺰﯾﮟ ﻏﻠّﮯ ﮐﮯ ﻋﻮﺽ ﺧﺮﯾﺪﯼ ﺟﺎﺗﯽ ﺗﮭﯿﮟ
ﭼﻨﺎﻧﭽﮧ ﺁﭖ ﮔﮭﺮﻭﮞ ﺳﮯ ﻏﻠّﮧ ﺑﺎﻧﺪﮪ ﮐﺮ ﻟﮯ ﺟﺎﺗﮯ ﺍﻭﺭﺍﺱ ﺳﮯ
ﺍﺷﯿﺎﺀ ﺿﺮﻭﺭﺕ ﺧﺮﯾﺪ ﮐﺮ ﻻﺗﮯ ﺗﮭﮯ۔(۲۱)
۱۷ - ﯾﮩﯽ ﺣﺎﻝ ﺩﯾﻮﺑﻨﺪ ﮐﮯ ﻣﻔﺘﯽ ﺍﻋﻈﻢ ﺣﻀﺮﺕ ﻣﻮﻻﻧﺎ ﻣﻔﺘﯽ ﻋﺰﯾﺰ
ﺍﻟﺮﺣﻤﻦ ﺻﺎﺣﺐ ﺭﺣﻤﺔ ﺍﻟﻠﻪ ﻋﻠﻴﻪ ﮐﺎ ﺗﮭﺎ۔ ﻋﻠﻢ ﻭﻓﻀﻞ ﮐﺎ ﺗﻮ ﯾﮧ ﻋﺎﻟﻢ
ﮐﮧ ﺁﺝ ﺍﻥ ﮐﯽ ”ﻋﺰﯾﺰ ﺍﻟﻔﺘﺎﻭﯼٰ “ ﻋﮩﺪ ﺣﺎﺿﺮ ﮐﮯ ﺗﻤﺎﻡ ﻣﻔﺘﯿﻮﮞ ﮐﮯ
ﻟﯿﮯ ﻣﺂﺧﺬ ﺑﻨﯽ ﮨﻮﺋﯽ ﮨﮯ ﺍﻭﺭ ﻓﺘﻮﯼٰ ﮐﮯ ﺳﺎﺗﮫ ﺷﻐﻒ ﮐﺎ ﯾﮧ ﺣﺎﻝ
ﮐﮧ ﻭﻓﺎﺕ ﮐﮯ ﻭﻗﺖ ﺑﮭﯽ ﺍﯾﮏ ﺍﺳﺘﻔﺘﺎﺀ ﮨﺎﺗﮫ ﻣﯿﮟ ﺗﮭﺎ ﺟﺴﮯ ﻣﻮﺕ
ﮨﯽ ﻧﮯ ﮨﺎﺗﮫ ﺳﮯ ﭼﮭﮍﺍﮐﺮ ﺳﯿﻨﮯ ﭘﺮ ﮈﺍﻝ ﺩﯾﺎ ﺗﮭﺎ۔( ۲۲) ﻟﯿﮑﻦ
ﺳﺎﺩﮔﯽ، ﺗﻮﺍﺿﻊ ﺍﻭﺭ ﺧﺪﻣﺖ ﺧﻠﻖ ﮐﺎ ﯾﮧ ﻣﻘﺎﻡ ﮐﺎ ﻭﺍﻟﺪ ﻣﺎﺟﺪ ﺣﻀﺮﺕ
ﻣﻮﻻﻧﺎ ﻣﻔﺘﯽ ﻣﺤﻤﺪ ﺷﻔﯿﻊ ﺻﺎﺣﺐ ﻣﺪﻇﻠﮩﻢ ﺗﺤﺮﯾﺮ ﻓﺮﻣﺎﺗﮯ ﮨﯿﮟ :
”ﮐﻮﺋﯽ ﮐﯿﺴﮯ ﺳﻤﺠﮭﮯ ﮐﮧ ﯾﮧ ﮐﻮﺋﯽ ﺑﮍﮮ ﻋﺎﻟﻢ ﯾﺎ ﺻﺎﺣﺐ
ﮐﺮﺍﻣﺎﺕ ﺻﻮﻓﯽ ﺍﻭﺭ ﺻﺎﺣﺐ ﻧﺴﺒﺖ ﺷﯿﺦ ﮨﯿﮟ ﺟﺐ ﮐﮧ ﻏﺎﯾﺖ ﺗﻮﺍﺿﻊ
ﮐﺎ ﯾﮧ ﻋﺎﻟﻢ ﮨﻮﮐﮧ ﺑﺎﺯﺍﺭ ﮐﺎ ﺳﻮﺩﺍ ﺳﻠﻒ ﻧﮧ ﺻﺮﻑ ﺍﭘﻨﮯ ﮔﮭﺮ ﮐﺎ
ﺑﻠﮑﮧ ﻣﺤﻠﮯ ﮐﯽ ﺑﯿﻮﺍﺅﮞ ﺍﻭﺭ ﺿﺮﻭﺭﺕ ﻣﻨﺪﻭﮞ ﮐﺎ ﺑﮭﯽ ﺧﻮﺩ ﻻﺗﮯ،
ﺑﻮﺟﮫ ﺯﯾﺎﺩﮦ ﮨﻮﺟﺎﺗﺎ ﺗﻮ ﺑﻐﻞ ﻣﯿﮟ ﮔﭩﮭﮍﯼ ﺩﺑﺎﻟﯿﺘﮯ ﺍﻭﺭ ﭘﮭﺮ ﮨﺮ ﺍﯾﮏ
ﮐﮯ ﮔﮭﺮﮐﺎ ﺳﻮﺩﺍ ﻣﻊ ﺣﺴﺎﺏ ﮐﮯ ﺍﺱ ﮐﻮ ﭘﮩﻨﭽﺎﺗﮯ۔ )“ ۲۳)
ﺭﺍﻗﻢ ﺍﻟﺤﺮﻭﻑ ﻧﮯ ﻭﺍﻟﺪ ﻣﺎﺟﺪ ﺣﻀﺮﺕ ﻣﻮﻻﻧﺎ ﻣﻔﺘﯽ ﻣﺤﻤﺪ ﺷﻔﯿﻊ
ﺻﺎﺣﺐ ﻣﺪﻇﻠﮩﻢ ﮨﯽ ﺳﮯ ﺯﺑﺎﻧﯽ ﺳﻨﺎ ﮐﮧ ﺍﺳﯽ ﺳﻮﺩﺍ ﺳﻠﻒ ﻻﻧﮯ
ﻣﯿﮟ ﮐﺒﮭﯽ ﺍﯾﺴﺎ ﺑﮭﯽ ﮨﻮﺗﺎ ﮐﮧ ﺟﺐ ﺣﻀﺮﺕ ﻣﻔﺘﯽ ﺻﺎﺣﺐ ﺭﺣﻤﺔ
ﺍﻟﻠﻪ ﻋﻠﻴﻪ ﮐﺴﯽ ﻋﻮﺭﺕ ﮐﻮ ﺳﻮﺩﺍ ﺩﯾﻨﮯ ﮐﮯ ﻟﯿﮯ ﺟﺎﺗﮯ ﺗﻮ ﻭﮦ
ﺩﯾﮑﮫ ﮐﺮ ﮐﮩﺘﯽ : ” ﻣﻮﻟﻮﯼ ﺻﺎﺣﺐ! ﯾﮧ ﺗﻮ ﺁﭖ ﻏﻠﻂ ﻟﮯ ﺁﺋﮯ ﮨﯿﮟ،
ﻣﯿﮟ ﻧﮯ ﯾﮧ ﭼﯿﺰ ﺍﺗﻨﯽ ﻧﮩﯿﮟ ﺍﺗﻨﯽ ﻣﻨﮕﺎﺋﯽ ﺗﮭﯽ۔ “ ﭼﻨﺎﻧﭽﮧ ﯾﮧ
ﻓﺮﺷﺘﮧ ﺻﻔﺖ ﺍﻧﺴﺎﻥ ﺩﻭﺑﺎﺭﮦ ﺑﺎﺯﺍﺭ ﺟﺎﺗﺎ ﺍﻭﺭ ﺍﺱ ﻋﻮﺭﺕ ﮐﯽ ﺷﮑﺎﯾﺖ
ﺩﻭﺭ ﮐﺮﺗﺎ۔
۱۸ - ﺣﻀﺮﺕ ﻣﻮﻻﻧﺎ ﺳﯿﺪﺍﺻﻐﺮﺣﺴﯿﻦ ﺻﺎﺣﺐ ﺭﺣﻤﺔ ﺍﻟﻠﮧ ﻋﻠﯿﮧ ﺟﻮ
ﺩﯾﻮﺑﻨﺪ ﻣﯿﮟ ﺣﻀﺮﺕ ﻣﯿﺎﮞ ﺻﺎﺣﺐ ﺭﺣﻤﺔ ﺍﻟﻠﻪ ﻋﻠﻴﻪ ﮐﮯ ﻟﻘﺐ ﺳﮯ
ﻣﻌﺮﻭﻑ ﺗﮭﮯ۔ ﺩﺍﺭﺍﻟﻌﻠﻮﻡ ﺩﯾﻮﺑﻨﺪ ﮐﮯ ﺩﺭﺟﮧ ﻋﻠﯿﺎﺀ ﮐﮯ ﺍﺳﺘﺎﺩ
ﺗﮭﮯ، ﺍﻥ ﺳﮯ ﺍﺑﻮﺩﺍﺅﺩ ﭘﮍﮬﻨﮯ ﻭﺍﻟﮯ ﺍﺏ ﺑﮭﯽ ﺑﺮﺻﻐﯿﺮ ﻣﯿﮟ
ﮨﺰﺍﺭﻭﮞ ﮨﻮﮞ ﮔﮯ، ﻋﻠﻮﻡِ ﻗﺮﺁﻥ ﻭﺳﻨﺖ ﮐﮯ ﺑﮩﺖ ﺑﮍﮮ ﻣﺎﮨﺮ ﺍﻭﺭ
ﺟﻤﻠﮧ ﻋﻠﻮﻡ ﻭﻓﻨﻮﻥ ﮐﮯ ﮐﺎﻣﻞ ﻣﺤﻘﻖ، ﻣﮕﺮ ﺑﮩﺖ ﮐﻢ ﮔﻮ، ﺣﺪﯾﺚ
ﮐﮯ ﺩﺭﺱ ﻣﯿﮟ ﻧﮩﺎﯾﺖ ﻣﺨﺘﺼﺮ ﻣﮕﺮ ﺟﺎﻣﻊ ﺗﻘﺮﯾﺮ ﺍﯾﺴﯽ ﮨﻮﺗﯽ ﺗﮭﯽ
ﮐﮧ ﺣﺪﯾﺚ ﮐﺎ ﻣﻔﮩﻮﻡ ﺩﻝ ﻣﯿﮟ ﺍُﺗﺮ ﺟﺎﺋﮯ ﺍﻭﺭ ﺷﺒﮩﺎﺕ ﺧﻮﺩ ﺑﺨﻮﺩ
ﮐﺎﻓﻮﺭ ﮨﻮﺟﺎﺋﯿﮟ۔
ﺍﻧﮩﯽ ﮐﺎ ﻭﺍﻗﻌﮧ ﮨﮯ ﮐﮧ ﺁﭖ ﮐﺎ ﺯﻧﺎﻧﮧ ﻣﮑﺎﻥ ﺍﻭﺭ ﻧﺸﺴﺖ ﮔﺎﮦ ﮐﭽﯽ
ﻣﭩﯽ ﮐﯽ ﺑﻨﯽ ﮨﻮﺋﯽ ﺗﮭﯿﮟ، ﮨﺮ ﺳﺎﻝ ﺑﺮﺳﺎﺕ ﮐﮯ ﻣﻮﺍﻗﻊ ﭘﺮ ﺍﺱ
ﮐﯽ ﻟﭙﺎﺋﯽ ﭘﺘﺎﺋﯽ ﻧﺎﮔﺰﯾﺮ ﺗﮭﯽ ﺟﺲ ﻣﯿﮟ ﮐﺎﻓﯽ ﭘﯿﺴﮧ ﺍﻭﺭ ﻭﻗﺖ
ﺧﺮﭺ ﮨﻮﺗﺎ ﺗﮭﺎ۔ ﺍﯾﮏ ﻣﺮﺗﺒﮧ ﺭﺍﻗﻢ ﺍﻟﺤﺮﻭﻑ ﮐﮯ ﻭﺍﻟﺪ ﻣﺎﺟﺪ (ﺣﻀﺮﺕ
ﻣﻮﻻﻧﺎ ﻣﻔﺘﯽ ﻣﺤﻤﺪ ﺷﻔﯿﻊ ﺻﺎﺣﺐ ﻣﺪﻇﻠﮩﻢ) ﻧﮯ ﺣﻀﺮﺕ ﻣﯿﺎﮞ
ﺻﺎﺣﺐ ﺭﺣﻤﺔ ﺍﻟﻠﻪ ﻋﻠﻴﻪ ﺳﮯ ﮐﮩﺎ ﮐﮧ : ” ﺣﻀﺮﺕ! ﺟﺘﻨﺎ ﺧﺮﭺ ﺳﺎﻻﻧﮧ
ﺍﺱ ﮐﯽ ﻟﭙﺎﺋﯽ ﭘﺮ ﮐﺮﺗﮯ ﮨﯿﮟ، ﺍﮔﺮ ﺍﯾﮏ ﻣﺮﺗﺒﮧ ﭘﺨﺘﮧ ﺍﯾﻨﭩﻮﮞ ﺳﮯ
ﺑﻨﺎﻧﮯ ﻣﯿﮟ ﺧﺮﭺ ﮐﺮﻟﯿﮟ ﺗﻮ ﺩﻭﺗﯿﻦ ﺳﺎﻝ ﻣﯿﮟ ﯾﮧ ﺧﺮﭺ ﺑﺮﺍﺑﺮ
ﮨﻮﺟﺎﺋﮯ ﺍﻭﺭ ﮨﻤﯿﺸﮧ ﮐﮯ ﻟﯿﮯ ﺍﺱ ﻣﺤﻨﺖ ﺳﮯ ﻧﺠﺎﺕ ﮨﻮ۔ “
ﯾﮧ ﺳﻦ ﮐﺮ ﭘﮩﻠﮯ ﺗﻮ ﻓﺮﻣﺎﯾﺎ : ”ﻣﺎﺷﺎﺀ ﺍﻟﻠﮧ ﺑﺎﺕ ﺗﻮ ﺑﮩﺖ ﻋﻘﻞ ﮐﯽ
ﮐﮩﯽ، ﮨﻢ ﺑﻮﮌﮬﮯ ﮨﻮﮔﺌﮯ ﺍﺩﮬﺮ ﺩﮬﯿﺎﻥ ﮨﯽ ﻧﮧ ﺁﯾﺎ۔ “ ﭘﮭﺮ ﮐﭽﮫ
ﺗﻮﻗﻒ ﮐﮯ ﺑﻌﺪ ﺟﻮ ﺣﻘﯿﻘﺖ ﺣﺎﻝ ﺗﮭﯽ ﻭﮦ ﺑﺘﺎﺋﯽ ﺍﻭﺭ ﺗﺐ ﭘﺘﮧ ﭼﻼ
ﮐﮧ ﯾﮧ ﺣﻀﺮﺍﺕ ﮐﺲ ﻣﻘﺎﻡ ﺳﮯ ﺳﻮﭼﺘﮯ ﺗﮭﮯ؟ ﻓﺮﻣﺎﯾﺎﮐﮧ :
” ﻣﯿﺮﮮ ﭘﮍﻭﺱ ﻣﯿﮟ ﺳﺐ ﻏﺮﯾﺒﻮﮞ ﮐﮯ ﮐﭽﮯ ﻣﮑﺎﻥ ﮨﯿﮟ، ﺍﮔﺮ ﻣﯿﮟ
ﺍﭘﻨﺎ ﻣﮑﺎﻥ ﭘﮑﺎ ﺑﻨﻮﺍﻟﻮﮞ ﺗﻮ ﻏﺮﯾﺐ ﭘﮍﻭﺳﯿﻮﮞ ﮐﻮ ﺣﺴﺮﺕ ﮨﻮﮔﯽ ﺍﻭﺭ
ﺍﺗﻨﯽ ﻭﺳﻌﺖ ﻧﮩﯿﮟ ﮐﮧ ﺳﺐ ﮐﮯ ﻣﮑﺎﻥ ﭘﮑﮯ ﺑﻨﺎﺅﮞ “۔
ﺣﻀﺮﺕ ﻭﺍﻟﺪ ﺻﺎﺣﺐ ﻣﺪﻇﻠﮩﻢ ﺗﺤﺮﯾﺮ ﻓﺮﻣﺎﺗﮯ ﮨﯿﮟ :
” ﺍﺱ ﻭﻗﺖ ﻣﻌﻠﻮﻡ ﮨﻮﺍ ﮐﮧ ﯾﮧ ﺣﻀﺮﺍﺕ ﺟﻮ ﮐﭽﮫ ﺳﻮﭼﺘﮯ ﮨﯿﮟ ﻭﮨﺎﮞ
ﺗﮏ ﮨﺮ ﺍﯾﮏ ﮐﯽ ﺭﺳﺎﺋﯽ ﻧﮩﯿﮟ ﮨﻮﺳﮑﺘﯽ، ﭼﻨﺎﻧﭽﮧ ﺍﻧﮭﻮﮞ ﻧﮯ ﺍﺱ
ﻭﻗﺖ ﺗﮏ ﺍﭘﻨﮯ ﻣﮑﺎﻥ ﮐﻮ ﭘﺨﺘﮧ ﻧﮩﯿﮟ ﮐﯿﺎ ﺟﺐ ﺗﮏ ﭘﮍﻭﺳﯿﻮﮞ ﮐﮯ
ﻣﮑﺎﻥ ﭘﮑﮯ ﻧﮩﯿﮟ ﺑﻦ ﮔﺌﮯ۔ )“۲۴)
۱۹ - ﺍﻧﮩﯽ ﺣﻀﺮﺕ ﻣﯿﺎﮞ ﺻﺎﺣﺐ ﺭﺣﻤﺔ ﺍﻟﻠﻪ ﻋﻠﻴﻪ ﮐﺎ ﻭﺍﻗﻌﮧ ﮨﮯ ﮐﮧ
ﺍﯾﮏ ﻣﺮﺗﺒﮧ ﺣﻀﺮﺕ ﻭﺍﻟﺪ ﺻﺎﺣﺐ ﻣﺪﻇﻠﮩﻢ ﺍﻥ ﮐﮯ ﮔﮭﺮ ﺗﺸﺮﯾﻒ ﻟﮯ
ﮔﺌﮯ ﺗﻮ ﺍﻧﮭﻮﮞ ﻧﮯ ﺁﻣﻮﮞ ﺳﮯ ﺗﻮﺍﺿﻊ ﮐﯽ ﺟﺐ ﺁﻡ ﭼﻮﺱ ﮐﺮ ﻓﺎﺭﻍ
ﮨﻮﮔﺌﮯ ﺗﻮ ﻭﺍﻟﺪ ﺻﺎﺣﺐ ﻣﺪﻇﻠﮩﻢ ﮔﭩﮭﻠﯿﻮﮞ ﺍﻭﺭ ﭼﮭﻠﮑﻮﮞ ﺳﮯ ﺑﮭﺮﯼ
ﮨﻮﺋﯽ ﭨﻮﮐﺮﯼ ﺍُﭨﮭﺎﮐﺮ ﺑﺎﮨﺮ ﭘﮭﯿﻨﮑﻨﮯ ﮐﮯ ﻟﯿﮯ ﭼﻠﮯ، ﺣﻀﺮﺕ ﻣﯿﺎﮞ
ﺻﺎﺣﺐ ﺭﺣﻤﺔ ﺍﻟﻠﻪ ﻋﻠﻴﻪ ﻧﮯ ﺩﯾﮑﮭﺎ ﺗﻮ ﭘﻮﭼﮭﺎ : ” ﯾﮧ ﭨﻮﮐﺮﯼ ﮐﮩﺎﮞ
ﻟﮯ ﮐﺮ ﭼﻠﮯ “ ؟ ﻋﺮﺽ ﮐﯿﺎ : ”ﭼﮭﻠﮑﮯ ﺑﺎﮨﺮ ﭘﮭﯿﻨﮑﻨﮯ ﺟﺎﺭﮨﺎ ﮨﻮﮞ “
ﺍﺭﺷﺎﺩ ﮨﻮﺍ ”ﭘﮭﯿﻨﮑﻨﮯ ﺁﺗﮯ ﮨﯿﮟ ﯾﺎ ﻧﮩﯿﮟ “ ؟ ﻭﺍﻟﺪ ﺻﺎﺣﺐ ﻧﮯ ﮐﮩﺎ ﮐﮧ
” ﺣﻀﺮﺕ! ﯾﮧ ﭼﮭﻠﮑﮯ ﭘﮭﯿﻨﮑﻨﺎ ﮐﻮﻥ ﺳﺎ ﺧﺼﻮﺻﯽ ﻓﻦ ﮨﮯ ﺟﺴﮯ
ﺳﯿﮑﮭﻨﮯ ﮐﯽ ﺿﺮﻭﺭﺕ ﮨﻮ؟ “ ﻓﺮﻣﺎﯾﺎ : ﮨﺎﮞ! ﺗﻢ ﺍﺱ ﻓﻦ ﺳﮯ ﻭﺍﻗﻒ
ﻧﮩﯿﮟ، ﻻﺅ، ﻣﺠﮭﮯ ﺩﻭ “، ﺧﻮﺩ ﭨﻮﮐﺮﯼ ﺍُﭨﮭﺎﮐﺮ ﭘﮩﻠﮯ ﭼﮭﻠﮑﮯ
ﮔﭩﮭﻠﯿﻮﮞ ﺳﮯ ﺍﻟﮓ ﮐﯿﮯ، ﺍﺱ ﮐﮯ ﺑﻌﺪ ﺑﺎﮨﺮ ﺗﺸﺮﯾﻒ ﻻﺋﮯ ﺍﻭﺭ
ﺳﮍﮎ ﮐﮯ ﮐﻨﺎﺭﮮ ﺗﮭﻮﮌﮮ ﺗﮭﻮﮌﮮ ﻓﺎﺻﻠﮯ ﺳﮯ ﻣﻌﯿﻦ ﺟﮕﮩﻮﮞ ﭘﺮ
ﭼﮭﻠﮯ ﺭﮐﮫ ﺩﯾﮯ ﺍﻭﺭ ﺍﯾﮏ ﺧﺎﺹ ﺟﮕﮧ ﮔﭩﮭﻠﯿﺎﮞ ﮈﺍﻝ ﺩﯾﮟ، ﻭﺍﻟﺪ
ﺻﺎﺣﺐ ﮐﮯ ﺍﺳﺘﻔﺴﺎﺭ ﭘﺮ ﺍﺭﺷﺎﺩ ﮨﻮﺍ ﮐﮧ : ”ﮨﻤﺎﺭﮮ ﻣﮑﺎﻥ ﮐﮯ ﻗﺮﺏ
ﻭﺟﻮﺍﺭ ﻣﯿﮟ ﺗﻤﺎﻡ ﻏﺮﺑﺎﺀ ﻭﻣﺴﺎﮐﯿﻦ ﺭﮨﺘﮯ ﮨﯿﮟ، ﺯﯾﺎﺩﮦ ﺗﺮ ﻭﮨﯽ ﻟﻮﮒ
ﮨﯿﮟ ﺟﻦ ﮐﻮ ﻧﺎﻥِ ﺟﻮﯾﮟ ﺑﮭﯽ ﺑﻤﺸﮑﻞ ﮨﯽ ﻣﯿﺴﺮ ﺁﺗﯽ ﮨﮯ، ﺍﮔﺮ ﻭﮦ
ﭘﮭﻠﻮﮞ ﮐﮯ ﭼﮭﻠﮑﮯ ﯾﮑﺠﺎ ﺩﯾﮑﮭﯿﮟ ﮔﮯ ﺗﻮ ﺍﻥ ﮐﻮ ﺍﭘﻨﯽ ﻏﺮﯾﺒﯽ ﮐﺎ
ﺷﺪﺕ ﺳﮯ ﺍﺣﺴﺎﺱ ﮨﻮﮔﺎ ﺍﻭﺭ ﺑﮯ ﻣﺎﯾﮕﯽ ﮐﯽ ﻭﺟﮧ ﺳﮯ ﺣﺴﺮﺕ
ﮨﻮﮔﯽ ﺍﻭﺭ ﺍﺱ ﺍﯾﺬﺍ ﺩﮨﯽ ﮐﺎ ﺑﺎﻋﺚ ﻣﯿﮟ ﺑﻨﻮﮞ ﮔﺎ ﺍﺱ ﻟﯿﮯ ﻣﺘﻔﺮﻕ
ﮐﺮﮐﮯ ﮈﺍﻟﺘﺎ ﮨﻮﮞ ﺍﻭﺭ ﻭﮦ ﺑﮭﯽ ﺍﯾﺴﮯ ﻣﻘﺎﻣﺎﺕ ﭘﺮ ﺟﮩﺎﮞ ﺟﺎﻧﻮﺭﻭﮞ
ﮐﮯ ﮔﻠﮯ ﮔﺰﺭﺗﮯ ﮨﯿﮟ، ﯾﮧ ﭼﮭﻠﮑﮯ ﺍﻥ ﮐﮯ ﮐﺎﻡ ﺁﺟﺎﺗﮯ ﮨﯿﮟ ﺍﻭﺭ
ﮔﭩﮭﻠﯿﺎﮞ ﺍﯾﺴﯽ ﺟﮕﮧ ﺭﮐﮭﯽ ﮨﯿﮟ ﺟﮩﺎﮞ ﺑﭽﮯ ﮐﮭﯿﻠﺘﮯ ﮐﻮﺩﺗﮯ ﮨﯿﮟ،
ﻭﮦ ﺍﻥ ﮔﭩﮭﻠﯿﻮﮞ ﮐﻮ ﺑﮭﻮﻥ ﮐﺮ ﮐﮭﺎﻟﯿﺘﮯ ﮨﯿﮟ، ﯾﮧ ﭼﮭﻠﮑﮯ ﺍﻭﺭ
ﮔﭩﮭﻠﯿﺎﮞ ﺑﮭﯽ ﺑﮩﺮﺣﺎﻝ ﺍﯾﮏ ﻧﻌﻤﺖ ﮨﯿﮟ، ﺍُﻥ ﮐﻮ ﺑﮭﯽ ﺿﺎﺋﻊ ﮐﺮﻧﺎ
ﻣﻨﺎﺳﺐ ﻧﮩﯿﮟ۔ “ ﺭﺍﻗﻢ ﺍﻟﺤﺮﻭﻑ ﮐﮯ ﺑﺮﺍﺩﺭِ ﻣﺮﺣﻮﻡ ﻣﻮﻻﻧﺎ ﻣﺤﻤﺪ
ﺯﮐﯽ ﮐﯿﻔﯽ ﺻﺎﺣﺐ ﺟﻮ ﺍﺱ ﻭﺍﻗﻌﮯ ﮐﮯ ﻭﻗﺖ ﻣﻮﺟﻮﺩ ﺗﮭﮯ ﺗﺤﺮﯾﺮ
ﻓﺮﻣﺎﺗﮯ ﮨﯿﮟ :
” ﯾﮩﺎﮞ ﯾﮧ ﺑﺎﺕ ﺑﮭﯽ ﭘﯿﺶ ﻧﻈﺮ ﺭﮨﻨﮯ ﮐﯽ ﮨﮯ ﮐﮧ ﻣﯿﺎﮞ ﺻﺎﺣﺐ
ﺭﺣﻤﺔ ﺍﻟﻠﻪ ﻋﻠﻴﻪ ﺧﻮﺩ ﺗﻮ ﺷﺎﯾﺪ ﮨﯽ ﮐﺒﮭﯽ ﮐﻮﺋﯽ ﺁﻡ ﭼﮑﮫ ﻟﯿﺘﮯ
ﮨﻮﮞ، ﻋﻤﻮﻣﺎً ﻣﮩﻤﺎﻧﻮﮞ ﮨﯽ ﮐﮯ ﻟﯿﮯ ﮨﻮﺗﮯ ﺗﮭﮯ ﺍﻭﺭ ﻣﺤﻠﮯ ﮐﮯ
ﻏﺮﯾﺐ ﺑﭽﻮﮞ ﮐﻮ ﺑﻼﺑﻼ ﮐﺮ ﮐﮭﻼﻧﮯ ﻣﯿﮟ ﺍﺳﺘﻌﻤﺎﻝ ﮨﻮﺗﮯ ﺗﮭﮯ، ﺍﺱ
ﮐﮯ ﺑﺎﻭﺟﻮﺩ ﭼﮭﻠﮑﮯ ﮔﭩﮭﻠﯿﻮﮞ ﮐﺎ ﯾﮑﺠﺎ ﮈﮬﯿﺮ ﮐﺮﺩﯾﻨﮯ ﺳﮯ ﮔﺮﯾﺰ
ﻓﺮﻣﺎﺗﮯ ﺗﮭﮯ ﮐﮧ ﻏﺮﯾﺒﻮﮞ ﮐﯽ ﺣﺴﺮﺕ ﮐﺎ ﺳﺒﺐ ﻧﮧ ﺑﻦ
ﺟﺎﺋﯿﮟ۔ )“۲۵)
( ﺑﺎﻗﯽ ﺁﺋﻨﺪﮦ)
ﺣﻮﺍﺷﯽ :
( ۱) ﺍﺷﺮﻑ ﺍﻟﺴﻮﺍﻧﺢ،ﺹ : ۱۳۶،۱۳۷ ،ﺝ۱۔ ( ۲) ﺍﺭﻭﺍﺡِ
ﺛﻼﺛﮧ،ﺹ : ۱۷۶، ﻧﻤﺒﺮ۲۳۰۔ ( ۳) ﺍﯾﻀﺎً،ﺹ :۲۰۶، ﻧﻤﺒﺮ۲۸۸۔ ( ۴)
ﺍﺭﻭﺍﺡِ ﺛﻼﺛﮧ، ﺹ : ۲۸۶، ﻧﻤﺒﺮ۴۳۶۔ ( ۵) ﯾﮧ ﻭﺍﻗﻌﮧ ﻣﺬﮐﻮﺭﮦ ﺗﻔﺼﯿﻞ
ﮐﮯ ﺳﺎﺗﮫ ﺍﺣﻘﺮ ﻧﮯ ﺍﭘﻨﮯ ﻭﺍﻟﺪ ﻣﺎﺟﺪ ﺣﻀﺮﺕ ﻣﻮﻻﻧﺎ ﻣﻔﺘﯽ ﻣﺤﻤﺪ
ﺷﻔﯿﻊ ﺻﺎﺣﺐ ﻣﺪﻇﻠﮩﻢ ﺳﮯ ﺳﻨﺎ ﮨﮯ ﺍﻭﺭ ﺍﻧﮭﻮﮞ ﻧﮯ ﺣﮑﯿﻢ ﺍﻻﻣﺖ
ﺣﻀﺮﺕ ﻣﻮﻻﻧﺎ ﺍﺷﺮﻑ ﻋﻠﯽ ﺗﮭﺎﻧﻮﯼ ﺻﺎﺣﺐ ﻗﺪﺱ ﺳﺮﮦ ﺳﮯ ﺍﻭﺭ
ﺍﺳﯽ ﮐﺎ ﺧﻼﺻﮧ ﺣﻀﺮﺕ ﻣﯿﺎﮞ ﺻﺎﺣﺐ ﺭﺣﻤﺔ ﺍﻟﻠﻪ ﻋﻠﻴﻪ ﻧﮯ ﺣﯿﺎﺕِ
ﺷﯿﺦ ﺍﻟﮩﻨﺪ،ﺹ :۱۶۷ ﻣﯿﮟ ﺑﮭﯽ ﮐﯿﺎ ﮨﮯ۔ ( ۶) ﯾﮧ ﻭﺍﻗﻌﮧ ﺍﺣﻘﺮ ﻧﮯ
ﺍﭘﻨﮯ ﻭﺍﻟﺪ ﻣﺎﺟﺪ ﺣﻀﺮﺕ ﻣﻮﻻﻧﺎ ﻣﻔﺘﯽ ﻣﺤﻤﺪ ﺷﻔﯿﻊ ﺻﺎﺣﺐ ﻣﺪﻇﻠﮩﻢ
ﺳﮯ ﺳﻨﺎ ﮨﮯ ﺍﻭﺭ ﺍﻧﮭﻮﮞ ﻧﮯ ﺍﭘﻨﮯ ﺍﯾﮏ ﮨﻢ ﺳﺒﻖ ﻋﺎﻟﻢ ﻣﻮﻻﻧﺎ ﻣﻐﯿﺚ
ﺍﻟﺪﯾﻦ ﺻﺎﺣﺐ ﺳﮯ ﺳﻨﺎ ﺗﮭﺎ ﺟﻮ ﺩﯾﻮﺑﻨﺪ ﺳﮯ ﻓﺎﺭﻍ ﮨﻮﮐﺮ ﻣﻌﻘﻮﻻﺕ
ﭘﮍﮬﻨﮯ ﮐﮯ ﻟﯿﮯ ﺍﺟﻤﯿﺮ ﭼﻠﮯ ﮔﺌﮯ ﺗﮭﮯ ﺍﻭﺭ ﺁﺧﺮ ﻣﯿﮟ ﻣﺪﯾﻨﮧ ﻃﯿﺒﮧ
ﮨﺠﺮﺕ ﮐﺮﮔﺌﮯ ﻟﯿﮑﻦ ﭼﻮﻧﮑﮧ ﻭﺍﻗﻌﮧ ﺳﻨﮯ ﮨﻮﺋﮯ ﮐﺎﻓﯽ ﻋﺮﺻﮧ ﮨﻮﮔﯿﺎ
ﺗﮭﺎ۔ ﺍﺱ ﻟﯿﮯ ﭼﻨﺪ ﺳﺎﻝ ﭘﮩﻠﮯ ﺣﻀﺮﺕ ﻭﺍﻟﺪ ﺻﺎﺣﺐ ﻣﺪﻇﻠﮩﻢ ﻧﮯ ﺍﻥ
ﺳﮯ ﺣﺮﻡِ ﻧﺒﻮﯼ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ ﻣﯿﮟ ﺍﺱ ﮐﯽ ﺗﺼﺪﯾﻖ
ﻓﺮﻣﺎﺋﯽ۔ ( ۷) ﺣﯿﺎﺕِ ﺍﻧﻮﺭ،ﺹ :۱۱۹ ﺑﺮﻭﺍﯾﺖ ﻣﻮﻻﻧﺎ ﻣﺤﻤﺪ ﺍﺩﺭﯾﺲ
ﮐﺎﻧﺪﮬﻠﻮﯼ ﺭﺣﻤﺔ ﺍﻟﻠﻪ ﻋﻠﻴﻪ۔( ۸) ﺍﻧﻮﺍﺭِ ﺍﻧﻮﺭﯼ، ﻣﻮٴﻟﻔﮧ ﻣﻮﻻﻧﺎ ﻣﺤﻤﺪ
ﺍﻧﻮﺭﯼ ﺭﺣﻤﺔ ﺍﻟﻠﻪ ﻋﻠﻴﻪ،ﺹ : ۳۲۔ ( ۹) ﺍﯾﻀﺎً،ﺹ :۳۶۔ ( ۱۰) ﻧﻔﺤﺔ
ﺍﻟﻌﻨﺒﺮ،ﺹ :۲۷ ﻃﺒﻊ ﻣﺠﻠﺲ ﻋﻠﻤﯽ ﮐﺮﺍﭼﯽ۔ ( ۱۱) ﺣﯿﺎﺕِ
ﺍﻧﻮﺭ،ﺹ :۱۳۹۔( ۱۲) ﺣﯿﺎﺕِ ﺍﻧﻮﺭ،ﺹ :۲۲۵ ﺗﺎ ۲۲۸۔ ( ۱۳) ﺣﯿﺎﺕِ
ﺍﻧﻮﺭ،ﺹ : ۲۲۹،۲۳۰۔ ( ۱۴) ﻧﻔﺤﺔ ﺍﻟﻌﻨﺒﺮ،ﺹ : ۲۷۔ ( ۱۵) ﺣﯿﺎﺕِ
ﺍﻧﻮﺭ،ﺹ :۲۳۳۔ ( ۱۶) ﺣﯿﺎﺕِ ﺍﻧﻮﺭ،ﺹ :۲۳۳۔ ( ۱۷) ” ﻣﯿﺮﮮ ﻭﺍﻟﺪ
ﻣﺎﺟﺪ “ ﻣﻮٴﻟﻔﮧ ﺣﻀﺮﺕ ﻣﻮﻻﻧﺎ ﻣﻔﺘﯽ ﻣﺤﻤﺪ ﺷﻔﯿﻊ ﺻﺎﺣﺐ ﻣﺪﻇﻠﮩﻢ :
ﺹ ۵۴،۵۵۔ ( ۱۸) ﺍﺭﻭﺍﺡِ ﺛﻼﺛﮧ،ﺹ : ۱۴۸، ﻧﻤﺒﺮ۱۸۸۔ ( ۱۹) ﺍﺭﻭﺍﺡ
ﺛﻼﺛﮧ،ﺹ : ۱۵۳، ﻧﻤﺒﺮ ۱۹۷۔ ( ۲۰) ﻧﻘﻮﺵ ﻭﺗﺎﺛﺮﺍﺕ، ﻣﻮٴﻟﻔﮧ ﺣﻀﺮﺕ
ﻣﻮﻻﻧﺎ ﻣﻔﺘﯽ ﻣﺤﻤﺪ ﺷﻔﯿﻊ ﺻﺎﺣﺐ ﻣﺪﻇﻠﮩﻢ،ﺹ : ۳۴۔ ( ۲۱) ﻣﻘﺪﻣﮧ
ﻓﺘﺎﻭﯼٰ ﺩﺍﺭﺍﻟﻌﻠﻮﻡ ﺩﯾﻮﺑﻨﺪ، ﺝ : ۱،ﺹ :۴۳۔ ( ۲۲) ﻧﻘﻮﺵ
ﻭﺗﺎﺛﺮﺍﺕ،ﺹ : ۴۰۔ ( ۲۳) ﻣﺎﮨﻨﺎﻣﮧ ﺍﻟﺒﻼﻍ ﮐﺮﺍﭼﯽ ۔ ﺭﺑﯿﻊ ﺍﻟﺜﺎﻧﯽ
۱۳۸۷ﮪ، ﺹ : ۳۸،۳۹، ﺝ : ۱، ﻣﻀﻤﻮﻥ ”ﺣﻀﺮﺕ ﻣﯿﺎﮞ ﺻﺎﺣﺐ ﺭﺣﻤﺔ
ﺍﻟﻠﻪ ﻋﻠﻴﻪ “۔( ۲۴) ﻣﺎﮨﻨﺎﻣﮧ ﺍﻟﺒﻼﻍ ﮐﺮﺍﭼﯽ۔ ﺭﺑﯿﻊ ﺍﻟﺜﺎﻧﯽ
۱۳۸۷ﮪ،ﺹ : ۳۹،ﺝ : ۱۔ ( ۲۵) ﯾﮧ ﻭﺍﻗﻌﮧ ﺍﺣﻘﺮ ﻧﮯ ﺍﭘﻨﮯ ﻭﺍﻟﺪ ﻣﺎﺟﺪ
ﺣﻀﺮﺕ ﻣﻮﻻﻧﺎ ﻣﻔﺘﯽ ﻣﺤﻤﺪ ﺷﻔﯿﻊ ﺻﺎﺣﺐ ﻣﺪﻇﻠﮩﻢ ﺳﮯ ﺳﻨﺎ ﮨﮯ
ﺍﻭﺭ ﺍﻥ ﮐﻮ ﺧﻮﺩ ﺣﻀﺮﺕ ﻣﻮﻻﻧﺎ ﻣﺤﻤﻮﺩ ﺻﺎﺣﺐ ﺭﺍﻣﭙﻮﺭﯼ ﺭﺣﻤﺔ ﺍﻟﻠﮧ
ﻋﻠﯿﮧ ﻧﮯ ﺳﻨﺎﯾﺎ ﺗﮭﺎ۔
----------------------------

ﺍﺯ : ﻣﻮﻻﻧﺎ ﻣﺤﻤﺪ ﺗﻘﯽ ﻋﺜﻤﺎﻧﯽ

...............................................ﺎﻥ.............

ﻣﺎﻫﻨﺎﻣﻪ ﺩﺍﺭﺍﻟﻌﻠﻮﻡ ، ﺷﻤﺎﺭﻩ 10-9 ، ﺟﻠﺪ : 94 ﺭﻣﻀﺎﻥ - ﺫﻳﻘﻌﺪﻩ
1431 ﮪ ﻣﻄﺎﺑﻖ ﺳﺘﻤﺒﺮ - ﺍﻛﺘﻮﺑﺮ 2010 ﺀ