کیا آپ پالک کے 10 فوائد جانتے ہیں جو انسان

"کیا آپ پالک کے 10 فوائد جانتے ہیں جو انسانی صحت کیلئے ضروری ہیں؟"
برصغیر ہند-پاک میں سردیوں کی آمد آمد کیساتھ ہی بازار میں ہری سبزیوں کی فراوانی ہے۔ جب بھی ہری سبزیوں کا ذکر کیا جاتا ہے تو ان سبزیوں میں سے ایک سبزی پالک کا نام بھی آتا ہے۔ پالک گھروں میں پکائی جانے والی عام سبزیوں میں سے ایک ہے لیکن یہ سبزی اپنے اندر بے شمار فوائد رکھتی ہے۔
پالک سے بہت سے لذیز کھانے تیار کئے جاتے ہیں اور اسے مختلف طریقوں سے پکایا جاتا ہے کبھی پالک کو آلو کے ساتھ شامل کرکے آلو پالک کی لذیذ ڈش تیار کی جاتی ہے اور کبھی پالک کو گوشت میں ڈال کر پکایا جاتا ہے جو سب ہی کھانا بہت پسند کرتے ہیں، ہمارے دیار میں پالک پنیر بے حد مقبول پکوانوں میں سے ایک پکوان ہے۔
پالک میں بے شمار معجزاتی فوائد پائے جاتے ہیں، اس سبزی سے بنے کھانے آپ کو صحت مند رکھنے میں اہم کردار ادا کرتے ہیں۔
غذائیت کے ماہر جو لیون کا کہنا ہے کہ وہ غذائیت سے بھرپور ہرے پتے والی سبزی ’پالک‘ کے فوائد کی وضاحت کریں اور اس سے وابستہ غلط تصورات کو دور کریں۔
پالک کا تعلق سبزیوں اور پودوں کے کینوپوڈیسیائے Chenopodiaceae کنبے سے ہے، جس میں چقندر اور پلاک کے علاوہ کچھ سبزیاں شامل ہیں۔
پالک کی تین مختلف اقسام ہیں:
میلانی پالک، نیم سیویارڈ پالک اور ہموار پتوں والا پالک۔
پالک کھانے کے فوائد:
غذائیت کے ماہر جو لیون کے مطابق پالک کھانے کے انسانی جسم کو دس بڑے فوائد ہیں:
اچھی بصارت کو برقرار رکھنے میں مدد مل سکتی ہے۔
توانائی حاصل کرنے میں مدد دیتی ہے
دل کی صحت کے لئے مدد گار
ہڈیوں کی صحت بہتر بنانے میں مددگار
کینسر کے خلاف جنگ میں معاون ہوتی ہے
حفاظتی اینٹی آکسیڈینٹ کی خصوصیات
فائبر کا مفید ذریعہ
وزن کو متوازن رکھنے میں مدد دیتی ہے
زیادہ چکنائی والی خوراک کے مضر اثرات کو کم کر سکتی ہے
دماغی صحت بہتر بنانے میں مدد گار:
1: اچھی بصارت کو برقرار رکھنے میں مدد مل سکتی ہے
پالک فوائد سے بھری کان کی طرح ہے جو پودوں کے روغن (کلوروفیل اور کیروٹینائڈز) سے بھرپور ہے۔
سوزش ختم کرنے کی صلاحیت رکھنے کے علاوہ، اس پودے کے مرکبات بینائی کی صحت کے لئے اہم ہیں کیونکہ یہ آنکھ کے پردے کے انحطاط اور موتیا کے خطرے کو کم کرنے میں مدد کرتے ہیں۔
2: جسم میں توانائی بڑھاتی ہے:
پالک کو طویل عرصے سے ایک ایسا پودا سمجھا جاتا ہے جو توانائی کو بحال کرنے، قوتِ حیات بڑھانے اور خون کے معیار کو بہتر کرنے کی صلاحیت رکھتا ہے۔ کیونکہ اس میں آئرن یعنی فولاد کثرت سے پایا جاتا ہے۔
آئرن خون کے سرخ خلیوں کے کام میں مرکزی کردار ادا کرتا ہے، پورے جسم میں آکسیجن کی نقل و حمل، توانائی کی پیداوار اور ڈی این اے کی ترکیب میں مدد کرتا ہے۔
پالک میں آکسالک ایسڈ نامی مرکب کی اعلیٰ سطح بھی ہوتی ہے، جو آئرن کے جذب میں رکاوٹ بن سکتی ہے۔ پالک کو کم وقت کے لئے پکانے سے ان اثرات کو کم کرسکتا ہے۔
3: دل کی صحت کے لئے ممکنہ مدد گار:
پالک، چقندر کی طرح قدرتی طور پر نائٹریٹس نامی مرکبات سے بھرپور ہوتی ہے جو خون کی نالیوں کو آرام دے کر شریانوں کی سختی کو کم کرکے اور پھیلاؤ کو فروغ دے کر خون اور اعصابی دباؤ کو کم کرنے میں مدد دیتی ہے۔
بلڈ پریشر کو کم کرنے سے دل کی بیماری اور فالج کے خطرے کو کم کرنے میں مدد مل سکتی ہے۔
مطالعات سے پتہ چلتا ہے کہ نائٹریٹ سے بھرپور غذائیں خاص طور پر سبز پتوں والی سبزیاں جیسے پالک دل کے دورے سے بچنے کی اہلیت بڑھاسکتی ہیں۔
4: ہڈیوں کی صحت میں مددگار:
پالک ’وٹامن کے‘ کے حصول کے ساتھ ساتھ ہڈیوں کے لیے فائدہ مند میگنیشیم، کیلشیم اور فاسفورس کا ایک بہترین ذریعہ ہے۔
: کینسر سے لڑنے میں معاون:
سبزیوں سے بھرپور غذا بشمول پالک جیسی سبز پتوں والی سبزیاں ایک معمولی حفاظتی اثر رکھتی ہیں اور اس وجہ سے کینسر کے خطرے کو کم کرنے میں مدد مل سکتی ہے۔
اس کی وجہ یہ ہے کہ وہ نباتاتی مرکبات سے بھری ہوتی ہیں جسے پولیفینول کہتے ہیں۔ ساتھ ہی ان کے وٹامن مواد، جو کینسر کے خلاف پالک کی حفاظتی خصوصیات کی وضاحت کرسکتے ہیں۔
6: حفاظتی اینٹی آکسیڈینٹ خصوصیات:
پالک کے مرکبات کی طرح نباتاتی مرکبات کا فائدہ یہ ہے کہ وہ جسم کو آکسیڈیشن نامی عمل کے مضر اثرات سے لڑنے میں مدد دیتے ہیں۔
وقت کے ساتھ، یہ عمل دائمی سوزش کا سبب بنتا ہے اور اس وجہ سے عمر سے متعلقہ امراض کا باعث بنتا ہے، جیسے دل کی بیماری اور کینسر۔
7: فائبر کا ایک مفید ذریعہ
پالک ناقابل حل فائبر کا ایک مفید ذریعہ ہے۔
اس قسم کا فائبر آنتوں سے کھانے کے فضلے کے گزرنے میں مدد دیتا ہے اور آنتوں کی صحت اور قوت مدافعت میں حصہ ڈالتا ہے۔
8: وزن کو متوازن رکھنے میں مددگار;
پالک میں پائے جانے والے فعال فائٹو کیمیکلز اور نباتاتی مرکبات سیر ہوجانے کا احساس دلانے والے ہارمونز کے اخراج کو متحرک کرکے کھانے کی مقدار کو روکنے میں مدد کرسکتے ہیں۔
9: زیادہ چکنائی والی خوراک کے نقصان دہ اثرات میں کمی;
تحقیق سے پتہ چلتا ہے کہ پالک کا زیادہ استعمال آنتوں کے مائکرو بایوم، خون کی چربی کی پروفائل، اور جگر میں جمع ہونے والے کولیسٹرول پر زیادہ چکنائی والی خوراک کے منفی اثرات کو کم کرسکتا ہے۔
10: ذہنی صحت کیلئے معاون:
پالک میں اینٹی سٹریس اور اینٹی ڈپریسنٹ خصوصیات پائی جاتی ہیں، کیونکہ یہ سٹریس ہارمون کورٹیسول کو کم کرتا ہے اور موڈ کو کنٹرول کرنے والے نیورو ٹرانسمیٹر کو بڑھاتا ہے، جیسے گلوٹامیٹ اور گلوٹامین۔

کیا پالک سب کیلئے مناسب غذا ہے؟

ہم میں سے اکثریت کے لئے پالک کو ایک متوازن غذا کے طور پر ایک محفوظ اور غذائیت سے بھرپور متبادل ہے۔ تاہم بعض لوگوں کو اسے کھانے میں احتیاط برتنی چاہئے۔

آکسیلیٹ کے زیادہ مواد کی وجہ سے، پالک ان لوگوں کے لئے اچھا انتخاب نہیں ہے جو ماضی میں آکسیلیٹ سے بنی گردے کی پتھری میں مبتلا ہیں۔ اگر آپ کو خدشہ ہے تو پالک کو اعتدال میں کھانے کی کوشش کریں۔

وہ لوگ جو خون کو پتلا کرنے والی دوائیں استعمال کرتے ہیں، جیسے وارفرین، انھیں بھی اس بات سے آگاہ ہونا چاہئے کہ پالک وٹامن 'کے' K کا ذریعہ ہے۔ عام طور پر جو لوگ اس قسم کی دوائیں استعمال کرتے ہیں، ان کی خوراک میں وٹامن K کی مقدار تقریباً اسی سطح پر رہنی چاہئے۔

لہٰذا اپنی خوراک میں کوئی اہم تبدیلی کرنے سے پہلے اپنے معالج سے مشورہ کریں۔

کیا پالک آپ کی صحت کیلئے اچھا ہے؟

پالک ایک متاثر کن غذائیت کی حامل ہے اور حفاظتی پولیفینول اور اینٹی آکسیڈینٹ غذائی اجزا سے بھرپور ہے۔

متوازن غذا کے طور پر اس کا استعمال آکسیڈیٹیو نقصان کو کم کرنے، آنکھوں کی صحت کو برقرار رکھنے اور دل کی بیماری اور کینسر سے بچنے میں مدد دے سکتا ہے۔

واضح رہے کہ پالک کے صحتمند اثرات کا جائزہ لینے والی زیادہ تر تحقیق جانوروں یا ٹیسٹ ٹیوب ماڈلز میں کیے گئے ہیں اور یہ کہ پالک نسبتاً زیادہ مقدار میں کھائی گئی ہے۔ پھر بھی جب تک کہ آپ آکسیلیٹ پر مشتمل گردے کی پتھری کا شکار نہ ہوں یا کچھ تجویز کردہ ادویات نہ لے رہے ہوں، یہ آپ کی خوراک میں شامل کرنے کے قابل ایک ہری سبزی ہے۔

اگر آپ اہم غذائی تبدیلیوں پر غور کررہے ہیں، تو براہ کرم اپنے معالج یا کسی رجسٹرڈ غذائی ماہر سے مشورہ ضرور کرلیں تاکہ یہ یقینی بنایا جاسکے کہ آپ اپنی صحت کو خطرے سے دوچار ہوئے بغیر ایسا کرسکتے ہیں۔ (بقلم: #ایس_اے_ساگر )