جمعہ کی فضیلت اور سورہ جمعہ

ﺍَﻟْﺤَﻤْﺪُ ﻟِﻠّٰﮧِ ﺭَﺏّ ﺍﻟْﻌَﺎﻟَﻤِﯿْﻦ، ﻭَﺍﻟﺼَّﻠَﺎﺓُ ﻭَﺍﻟﺴَّﻠَﺎﻡُ ﻋَﻠَﯽ ﺍﻟﻨَّﺒِﯽِّ ﺍﻟْﮑَﺮِﯾﻢِ ﻭَﻋَﻠٰﯽ ﺍٰﻟِﮧِ ﻭَﺍَﺻﺤَﺎﺑِﮧ ﺍَﺟْﻤَﻌِﯿﻦ ․
ﺍﻟﻠﮧ ﺗﻌﺎﻟﯽٰ ﻧﮯ ﺍﭘﻨﯽ ﻗﺪﺭﺕ ﺳﮯ ﺳﺎﺭﯼ ﮐﺎﺋﻨﺎﺕ ﭘﯿﺪﺍ ﻓﺮﻣﺎﺋﯽ ﺍﻭﺭ ﺍﻥ ﻣﯿﮟ سے ﺑﻌﺾ ﮐﻮ ﺑﻌﺾ ﭘﺮ ﻓﻮﻗﯿﺖ ﺩﯼ․․․․ ﺳﺎﺕ ﺩﻥ ﺑﻨﺎﺋﮯ ، ﺍﻭﺭ ﺟﻤﻌﮧ ﮐﮯ ﺩﻥ ﮐﻮ ﺩﯾﮕﺮ ﺍﯾﺎﻡ ﭘﺮ ﻓﻮﻗﯿﺖ ﺩﯼ۔ ﺟﻤﻌﮧ ﮐﮯ ﻓﻀﺎﺋﻞ ﻣﯿﮟ ﯾﮧ ﺑﺎﺕ ﺧﺎﺹ ﻃﻮﺭ ﭘﺮ ﻗﺎﺑﻞ ﺫﮐﺮ ﮨﮯ ﮐﮧ ﮨﻔﺘﮧ ﮐﮯ ﺗﻤﺎﻡ ﺍﯾﺎﻡ ﻣﯿﮟ ﺻﺮﻑ ﺟﻤﻌﮧ ﮐﮯ ﻧﺎﻡ ﺳﮯ ﮨﯽ ﻗﺮﺁﻥ ﮐﺮﯾﻢ ﻣﯿﮟ ﺳﻮﺭﮦ ﻧﺎﺯﻝ ﮨﻮﺋﯽ ﮨﮯ ﺟﺲ ﮐﯽ ﺭﮨﺘﯽ ﺩﻧﯿﺎ ﺗﮏ ﺗﻼﻭﺕ ﮨﻮﺗﯽ ﺭﮨﮯ ﮔﯽ، ﺍﻥ ﺷﺎﺀ ﺍﻟﻠﮧ۔
ﺳﻮﺭﮦٴ ﺟﻤﻌﮧ ﮐﺎ ﻣﺨﺘﺼﺮ ﺑﯿﺎﻥ :
ﺳﻮﺭﮦٴ ﺟﻤﻌﮧ ﻣﺪﻧﯽ ﮨﮯ۔ ﺍﺱ ﺳﻮﺭﮦ ﻣﯿﮟ ۱۱ ﺁﯾﺎﺕ ﺍﻭﺭ ۲ ﺭﮐﻮﻉ ﮨﯿﮟ۔ ﺍﺱ ﮐﯽ ﺍﺑﺘﺪﺍ ﺍﻟﻠﮧ ﺟﻞ ﺷﺎﻧﮧ ﮐﯽ ﺗﺴﺒﯿﺢ ﺍﻭﺭ ﺗﻌﺮﯾﻒ ﺳﮯ ﮐﯽ ﮔﺌﯽ ﮨﮯ، ﺟﺲ ﻣﯿﮟ ﺍﻟﻠﮧ ﺗﻌﺎﻟﯽٰ ﮐﯽ ﭼﺎﺭﺻﻔﺘﯿﮟ ﺑﯿﺎﻥ ﮐﯽ ﮔﺌﯽ ﮨﯿﮟ :
‏( ۱ ‏) ﺍﻟﻤﻠﮏ ‏( ﺑﺎﺩﺷﺎﮦ ‏) ﺣﻘﯿﻘﯽ ﻭﺩﺍﺋﻤﯽ ﺑﺎﺩﺷﺎﮦ، ﺟﺲ ﮐﯽ ﺑﺎﺩﺷﺎﮨﺖ ﭘﺮ ﮐﺒﮭﯽ ﺯﻭﺍﻝ ﻧﮩﯿﮟ ﮨﮯ۔
‏( ۲ ‏) ﺍﻟﻘﺪﻭﺱ ‏( ﭘﺎﮎ ﺫﺍﺕ ‏) ﺟﻮ ﮨﺮ ﻋﯿﺐ ﺳﮯ ﭘﺎﮎ ﻭﺻﺎﻑ ﮨﮯ۔
‏( ۳ ‏) ﺍﻟﻌﺰﯾﺰ ‏(ﺯﺑﺮﺩﺳﺖ ‏) ﺟﻮ ﭼﺎﮨﺘﺎ ﮨﮯ ﮐﺮﺗﺎ ﮨﮯ، ﻭﮦ ﮐﺴﯽ ﮐﺎ ﻣﺤﺘﺎﺝ ﻧﮩﯿﮟ ﮨﮯ، ﺳﺎﺭﯼ ﮐﺎﺋﻨﺎﺕ ﮐﮯ ﺑﻐﯿﺮ ﺳﺐ ﮐﭽﮫ ﮐﺮﻧﮯ ﻭﺍﻻ ﮨﮯ۔
‏( ۴ ‏) ﺍﻟﺤﮑﯿﻢ ‏(ﺣﮑﻤﺖ ﻭﺍﻻ ‏) ﺍُﺱ ﮐﺎ ﮨﺮ ﻓﯿﺼﻠﮧ ﺣﮑﻤﺖ ﭘﺮ ﻣﺒﻨﯽ ﮨﻮﺗﺎ ﮨﮯ۔
ﺍﺱ ﮐﮯ ﺑﻌﺪ ﻧﺒﯽ ﺍﮐﺮﻡ صلی اللہ علیہ وسلم ﮐﯽ ﺭﺳﺎﻟﺖ ﻭﻧﺒﻮﺕ ﮐﺎ ﺫﮐﺮ ﮐﯿﺎ ﮔﯿﺎ ﮨﮯ ﮐﮧ ﮨﻢ ﻧﮯ ﻧﺎﺧﻮﺍﻧﺪﺍﮦ ﻟﻮﮔﻮﮞ ﻣﯿﮟ ﺍﻥ ﮨﯽ ﻣﯿﮟ ﺳﮯ ﺍﯾﮏ ﺭﺳﻮﻝ ﺑﮭﯿﺠﺎ، ﺟﻮ اﻧﮭﯿﮟ ﮨﻤﺎﺭﯼ ﺁﯾﺘﯿﮟ ﭘﮍﮪ ﮐﺮ ﺳﻨﺎﺗﺎ ﮨﮯ ، ﺍُﻥ ﮐﻮ ﭘﺎﮎ ﮐﺮﺗﺎ ﮨﮯ ﺍﻭﺭ ﺍﻧﮭﯿﮟ ﮐﺘﺎﺏ ﻭﺣﮑﻤﺖ ﺳﮑﮭﺎﺗﺎ ﮨﮯ۔ ﭘﮭﺮ ﯾﮩﻮﺩ ﻭﻧﺼﺎﺭﯼ ﮐﺎ ﺗﺬﮐﺮﮦ ﮐﯿﺎ ﮔﯿﺎ ﮨﮯ۔
ﺍﺱ ﺳﻮﺭﮦ ﮐﯽ ﺁﺧﺮﯼ ۳ ﺁﯾﺘﻮﮞ ﻣﯿﮟ ﻧﻤﺎﺯﺟﻤﻌﮧ ﮐﺎ ﺫﮐﺮ ﮨﮯ :
”ﺍﮮ ﺍﯾﻤﺎﻥ ﻭﺍﻟﻮ ! ﺟﺐ ﺟﻤﻌﮧ ﮐﮯ ﺩﻥ ﻧﻤﺎﺯ ﮐﮯ ﻟﯿﮯ ﭘﮑﺎﺭﺍ ﺟﺎﺋﮯ، ﯾﻌﻨﯽ ﻧﻤﺎﺯ ﮐﯽ ﺍﺫﺍﻥ ﮨﻮﺟﺎﺋﮯ، ﺗﻮ ﺍﻟﻠﮧ ﮐﯽ ﯾﺎﺩ ﮐﮯ ﻟﯿﮯ ﺟﻠﺪﯼ ﮐﺮﻭ۔ ﺍﻭﺭ ﺧﺮﯾﺪ
ﻭﻓﺮﻭﺧﺖ ﭼﮭﻮﮌﺩﻭ۔ ﯾﮧ ﺗﻤﮩﺎﺭﮮ ﺣﻖ ﻣﯿﮟ ﺑﮩﺖ ﮨﯽ ﺑﮩﺘﺮ ﮨﮯ ﺍﮔﺮ ﺗﻢ ﺟﺎﻧﺘﮯ ﮨﻮ۔ ﺁﯾﺖ ۹ ﺍﻭﺭ ﺟﺐ ﻧﻤﺎﺯ ﮨﻮﺟﺎﺋﮯ ﺗﻮ ﺯﻣﯿﻦ ﻣﯿﮟ ﭘﮭﯿﻞ ﺟﺎﻭٴ ﺍﻭﺭ ﺍﻟﻠﮧ ﮐﺎ ﻓﻀﻞ ﺗﻼﺵ ﮐﺮﻭ ﯾﻌﻨﯽ ﺭﺯﻕ ﺣﻼﻝ ﺗﻼﺵ ﮐﺮﻭ۔ ﺍﻭﺭ ﺍﻟﻠﮧ ﮐﻮ ﺑﮩﺖ ﯾﺎﺩ ﮐﺮﻭ؛ ﺗﺎﮐﮧ ﺗﻢ ﮐﺎﻣﯿﺎﺏ ﮨﻮﺟﺎﻭٴ۔ ﴿ﺁﯾﺖ ۱۰﴾ ﺟﺐ ﻟﻮﮒ ﺳﻮﺩﺍ ﺑﮑﺘﺎ ﺩﯾﮑﮭﺘﮯ ﮨﯿﮟ ﯾﺎ تماﺷﮧ ﮨﻮﺗﺎ ﮨﻮﺍ ﺩﯾﮑﮭﺘﮯ ﮨﯿﮟ، ﺗﻮ ﺍُﺩﮬﺮ ﺑﮭﺎﮒ ﺟﺎﺗﮯ ﮨﯿﮟ ﺍﻭﺭ ﺁﭖ ﮐﻮ ﮐﮭﮍﺍ ﭼﮭﻮﮌ ﺩﯾﺘﮯ ﮨﯿﮟ۔ ﺗﻮ ﻓﺮﻣﺎﺩﯾﺠﯿﮯ ﺟﻮ ﺍﻟﻠﮧ ﮐﮯ ﭘﺎﺱ ﮨﮯ ﻭﮦ ﺑﮩﺘﺮ ﮨﮯ،
ﺗﻤﺎﺷﮯ ﺳﮯ ﺍﻭﺭ ﺳﻮﺩﮮ ﺳﮯ، ﺍﻭﺭ ﺍﻟﻠﮧ ﺳﺐ ﺳﮯ ﺑﮩﺘﺮ ﺭﺯﻕ ﺩﯾﻨﮯ ﻭﺍﻟﮯ ﮨﯿﮟ“ ۔ ﴿ﺁﯾﺖ ۱۱﴾
ﺁﺧﺮﯼ ﺁﯾﺖ ‏( ﻧﻤﺒﺮ ۱۱ ‏) ﮐﺎ ﺷﺎﻥ ﻧﺰﻭﻝ : ﺍﺑﺘﺪﺍﺀ ِﺍﺳﻼﻡ ﻣﯿﮟ ﺟﻤﻌﮧ ﮐﯽ ﻧﻤﺎﺯ ﭘﮩﻠﮯ ﺍﻭﺭ ﺧﻄﺒﮧ ﺑﻌﺪ ﻣﯿﮟ ﮨﻮﺗﺎ ﺗﮭﺎ؛ ﭼﻨﺎﻧﭽﮧ ﺍﯾﮏ ﻣﺮﺗﺒﮧ ﻧﺒﯽ ﺍﮐﺮﻡ صلی اللہ علیہ وسلم ﺟﻤﻌﮧ ﮐﯽ ﻧﻤﺎﺯ ﺳﮯ ﻓﺮﺍﻏﺖ ﮐﮯ ﺑﻌﺪ ﺧﻄﺒﮧ ﺩﮮ ﺭﮨﮯ ﺗﮭﮯ ﮐﮧ ﺍﭼﺎﻧﮏ ﻭﺣﯿﮧ ﺑﻦ ﺧﻠﯿﻔﮧ ﮐﺎ ﻗﺎﻓﻠﮧ ﻣﻠﮏ ِﺷﺎﻡ ﺳﮯ ﻏﻠّﮧ ﻟﮯ ﮐﺮ ﻣﺪﯾﻨﮧ ﻣﻨﻮﺭﮦ ﭘﮩﻨﭽﺎ۔
ﺍُﺱ ﺯﻣﺎﻧﮯ ﻣﯿﮟ ﻣﺪﯾﻨﮧ ﻣﻨﻮﺭﮦ ﻣﯿﮟ ﻏﻠّﮧ ﮐﯽ ﺍﻧﺘﮩﺎﺋﯽ ﮐﻤﯽ ﺗﮭﯽ۔ ﺻﺤﺎﺑﮧٴ ﮐﺮﺍﻡ رضوان اللہ علیہم اجمعین ﻧﮯ ﺳﻤﺠﮭﺎ ﮐﮧ ﻧﻤﺎﺯِ ﺟﻤﻌﮧ ﺳﮯ ﻓﺮﺍﻏﺖ ﮨﻮﮔﺌﯽ ﮨﮯ ﺍﻭﺭ ﮔﮭﺮﻭﮞ ﻣﯿﮟ ﻏﻠّﮧ ﻧﮩﯿﮟ ﮨﮯ، ﮐﮩﯿﮟ ﺳﺎﻣﺎﻥ ﺧﺘﻢ ﻧﮧ ﮨﻮﺟﺎﺋﮯ؛ ﭼﻨﺎﻧﭽﮧ ﺧﻄﺒﮧٴ ﺟﻤﻌﮧ ﭼﮭﻮﮌﮐﺮ ﺑﺎﮨﺮ ﺧﺮﯾﺪ ﻭﻓﺮﻭﺧﺖ کیلئے ﭼﻠﮯ ﮔﺌﮯ، ﺻﺮﻑ ۱۲ ﺻﺤﺎﺑﮧ کرام رضوان علیہم اجمعین ﻣﺴﺠﺪ ﻣﯿﮟ ﺭﮦ ﮔﺌﮯ، ﺍﺱ ﻣﻮﻗﻊ ﭘﺮ ﯾﮧ ﺁﯾﺖ ﻧﺎﺯﻝ ﮨﻮﺋﯽ۔
ﺣﻀﺮﺕ ﻋﺮﺍﮎ ﺑﻦ ﻣﺎﻟﮏ رضی اللہ عنہ ﺟﻤﻌﮧ ﮐﯽ ﻧﻤﺎﺯ ﺳﮯ ﻓﺎﺭﻍ ﮨﻮﮐﺮﻟﻮﭦ ﮐﺮ ﻣﺴﺠﺪ ﮐﮯ ﺩﺭﻭﺍﺯﮦ ﭘﺮ ﮐﮭﮍﮮ ﮨﻮﺟﺎﺗﮯ ﺍﻭﺭ ﯾﮧ ﺩﻋﺎ ﭘﮍﮬﺘﮯ :
ﺍﻟﻠّٰﮩُﻢَّ ﺍِﻧّﯽ ﺍَﺟَﺒْﺖُ ﺩَﻋْﻮَﺗَﮏَ، ﻭَﺻَﻠّﯿْﺖُ ﻓَﺮِﯾْﻀَﺘَﮏ، ﻭَﺍﻧْﺘَﺸَﺮْﺕُ ﮐَﻤَﺎ ﺍَﻣَﺮْﺗَﻨِﯽ ﻓَﺎﺭْﺯُﻗْﻨِﯽ ﻣِﻦْ ﻓَﻀْﻠِﮏ ﻭَﺍَﻧْﺖَ ﺧَﯿْﺮُ ﺍﻟﺮَّﺍﺯِﻗِﯿﻦ۔
ﺍﮮ ﺍﻟﻠﮧ ! ﻣﯿﮟ ﻧﮯ ﺗﯿﺮﯼ ﺁﻭﺍﺯ ﭘﺮ ﺣﺎﺿﺮﯼ ﺩﯼ، ﺍﻭﺭ ﺗﯿﺮﯼ ﻓﺮﺽ ﻧﻤﺎﺯ ﺍﺩﺍ ﮐﯽ، ﭘﮭﺮ ﺗﯿﺮﮮ ﺣﮑﻢ ﮐﮯ ﻣﻄﺎﺑﻖ ﺍﺱ ﻣﺠﻤﻊ ﺳﮯ ﺍﭨﮫ ﺁﯾﺎ، ﺍﺏ ﺗﻮ ﻣﺠﮭﮯ ﺍﭘﻨﺎ ﻓﻀﻞ ﻧﺼﯿﺐ ﻓﺮﻣﺎ ، ﺗﻮ ﺳﺐ ﺳﮯ ﺑﮩﺘﺮ ﺭﻭﺯﯼ ﺭﺳﺎﮞ ﮨﮯ۔ ‏(ﺍﺑﻦ ﺍﺑﯽ ﺣﺎﺗﻢ ‏) ﺗﻔﺴﯿﺮ ﺍﺑﻦ ﮐﺜﯿﺮ۔ ﺍﺱ ﺁﯾﺖ ﮐﮯ ﭘﯿﺶ ﻧﻈﺮ ﺑﻌﺾ ﺳﻠﻒ ﺻﺎﻟﺤﯿﻦ ﻧﮯ ﻓﺮﻣﺎﯾﺎ ﮨﮯ ﮐﮧ ﺟﻮ ﺷﺨﺺ ﺟﻤﻌﮧ ﮐﮯ ﺩﻥ ﻧﻤﺎﺯِ ﺟﻤﻌﮧ ﮐﮯ ﺑﻌﺪ ﺧﺮﯾﺪ ﻭﻓﺮﻭﺧﺖ ﮐﺮﮮ، ﺍﺳﮯ ﺍﻟﻠﮧ ﺗﻌﺎﻟﯽٰ ﺳﺘﺮ ﺣﺼﮯ ﺯﯾﺎﺩﮦ ﺑﺮﮐﺖ ﺩﮮ ﮔﺎ۔
‏(ﺗﻔﺴﯿﺮ ﺍﺑﻦ ﮐﺜﯿﺮ ‏) ۔
خذ ما صفا ودع ما کدر