Friday 10 November 2017

زمزم کے پانی سے وضو اور غسل

زمزم کے پانی سے وضو اور غسل
بطور شفاء شرم گاہ پہ ڈالنا؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
كيا فرماتے ہیں علماء کرام مسئلہ ذیل کے بارے میں کہ زید آب زمزم کو شفا ء کی نیت سے اپنی شرم گاہ یعنی ذکر پر لگاسکتا ہے؟ اس میں کوئی گناہ یا قباحت تو نہیں؟
کیا زمزم سے غسل کرسکتا ہے؟
امید ہیکہ شرع متین کی روشنی میں مدلل جواب عنایت فرمائیں گے۔
المسفتی
قمرالدين مظاہری
عالی پور
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
الجواب وباللہ التوفیق
آپ زمزم سے اصلا وضو اور غسل کیا جاسکتا ہے۔ پانی کا مجد وشرف استعمال کی کراہت کی دلیل نہیں۔
ہاں جسم یا کپڑے سے حقیقی نجاست کا ازالہ ماء زمزم سے مکروہ ہے۔ یعنی ناپاک چیز کو دھونے یا ناپاکی کو زائل کرنے کے لئے آبِ زمزم کا استعمال بہتر نہیں۔ جواز سے انکار نہیں۔ حالت طہر ووضوء میں بطور تبرک غسل اور وضو کرنا بلا کراہت درست ہے۔ ہاں  زمزم سے استنجاء کرنا اور جنبی اور محدث کا غسل کرنا اور کسی ناپاک چیز  یا جگہ کو پاک کرنا مناسب نہیں ہے۔ شرمگاہ پہ اگر نجاست لگی ہوئی نہ ہو تو بطور شفاء علاجا وہاں ماء زمزم  چھڑکنے میں بھی کوئی حرج نہیں۔
ویجوز الاغتسال والتوضی بماء زمزم علی وجہ التبرک ولا یستعمل الا علی شیء طاہر، فلا ینبغی ان یغتسل بہ جنب او محدث ولا فی مکان نجس۔ (غنیۃ الناسک ۱۴۰، شامی بیروت ۴؍۴۶۔۔المغنی لابن قدامہ 138/1 )۔
واللہ اعلم بالصواب
شکیل منصور القاسمی

No comments:

Post a Comment